مَكُواْكِ 3 - أَتَّوْرَتْ دَ أَنَّبَاوَا

وَاڧَرْ مَكُواْكِ تَ عُكُ:‏ كُوكَنْ مَيْ وَهَلَ دَ سَا ذُوثِيَارْسَ مَغَنَرْ مَيْ مَكُواْكِ

¹ نِنٜىٰ مُتُمِنْدَ يَغَ وَهَلَ عَڧَرْڧَشِنْ سَنْدَنْ ڢُشِنْ اللَّهْ؞

² نِنٜىٰ يَكُواْرٜىٰنِ يَسَا نَيِ تَڢِيَ عَثِكِنْ دُهُ بَابُ حَصْكٜىٰ؞

³ حَڧِيڧَ، عَكَيْنَ نٜىٰ كَطَيْ حَنُّنْ حُواْرُوانْسَ يَيِ تَ دُوكَ دُكَنْ يِنِ؞

⁴ يَسَ نَامَنْ جِكِينَ دَ ڢَتَرْ جِكِينَ سُلَلَثٜىٰ، يَكُمَ كَكَّرْيَ ڧَسُسُوَنَ؞

⁵ يَغِنَ كَتَنْ‌غَرْ وَهَلَ كٜىٰوَيٜىٰ دَنِے، يَرُڢٜىٰنِ دَ رَايُوَا مَيْ طَاثِ ڨُورَيْ؞

⁶ يَسَ نَذَوْنَ عَثِكِنْ دُهُ، كَمَرْ وَطَنْدَ سُكَ مُتُ تُنْدَا؞

⁷ يَكٜىٰوَيٜىٰنِ دَ كَتَنْ‌غَ دُواْمِنْ كَدَ إِنْكُٻُتَ، يَطَوْرٜىٰنِ دَ سَرْڧُواْڧِ مَاسُ نَوْيِ؞

⁸ كُواْدَيَكٜىٰ إِنَ كُوكَنْ نٜىٰمَنْ تَيْمَكُواْ، يَتُواْشٜىٰ كُنّٜىٰنْسَ غَ أَدُّعَتَ؞

⁹ يَتُواْشٜىٰ حَنْيَتَ دَ مَنْيَنْ دُووَڟُنْ، يَسَا هَنْيُواْيِنَ سُنْيِ ݣُونَ ݣُونَ؞

¹⁰ يَيِ مِنِ ݣُونْتُوانْ ٻَوْنَ كَمَرْ بٜىٰيَرْ، كَمَرْ ذَاكِ مَيْ جِرَا عَٻُواْيٜىٰ؞

¹¹ يَتُورَنِ دَغَ حَنْيَتَ، يَيَيَّاغٜىٰنِ، يَبَرْنِ نِے كَطَيْ بَابُ تَيْمَكُواْ؞

¹² يَجَا بَكَنْسَ، يَسَا نَذَمَ أَبِنْدَ ذَيْهَرْبَ؞

¹³ يَهَرْبٜىٰنِ أَ ذُوثِيَا دَ كِبِيَ دَغَ غِدَنْ كِبِيُواْيِنْسَ؞

¹⁴ نَاذَمَ أَبِنْ دَارِيَا غَ دُكَنْ مُتَنٜىٰنَ، نَاذَمَ أَبِنْ وَاڧَرْ غُواْرِنْسُ دُكَنْ يِنِ؞

¹⁵ يَسَا نَاشَا نَاڧُواْشِ دَ ضُوً طَاثِ، يَڧُواْسَرْ دَنِے دَ عَبِنْثِ مَيْ طَاثِ؞

¹⁶ يَكَرْيَ هَڧُواْرَانَ دَ دُوَڟُو دَ يَشِ، يَسَا إِنَ بِرْغِمَ عَثِكِنْ ڧُورَا؞

¹⁷ أَنْ رَبَ رَيْنَ دَ سَلَمَ، غَبَاطَيَ نَمَنْتَادَ ڢَضٍ ثِكِنْ غَبَ؞

¹⁸ سَيْنَثٜىٰ ‏«‏دَرَجَتَ تَٻَثٜىٰ، دُكْ دَ سَا ذُوثِيَاتَ وُرِنْ يَهْوٜىٰهْ؞»‏

¹⁹ تُنَانِنْ عَذَابَتَ دَ رَشِنْ وُرِنْ ذَمَنَ أَبُنٜىٰ مَيْ طَاثِنْ رَيْ دَ ٻَثِنْ ذُوثِيَا؞

²⁰ كُلُّمْ إِنَ تُنَانِنْ وَنَّنْ، كُمَ رَيْنَ يَٻَثٜىٰ ڨُورَيْ؞

²¹ عَمَّا أَݣَويْ أَبِنْدَ نَرِڧٜىٰ عَتُنَانِنَ، سَبُواْدَ حَكَ إِنَدَ سَا ذُوثِيَا، وَتُواْ،

²² ڧَوْنَرْكَ مَرَرْ ثَنْجَاوَا بَاتَڧَارٜىٰوَ، جِنْڧَنْكَ بَاسُ دَ إِيَاكَ، يَا يَهْوٜىٰهْ؞

²³ غَمَا سَابَبِّے نٜىٰ سُو كُواْوَثٜىٰ سَاڢِيَ، أَمِنْثِنْكَ تَبَّتَاثّٜىٰ نٜىٰ، يَا يَهْوٜىٰهْ؞

²⁴ سَيْنَثٜىٰ ‏«‏يَهْوٜىٰهْ شِينٜىٰ رَبُواْنَ، سَبُواْدَ حَكَ ذَنْسَا ذُوثِيَا غَرٜىٰشِ؞»‏

²⁵ يَهْوٜىٰهْ مَيْ أَلْحٜىٰرِنٜىٰ غَ وَطَنْدَ سُكٜىٰ جِرَا غَرٜىٰشِ، غَ كُمَ وَطَنْدَ سُكٜىٰ نٜىٰمَنْسَ؞

²⁶ يَنَ دَݣَوْ مُتُمْ يَجِرَا ثِكِنْ نَڟُوَ حَرْ سَيْ ثٜىٰتُوانْ يَهْوٜىٰهْ يَذُواْ!‏

²⁷ يَنَ دَݣَوْ، مُتُمْ يَجِمْرٜىٰوَ غُنْ‌غُمٜىٰنْ رَايُوَرْسَ تُنْ يَنَ ثِكِنْ ڧُرُثِيَرْسَ؞

²⁸ يَنَ دَݣَوْ مُتُمْ يَذَوْنَ شِضُ شِے كَطَيْ، سَعَدَّ يَهْوٜىٰهْ نٜىٰ يَسَا غُنْ‌غُمٜىٰنْ عَكَنْسَ؞

²⁹ يَنَ دَݣَوْ مُتُمْ يَڧَسْڧَنْتَرْ دَكَنْسَ ثِكِنْ ڧُورَا، غَمَا وَتَڧِيلَ أَݣَويْ سَوْرَنْ سَا ذُوثِيَا؞

³⁰ يَنَ دَݣَوْ يَبَادَ كُمَتُنْسَ غَ مَيْ مَرِنْسَ، يَهَڧُرَا دَ ثِنْ مُتُنْثِنْ دَ عَكٜىٰيِ مَسَ؞

³¹ غَمَا عُبَنْ‌غِجِ بَذَيْ يَاشٜىٰ مُتُمْ حَرْ أَبَدَا بَ؞

³² كُواْ دَ يَسَا ٻَثِنْ رَيْ، يَكَنْ جِ تَوْسَيِ بِسَغَ يَوَنْ ڧَوْنَرْسَ مَرَرْ ثَنْجَاوَا؞

³³ غَمَا بَ دَ غَنْ‌غَنْ يَكَنْ سَا وَمُتُمْ وَهَلَ كُواْ بَڧِنْ ثِكِيبَ؞

³⁴ يِ وَیَنْ كُرْكُكُ دَنِّيَ، دَ كُمَ دَنّٜىٰ مُتُمْ،

³⁵ حَنَ وَمُتُمْ حَكِّنْسَ أَغَبَنْ مَڢِے طَوْكَكَ،

³⁶ حَنَ وَمُتُمْ شَرِيعَرْ غَسْكِيَ، أَيْ، عُبَنْ‌غِجِ بَايَ يَرْدَ دَ وَطَنَّنْ!‏

³⁷ وَنٜىٰنٜىٰ ذَيْ عِيَ ڢَطَرْ أَبُ حَرْ يَڢَرُ، إِنْ بَ عُبَنْ‌غِجِ نٜىٰ يَعُمَرْتَ بَ؟

³⁸ بَ دَغَ بَاكِنْ مَڢِے طَوْكَكَ نٜىٰ مَسِيڢَ دَ أَلْحٜىٰرِ سُكٜىٰ ڢِتُواْوَبَ؟

³⁹ دُوانْمٜىٰ مُتُمْ مَيْ رَيْ ذَيْ يِ غُنَغُنِ سَعَدَّ عَكَ حُكُنْتَشِ سَبُواْدَ ذُنُبَنْسَ؟

⁴⁰ بَرِ مُڠُودَ، مُبِنْثِكَ هَنْيُواْيِنْمُ، سَعَنً مُجُويُواْ وُرِنْ يَهْوٜىٰهْ؞

⁴¹ مُطَغَ ذُوثِيَارْمُ دَ حَنُّنْمُ ثِكِنْ ضُواْڧُواْ غَ اللَّهْ نَسَمَ مُثٜىٰ،

⁴² ‏«‏مُنْيِ ذُنُوبِنْ غَنْ‌غَنْثِ، مُنْيِ تَاوَيٜىٰ، عَمَّا كَيْ كُوَ بَكَ غَاڢَرْتَا مَنَبَ؞

⁴³ كَا رُڢٜىٰ كَنْكَ دَ ڢُشِے، كَنَ تَبِنْمُ، كَنَ كَكَّشٜىٰمُ بَا تَوْسَيِ؞

⁴⁴ كَا كُمَ رُڢٜىٰ كَنْكَ ثِكِنْ غِرْغِجٜىٰ، دُواْمِنْ كَدَ وَتَ أَدُّعَ تَكَيْ وُرِنْكَ؞

