ڢِرِسْتُواْثِے 17 - أَتَّوْرَتْ دَ أَنَّبَاوَا

دَرَجَرْ جِنِ

¹ يَهْوٜىٰهْ يَيِ مَغَنَ دَ مُوسَٰى

² يَڢَطَا وَ هَٰرُونَ دَ یَیَنْسَ مَظَا دَ دُكَنْ یَیَنْ إِسْرَٰٓءِيلَ وَطَنَّنْ عُمَرْنَيْ؞

³ ‏«‏مَيْ يِوُوَ وَنِ أَ غِدَنْ إِسْرَٰٓءِيلَ يَيَنْكَ بِجِمِ، كُواْ طَنْ ضَغُواْ، كُواْ عَكُيَ عَثِكِنْ ذَنْ‌غُوانْ كُواْ كُوَ عَبَايَنْ ذَنْ‌غُوانْ

⁴ أَمَيْمَكُواْ يَكَٰوُاْشِ عَڧُواْڢَرْ شِغَ تٜىٰنْتِنْ سَدُوَ دُواْمِنْ يَمِيڧَشِ هَدَايَ غَ يَهْوٜىٰهْ؞ وَنَّنْ مُتُمِنْ يَظُبَرْدَ جِنِ كٜىٰنَنْ؞ أَلْحَكِنْ جِنِنْ يَنَ عَكَنْسَ، ذَاعَ كُوَ كَوَرْدَ مُتُمِنْ دَغَ جَمَعَ؞

⁵ مَنُڢَرْ وَنَّنْ عُمَرْنِ عِتَثٜىٰ دُواْمِنْ إِسْرَٰٓءِيلَاوَا سُدَيْنَ يِنْ هَدَايَ بَرْكَتَيْ أَ ڢِيلِ؞ دُواْلٜىٰنٜىٰ سُكَٰوُاْ هَدَايُنْسُ وُرِنْ ڢِرِسْتِ عَڧُواْڢَرْ شِغَ تٜىٰنْتِنْ سَدُوَ دُواْمِنْ أَمِيڧَسُ هَدَايَ تَڠَرَنْ زُمُنْثِ غَ يَهْوٜىٰهْ؞

⁶ ڢِرِسْتِ ذَيْ يَيَّڢَا جِنِنْ عَكُواْوَنٜىٰ غٜىٰڢٜىٰنْ بَغَدٜىٰنْ يَهْوٜىٰهْ عَڧُواْڢَرْ شِغَ تٜىٰنْتِنْ سَدُوَ، يَكُمَ ڧُواْنٜىٰ كِڟٜىٰنْ دُواْمِنْ هَدَايَ مَيْ دَاطِنْ ڧَنْشِ غَ يَهْوٜىٰهْ؞

⁷ بَذَاسُ ڧَارَ مِيڧَ هَدَايُنْسُ غَ أَلْجَنُ مَاسُ صِڢَّرْ عَكُيَ بَ، وَطَنْدَ مُتَنٜىٰ سُكٜىٰيِنْ كَارُوَنْثِ تَوَجٜىٰنْ سُجَّدَ أَغَرٜىٰسُ، وَتُواْ رَشِنْ أَمِنْثِ غَ يَهْوٜىٰهْ؞ وَنَّنْ ڧَٰعِدَ ثٜىٰ تَدِنْدِنْدِنْ دُواْمِنْسُ دَغَ نَنْ حَرْ إِيَاكَرْ ڟَارَرْسُ؞

⁸ ‏«‏ ‏‹‏دُكْ مُتُمِنْ غِدَنْ إِسْرَٰٓءِيلَ كُواْ بَڧُوانْ دَيَكٜىٰ ذَمَ عَثِكِنْسُ، وَنْدَ يَمِيڧَ هَدَايَ تَڧُواْنَاوَا كُواْ وَتَ إِرِنْ هَدَايَ،

⁹ عَمَّا بَيْ كَٰوُاْ شِ عَڧُواْڢَرْ شِغَ تٜىٰنْتِنْ سَدُوَ دُواْمِنْ أَ مِيڧَتَ غَ يَهْوٜىٰهْ بَ، وَنَّنْ مُتُمِنْ ذَاعَ كَوَرْ دَشِ دَغَ جَمَعَ؞

¹⁰ ‏«‏ ‏‹‏دُكْ مُتُمِنْ غِدَنْ إِسْرَٰٓءِيلَ كُواْ بَڧُوانْ دَيَكٜىٰ ذَمَ عَثِكِنْسُ وَنْدَ يَثِ جِنِ، نِے يَهْوٜىٰهْ ذَنْ طَوْرَ ڢُسْكَ تَيِنْ غَابَادَ مُتُمِنَّنْ حَرْ سَيْ نَا كَوَرْ دَشِ دَغَ جَمَعَ؞

¹¹ غَمَا رَيْ نَكُواْوَثٜىٰ حَلِتَّ يَنَ ثِكِنْ جِنِنْتَ نٜىٰ؞ نَا كُوَ بَادَ جِنِ أَغَرٜىٰكُ مُتَنٜىٰنْ إِسْرَٰٓءِيلَ دُواْمِنْ أَيِ ڧَٰعِدَرْ طَوْكَرْ أَلْحَكِنْ ذُنُوبِ دَشِ عَكَنْ بَغَدٜىٰ دُواْمِنْ رَايُكَنْسُ؞ غَمَا جِنِ رَيْ نٜىٰ، سَبُواْدَ حَكَ جِنِ نٜىٰ يَكٜىٰ طَوْكَرْ أَلْحَكِنْ ذُنُوبِ؞

¹² شِيَسَا نَثٜىٰ وَدُكَنْ مُتَنٜىٰنْ إِسْرَٰٓءِيلَ، كُواْ كَطَنْ كَدَ وَنِ عَثِكِنْسُ كُواْ بَڧُوانْ دَيَكٜىٰ ذَمَ عَثِكِنْسُ يَثِ جِنِ؞

¹³ ‏«‏ ‏‹‏دُكْ مُتُمِنْ جَمَعَرْ إِسْرَٰٓءِيلَ، كُواْ بَڧِنْ دَسُكٜىٰ ذَمَ عَثِكِنْسُ، وَنْدَ يَڢِتَ ڢَرَوْتَ حَرْ يَكَامَ دَبَّ كُواْ ڟُنْڟُنْ دَ أَنَ عِيَثِ، سَيْ مُتُمِنْ يَظُبَرْدَ جِنِنْ أَبِنْدَ يَكَشٜىٰ يَرُڢٜىٰ دَ ڧَسَا؞

¹⁴ غَمَا رَيْ نَكُواْوَثٜىٰ حَلِتَّ يَنَ ثِكِنْ جِنِنْتَ نٜىٰ؞ شِيَسَا نَڢَطَا وَمُتَنٜىٰنْ إِسْرَٰٓءِيلَ ثٜىٰوَ بَذَاسُثِ جِنِنْ وَتَ حَلِتَّ بَ، غَمَا رَيْ نَدُكَنْ حَلِتَّ يَنَ ثِكِنْ جِنِنْتَ نٜىٰ؞ دُكْ وَنْدَ يَثِ جِنِ، ذَاعَ كَوَرْ دَشِ؞

¹⁵ ‏«‏ ‏‹‏دُكْ وَنْدَ يَثِ مُوشٜىٰ كُواْ أَبِنْدَ نَامَنْ دَاجِ يَكَشٜىٰ، كُواْ شِ طَنْ ڧَسَا نٜىٰ كُواْ بَڧُواْ نٜىٰ، سَيْ يَوَنْكٜىٰ رِيغُنَنْسَ يَيِ وَنْكَ دَ ضُوَ؞ دُكْدَهَكَ ذَيْ ڧَظَنْتُ حَرْ يَمَّ، سَعَنً ذَيْ كَسَنْثٜىٰ مَرَرْ ڧَظَنْتَا؞

¹⁶ عَمَّا عِدَنْ مُتُمِنْ بَيْ وَنْكٜىٰ رِيغُنَنْسَ كُواْ بَيْيِ وَنْكَ بَ، أَلْحَكِنْ لَيْڢِنْسَ يَنَ عَكَنْسَ؞›‏ »‏