ڢِرِسْتُواْثِے 1 - أَتَّوْرَتْ دَ أَنَّبَاوَا

هَدَايَ تَڧُواْنَاوَا طُنْ‌غُمْ

¹ يَهْوٜىٰهْ يَكِرَا مُوسَٰى يَيِ مَغَنَ دَشِ دَغَ تٜىٰنْتِنْ سَدُوَ ثٜىٰوَ

² يَيِ مَغَنَ دَ مُتَنٜىٰنْ إِسْرَٰٓءِيلَ ثٜىٰوَ ‏«‏سَعَدَّ وَنِنْكُ ذَيْ كَٰوُاْ هَدَايَ غَ يَهْوٜىٰهْ، سَيْ يَكَٰوُاْ هَدَايَ دَغَ غَرْكٜىٰ نَشَانُو كُواْ نَأَوَكِ كُواْ نَتُمَكِ؞

³ ‏«‏عِدَنْ هَدَايَرْسَ تَڧُواْنَاوَا ثٜىٰ دَغَ غَرْكٜىٰنْ شَانُو، سَيْ يَمِيڧَ نَمِجِ مَرَرْ تَبُواْ؞ مُتُمِنْ ذَيْ مِيڧَشِ عَبَاكِنْ ڧُواْڢَرْ شِغَ تٜىٰنْتِنْ سَدُوَ، دُواْمِنْ هَدَايَرْ تَذَمَ أَبِنْ كَرْٻَ غَ يَهْوٜىٰهْ؞

⁴ مُتُمِنْ ذَيْسَا حَنُّنْسَ عَكَنْ كَيْ نَدَبَّرْ هَدَايَ تَڧُواْنَاوَا دُواْمِنْ تَذَمَ أَبِنْ كَرْٻَ نَطَوْكَرْ أَلْحَكِنْ ذُنُبَنْسَ؞

⁵ ذَاعَ يَنْكَ طَنْ بِجِمِنْ أَغَبَنْ يَهْوٜىٰهْ؞ یَیَنْ هَٰرُونَ مَظَا وَطَنْدَ سُكٜىٰ ڢِرِسْتُواْثِے ذَاسُ مِيڧَ جِنِنْ تَوُرِنْ يَيَّڢَا شِ عَكُواْوَنٜىٰ غٜىٰڢٜىٰنْ بَغَدٜىٰنْ دَيَكٜىٰ أَوَجٜىٰنْ ڧُواْڢَرْ شِغَ تٜىٰنْتِنْ سَدُوَ؞

⁶ ذَاعَ ڢٜىٰطٜىٰ دَبَّ تَهَدَايَ تَڧُواْنَاوَرْ، يَيَيَّنْكَ شِ غَٻَ غَٻَ؞

⁷ یَیَ مَظَا نَ هَٰرُونَ ڢِرِسْتِ ذَاسُجٜىٰرَ إِتَاثٜىٰ عَكَنْ بَغَدٜىٰنْ، سَعَنً سُكُنَّ وُتَا؞

⁸ سَيْ سُجٜىٰرَ غَٻُواْٻِنْ جِكِنْ دَبَّرْ، تَرٜىٰدَ كَنْتَ دَ كِڟٜىٰنْتَ عَكَنْ إِتَاثٜىٰنْ وُتَرْ دَتَكٜىٰثِ عَكَنْ بَغَدٜىٰنْ؞

⁹ عَمَّا ذَاعَ وَنْكٜىٰ كَايَنْ ثِكِنْ دَ ڧَڢَاڢُنْ دَبَّرْ دَ ضُوَ؞ سَيْ ڢِرِسْتِ يَڧُواْنَسُ دُكَ عَكَنْ بَغَدٜىٰنْ هَدَايَ تَڧُواْنَاوَا، هَدَايَرْدَ عَكَ مِيڧَ دَ وُتَا، مَيْ دَاطِنْ ڧَنْشِ غَ يَهْوٜىٰهْ؞

¹⁰ ‏«‏عِدَنْ هَدَايَرْسَ تَڧُواْنَاوَا دَغَ غَرْكٜىٰنْ تُمَكِ كُواْ أَوَكِ نٜىٰ، سَيْ مُتُمِنْ يَمِيڧَ نَمِجِ مَرَرْ تَبُواْ؞

¹¹ ذَاعَيَنْكَاتَ عَتَغٜىٰڢٜىٰنْ أَرٜىٰوَ نَبَغَدٜىٰنْ أَغَبَنْ يَهْوٜىٰهْ؞ یَیَنْ هَٰرُونَ مَظَا وَطَنْدَ سُكٜىٰ ڢِرِسْتُواْثِے ذَاسُ يَيَّڢَا جِنِنْ عَكُواْوَنٜىٰ غٜىٰڢٜىٰنْ بَغَدٜىٰنْ؞

¹² ذَاعَ يَيَّنْكَتَ غَٻَ غَٻَ دَ كَنْتَ دَ كِڟٜىٰنْتَ، سَيْ ڢِرِسْتِ يَجٜىٰرَسُ عَكَنْ إِتَاثٜىٰنْ وُتَرْ دَتَكٜىٰثِ عَكَنْ بَغَدٜىٰنْ؞

¹³ عَمَّا ذَاعَ وَنْكٜىٰ كَايَنْ ثِكِنْ دَ ڧَڢَاڢُنْ دَبَّرْ دَ ضُوَ؞ سَيْ ڢِرِسْتِ يَڧُواْنَسُ دُكَ عَكَنْ بَغَدٜىٰنْ، هَدَايَ تَڧُواْنَاوَا كٜىٰنَنْ، هَدَايَرْدَ عَكَ مِيڧَ دَ وُتَا، مَيْ دَاطِنْ ڧَنْشِ غَ يَهْوٜىٰهْ؞

¹⁴ ‏«‏عِدَنْ هَدَايَرْسَ تَڧُواْنَاوَا غَ يَهْوٜىٰهْ ڟُنْڟَيٜىٰنٜىٰ، سَيْ يَمِيڧَ كُرْثِيُواْيِ كُواْ یَنْ تَتَّبَرُ؞

¹⁵ ڢِرِسْتِ ذَيْ كَٰوُاْ ڟُنْڟُنْ عَبَغَدٜىٰنْ يَمُرْطٜىٰ وُيَنْ ڟُنْڟُنْ يَثِرٜىٰ كَيْ طِنْ، سَعَنً يَڧُواْنٜىٰ كَيْ طِنْ عَكَنْ بَغَدٜىٰنْ؞ ذَاعَ رِڧٜىٰ ڟُنْڟُنْ يَدَّ جِنِنْسَ ذَيْ يِتَظُبَ أَغٜىٰڢٜىٰنْ بَغَدٜىٰنْ؞

¹⁶ ذَيْثِرٜىٰ أَبِنْ رِڧٜىٰ حَڟِ نَوُيَنْ ڟُنْڟُنْ دَ حَڟِنْ دَيَكٜىٰ ثِكِ، يَجٜىٰڢَرْ دَسُو أَغٜىٰڢٜىٰنْ بَغَدٜىٰنْ أَوَجٜىٰنْ غَبَسْ أَ عِنْدَ عَكٜىٰظُبَ تُواْكَ؞

¹⁷ ذَيْ رِڧٜىٰشِ عَتَڢِكَڢِكَنْسَ يَبُوطٜىٰشِ تَڟَكِيَ، عَمَّا بَذَيْ رَبَشِيبَ؞ ڢِرِسْتِ طِنْ ذَيْ ڧُواْنٜىٰشِ عَكَنْ بَغَدٜىٰنْ، عَكَنْ إِتَاثٜىٰنْ دَيَكٜىٰ ثِنْ وُتَا، هَدَايَ تَڧُواْنَاوَا كٜىٰنَنْ؞ هَدَايَرْدَ عَكَ مِيڧَ دَ وُتَا كٜىٰنَنْ، مَيْ دَاطِنْ ڧَنْشِ غَ يَهْوٜىٰهْ؞»‏