⁴⁵ كَا مَيْشٜىٰمُ شَارَ دَ أَبِنْ ڨَمَ عَثِكِنْ ڧَبِيلُ؞

⁴⁶ دُكَنْ أَبُواْكَنْ غَابَنْمُ سُنَبُوطٜىٰ بَاكِ سُنَ يِمَنَ بَعَ؞

⁴⁷ ڢَاطُوَ ثِكِنْ تَرْكُواْ دَ ڟُواْرُواْ سُنْ ڢَرُ دَمُو، لَلَتَرْوَ دَ هَلَّكَرْوَ سُنْ سَوْكُواْ مَنَ؞»‏

⁴⁸ هَوَيٜىٰ سُنَ ظُبُواْوَ كَمَرْ ضُوً كُواْغِ سَبُواْدَ أَنْهَلَّكَ مُتَنٜىٰنْ ذُوثِيَاتَ؞

⁴⁹ هَوَيٜىٰنَ ذَاسُيِ تَظُبُواْوَ، بَا ڟَيَاوَا، بَا هُوتَوَا،

⁵⁰ حَرْ سَيْ لُواْكَثِنْ دَ يَهْوٜىٰهْ يَدُوبَ دَغَ سَمَ يَغَنِ؞

⁵¹ غَنِنْ عَذَابَرْ یَنْ مَاتَانْ بِرْنِنَ يَسَانِ بَڧِنْ ثِكِ؞

⁵² بَابُ دَلِيلِ، أَبُواْكَنْ غَابَنَ سُكَ ڢَرَوْثٜىٰنِ كَمَرْ نِے ڟُنْڟُنٜىٰ؞

⁵³ سُكَ جٜىٰڢَرْ دَنِے ثِكِنْ رَامِ، سُكَ كُمَ جٜىٰجّٜىٰڢٜىٰنِ دَ دُوَڟُو؞

⁵⁴ ضُوَيٜىٰ سُكَشَا كَيْنَ، سَيْ نَغَ كَمَرْ تَاوَتَاڧَارٜىٰ؞

⁵⁵ يَا يَهْوٜىٰهْ، نَيِ كِرَا غَ سُونَنْكَ دَغَ ثِكِنْ رَامِ مَيْ ظُرْڢِ؞

⁵⁶ كَكُوَجِ مُرْيَرْ كُوكَنَ دَنَثٜىٰ، ‏«‏بُوطٜىٰ كُنّٜىٰنْكَ، كَجِ كُوكَنَ!‏»‏

⁵⁷ أَ لُواْكَثِنْدَ نَيِ كِرَا غَرٜىٰكَ، كَكَنْ ذُواْ كُسَ كَثٜىٰ ‏«‏كَدَ كَجِڟُواْرُواْ!‏»‏

⁵⁸ يَا عُبَنْ‌غِجِ، كَيْ كَكَرْٻِ دَامُوَتَ، كَا كُوَ ڢَنْشِ رَيْنَ؞

⁵⁹ يَا يَهْوٜىٰهْ، كَيْ كَاغَ لَيْڢِنْدَ عَكَيِ مِنِ، تُواْ، يِمِنِ شَرِيعَرْ غَسْكِيَ؞

⁶⁰ يَا يَهْوٜىٰهْ، كَيْ كَغَ دُكَنْ وُلَڧَنْثِنْسُ دَ دُكَنْ ڧُلّٜىٰ ڧُلّٜىٰنْسُ عَكَيْنَ؞

⁶¹ يَا يَهْوٜىٰهْ كَجِ ذَاغٜىٰ ذَاغٜىٰنْسُ، دَ دُكَنْ ڧُلّٜىٰ ڧُلّٜىٰنْسُ عَكَيْنَ؞

⁶² يَا يَهْوٜىٰهْ، كَيْ كَجِ مَغَنْ‌غَنُنْسُ، دَ تُنَانِنْسُ غَابَادَنِے أَدُكَنْ يِنِ؞

⁶³ دُوبِے يَدَّ كُواْ أَ ظَوْنٜىٰ كُواْ أَڟَيٜىٰ، سُنَ رٜىٰرَ مِنِ وَاڧَرْ غُواْرِنٜىٰ؞

⁶⁴ يَا يَهْوٜىٰهْ، سَاكَ مُسُ دَيْدَيْ، سَاكَ مُسُ يَدَّ يَدَاثٜىٰ دَ أَيُّكَنْسُ؞

⁶⁵ بَرِ كَبَاسُ عَذَابَ أَ ذُوثِيَا، لَعَنَرْكَ كُوَ تَذَوْنَ عَكَنْسُ!‏

⁶⁶ يَا يَهْوٜىٰهْ، بِيسُ ثِكِنْ ڢُشِنْكَ، هَلَكَاسُ دَغَ ڧَرْڧَشِنْ سَمَّنْكَ!‏