ڢِرِسْتُواْثِے 15 - أَتَّوْرَتْ دَ أَنَّبَاوَا

ڧَٰعِدُواْدِ غَمٜىٰدَ ڧَظَنْتُوَرْ جِكِے

¹ سَيْ يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ

² سُڢَطَا وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏دُكْ مُتُمِنْ دَيَكٜىٰ طِغَ دَغَ أَذَّكَرِنْسَ، وَنَّنْ طِغَرْ يَسَا مُتُمِنْ يَڧَظَنْتُ كٜىٰنَنْ؞

³ كُواْ دَمَا طِغَرْ تَنَ ڢِتُواْوَ دَغَ أَذَّكَرِنْ، كُواْ كُوَ تَتُواْشٜىٰ بَاكِنْ أَذَّكَرِنْ، مُتُمِنْ يَا رِغَا يَا ڧَظَنْتُ كٜىٰنَنْ؞

⁴ دُكْ أَبِنْ ݣُونْثِيَرْدَ مُتُمِنْ يَݣُونْتَ عَكَيْ يَڧَظَنْتُ؞ دُكْ كُمَ أَبِنْدَ مُتُمِنْ يَذَوْنَ عَكَيْ يَڧَظَنْتُ؞

⁵ دُكْ وَنْدَ يَتَٻَ وُرِنْ ݣُونْثِيَرْ مُتُمِنْ، سَيْ يَوَنْكٜىٰ رِيغُنَنْسَ يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

⁶ دُكْ وَنْدَ يَذَوْنَ عَكَنْ أَبِنْ ذَمَ وَنْدَ مَيْ طِغَرْ يَذَوْنَ عَكَيْ، سَيْ يَوَنْكٜىٰ رِيغُنَنْسَ يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

⁷ دُكْ وَنْدَ يَتَٻَ جِكِنْ مَيْ طِغَ، سَيْ يَوَنْكٜىٰ رِيغُنَنْسَ، يَيِ وَنْكَ دَ ضُوَ؞ ذَيْ ڧَظَنْتُ حَرْ يَمَّ؞

⁸ عِدَنْ مَيْ طِغَرْ يَتُواْڢَ وَ وَنِ مَرَرْ ڧَظَنْتَا مِيَوْ، تُواْ، وَنْدَ عَكَ تُواْڢَ وَ مِيَوْ ذَيْ وَنْكٜىٰ رِيغُنَنْسَ، يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

⁹ دُكْ أَبِنْ ذَمَ عَكَنْ دُواْكِنْ دَ مَيْ طِغَرْ يَذَوْنَ عَكَيْ ذَيْ ڧَظَنْتُ؞

¹⁰ دُكْ وَنْدَ يَتَٻَ أَبِنْدَ مَيْ طِغَرْ يَذَوْنَ عَكَيْ، ذَيْ ڧَظَنْتُ حَرْ يَمَّ؞ شِ وَنْدَ يَطَوْكِ أَبِنْدَ مُتُمِنْ يَتَٻَ كُواْ يَذَوْنَ عَكَيْ، ذَيْ وَنْكٜىٰ رِيغُنَنْسَ يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

¹¹ عِدَنْ مَيْ طِغَرْ يَتَٻَ وَنِ، بَاتَرٜىٰدَ شِے مَيْ طِغَرْ يَوَنْكٜىٰ حَنُّنْسَ أَ ضُوَ بَ، تُواْ سَيْ وَنْدَ عَكَ تَٻَ طِنْ يَوَنْكٜىٰ رِيغُنَنْسَ يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

¹² تُكُنْيَرْ لَاكَ وَدَّ مَيْ طِغَ يَتَٻَ ذَاعَ ڢَشٜىٰتَ، عَمَّا دُكَنْ أَبِنْدَ عَكَ ڠَرَ دَغَ إِتَاثٜىٰ وَنْدَ يَتَٻَ ذَاعَ وَنْكٜىٰشِ دَ ضُوَ؞

¹³ ‏«‏سَعَدَّ مَيْ طِغَرْ يَوَرْكٜىٰ، سَيْ يَڧِرْغَ ݣُونَ بَݣَويْ دُواْمِنْ ڟَبْتَثٜىٰوَرْسَ؞ ذَيْ وَنْكٜىٰ رِيغُنَنْسَ، يَيِ وَنْكَ دَ ضُوَ دَغَ مَٻُٻُّغَرْ ضُوَ، ذَيْ ذَمَ مَرَرْ ڧَظَنْتَا؞

¹⁴ أَ رَانَ تَتَݣُوسْ ذَيْ كَٰوُاْ كُرْثِيُواْيِ بِيُ، كُواْ یَنْ تَتَّبَرُ بِيُ أَغَبَنْ يَهْوٜىٰهْ عَڧُواْڢَرْ تٜىٰنْتِنْ سَدُوَ، يَبَا ڢِرِسْتِ؞

¹⁵ سَيْ ڢِرِسْتِ يَمِيڧَ طَيَ دَغَ ثِكِنْسُ دُواْمِنْ هَدَايَ تَوَنْكٜىٰ ذُنُوبِ، طَيَنْ كُمَ دُواْمِنْ هَدَايَ تَڧُواْنَاوَا؞ تَهَكَ ڢِرِسْتِ ذَيْ يِڧَٰعِدَرْ ڟَبْتَثٜىٰوَ دُواْمِنْ مُتُمِنْ أَغَبَنْ يَهْوٜىٰهْ، سَبُواْدَ طِغَرْ دَ يَيِ؞

¹⁶ ‏«‏عِدَنْ مَنِيِّنْ مُتُمْ يَظُبَ، تُواْ، سَيْ يَوَنْكٜىٰ دُكَنْ جِكِنْسَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

¹⁷ دُكْ رِغَا كُواْ ڢَتَرْ دَ مَنِيِّنْ يَتَٻَ ذَاعَ وَنْكٜىٰ دَ ضُوَ، عَمَّا دُكْدَهَكَ ذَاسُ ڧَظَنْتُ حَرْ يَمَّ؞

¹⁸ عِدَنْ نَمِجِ يَݣُونَ دَ مَثٜىٰ حَرْ مَنِيِّ يَڢِتَ، دُكَنْسُ ذَاسُيِ وَنْكَ دَ ضُوَ، عَمَّا دُكْدَهَكَ ذَاسُ ڧَظَنْتُ حَرْ يَمَّ؞

¹⁹ ‏«‏عِدَنْ مَثٜىٰ تَنَ ثِكِنْ أَلْعَادَرْتَ، ذَاتَ ڧَظَنْتُ حَرْ ݣُونَ بَݣَويْ، كُمَ دُكْ وَنْدَ يَتَٻَتَ ذَيْ ڧَظَنْتُ حَرْ يَمَّ؞

²⁰ دُكْ أَبِنْ ݣُونْثِيَرْدَ مَثٜىٰنْ تَݣُونْتَ عَكَيْ كُواْ تَذَوْنَ عَكَيْ أَ لُواْكَثِنْ أَلْعَادَرْتَ ذَيْ ڧَظَنْتُ حَرْ يَمَّ؞

²¹ دُكْ وَنْدَ يَتَٻَ وُرِنْ ݣُونْثِيَرْتَ، ذَيْ وَنْكٜىٰ رِيغُنَنْسَ، يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

²² دُكْ وَنْدَ يَتَٻَ وَنِ أَبِنْدَ تَذَوْنَ عَكَيْ، ذَيْ وَنْكٜىٰ رِيغُنَنْسَ يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

²³ كُواْ غَدُواْ نٜىٰ، كُواْ كُمَ وَنِ أَبِنْدَ تَذَوْنَ عَكَيْ، سَعَدَّ وَنِ يَتَٻَ شِ ذَيْ ڧَظَنْتُ حَرْ يَمَّ؞

²⁴ عِدَنْ وَنِ نَمِجِ يَݣُونَ دَ عِتَ، ڧَظَنْتَرْتَ تَشَاڢٜىٰشِ، ذَيْ ڧَظَنْتُ حَرْ ݣُونَ بَݣَويْ؞ دُكْ أَبِنْ ݣُونْثِيَرْدَ يَݣُونْتَ عَكَيْ ذَيْ ڧَظَنْتُ؞

²⁵ ‏«‏عِدَنْ مَثٜىٰ تَنَ طِغَرْ جِنِ نَڟَوُانْ ݣُونَكِے، بَنْدَ ݣُونَكِنْ غَنِنْ أَلْعَادَرْتَ، كُواْ كُوَ عِدَنْ أَلْعَادَرْتَ تَا وُثٜىٰ يَوَنْ ݣُونَكِنْدَ يَكَمَاتَ، تُواْ، ذَاتَ ڧَظَنْتُ دَيْدَيْ كَمَرْ يَوَنْ ݣُونَكِنْ أَلْعَادَرْ دَ تَسَابَايِ؞ وَتُواْ، مُدِّنْ تَنَ ثِكِنْ طِغَرْتَ تَڧَظَنْتُ كٜىٰنَنْ؞

²⁶ دُكْ أَبِنْ ݣُونْثِيَرْدَ تَݣُونْتَ عَكَيْ كُواْ تَذَوْنَ عَكَيْ ثِكِنْ ݣُونَكِنْ طِغَرْتَ، ذَيْ ڧَظَنْتُ كَمَرْ نَلُواْكَثِنْ أَلْعَادَرْتَ؞

²⁷ دُكْ وَنْدَ يَتَٻَ أَبُبُوَنَّنْ ذَيْ ڧَظَنْتُ؞ سَيْ يَوَنْكٜىٰ رِيغُنَنْسَ، يَيِ وَنْكَ دَ ضُوَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞

²⁸ ‏«‏سَعَدَّ طِغَرْ جِنِنْ تَڟَيَ، سَيْ تَڧِرْغَ ݣُونَ بَݣَويْ؞ بَايَنْ حَكَ ذَاتَ ذَمَ مَرَرْ ڧَظَنْتَا؞

²⁹ أَ رَانَ تَتَݣُوسْ ذَاتَ طَوْكِ كُرْثِيُواْيِ بِيُ، كُواْ یَنْ تَتَّبَرُ بِيُ، تَكَٰوُاْسُ وُرِنْ ڢِرِسْتِ عَڧُواْڢَرْ تٜىٰنْتِنْ سَدُوَ؞

³⁰ سَيْ ڢِرِسْتِ يَمِيڧَ طَيَ دَغَ ثِكِنْسُ هَدَايَ تَوَنْكٜىٰ ذُنُوبِ، طَيَنْ كُمَ هَدَايَ تَڧُواْنَاوَا؞ تَهَكَ ڢِرِسْتِ ذَيْ يِڧَٰعِدَرْ ڟَبْتَثٜىٰوَ دُواْمِنْتَ أَغَبَنْ يَهْوٜىٰهْ، سَبُواْدَ طِغَرْ جِنِنْ دَ تَڧَظَنْتَرْ دَ عِتَ؞

³¹ ‏«‏تَهَكَ ذَاكَ وَارٜىٰ یَیَنْ إِسْرَٰٓءِيلَ دَغَ ڧَظَنْتَرْسُ دُواْمِنْ كَدَ سُڧَظَنْتَرْ مِنِ دَ تٜىٰنْتِنْ كَسَنْثٜىٰوَرْ دَيَكٜىٰ أَڟَكِيَرْسُ، دُواْمِنْ كَدَ سُمُتُ ثِكِنْ ڧَظَنْتَرْسُ؞

³² ‏«‏وَنَّنْ عِتَثٜىٰ ڧَٰعِدَ غَمٜىٰدَ دُكْ وَنْدَ يَكٜىٰ طِغَ دَغَ أَذَّكَرِنْسَ دَ وَنْدَ يَڧَظَنْتُ سَبُواْدَ ظُبُواْوَرْ مَنِيِّ؞

³³ وَنَّنْ كُمَ ڧَٰعِدَ ثٜىٰ غَمٜىٰدَ مَثٜىٰنْ دَتَكٜىٰ ثِكِنْ أَلْعَادَرْتَ، كُمَ غَمٜىٰدَ دُكْ وَنْدَ يَكٜىٰ طِغَ، كُواْ مَثٜىٰ كُواْ نَمِجِ، كُمَ غَمٜىٰدَ وَنْدَ يَݣُونَ دَ مَثٜىٰنْ دَ تَڧَظَنْتُ؞»‏