ڢِرِسْتُواْثِے 13 - أَتَّوْرَتْ دَ أَنَّبَاوَا

ڧَٰعِدَ غَمٜىٰدَ ثُوتَرْ ڢَتَرْ جِكِے

¹ يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ

² ‏«‏عِدَنْ وَنِ يَنَدَ كُمْبُرِ أَ ڢَتَرْ جِكِنْسَ، كُواْ ڧُرَجٜىٰ، كُواْ تَبُواْ مَيْ كَلَ، حَرْ يَذَمَ مُوغُوَرْ ثُوتَرْ ڢَتَرْ جِكِے، سَيْ عَكَيْ شِ وُرِنْ هَٰرُونَ ڢِرِسْتِ، كُواْ طَيَ دَغَ ثِكِنْ یَیَنْسَ وَطَنْدَ سُكٜىٰ ڢِرِسْتُواْثِے؞

³ ڢِرِسْتِ ذَيْ دُدُّوبَ ثُوتَرْ دَتَكٜىٰ أَ ڢَتَرْ جِكِنْ؞ عِدَنْ غَاشِنْ وُرِنْ ثِيوُانْ يَجُويٜىٰ ڢَرِ كُمَ ظُرْڢِنْ ثُوتَرْ يَشِغَ حَرْ ثِكِنْ ڢَتَرْ جِكِنْ، تُواْ، مُوغُوَرْ ثُوتَرْ ڢَتَرْ جِكِے ثٜىٰ؞ بَايَنْ ڢِرِسْتِ يَغَمَ دُدُّوبَ شِ سَيْ يَسَنَرْ دَشِ ثٜىٰوَ شِے مَيْ ڧَظَنْتَا نٜىٰ؞

⁴ عَمَّا عِدَنْ ثُوتَرْ دَتَكٜىٰ أَ ڢَتَرْ جِكِنْ ڢَرِ نٜىٰ، كُمَ ظُرْڢِنْ ثُوتَرْ بَيْ شِغَ ثِكِنْ ڢَتَرْ جِكِنْبَ، غَاشِنْ دَيَكٜىٰ أَجِكِنْسَ كُمَ بَيْ جُويٜىٰ ڢَرِبَ، تُواْ، ڢِرِسْتِ ذَيْ وَارٜىٰ مَيْ ثُوتَرْ نَنْ دَغَ جَمَعَرْ حَرْ ݣُونَ بَݣَويْ؞

⁵ أَ رَانَ تَبَݣَويْ ڢِرِسْتِ ذَيْسَاكٜىٰ دُوبَنْسَ؞ عِدَنْ ثُوتَرْ تَكَسَنْثٜىٰ يَدَّ دَا تَكٜىٰ، بَتَبَظُو أَ ڢَتَرْ جِكِنْبَ، تُواْ، سَيْ ڢِرِسْتِ يَسَاكٜىٰ وَارٜىٰشِ دَغَ جَمَعَ حَرْ ݣُونَ بَݣَويْ؞

⁶ أَ رَانَ تَبَݣَويْ ڢِرِسْتِ ذَيْسَاكٜىٰ دُوبَنْسَ؞ عِدَنْ ثُوتَرْ تَڢَارَ وَرْكٜىٰوَ، بَاتَكُوَ بَظُو أَ ڢَتَرْ جِكِنْبَ، سَيْ ڢِرِسْتِ يَسَنَرْ دَشِ ثٜىٰوَ شِے مَرَرْ ڧَظَنْتَنٜىٰ، ڧُرَجٜىٰنٜىٰ كَوَيْ؞ سَيْ مَيْ ثُوتَرْ يَوَنْكٜىٰ رِيغُنَنْسَ، يَذَمَ مَرَرْ ڧَظَنْتَا؞

⁷ عَمَّا عِدَنْ ڧُرَجٜىٰنْ سُنْ بَظُو أَ ڢَتَرْ جِكِنْسَ بَايَنْدَ ڢِرِسْتِ يَا رِغَا يَا دُوبٜىٰشِ يَسَنَرْدَ ثٜىٰوَ شِے مَرَرْ ڧَظَنْتَنٜىٰ، تُواْ، سَيْ مَيْ ثُوتَرْ يَسَاكٜىٰ نُونَ كَنْسَ غَ ڢِرِسْتِ؞

⁸ ڢِرِسْتِ ذَيْسَاكٜىٰ دُدُّوبَ، عِدَنْ كُمَ ڧُرَجٜىٰنْ سُنْ بَظُو أَ ڢَتَرْ جِكِنْ مَيْ ثُوتَرْ، تُواْ، سَيْ يَسَنَرْ دَشِ ثٜىٰوَ شِے مَيْ ڧَظَنْتَا نٜىٰ؞ مُوغُوَرْ ثُوتَرْ ڢَتَرْ جِكِے كٜىٰنَنْ؞

⁹ ‏«‏عِدَنْ وَنِ يَكَمُ دَ ثُوتَرْ ڢَتَرْ جِكِے، سَيْ عَكَٰوُاْ شِ وُرِنْ ڢِرِسْتِ؞

¹⁰ ڢِرِسْتِ ذَيْ دُدُّوبٜىٰشِ؞ عِدَنْ كُمْبُرِنْ ڢَتَرْ جِكِنْ ڢَرِ نٜىٰ، كُمَ يَجُويٜىٰ غَاشِنْ وُرِنْ ڢَرِ، كُمَ عِدَنْ كُمْبُرِنْ يَذَمَ مِيكِ،

¹¹ تُواْ، وَنَّنْ ثُوتَرْ ڢَتَرْ جِكِے مَرَرْ وَرْكٜىٰوَ نٜىٰ؞ ڢِرِسْتِ ذَيْ سَنَرْدَ مَيْ ثُوتَرْ ثٜىٰوَ شِے مَيْ ڧَظَنْتَا نٜىٰ؞ بَذَيْ وَارٜىٰشِ دَغَ جَمَعَبَ، غَمَا شِے مَيْ ڧَظَنْتَا نٜىٰ؞

¹² ‏«‏عَمَّا عِدَنْ ثُوتَرْ ڢَتَرْ جِكِنْ تَٻَرْكٜىٰ تَرُڢٜىٰ دُكْ ڢَتَرْ جِكِنْ دَغَ كَيْ حَرْ ڧَڢَا يَدَّ ڢِرِسْتِ يَ عِيَ غَنِ،

¹³ سَيْ ڢِرِسْتِ يَسَاكٜىٰ دُدُّوبَ؞ عِدَنْ ثُوتَرْ تَرُڢٜىٰ جِكِنْ دُكَ، ڢِرِسْتِ ذَيْ سَنَرْ دَشِ ثٜىٰوَ شِے مَرَرْ ڧَظَنْتَا نٜىٰ؞ تُنْدَيَكٜىٰ ثُوتَرْ تَجُويَا ڢَتَرْ تَذَمَ ڢَرِ غَبَاطَيَ، مَيْ ثُوتَرْ مَرَرْ ڧَظَنْتَا كٜىٰنَنْ؞

¹⁴ عَمَّا دَظَرَرْ مِيكِ يَٻُلُّواْ أَ ڢَتَرْ جِكِنْسَ، تُواْ، يَڧَظَنْتُ كٜىٰنَنْ؞

¹⁵ ڢِرِسْتِ ذَيْ دُدُّوبَ مِيكِنْ، يَسَنَرْدَ مَيْ ثُوتَرْ ثٜىٰوَ شِے مَيْ ڧَظَنْتَا نٜىٰ؞ مِيكِ أَبِنْ ڧَظَنْتَا نٜىٰ، غَمَا ثُوتَرْ ڢَتَرْ جِكِے نٜىٰ؞

¹⁶ عَمَّا عِدَنْ مِيكِنْ يَسَاكٜىٰ جُويَا ڢَرِ، تُواْ، سَيْ مَيْ ثُوتَرْ يَجٜىٰ وُرِنْ ڢِرِسْتِ؞

¹⁷ ڢِرِسْتِ ذَيْ دُوبٜىٰشِ، عِدَنْ كُمَ دَ غَسْكٜىٰ ثُوتَرْ تَجُويٜىٰ ڢَرِ، سَيْ ڢِرِسْتِ يَسَنَرْدَ مَيْ ثُوتَرْ ثٜىٰوَ شِ مَرَرْ ڧَظَنْتَا نٜىٰ؞

¹⁸ ‏«‏عِدَنْ كُوَ مُتُمْ يَنَدَ مَرُورُنْدَ يَوَرْكٜىٰ،

¹⁹ سَعَنً أَ عِنْدَ مَرُورُنْ يَوَرْكٜىٰ أَݣَويْ وَنِ ڢَضٍ كُمْبُرِ، كُواْ كَلَرْ وُرِنْ يَذَمَ جَا دَ ڢَرِ، سَيْ أَ نُونَاوَ ڢِرِسْتِ؞

²⁰ سَيْ ڢِرِسْتِ يَدُدُّوبَ وُرِنْ، عِدَنْ ثُوتَرْ تَشِغَ ڢَتَرْ جِكِنْ دَ ظُرْڢِ، كُمَ غَاشِنْ وُرِنْ يَجُويٜىٰ ڢَرِ، ڢِرِسْتِ ذَيْ سَنَرْدَ مَيْ ثُوتَرْ ثٜىٰوَ شِے مَيْ ڧَظَنْتَا نٜىٰ؞ مُوغُوَرْ ثُوتَرْ ڢَتَرْ جِكِثٜىٰ تَٻَرْكٜىٰ عَثِكِنْ مَرُورُنْ؞

²¹ عَمَّا عِدَنْ ڢِرِسْتِ يَدُدُّوبٜىٰشِ، يَغَ غَاشِنْ وُرِنْ مَرُورُنْ بَيْيِ ڢَرِ بَ، كُمَ ظُرْڢِنْ ثُوتَرْ بَيْ شِغَ حَرْ ثِكِنْ ڢَتَرْ جِكِنْسَبَ عَمَّا يَڢَارَ وَرْكٜىٰوَ، سَيْ ڢِرِسْتِ يَوَارٜىٰشِ دَغَ جَمَعَ حَرْ ݣُونَ بَݣَويْ؞

²² عَمَّا عِدَنْ ثُوتَرْ تَبَظُو كُواْعِنَ أَ ڢَتَرْ جِكِنْ، تُواْ، سَيْ ڢِرِسْتِ يَسَنَرْدَ مَيْ ثُوتَرْ ثٜىٰوَ شِے مَيْ ڧَظَنْتَا نٜىٰ؞ وَنَّنْ ثُوتَا مَيْ يَطُوَ ثٜىٰ؞

²³ عَمَّا عِدَنْ كُمْبُرِنْ يَڟَيَ وُرِے طَيَ بَيْ بَظُو بَ، تُواْ، تَبُواْ نَمَرُورُنْ نٜىٰ؞ سَيْ ڢِرِسْتِ يَسَنَرْدَ مَيْ ثُوتَرْ ثٜىٰوَ شِ مَرَرْ ڧَظَنْتَا نٜىٰ؞

²⁴ ‏«‏عِدَنْ جِكِنْ مُتُمْ يَنَدَ ڧُونَ أَ ڢَتَرْسَ، كُمَ كَلَرْ مِيكِنْ يَذَمَ ڢَرِ كُواْ جَا دَ ڢَرِ،

²⁵ سَيْ ڢِرِسْتِ يَدُدُّوبَ شِ؞ عِدَنْ غَاشِنْ وُرِنْ ڧُونَرْ يَجُويٜىٰ ڢَرِ، كُمَ ظُرْڢِنْ ثُوتَرْ تَشِغَ حَرْ ثِكِنْ ڢَتَرْ جِكِنْ، تُواْ، ثُوتَرْ ڢَتَرْ جِكِثٜىٰ تَٻَرْكٜىٰ أَوُرِنْ ڧُونَرْ كٜىٰنَنْ؞ ڢِرِسْتِ ذَيْ سَنَرْدَ مَيْ ثُوتَرْ ثٜىٰوَ شِے مَيْ ڧَظَنْتَا نٜىٰ، غَمَا مُوغُوَرْ ثُوتَرْ ڢَتَرْ جِكِثٜىٰ؞

²⁶ عَمَّا عِدَنْ ڢِرِسْتِ يَدُدُّوبَ، يَغَ غَاشِنْ وُرِنْ بَيْ جُويٜىٰ ڢَرِ بَ، كُمَ ظُرْڢِنْ ثُوتَرْ بَتَشِغَ حَرْ ثِكِنْ ڢَتَرْ جِكِنْسَبَ، عَمَّا يَڢَارَ وَرْكٜىٰوَ، سَيْ ڢِرِسْتِ يَوَارٜىٰشِ دَغَ جَمَعَ حَرْ ݣُونَ بَݣَويْ؞

²⁷ ڢِرِسْتِ ذَيْسَاكٜىٰ دُدُّوبَ شِ أَ رَانَ تَبَݣَويْ؞ عِدَنْ ثُوتَرْ تَنَ بَظُوَ أَ ڢَتَرْ جِكِنْسَ، ڢِرِسْتِ ذَيْ سَنَرْدَ مَيْ ثُوتَرْ ثٜىٰوَ شِے مَيْ ڧَظَنْتَا نٜىٰ، غَمَا مُوغُوَرْ ثُوتَرْ ڢَتَرْ جِكِثٜىٰ؞

²⁸ عَمَّا عِدَنْ وُرِنْ ڧُونَرْ يَڟَيَ وُرِے طَيَ بَيْ بَظُو عَثِكِنْ ڢَتَرْ بَ، عَمَّا يَڢَارَ وَرْكٜىٰوَ، تُواْ، كُمْبُرِ نٜىٰ يَتَاسُواْ أَوُرِنْ دَ ڢَتَرْ جِكِے يَڧُواْنٜىٰ؞ ڢِرِسْتِ ذَيْ سَنَرْدَ مَيْ ثُوتَرْ ثٜىٰوَ شِ مَرَرْ ڧَظَنْتَا نٜىٰ، غَمَا تَبُواْ نَڧُونَ نٜىٰ؞

²⁹ ‏«‏عِدَنْ مَثٜىٰ كُواْ نَمِجِ سُنَدَ ثُوتَا عَكَيْ كُواْ أَغٜىٰمُ،

³⁰ سَيْ ڢِرِسْتِ يَدُدُّوبَ ثُوتَرْ؞ عِدَنْ ظُرْڢِنْ ثُوتَرْ يَشِغَ حَرْ ثِكِنْ ڢَتَرْ جِكِے، عِدَنْ كُمَ كَلَرْ غَاشِنْ وُرِنْ ثُوتَرْ تَجُويَا تَذَمَ ضُوً ڨُويْ، سَيْ ڢِرِسْتِ يَسَنَرْدَ مَيْ ثُوتَرْ ثٜىٰوَ شِے مَيْ ڧَظَنْتَا نٜىٰ، غَمَا مَكٜىٰرُواْ نٜىٰ، مُوغُوَرْ ثُوتَرْ ڢَتَرْ جِكِثٜىٰ عَكَيْ كُواْ أَغٜىٰمُ؞

³¹ عَمَّا عِدَنْ ڢِرِسْتِ يَدُدُّوبَ مَكٜىٰرُوانْ، يَغَ ظُرْڢِنْ ثُوتَرْ بَيْ شِغَ حَرْ ثِكِنْ ڢَتَرْ جِكِنْبَ، كُمَ بَابُ بَڧِنْ غَاشِ أَوُرِنْ ثُوتَرْ، سَيْ ڢِرِسْتِ يَوَارٜىٰ مَيْ ثُوتَرْ دَغَ جَمَعَ حَرْ ݣُونَ بَݣَويْ؞

³² أَ رَانَ تَبَݣَويْ سَيْ ڢِرِسْتِ يَسَاكٜىٰ دُدُّوبَ مَكٜىٰرُوانْ؞ عِدَنْ ثُوتَرْ بَتَبَظُبَ، كُمَ بَابُ غَاشِ مَيْ كَلَرْ ضُوً ڨُويْ عَثِكِنْسَ، كُمَ ظُرْڢِنْ ثُوتَرْ بَيْ شِغَ حَرْ ثِكِنْ ڢَتَرْ جِكِنْبَ،

³³ تُواْ سَيْ عَيِ وَمَيْ ثُوتَرْ أَسْكِ، عَمَّا بَنْدَ وُرِنْ ثُوتَرْ؞ ڢِرِسْتِ ذَيْسَاكٜىٰ وَارٜىٰ مَيْ ثُوتَرْ دَغَ جَمَعَ حَرْ ݣُونَ بَݣَويْ؞

³⁴ أَ رَانَ تَبَݣَويْ ڢِرِسْتِ ذَيْسَاكٜىٰ دُدُّوبَ مَكٜىٰرُوانْ؞ عِدَنْ بَيْ بَظُو أَ ڢَتَرْ جِكِے بَ، كُمَ ظُرْڢِنْسَ بَيْ شِغَ حَرْ ثِكِنْ ڢَتَرْ بَ، سَيْ ڢِرِسْتِ يَسَنَرْدَ مَيْ ثُوتَرْ ثٜىٰوَ شِ مَرَرْ ڧَظَنْتَا نٜىٰ؞ سَيْ مَيْ ثُوتَرْ يَوَنْكٜىٰ رِيغُنَنْسَ، يَذَمَ مَرَرْ ڧَظَنْتَا؞

³⁵ عَمَّا عِدَنْ مَكٜىٰرُوانْ يَبَظُو أَ ڢَتَرْ جِكِنْ بَايَنْدَ ڢِرِسْتِ يَسَنَرْ دَشِ ثٜىٰوَ شِ مَرَرْ ڧَظَنْتَنٜىٰ،

³⁶ تُواْ، سَيْ ڢِرِسْتِ يَسَاكٜىٰ دُدُّوبَ شِ؞ عِدَنْ كُمَ مَكٜىٰرُواْ يَبَظُو أَ ڢَتَرْ جِكِنْ، تُواْ كَدَ ڢِرِسْتِ يَنٜىٰمِ غَاشِ مَيْ كَلَرْ ضُوً ڨُويْ أَوُرِنْ ثُوتَرْ، غَمَا مَيْ ثُوتَرْ يَڧَظَنْتُ كٜىٰنَنْ؞

³⁷ عَمَّا عِدَنْ أَغَنِنْ ڢِرِسْتِ مَكٜىٰرُوانْ يَڟَيَ، كُمَ بَڧِنْ غَاشِ يَنَ ڟِرُواْوَ عَثِكِنْسَ، تُواْ، ثُوتَرْ تَوَرْكٜىٰ كٜىٰنَنْ، مَيْ ثُوتَرْ يَذَمَ مَرَرْ ڧَظَنْتَا؞ ڢِرِسْتِ ذَيْ سَنَرْدَ مَيْ ثُوتَرْ ثٜىٰوَ شِ مَرَرْ ڧَظَنْتَنٜىٰ؞

³⁸ ‏«‏عِدَنْ نَمِجِ كُواْ مَثٜىٰ سُنَدَ ڢَرَرٜىٰنْ تَبُواْ أَ ڢَتَرْ جِكِنْسُ،

³⁹ سَيْ ڢِرِسْتِ يَدُدُّوبَ؞ عِدَنْ تَبُوانْ مَرَرْ كَلَ نٜىٰ، تُواْ ڧُرَجٜىٰ نٜىٰ سُنْ ٻُلُّواْ أَ ڢَتَرْ جِكِنْ؞ مُتُمِنْ مَرَرْ ڧَظَنْتَا نٜىٰ؞

⁴⁰ ‏«‏عِدَنْ غَاشِنْ كَنْ وَنِ يَظُبٜىٰ دَغَ كَنْسَ، شِ مَرَرْ غَاشِنٜىٰ، مَرَرْ ڧَظَنْتَا؞

⁴¹ عِدَنْ غَاشِنْ يَظُبٜىٰ دَغَ غُواْشِنْسَ دَ غٜىٰڢٜىٰنْ غُواْشِنٜىٰ، شِے مَرَرْ غَاشِنٜىٰ، مَرَرْ ڧَظَنْتَا؞

⁴² عَمَّا عِدَنْ عَكَنْسَ كُواْ غُواْشِنْسَ أَݣَويْ ثُوتَرْ ڢَتَرْ جِكِے وَدَّ تَكٜىٰدَ كَلَرْ جَا دَ ڢَرِ، تُواْ، مُوغُوَرْ ثُوتَرْ ڢَتَرْ جِكِثٜىٰ تَٻُلُّواْ مَسَ عَكَيْ؞

⁴³ سَيْ ڢِرِسْتِ يَدُدُّوبَ شِ؞ عِدَنْ كَلَرْ كُمْبُرِنْ ثُوتَرْ جَا دَ ڢَرِ نٜىٰ عَكَنْسَ كُواْ أَغُواْشِنْسَ، كَمَرْ عَلَمَرْ ثُوتَرْ ڢَتَرْ جِكِے، تُواْ،

⁴⁴ مُتُمِنْ يَنَدَ مُوغُوَرْ ثُوتَرْ ڢَتَرْ جِكِے نٜىٰ، شِے مَيْ ڧَظَنْتَنٜىٰ؞ ڢِرِسْتِ ذَيْ سَنَرْ دَشِ ثٜىٰوَ شِے مَيْ ڧَظَنْتَا نٜىٰ، غَمَا ثُوتَرْ ڢَتَرْ جِكِے تَنَ عَكَنْسَ؞

⁴⁵ ‏«‏وَنَّنْ مَيْ مُوغُوَرْ ثُوتَرْ ڢَتَرْ جِكِے ذَيْسَا يَغَغُّنْ رِيغُنَ، يَبَرْ غَاشِنْ كَنْسَ بَابُ ڠَرَ؞ ذَيْ رُڢٜىٰ ڢُسْكَرْسَ ڧَسَا دَ حَنْثِنْسَ، يَطَغَ مُرْيَرْسَ يَدِنْ‌غَ ثٜىٰوَ ‏‹‏مَيْ ڧَظَنْتَا!‏ مَيْ ڧَظَنْتَا!‏›‏

⁴⁶ ذَيْ كَسَنْثٜىٰ مَيْ ڧَظَنْتَا مُدِّنْ يَنَدَ وَنَّنْ مُوغُوَرْ ثُوتَرْ ڢَتَرْ جِكِنْ؞ يَكُوَ ڧَظَنْتُ؞ ذَيْ ذَوْنَ شِ كَطَيْ، وُرِنْ ذَمَنْسَ ذَيْ كَسَنْثٜىٰ عَبَايَنْ ذَنْ‌غُوانْ؞»‏

ڧَٰعِدُواْدِ غَمٜىٰدَ كَايَ مَاسُ ڢُمْڢُنَ

⁴⁷ ‏«‏عِدَنْ عَكَ تَرَرْ رِغَا تَنَدَ ثُوتَرْ ڢُمْڢُنَ، كُواْ دَ رِغَرْ تَغَاشِنْ تُمَكِثٜىٰ، كُواْ تَلِيلِنْ،

⁴⁸ كُواْ ڢُمْڢُنَرْ تَنَ ثِكِنْ سَاڧَ تَغَاشِنْ تُمَكِ كُواْ تَلِيلِنْ، كُواْ عَثِكِنْ ڢَتَ، كُواْ عَثِكِنْ أَبِنْدَ عَكَيِ دَ ڢَتَ نٜىٰ،

⁴⁹ عِدَنْ كَلَرْ ڢُمْڢُنَرْ كُواْرٜىٰنٜىٰ كُواْ جَا أَ رِغَرْ كُواْ أَ ڢَتَرْ، كُواْ أَ سَاڧَ تَ عُلُ كُواْ تَلِيلِنْ، ثُوتَا ثٜىٰ مَيْ يَطُوَ، سَيْ أَ نُونَ وَ ڢِرِسْتِ؞

⁵⁰ ڢِرِسْتِ ذَيْ دُدُّوبَ ڢُمْڢُنَرْ، سَعَنً يَوَارٜىٰ أَبِنْدَ يَكٜىٰدَ ڢُمْڢُنَرْ حَرْ ݣُونَ بَݣَويْ؞

⁵¹ أَ رَانَ تَبَݣَويْ ذَيْسَاكٜىٰ دُدُّوبَ ڢُمْڢُنَرْ؞ عِدَنْ ڢُمْڢُنَرْ تَا يَطُ كُواْ أَ رِغَا كُواْ أَ سَاڧَرْ كُواْ أَ ڢَتَرْ، كُواْ دَ مٜىٰنٜىٰنٜىٰ ذَاعَيِ دَ ڢَتَرْ، وَنَّنْ مُوغُوَرْ ثُوتَا مَيْ يَطُوَ ثٜىٰ، أَبِنْ يَڧَظَنْتُ؞

⁵² ڢِرِسْتِ ذَيْ ڧُواْنٜىٰ وَنَّنْ أَبِنْدَ يَكٜىٰدَ ڢُمْڢُنَرْ، غَمَا مُوغُوَرْ ثُوتَا ثٜىٰ مَيْ يَطُوَ، ذَاعَ ڧُواْنٜىٰ أَبِنْ أَوُتَا؞

⁵³ ‏«‏عَمَّا عِدَنْ أَ رَانَرْ، ڢِرِسْتِ يَدُدُّوبَ شِ، ڢُمْڢُنَرْ بَتَ يَطُ أَ رِغَرْ بَ، كُواْ أَ سَاڧَرْ، كُواْ عَكَنْ أَبِنْدَ عَكَيِ دَ ڢَتَ،

⁵⁴ سَيْ ڢِرِسْتِ يَعُمَرْتَ أَوَنْكٜىٰ أَبِنْدَ يَكٜىٰدَ ڢُمْڢُنَرْ؞ بَايَنْ حَكَ، ذَيْسَاكٜىٰ وَارٜىٰ أَبِنْ حَرْ ݣُونَ بَݣَويْ؞

⁵⁵ ڢِرِسْتِ ذَيْسَاكٜىٰ دُدُّوبَ أَبِنْ بَايَنْدَ عَكَ وَنْكٜىٰ شِ؞ عِدَنْ ڢُمْڢُنَرْ بَتَثَنْجَ كَلَ بَ، كُواْدَيَكٜىٰ بَتَيَطُبَ، أَبِنْ يَڧَظَنْتُ؞ ذَاعَڧُواْنٜىٰ أَبِنْ أَوُتَا، كُواْ دَ ڢُمْڢُنَرْ تَنَ عَثِكِ كُواْ أَوَجٜىٰ نَأَبِنْ نٜىٰ؞

⁵⁶ عِدَنْ كُمَ ڢِرِسْتِ يَدُدُّوبَ شِ، ڢُمْڢُنَرْ تَٻَثٜىٰ بَايَنْدَ عَكَ وَنْكٜىٰ أَبِنْ، ذَيْ يَاغٜىٰ وُرِنْ دَغَ رِغَرْ، كُواْ سَاڧَرْ، كُواْ ڢَتَرْ؞

⁵⁷ عِدَنْ بَايَنْ طَنْ لُواْكَثِ ڢُمْڢُنَرْ تَا سَاكٜىٰ ٻُلُّواْوَ أَ رِغَرْ، كُواْ أَ سَاڧَرْ، كُواْ أَ ڢَتَرْ، تُواْ، ثُوتَرْ مَيْ يَطُوَ ثٜىٰ، سَيْ عَڧُواْنٜىٰ أَبِنْدَ يَكٜىٰدَ ڢُمْڢُنَرْ أَوُتَا؞

⁵⁸ عَمَّا عِدَنْ ثُوتَرْ تَٻَثٜىٰ بَايَنْدَ عَكَ وَنْكٜىٰ رِغَرْ، كُواْ سَاڧَرْ، كُواْ ڢَتَرْ، سَيْ أَ سَاكٜىٰ وَنْكٜىٰتَ؞ أَبِنْ يَذَمَ مَرَرْ ڧَظَنْتَا كٜىٰنَنْ؞

⁵⁹ ‏«‏وَنَّنْ ثٜىٰ ڧَٰعِدَ غَمٜىٰدَ ڢُمْڢُنَ أَ رِغَا تَغَاشِنْ تُمَكِ، كُواْ تَلِيلِنْ، كُواْ أَ سَاڧَ، كُواْ أَبِنْدَ عَكَيِ دَ ڢَتَ، دُواْمِنْ عَتَبَّتَا كُواْ أَبِنْ مَيْ ڧَظَنْتَا نٜىٰ كُواْ مَرَرْ ڧَظَنْتَنٜىٰ؞»‏