ڢِرِسْتُواْثِے 10 - أَتَّوْرَتْ دَ أَنَّبَاوَاذُنُوبِنْ نَدَبْ دَ أَبِهُ 1 أَنَانً سَيْ نَدَبْ دَ أَبِهُ یَیَنْ هَٰرُونَ مَظَا، كُواْوَنّٜىٰنْسُ يَطَوْكِ ݣُونُوانْسَ نَڧُواْنَ تُرَارٜىٰ يَسَا غَرْوَشِنْ وُتَا عَثِكِ، يَظُبَ تُرَارٜىٰ عَكَيْ؞ تَهَكَ سُكَ مِيڧَ وُتَرْ دَ بَتَ ثَنْثَنْتَبَ أَغَبَنْ يَهْوٜىٰهْ، وُتَرْ دَ بَيْ عُمَرْتَ عَيِ إِرِنْتَبَ؞ 2 بَا لَابَرِ سَيْ وُتَا تَٻُلُّواْ دَغَ وُرِنْ يَهْوٜىٰهْ تَثِنْيٜىٰسُ، سُكَ مُتُ أَوُرِنْ أَغَبَنْ يَهْوٜىٰهْ؞ 3 مُوسَٰى يَثٜىٰ وَ هَٰرُونَ «كُنْ غَنِ كُواْ؟ وَنَّنْ شِينٜىٰ أَبِنْدَ يَهْوٜىٰهْ يَكٜىٰ نُڢِ سَعَدَّ يَثٜىٰ، « ‹غَ وَطَنْدَ سُكٜىٰ كُسَدَنِے، ذَنْ نُونَ نِے مَيْ ڟَرْكِے نٜىٰ؞ أَ عِدُوانْ دُكَنْ جَمَعَ، ذَاعَ طَوْكَكَنِ؞› » هَٰرُونَ كُوَ يَيِ شِضُ؞ 4 سَيْ مُوسَٰى يَكِرَا مِشَيٜىٰلْ دَ عٜىٰلْظَڢَنْ، یَیَ مَظَا نَ عُظِّيٜىٰلْ طَنْعُوَنْ بَابَنْ هَٰرُونَ؞ يَثٜىٰ مُسُ «كُذُواْ كُسَ كُݣُوشِ غَوَوَّكِنْ یَنْعُوَنْكُ دَغَ تٜىٰنْتِنْ ذُوَا بَايَنْ ذَنْ‌غُواْ؞» 5 سَيْ سُكَ مَڟُواْ كُسَ سُكَ كَامَ غَوَوَّكِنْ عَتَرِيغُنَ، سُكَ طَوْكٜىٰسُ سُكَ كَيْسُ وَجٜىٰ حَرْ ذُوَا بَايَنْ ذَنْ‌غُوانْ؞ 6 مُوسَٰى يَثٜىٰ وَ هَٰرُونَ دَ یَیَنْسَ عٜىٰلٜىٰيَظَرْ دَ عِتَمَرْ «كَدَ كُبَرْ غَاشِنْ كَنْكُ بَرْكَتَيْ وَيْ كُنَ مَكُواْكِ، كُواْ كُيَيَّغٜىٰ رِيغُنَنْكُ نَڢِرِسْتِ؞ إِنْ كُنْيِ حَكَ، ذَاكُ مُتُ كُكُمَ جَٰوُاْ ڢُشِنْ اللَّهْ عَكَنْ دُكَنْ جَمَعَرْ؞ عَمَّا كُبَرْ یَنْعُوَنْكُ، وَتُواْ دُكَنْ غِدَنْ إِسْرَٰٓءِيلَ، سُيِ كُوكَنْ مُتُوَرْ دَ وُتَرْ يَهْوٜىٰهْ تَجَٰوُاْ مُكُ؞ 7 بَذَاكُ ڢِتَ وَجٜىٰ دَغَ ڧُواْڢَرْ تٜىٰنْتِنْ سَدُوَ بَ، دُواْمِنْ كَدَ كُمُتُ، غَمَا كُنْ سَنِ أَنْكٜىٰٻٜىٰكُ غَ يَهْوٜىٰهْ؞» سُكَ كُوَ عَيْكَتَ دَيْدَيْ يَدَّ مُوسَٰى يَعُمَرْتَ؞ ڧَٰعِدُواْدِنْ عَيْكِنْ ڢِرِسْتِ 8 يَهْوٜىٰهْ يَيِ مَغَنَ دَ هَٰرُونَ يَثٜىٰ، 9 «كَيْ دَ یَیَنْكَ مَظَا، بَذَاكُشَا ضُوً إِنَبِے كُواْ وَنِ أَبُ مَيْسَا بُغُوَ بَ، دُكْ سَعَدَّ ذَاكُ شِغَ تٜىٰنْتِنْ سَدُوَ، دُواْمِنْ كَدَ كُمُتُ؞ وَنَّنْ ڧَٰعِدَ ثٜىٰ تَدِنْدِنْدِنْ دَغَ نَنْ حَرْ إِيَاكَرْ ڟَارَرَّكِنْكُ؞ 10 ذَاكُ بَمْبَنْتَ ڟَكَانِنْ أَبِنْدَ عَكَ كٜىٰٻٜىٰ دَ ڟَرْكِے دَ أَبِنْدَ بَعَكٜىٰٻٜىٰ بَ دَ كُمَ ڟَكَانِنْ أَبِنْ ڧَظَنْتَادَ مَرَرْ ڧَظَنْتَا؞ 11 ذَاكُ كُمَ كُواْيَ وَمُتَنٜىٰنْ إِسْرَٰٓءِيلَ دُكَنْ ڧَٰعِدُواْدِنْ دَ يَهْوٜىٰهْ يَبَايَرْ تَبَاكِنْ مُوسَٰى؞» 12 مُوسَٰى يَيِ مَغَنَ دَ هَٰرُونَ دَ سَوْرَنْ یَیَنْسَ مَظَا وَطَنْدَ سُكَ رَغُ، وَتُواْ عٜىٰلٜىٰيَظَرْ دَ عِتَمَرْ، يَثٜىٰ «كُطَوْكِ ضَغُواْوَرْ هَدَايَ تَهَڟِ وَدَّ عَكَيِ هَدَايَ تَڧُواْنَاوَا غَ يَهْوٜىٰهْ دَ عِتَ، أَ شِرْيَتَ بَابُ يِسْتِ، كُثِ أَغٜىٰڢٜىٰنْ بَغَدٜىٰنْ، غَمَا وَنَّنْ هَدَايَ تَنَدَ ڟَرْكِے سُواْسَيْ، عَيِتَ بِسَغَ ڧَٰعِدَ؞ 13 ذَاكُثِتَ أَوَنِ وُرِے مَيْ ڟَرْكِے غَمَا رَبُوانْكَ نٜىٰ دَ نَیَیَنْكَ مَظَا دَغَ ثِكِنْ هَدَايُنْ دَ عَكَ ڧُواْنٜىٰ دَ وُتَا غَ يَهْوٜىٰهْ؞ غَمَا حَكَ عَكَ عُمَرْثٜىٰنِ إِنْڢَطَا مُكُ؞ 14 عَمَّا ڧِرْجِ دَ ثِنْيَ وَطَنْدَ عَكَ مِيڧَ هَدَايَ تَطَغَوَ ذَاكُثِ دَكَيْ دَ یَیَنْكَ مَظَا دَ مَاتَا أَوُرِے مَرَرْ ڧَظَنْتَا؞ غَمَا أَنْبَاكُسُ، كَيْ دَ یَیَنْكَ، سُذَمَ رَبُوانْكُ دَغَ ثِكِنْ هَدَايُ نَڠَرَنْ زُمُنْثِ نَجَمَعَرْ إِسْرَٰٓءِيلَ؞ 15 ثِنْيَ دَ ڧِرْجِ وَطَنْدَ عَكَمِيڧَ هَدَايَ تَطَغَوَ غَ يَهْوٜىٰهْ، تَرٜىٰدَ كِڟٜىٰنْ هَدَايُنْ دَ عَكَ ڧُواْنٜىٰ دَ وُتَا ذَاسُ ذَمَ رَبُوانْكُ دَكَيْ دَ یَیَنْكَ حَرْ أَبَدَا، بِسَغَ يَدَّ يَهْوٜىٰهْ يَعُمَرْتَ؞» 16 سَيْ مُوسَٰى يَبِنْثِكَ يَجِ يَيَ عَكَيِ دَ بُنْسُرُ نَهَدَايَ تَوَنْكٜىٰ ذُنُوبِ، سَيْ يَتَرَرْ أَنْرِغَا أَنْڧُواْنٜىٰشِ تَسْ! سَيْ يَيِ ڢُشِے دَ عٜىٰلٜىٰيَظَرْ دَ عِتَمَرْ، یَیَنْ هَٰرُونَ مَظَا وَطَنْدَ سُكَ رَغُ؞ يَثٜىٰ، 17 «دُوانْمٜىٰ بَكُثِ نَامَنْ هَدَايَ تَوَنْكٜىٰ ذُنُوبِ أَوُرِے مَيْ ڟَرْكِے بَ؟ وَنَّنْ هَدَايَ تَنَدَ ڟَرْكِے سُواْسَيْ، عَيِتَ بِسَغَ ڧَٰعِدَ؞ اللَّهْ يَبَاكُ وَنَّنْ دُواْمِنْ عَكَوَرْدَ لَيْڢِنْ جَمَعَ، عَكُمَ طَوْكَ أَلْحَكِنْ ذُنُوبِنْسُ أَغَبَنْ يَهْوٜىٰهْ؞ 18 تُنْدَيَكٜىٰ، بَعَشِغَرْدَ جِنِنْ دَبَّرْ ثِكِنْ وُرِے مَيْ ڟَرْكِے بَ، يَا كَمَاتَ دَ كُنْثِ نَامَنْ أَوُرِے مَيْ ڟَرْكِے كَمَرْ يَدَّ نَعُمَرْثٜىٰكُ؞» 19 هَٰرُونَ يَأَمْسَ يَثٜىٰ وَ مُوسَٰى «غَاشِ، يَوْ نٜىٰ یَیَنَ سُكَ مِيڧَ هَدَايَرْسُ تَوَنْكٜىٰ ذُنُوبِ دَ هَدَايَرْسُ تَڧُواْنَاوَا غَ يَهْوٜىٰهْ؞ دُكْدَهَكَ یَیَنَ بِيُ سُكَ مُتُ! دَاعَثٜىٰ نَثِ هَدَايَ تَوَنْكٜىٰ ذُنُوبِ يَوْ طِنَّنْ دَ يَهْوٜىٰهْ يَكَرْٻَ؟» 20 سَعَدَّ مُوسَٰى يَجِ حَكَ، سَيْ يَيَرْدَ دَ وَنَّنْ بَيَانِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria