مَكُواْكِ 5 - أَتَّوْرَتْ دَ أَنَّبَاوَا

وَاڧَرْ مَكُواْكِ تَبِيَرْ:‏ أَدُّعَ دُواْمِنْ سَابُنْتَاوَا مَغَنَرْ مُتَنٜىٰنْ عُرُوشَلِيمَ

¹ يَا يَهْوٜىٰهْ، دُوبَ كَغَنِ!‏ تُنَ دَ أَبِنْ كُنْيَرْدَ يَڢَرُ دَمُو؞

² أَبِنْ غَادُوانْمُ أَنْبَادَشِ غَ بَاڧِ، غِدَاجٜىٰنْمُ كُمَ سُنْ ذَمَ نَوَتَ ڧَبِيلَ؞

³ مُنْ ذَمَ یَیَ مَرَسَ إِيَايٜىٰ مَظَا، إِيَايٜىٰنْمُ مَتَ سُنْ ذَمَ مَرَسَ مَظَا؞

⁴ ضُوً دَ ذَامُ شَا، دُواْلٜىٰنٜىٰ مُسَيَ، إِتَاثٜىٰنْ وُتَا دُواْلٜىٰنٜىٰ مُسَامٜىٰشِ دَ كُطِ؞

⁵ مَاسُبِنْمُ سُكَ تُورَمُ بَا ڟَيَاوَا، مُكَ غَجِ، بَعَيَرْدَ مُهُوتَبَ؞

⁶ مُكَ مِيڧَ كَنْمُ غَ مَصَرْ دَ أَسُّرِيَ دُواْمِنْ مُسَامِ إِسَشّٜىٰنْ عَبِنْثِ؞

⁷ كَاكَنِّنْمُ نٜىٰ سُكَيِ ذُنُوبِ، يَنْذُ مُنَ طَوْكٜىٰ دَ نَوْيِنْ لَيْڢُواْڢِنْسُ؞

⁸ بَايِ نٜىٰ يَنْذُ سُكٜىٰ مُلْكِ عَكَنْمُ، بَ كُوَ مَيْ ثٜىٰتُوانْمُ دَغَ حَنُّنْسُ؞

⁹ عَبَاكِنْ رَنْمُ نٜىٰ مُكٜىٰ سَامُنْ عَبِنْثِ، غَمَا كُواْعِنَ أَدَاجِ أَݣَويْ تَكُواْبِنْ كِسَا؞

¹⁰ ڢَتَرْ جِكِنْمُ تَيِ ذَاڢِ كَمَرْ وُتَرْ مَڧٜىٰرَ سَبُواْدَ ڟَنَنِنْ وَهَلَرْ يُنْوَ؞

¹¹ أَنْ تِلَسْتَ مَتَ عَكْوَانَ دَسُو أَ سِهِيُواْنَ، أَنْݣُونَ دَ بُدُرْوَيْ أَغَرُضُوً يَهُودَ؞

¹² أَنْ رَاتَيٜىٰ شُوغَبَنِّنْمُ تَهَنُّوَنْسُ، أَنْكُمَڧِ أَغِرْمَمَ دَتَّاوَنْمُ؞

¹³ أَنْ تِلَسْتَ وَسَمَرِ سُيِ عَيْكِنْ نِڧَ، يَارَا سُنَ تَنْ‌غَطِ دَ نَوْيِنْ إِتَاثٜىٰ عَكَنْسُ؞

¹⁴ ڟُواْڢَڢِّ سُنْ دَيْنَ تَارُوَ عَڧُواْڢَرْ بِرْنِ، سَمَارِ كُمَ سُنْ دَيْنَ كَطٜىٰ كَطٜىٰنْسُ؞

¹⁵ ڢَضٍ ثِكِنْ ظُكَاتَنْمُ يَيَنْكٜىٰ، مَيْمَكُوانْ ضَوَ، سَيْ مَكُواْكِ؞

¹⁶ هُولَرْ غِرْمَنْمُ تَڢَاطِ دَغَ كَنْمُ؞ كَيْتُوانْمُ!‏ غَمَا مُنْيِ ذُنُوبِ؞

¹⁷ سَبُواْدَ وَنَّنْ مُنْ ڢِدَّ ذُوثِيَا، سَبُواْدَ وَنَّنْ عِدَنُونْمُ سُنْ دُهُنْتَ؞

¹⁸ غَمَا بَبَّنْ تُدُنْ سِهِيُواْنَ يَذَمَ كُڢَيْ، يَذَمَ وُرِنْ يَٰوُانْ كَرْنُكَنْ دَاجِ؞

¹⁹ يَا يَهْوٜىٰهْ، مُلْكِنْكَ نَهَرْ أَبَدَاثٜىٰ كُجٜىٰرَرْكَ تَكَڢُ دَغَ ڟَارَا ذُوَا ڟَارَا؞

²⁰ دُوانْمٜىٰ كَمَنْتَادَمُو غَبَاطَيَ؟ دُوانْمٜىٰ كَيَاشٜىٰمُ دَ دَطٜىٰوَ حَكَ؟

²¹ دَاوُاْ دَمُو ذُوَا غَرٜىٰكَ، يَا يَهْوٜىٰهْ، سَابُنْتَا ݣُونَكِنْمُ كَمَرْ نَدَا؞

²² كُواْ كَيَاشٜىٰمُ كٜىٰنَنْ غَبَاطَيَ؟ كُواْ ڢُشِنْكَ عَكَنْمُ بَاشِ دَ إِيَاكَ؟