ڢِرِسْتُواْثِے 11 - أَتَّوْرَتْ دَ أَنَّبَاوَادَبُّواْبِے مَاسُ ڧَظَنْتَادَ مَرَسَ ڧَظَنْتَا ﴿ مَيْ شَـ 14.3-21 ﴾ 1 يَهْوٜىٰهْ يَيِ مَغَنَ دَ مُوسَٰى دَ هَٰرُونَ ثٜىٰوَ سُڢَطَا 2 وَمُتَنٜىٰنْ إِسْرَٰٓءِيلَ وَطَنَّنْ ڧَٰعِدُواْدِ؞ «غَا إِرِنْ دَبُّواْبِنْ دَ ذَاكُثِ دَغَ ثِكِنْ دُكَنْ دَبُّواْبِنْ دَسُكٜىٰ تَڢِيَ عَڧَسَا؞ 3 دُكْ دَبَّرْ دَ تَڢِنْ ڧَڢَرْتَ يَرَبُ بِيُ، تَنَ كُمَ تُڧَرْ عَبِنْثِ عَبَاكِ، ذَاكُ عِيَثِ؞ 4 عَثِكِنْ مَاسُ تُڧَرْ عَبِنْثِ عَبَاكِ، كُواْ مَاسُ تَڢِنْ ڧَڢَرْدَ يَرَبُ بِيُ، غَا وَطَنْدَ بَذَاكُثِبَ؞ رَاڧُمِ، كُواْدَيَكٜىٰ يَنَ تُڧَرْ عَبِنْثِ، عَمَّا بَ شِ دَ تَڢِنْ ڧَڢَرْدَ يَرَبُ بِيُ، يَذَمَ مَيْ ڧَظَنْتَا كٜىٰنَنْ أَغَرٜىٰكُ؞ 5 رٜىٰمَ، كُواْدَيَكٜىٰ تَنَ تُڧَرْ عَبِنْثِ، عَمَّا بَاتَ دَ تَڢِنْ ڧَڢَرْدَ يَرَبُ بِيُ، تَذَمَ مَيْ ڧَظَنْتَا كٜىٰنَنْ أَغَرٜىٰكُ؞ 6 ذُواْمُواْ، كُواْدَيَكٜىٰ يَنَ تُڧَرْ عَبِنْثِ، عَمَّا بَاشِ دَ تَڢِنْ ڧَڢَرْدَ يَرَبُ بِيُ، يَذَمَ مَيْ ڧَظَنْتَا كٜىٰنَنْ أَغَرٜىٰكُ؞ 7 أَلَدٜىٰ، كُواْدَيَكٜىٰ يَنَدَ تَڢِنْ ڧَڢَرْدَ يَرَبُ بِيُ، عَمَّا بَايَ تُڧَرْ عَبِنْثِ، يَذَمَ مَيْ ڧَظَنْتَا كٜىٰنَنْ أَغَرٜىٰكُ؞ 8 بَذَاكُثِ نَامَنْسُبَ؞ بَذَاكُ كُمَ تَٻَ مُوشٜىٰنْسُ بَ، غَمَا سُنْ ذَمَ مَاسُ ڧَظَنْتَا كٜىٰنَنْ أَغَرٜىٰكُ؞ 9 «غَا إِرِنْ حَلِتُّنْ دَ ذَاكُ عِيَثِ دَغَ ثِكِنْ دُكَنْ حَلِتُّنْ دَسُكٜىٰ أَ ضُوَ؞ دُكْ أَبِنْدَ يَكٜىٰدَ ڧٜىٰغٜىٰ دَ ٻَوُانْ ڢَتَرْ جِكِے، كُواْ يَنَ عَثِكِنْ تٜىٰكُ كُواْ كُواْغِ، ذَاكُ عِيَثِ؞ 10 عَمَّا كُواْوَنٜىٰ إِرِنْ حَلِتَّرْ دَتَكٜىٰ ثِكِنْ تٜىٰكُنَ دَ كُواْغُنَ وَدَّ بَاتَ دَ ڧٜىٰغٜىٰ دَ ٻَوُانْ ڢَتَرْ جِكِے، سُنْ ذَمَ أَبِنْ ڨَمَ كٜىٰنَنْ أَغَرٜىٰكُ؞ 11 إِرِنْ وَطَنَّنْ ذَاسُ ذَمَ أَبِنْ ڨَمَ أَغَرٜىٰكُ، بَذَاكُثِ نَامَنْسُبَ؞ مُوشٜىٰنْسُ كُمَ ذَيْ ذَمَ أَبِنْ ڨَمَ كٜىٰنَنْ أَغَرٜىٰكُ؞ 12 دُكْ أَبِنْدَ يَكٜىٰ عَثِكِنْ ضُوَيٜىٰ عَمَّا بَاشِ دَ ڧٜىٰغٜىٰ كُواْ ٻَوُانْ ڢَتَرْ جِكِے، ذَيْ ذَمَ أَبِنْ ڨَمَ كٜىٰنَنْ أَغَرٜىٰكُ؞ 13 «غَا إِرِنْ ڟُنْڟَيٜىٰنْ دَ ذَاكُ طَوْكَ أَبِنْ ڨَمَنٜىٰ، بَذَاكُ عِيَثِبَ، سُنْ ذَمَ أَبِنْ ڨَمَ كٜىٰنَنْ أَغَرٜىٰكُ؞ سُونٜىٰ غَغَّڢَ دَ عُنْغُلُ دَ مِكِيَ، 14 دَ شِرْوَ دَ دَنْغِنْ عُنْغُلُ، 15 دَ حَنْكَكَ دَ دَنْغِنْتَ، 16 دَ جِمِنَا دَ مُجِيَ مَيْ بَبَّرْ مُرْيَ دَ ڟُنْڟُ مَيْ كَامَ كِيڢِ دَ شَحُواْ دَ دَنْغِنْسَ، 17 دَ ڧَرَمَرْ مُجِيَ دَ ظَلْٻٜىٰ دَ بَبَّرْ مُجِيَ، 18 دَ كَظَرْ ضُوَ دَ مُجِيَرْ دَاجِ دَ ڧَرَمِنْ شَحُواْ، 19 دَ شَمُوَ دَ جِنْجِمِ دَ دَنْغِنْسَ دَ بُرْتُ دَ جٜىٰمَغٜىٰ؞ 20 «دُكَنْ ڨُورِنْ دَسُكٜىٰ دَ ڢِكَڢِكَيْ وَطَنْدَ سُكٜىٰ تَڢِيَ دَ ڧَڢَا حُطُ، ذَاسُ ذَمَ أَبِنْ ڨَمَ كٜىٰنَنْ أَغَرٜىٰكُ؞ 21 عَمَّا عَثِكِنْ ڨُورِنْ دَسُكٜىٰ دَ ڢِكَڢِكَيْ وَطَنْدَ سُكٜىٰ تَڢِيَ دَ ڧَڢَا حُطُ، ذَاكُ عِيَثِ وَطَنْدَ سُكٜىٰ دَ ثِنْيُواْيِنْ دَسُكٜىٰ سَا سُإِيَ ڟَلّٜىٰ؞ 22 دَغَ ثِكِنْ وَطَنَّنْ ذَاكُ عِيَثِ مَنْيَنْ ڢَارِ دَ دَنْغِنْسُ دَ ڠَرٜىٰ دَ دَنْغِنْسَ دَ ڨُونْسُواْ دَ دَنْغِنْسَ دَ ڧأَنَانً ڢَارِ دَ دَنْغِنْسُ؞ 23 عَمَّا دُكَنْ سَوْرَنْ ڨُورِ مَاسُ ڢِكَڢِكَيْ دَسُكٜىٰ تَڢِيَ دَ ڧَڢَا حُطُ، سُنْ ذَمَ أَبِنْ ڨَمَ كٜىٰنَنْ أَغَرٜىٰكُ؞ تَٻَوَرْ دَبُّواْبِے مَاسُ ڧَظَنْتَا 24 «تَوُرِنْ وَطَنَّنْ دَبُّواْبِے مُتُمْ ذَيْ ڧَظَنْتُ؞ مُتُمْ ذَيْ ڧَظَنْتُ حَرْ يَمَّ إِنْ يَتَٻَ مُوشٜىٰنْسُ؞ 25 حَكَ مَا وَنْدَ يَطَوْكِ مُوشٜىٰنْ كُواْوَنّٜىٰنْسُ، سَيْ يَوَنْكٜىٰ رِيغُنَنْسَ، عَمَّا دُكْدَهَكَ ذَيْ ڧَظَنْتُ حَرْ يَمَّ؞ 26 دُكْ دَبَّرْ دَ تَڢِنْ ڧَڢَرْتَ يَرَبُ عَمَّا بَيْ رَبُ بِيُ بَ، بَاتَ كُمَ تُڧَرْ عَبِنْثِ عَبَاكِ، ذَاتَ ذَمَ أَبِنْ ڧَظَنْتَا أَغَرٜىٰكُ؞ وَنْدَ مَا يَتَٻَتَ ذَيْ ڧَظَنْتُ؞ 27 دَغَ ثِكِنْ دَبُّواْبِنْ دَسُكٜىٰ تَڢِيَ دَ ڧَڢَا حُطُ، مَاسُ تَڢِنْ ڧَڢَا إِرِنَّݣَنْوَ ذَاسُ ذَمَ مُكُ أَبِنْ ڧَظَنْتَا؞ دُكْ كُمَ وَنْدَ يَتَٻَ مُوشٜىٰنْسُ ذَيْ ڧَظَنْتُ حَرْ يَمَّ؞ 28 دُكْ وَنْدَ يَطَوْكِ مُوشٜىٰنْ إِرِنْسُ، سَيْ يَوَنْكٜىٰ رِيغُنَنْسَ، عَمَّا دُكْدَهَكَ ذَيْ ڧَظَنْتُ حَرْ يَمَّ، غَمَا سُو مَاسُ ڧَظَنْتَنٜىٰ أَغَرٜىٰكُ؞ 29 «دَغَ ثِكِنْ حَلِتُّو مَاسُ رَرَّڢٜىٰ عَڧَسَا، غَا وَطَنْدَ ذَاسُ ذَمَ أَبِنْ ڧَظَنْتَا أَغَرٜىٰكُ، وَتُواْ سُو جَٻَ دَ ٻٜىٰرَ دَ مَنْيَنْ ڧَدَنْغَرُ دَ دَنْغِنْسُ، 30 دَ ڟَكَ دَ كَدَ دَ هَوَيْنِيَ دَ غُظَ دَ دَمُواْ؞ 31 دُكَنْسُ مَاسُ ڧَظَنْتَا نٜىٰ أَغَرٜىٰكُ؞ دُكْ وَنْدَ مَا يَتَٻَ مُوشٜىٰنْسُ ذَيْ ڧَظَنْتُ حَرْ يَمَّ؞ 32 دُكْ أَبِنْدَ مُوشٜىٰنْسُ يَڢَاطِ عَكَيْ، أَبِنْ ذَيْ ڧَظَنْتُ، كُواْ دَ أَبِنْدَ عَكَيِ دَ إِتَاثٜىٰ نٜىٰ، كُواْ رِغَا، كُواْ ڢَتَ، كُواْ بُهُ دَ كُواْوَنٜىٰ إِرِنْ أَبِنْدَ عَكٜىٰ أَمْڢَانِ دَشِ دُواْمِنْ عَيْكِ، ذَيْ ڧَظَنْتُ حَرْ يَمَّ، كُواْدَيَكٜىٰ ذَاعَ سَا أَبِنْ عَثِكِنْ ضُوَ؞ دَ يَمَّ ذَيْ كُواْمَ مَرَرْ ڧَظَنْتَا؞ 33 عِدَنْ وَنِ دَغَ ثِكِنْسُ يَڢَاطِ عَثِكِنْ تُكُنْيَرْ لَاكَ، أَبِنْدَ يَكٜىٰ عَثِكِنْتَ ذَيْ ڧَظَنْتُ؞ سَيْ كُڢَشٜىٰ تُكُنْيَرْ؞ 34 دُكْ أَبِنْدَ عَكٜىٰ عِيَثِ، عَمَّا ضُوَ دَغَ إِرِنْ وَنَّنْ تُكُنْيَ يَتَٻَ شِ، ذَيْ ڧَظَنْتُ؞ كُواْوَنٜىٰ إِرِنْ أَبِنْدَ عَكٜىٰ عِيَشَا، عِدَنْ يَنَ ثِكِنْ إِرِنْ وَنَّنْ تُكُنْيَ، ذَيْ ڧَظَنْتُ؞ 35 دُكْ أَبِنْدَ وَنِ غٜىٰڢٜىٰ نَمُوشٜىٰنْ يَڢَاطِ عَكَيْ، ذَيْ ڧَظَنْتُ، كُواْ دَ مُضْهُ نٜىٰ، كُواْ دَ وُرِنْ تُيَ غُرَاسَ نٜىٰ، ذَاعَ ڢَرْڢَشٜىٰسُ، غَمَا سُنْ ڧَظَنْتُ؞ ذَاسُ كَسَنْثٜىٰ حَكَ أَغَرٜىٰكُ؞ 36 عَمَّا عِدَنْ مُوشٜىٰنْ يَڢَاطِ أَ مَٻُٻُّغَرْ ضُوَ، كُواْ تَڢْكِنْ ضُوَ، ضُوً بَيْ ڧَظَنْتُ بَ، عَمَّا وَنْدَ يَڢِتَرْدَ مُوشٜىٰنْ ذَيْ ڧَظَنْتُ؞ 37 عِدَنْ وَنِ غٜىٰڢٜىٰ نَمُوشٜىٰنْ يَڢَاطِ عَكَنْ إِرِنْ دَ ذَاعَ شُوكَ، إِرِنْ بَذَيْ ڧَظَنْتُبَ؞ 38 عَمَّا عِدَنْ أَنْجِڧَ إِرِنْ دَ ضُوَ، كُمَ وَنِ غٜىٰڢٜىٰ نَمُوشٜىٰنْ يَڢَاطِ عَكَيْ، إِرِنْ ذَيْ ڧَظَنْتُ؞ 39 «عِدَنْ دَبَّرْ دَ عَكَ يَرْدَ مُكُ كُثِ تَمُتُ، دُكْ وَنْدَ يَتَٻَ مُوشٜىٰنْتَ، ذَيْ ڧَظَنْتُ حَرْ يَمَّ؞ 40 دُكْ وَطَنْدَ سُكَثِ دَغَ مُوشٜىٰنْ، ذَاسُ ڧَظَنْتُ حَرْ يَمَّ، كُواْدَيَكٜىٰ سُنْ وَنْكٜىٰ رِيغُنَنْسُ؞ وَطَنْدَ سُكَ طَوْكِ مُوشٜىٰنْ، ذَاسُ ڧَظَنْتُ حَرْ يَمَّ، كُواْدَيَكٜىٰ سُنْ وَنْكٜىٰ رِيغُنَنْسُ؞ 41 «دُكَنْ ڧأَنَانً دَبُّواْبِنْ دَسُكٜىٰ تَڢِيَ عَڧَسَا، ذَاسُ ذَمَ أَبِنْ ڨَمَنٜىٰ أَغَرٜىٰكُ؞ بَذَاكُثِبَ؞ 42 دَغَ ثِكِنْ وَطَنَّنْ، بَذَاكُثِ دُكْ أَبِنْدَ يَكٜىٰجَا دَ ثِكِ عَڧَسَابَ، كُواْ أَبِنْدَ يَكٜىٰ تَڢِيَ دَ ڧَڢَا حُطُ، كُواْ أَبِنْدَ يَكٜىٰدَ ڧَڢَاڢُ دَيَوَ، كُواْ دُكَنْ حَلِتُّو مَاسُ رَرَّڢٜىٰ عَڧَسَا، غَمَا سُنْ ذَمَ أَبِنْ ڨَمَ كٜىٰنَنْ أَغَرٜىٰكُ؞ 43 بَذَاكُ مَيْدَ كَنْكُ أَبِنْ ڨَمَ تَوُرِنْ ثِنْ وَطَنَّنْ أَبُبُوَ بَ، كَدَ كُمَ كُڧَظَنْتَرْ دَكَنْكُ دَسُو؞ 44 غَمَا نِنٜىٰ يَهْوٜىٰهْ اللَّهْ نْكُ؞ كُكٜىٰٻٜىٰ كَنْكُ دَ ڟَرْكِے، كُذَمَ مَاسُ ڟَرْكِے، غَمَا نِے مَيْ ڟَرْكِے نٜىٰ؞ بَذَاكُ ڧَظَنْتَرْ دَكَنْكُ دَ وَنِ أَبُ مَيْ رَرَّڢٜىٰ عَڧَسَابَ؞ 45 غَمَا نِنٜىٰ يَهْوٜىٰهْ وَنْدَ يَڢِتَرْ دَكُو دَغَ ڧَسَرْ مَصَرْ دُواْمِنْ إِنْذَمَ اللَّهْ نْكُ؞ سَيْ كُذَمَ مَاسُ ڟَرْكِے، غَمَا نِے مَيْ ڟَرْكِے نٜىٰ؞ 46 «وَنَّنْ دُواْكَاثٜىٰ غَمٜىٰدَ دَبُّواْبِنْ دَسُكٜىٰ تَڢِيَ عَڧَسَا دَ ڟُنْڟَيٜىٰ دَ دُكَنْ حَلِتُّنْ دَسُكٜىٰ عَثِكِنْ ضُوَ دَ كُواْوَثٜىٰ حَلِتَّ مَيْ رَرَّڢٜىٰ عَڧَسَا، 47 دُواْمِنْ أَ عِيَ بَمْبَنْتَ ڟَكَانِنْ أَبِنْدَ يَكٜىٰ مَيْ ڧَظَنْتَادَ أَبِنْدَ يَكٜىٰ مَرَرْ ڧَظَنْتَادَ كُمَ ڟَكَانِنْ حَلِتُّنْ دَ ذَاعَ عِيَثِ دَ حَلِتُّنْ دَ بَذَاعَ عِيَثِبَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria