ڢِرِسْتُواْثِے 18 - أَتَّوْرَتْ دَ أَنَّبَاوَاڧَٰعِدُواْدِنْ جِمَاعِ دُواْمِنْ مُتَنٜىٰنْ اللَّهْ 1 يَهْوٜىٰهْ يَكُمَيِ مَغَنَ دَ مُوسَٰى ثٜىٰوَ 2 يَيِ مَغَنَ دَ مُتَنٜىٰنْ إِسْرَٰٓءِيلَ يَثٜىٰ مُسُ «نِنٜىٰ يَهْوٜىٰهْ اللَّهْ نْكُ؞ 3 بَذَاكُيِ رَايُوَا إِرِنْ تَمُتَنٜىٰنْ ڧَسَرْ مَصَرْ عِنْدَ دَا كُكٜىٰ ذَمَبَ؞ بَذَاكُ كُمَيِ رَايُوَا إِرِنْ تَمُتَنٜىٰنْ ڧَسَرْ كَنْعَنَ عِنْدَ ذَنْ كَيْكُبَ؞ بَذَاكُبِے ڧَٰعِدُواْدِنْسُبَ؞ 4 ذَاكُيِ بِيَيَّ دَ عُمَرْنَيْنَ، كُكِيَايٜىٰ ڧَٰعِدُواْدِنَ، كُكُمَيِ تَڢِيَ عَثِكِنْسُ؞ نِنٜىٰ يَهْوٜىٰهْ اللَّهْ نْكُ؞ 5 ذَاكُ كِيَايٜىٰ ڧَٰعِدُواْدِنَ دَ عُمَرْنَيْنَ؞ دُكْ مُتُمِنْ دَ يَيِ بِيَيَّ دَسُو ذَيْ رَايُ؞ نِنٜىٰ يَهْوٜىٰهْ؞ 6 «بَذَاكَيِ جِمَاعِ دَ دَنْغِ نَكُسَ دَكَيْ بَ؞ نِنٜىٰ يَهْوٜىٰهْ؞ 7 «بَذَاكَ ڧَسْڧَنْتَرْ دَ بَابَنْكَ تَوُرِنْ جِمَاعِ دَ مَامَرْكَبَ؞ أَيْ، عِتَ مَامَرْكَثٜىٰ، كَدَ كَيِ جِمَاعِ دَ عِتَ؞ 8 بَذَاكَيِ جِمَاعِ دَ مَاتَرْ بَابَنْكَبَ، وَنَّنْ ذَيْ ڧَسْڧَنْتَرْ دَ بَابَنْكَ؞ 9 «بَذَاكَيِ جِمَاعِ دَ یَرْعُوَرْكَبَ، كُواْ یَرْ بَابَنْكَ نٜىٰ كُواْ یَرْ مَامَرْكَ، كُواْ دَ أَنْحَيْڢٜىٰتَ أَغِدَنْكُنٜىٰ كُواْ كُوَ أَوَنِ وُرِے؞ 10 «بَذَاكَيِ جِمَاعِ دَ جِيكَرْكَبَ، كُواْ عِتَ یَرْ طَنْكَ ثٜىٰ كُواْ عِتَ تَیَرْكَثٜىٰ؞ وَنَّنْ ذَيْ ڧَسْڧَنْتَرْ دَكَيْ؞ 11 «بَذَاكَيِ جِمَاعِ دَ یَرْ مَثٜىٰنْ دَ وَتَ مَتَا تَحَيْڢَ وَ بَابَنْكَبَ، غَمَا عِتَ یَرْعُوَرْكَثٜىٰ؞ 12 «بَذَاكَيِ جِمَاعِ دَ یَرْعُوَرْ بَابَنْكَبَ، غَمَا عِتَ دَنْغِنْسَ ثٜىٰ نَكُسَ؞ 13 بَذَاكَيِ جِمَاعِ دَ یَرْعُوَرْ مَامَرْكَ بَ، غَمَا عِتَ دَنْغِنْتَ ثٜىٰ نَكُسَ؞ 14 بَذَاكَيِ جِمَاعِ دَ مَاتَرْ طَنْعُوَنْ بَابَنْكَبَ، وَتُواْ بَذَاكَيِ كُسَدَ عِتَ دَ نُڢِنْ يِنْ جِمَاعِ دَ عِتَبَ، غَمَا عِتَ كَمَرْ مَامَرْكَثٜىٰ؞ 15 «بَذَاكَيِ جِمَاعِ دَ مَاتَرْ طَنْكَبَ، غَمَا عِتَ مَاتَرْ طَنْكَ ثٜىٰ؞ بَذَاكَيِ جِمَاعِ دَ عِتَبَ؞ 16 «بَذَاكَيِ جِمَاعِ دَ مَاتَرْ طَنْعُوَنْكَبَ؞ وَنَّنْ ذَيْ ڧَسْڧَنْتَرْ دَ طَنْعُوَنْكَ؞ 17 «بَذَاكَيِ جِمَاعِ دَ مَثٜىٰ دَ كُمَ یَرْتَبَ؞ بَذَاكَ كُمَيِ جِمَاعِ دَ جِيكَرْتَبَ، وَتُواْ یَرْ حَيْڢُوَرْ یَرْتَ كُواْ یَرْ حَيْڢُوَرْ طَنْتَ؞ دُكَنْسُ دَنْغِنْتَ نٜىٰ نَكُسَ؞ وَنَّنْ بَبَّنْ أَبِنْ ڨَمَ نٜىٰ سُواْسَيْ؞ 18 «بَذَاكَ عَوْرِ یَرْعُوَرْ مَاتَرْكَبَ، كُواْ كَيِ جِمَاعِ دَ عِتَ مُدِّنْ مَاتَرْكَ تَنَدَ رَيْ؞ 19 «بَذَاكَيِ كُسَدَ مَثٜىٰ دُواْمِنْ كَيِ جِمَاعِ دَ عِتَ سَعَدَّ تَنَ ثِكِنْ أَلْعَادَرْتَبَ؞ 20 «بَذَاكَيِ جِمَاعِ دَ مَاتَرْ مَڨُوبْثِنْكَبَ؞ يِنْ حَكَ ذَيْسَا كَڧَظَنْتُ؞ 21 «بَذَاكَ مِيڧَ یَیَنْكَ هَدَايُ غَ غُنْكِنَّنْ مَيْ سُونَ مُواْلٜىٰكْ بَ، غَمَا يِنْ حَكَ ذَيْ يِبَنْظَ دَ سُونَنْ اللَّهْ نْكَ؞ نِنٜىٰ يَهْوٜىٰهْ؞ 22 «بَذَاكَيِ جِمَاعِ دَ نَمِجِ كَمَرْ يَدَّ كَكٜىٰيِنْ دَ مَثٜىٰبَ؞ وَنَّنْ أَبِنْ ڨَمَ نٜىٰ؞ 23 «بَذَاكَيِ جِمَاعِ دَ دَبَّ بَ، غَمَا ذَاكَ ڧَظَنْتَرْ دَكَنْكَ؞ مَثٜىٰ كُمَ بَذَاتَيِ جِمَاعِ دَ دَبَّبَ؞ وَنَّنْ أَبِنْ ڨَمَنٜىٰ؞ 24 «كَدَ كُڧَظَنْتَرْ دَكَنْكُ تَوُرِنْ عَيْكَتَ وَطَنَّنْ ڧَظَنْتَتُّنْ أَبُبُوَ؞ غَمَا تَوُرِنْ عَيْكَتَ وَطَنَّنْ أَبُبُوَنٜىٰ، أَلْعُمَّنْ دَ نَكٜىٰ كُواْرَ أَغَبَنْكُ سُكَ ڧَظَنْتَرْ دَكَنْسُ؞ 25 تَهَكَ ڧَسَرْ تَڧَظَنْتُ، إِنَ كُوَ حُكُنْتَتَ سَبُواْدَ لَيْڢُواْڢِنْتَ؞ دُواْمِنْ حَكَنٜىٰ ڧَسَرْ تَأَمَيَرْ دَ مَذَوْنَنْتَ؞ 26 «عَمَّا كُو ذَاكُيِ بِيَيَّ دَ ڧَٰعِدُواْدِنَ دَ عُمَرْنَيْنَ؞ بَذَاكُ عَيْكَتَ كُواْ طَيَ دَغَ ثِكِنْ أَبُبُوَ مَاسُ بَنْ ڨَمَرْ نَنْبَ، كُواْ كَيْ طَنْ إِسْرَٰٓءِيلَ نٜىٰ كُواْ كُوَ كَيْ بَڧُواْ نٜىٰ دَيَكٜىٰ ذَمَ عَثِكِنْكُ؞ 27 غَمَا مُتَنٜىٰنْ دَ سُكَ ذَوْنَ عَڧَسَرْ كَاڢِنْ ذُوَانْكُ، سُنْ عَيْكَتَ دُكَنْ وَطَنَّنْ أَبُبُوَ مَاسُ بَنْ ڨَمَ؞ تَهَكَ ڧَسَرْ تَڧَظَنْتُ؞ 28 عِدَنْ كُو مَا كُنْ ڧَظَنْتَرْ دَ ڧَسَرْ تَوُرِنْ عَيْكَتَ وَطَنَّنْ أَبُبُوَ، ڧَسَرْ ذَاتَ أَمَيَرْ دَكُو، كَمَرْ يَدَّ تَيِ دَ أَلْعُمَّرْ دَ تَذَوْنَ عَثِكِنْتَ كَاڢِنْكُ؞ 29 دُكْ وَنْدَ يَعَيْكَتَ وَطَنَّنْ أَبُبُوَ مَاسُ بَنْ ڨَمَ، ذَاعَ كَوَرْ دَشِ دَغَ جَمَعَرْسَ؞ 30 سَبُواْدَ حَكَ سَيْ كُيِ بِيَيَّ دَ عُمَرْنَيْنَ كُمَ كَدَكُ عَيْكَتَ كُواْ طَيَ دَغَ ثِكِنْ أَبُبُوَ مَاسُ بَنْ ڨَمَرْ نَنْ دَ مُتَنٜىٰنْ دَ سُكَ ذَوْنَ عَڧَسَرْ كَاڢِنْكُ سُكَ عَيْكَتَ؞ كَدَ كُڧَظَنْتَرْ دَكَنْكُ تَوُرِنْ عَيْكَتَاسُ؞ نِنٜىٰ يَهْوٜىٰهْ اللَّهْ نْكُ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria