ڢِرِسْتُواْثِے 12 - أَتَّوْرَتْ دَ أَنَّبَاوَا

ڧَٰعِدَرْ ڟَبْتَثٜىٰوَرْ مَثٜىٰ بَايَنْ حَيْڢُوَ

¹ سَيْ يَهْوٜىٰهْ يَيِ مَغَنَ دَ مُوسَٰى ثٜىٰوَ

² يَڢَطَا وَیَیَنْ إِسْرَٰٓءِيلَ وَطَنَّنْ ڧَٰعِدُواْدِ؞ ‏«‏عِدَنْ مَثٜىٰ تَايِ ثِكِ تَا حَيْڢِ طَا نَمِجِ، ذَاتَ ڧَظَنْتُ حَرْ ݣُونَ بَݣَويْ دَيْدَيْ يَدَّ تَكَنْ كَسَنْثٜىٰ عَݣُونَكِنْ غَنِنْ أَلْعَادَرْتَ تَوَتَ؞

³ أَ رَانَ تَتَݣُوسْ كُوَ ذَاعَيِ وَجَرِرِنْ كَاثِيَ؞

⁴ بَايَنْ حَكَ ذَاتَ ڧَارَ ݣُونَكِے تَلَاتِنْ دَ عُكُ، وَتُواْ ݣُونَكِنْ ڟَبْتَثٜىٰوَرْتَ؞ أَوَنَّنْ لُواْكَثِ بَذَاتَ تَٻَ وَنِ أَبِنْدَ عَكَ كٜىٰٻٜىٰشِ دَ ڟَرْكِے بَ، كُمَ بَذَاتَ شِغَ وُرِے مَيْ ڟَرْكِے بَ، سَيْ تَثِكَ ݣُونَكِنْ ڟَبْتَثٜىٰوَرْتَ؞

⁵ ‏«‏عَمَّا عِدَنْ تَا حَيْڢِ یَ مَثٜىٰ، ذَاتَ ڧَظَنْتُ حَرْ ݣُونَكِے غُواْمَشَا حُطُ دَيْدَيْ يَدَّ تَكَنْ كَسَنْثٜىٰ عَݣُونَكِنْ غَنِنْ أَلْعَادَرْتَ تَوَتَ؞ بَايَنْ وَنَّنْ، ذَاتَ ڧَارَ ݣُونَكِے سِتِّنْ دَ شِدَ، وَتُواْ ݣُونَكِنْ ڟَبْتَثٜىٰوَرْتَ؞

⁶ ‏«‏سَعَدَّ ݣُونَكِنْ ڟَبْتَثٜىٰوَرْتَ نَحَيْڢُوَرْ طَا كُواْ یَ سُكَ ثِكَ، ذَاتَ كَٰوُاْ وَ ڢِرِسْتِ طَنْ ضَغُواْ مَيْ شٜىٰكَرَا طَيَ عَبَاكِنْ ڧُواْڢَرْ تٜىٰنْتِنْ سَدُوَ دُواْمِنْ هَدَايَ تَڧُواْنَاوَا؞ ذَاتَ كُمَ كَٰوُاْ تَتَّبَرَ كُواْ كُرْثِيَ دُواْمِنْ هَدَايَ تَوَنْكٜىٰ ذُنُوبِ؞

⁷ ڢِرِسْتِ ذَيْ مِيڧَشِ أَغَبَنْ يَهْوٜىٰهْ، دُواْمِنْ أَڟَبْتَثٜىٰ مَثٜىٰنْ؞ مَثٜىٰنْ كُوَ ذَاتَ ذَمَ مَرَرْ ڧَظَنْتَادَغَ جِنِنْتَ؞ وَنَّنْ ڧَٰعِدَ ثٜىٰ غَ دُكْ مَثٜىٰنْ دَ تَحَيْڢِ طَا كُواْ یَ؞

⁸ ‏«‏عِدَنْ كُمَ بَذَاتَ عِيَ كَٰوُاْ تُنْكِيَبَ، سَيْ تَكَٰوُاْ كُرْثِيُواْيِ بِيُ كُواْ تَتَّبَرُ بِيُ، طَيَ دُواْمِنْ هَدَايَ تَڧُواْنَاوَا، طَيَ كُمَ دُواْمِنْ هَدَايَ تَوَنْكٜىٰ ذُنُوبِ؞ ڢِرِسْتِ ذَيْ مِيڧَ هَدَايَ تَڟَبْتَثٜىٰوَرْتَ، ذَاتَ كُوَ ذَمَ مَرَرْ ڧَظَنْتَا؞»‏