مَكُواْكِ 2 - أَتَّوْرَتْ دَ أَنَّبَاوَا

وَاڧَرْ مَكُواْكِ تَبِيُ:‏ حُكُنْثِنْ عُرُوشَلِيمَ مَغَنَرْ مَيْ مَكُواْكِ

¹ أَيَّ!‏ أَيَّ!‏ عَثِكِنْ ڢُشِنْسَ، عُبَنْ‌غِجِ يَرُڢٜىٰ ذُوثِيَارْسَ سِهِيُواْنَ دَ كُنْيَا كَمَرْ غِرْغِجٜىٰ؞ دَغَ سَمَ يَجٜىٰڢَرْ دَ دَرَجَرْ إِسْرَٰٓءِيلَ ڧَسَا!‏ أَ رَانَرْ ڢُشِنْسَ، بَيْ تُنَ دَ وُرِنْ سَا ڧَڢَرْسَ ثِكِنْ أَلْحٜىٰرِبَ؞

² عَثِكِنْ رَشِنْ تَوْسَيِ، عُبَنْ‌غِجِ يَهَلَّكَرْ دَ دُكَنْ وُرَارٜىٰنْ ذَمَنْ يَعْڧُوبَ؞ عَثِكِنْ ڢُشِنْسَ، يَرُرُّشٜىٰ وُرَارٜىٰ مَاسُ كَتَنْ‌غَ نَذُوثِيَارْسَ يَهُودَ؞ مُلْكِ دَ مَاسُ مُلْكِنْسَ، يَڧَسْڧَنْتَرْ دَسُو؞

³ دَ ڢُشِنْسَ، يَيَنْكٜىٰ ڧَرْڢِنْ سُواْجُواْجِنْ إِسْرَٰٓءِيلَ، يَجَنْيٜىٰ حَنُّنْسَ مَيْ إِيكُواْ دَغَ غَرٜىٰسُ، سَعَدَّ سُكٜىٰ ڢُسْكَنْثِ أَبُواْكَنْ غَابَا؞ كَمَرْ هَرْشٜىٰنْ وُتَا مَيْ ثِنْيٜىٰوَ، يَڧُواْنٜىٰ دُكَنْ أَبِنْدَ يَكٜىٰ نَظُرِيَرْ يَعْڧُوبَ؞

⁴ يَجَا بَكَنْسَ كَمَرْ أَبُواْكِنْ غَابَا، يَكُمَ نُونَ حَنُّنْ إِيكُوانْسَ كَمَرْ مَڧِيِ؞ يَهَلَّكَ دُكَنْ أَبِنْدَ عَكٜىٰ تَاڧَمَ عَكَيْ نَثِكِنْ تٜىٰنْتِنْ ذُوثِيَارْسَ سِهِيُواْنَ؞ عِ، يَظُبَ ڢُشِنْسَ كَمَرْ هَرْشٜىٰنْ وُتَا؞

⁵ عُبَنْ‌غِجِ يَذَمَ كَمَرْ أَبُواْكِنْ غَابَا، يَهَلَّكَرْ دَ إِسْرَٰٓءِيلَ؞ يَهَلَّكَرْ دَ غِدَاجٜىٰنْ سَرَاكُنَنْتَ دُكَ، يَرُرُّشٜىٰ وُرَارٜىٰ مَاسُ كَتَنْ‌غَرْتَ؞ غَ ذُوثِيَارْسَ يَهُودَ، يَڧَارَ كُوكَا دَ بَڧِنْ ثِكِ؞

⁶ يَرُشٜىٰ هَيْكَلِنْسَ كَمَرْ بُكَّ أَغُواْنَ، يَكَوَرْدَ تٜىٰنْتِنْ سَدُوَرْسَ؞ أَ سِهِيُواْنَ يَهْوٜىٰهْ يَكَوَرْدَ بُكُكُوَ دَ كِيَايٜىٰوَرْ رَانَرْ هُوتُ تَمَكُواْ؞ أَ ذَاڢِنْ ڢُشِنْسَ يَڧِ سَرْكِے دَ ڢِرِسْتُواْثِے؞

⁷ عُبَنْ‌غِجِ يَڧِ بَغَدٜىٰنْسَ يَكُمَ ڧِ وُرِنْسَ مَيْ ڟَرْكِے؞ يَبَادَ بِرْنِ أَ حَنُّنْ أَبُواْكَنْ غَابَا؞ أَبُواْكَنْ غَابَا سُكَيِ إِيهُ أَ غِدَنْ يَهْوٜىٰهْ إِيهٌ نَصَرَا إِرِنْ نَرَانَرْ بِكٍ دَ عَكَ ڟَارَا؞

⁸ يَهْوٜىٰهْ يَا يِنِيَّرْ كَوَرْدَ كَتَنْ‌غَ مَيْ ڟَرٜىٰ ذُوثِيَارْسَ سِهِيُواْنَ؞ يَمِيڧَ إِغِيَرْ أَوُانْ هَلَّكَ، بَيْ جَنْيٜىٰ حَنُّنْ إِيكُوانْسَ دَغَ هَلَّكَرْتَ بَ، يَسَا كَتَنْ‌غَرْ ڟَرٜىٰوَ تَلَلَثٜىٰ تَيِ مَكُواْكِ؞

⁹ ڧُواْڢُواْڢِنْتَ سُنْ رِغَا سُنْ نُڟٜىٰ ڧَسَا، سَنْدُنَنْ كُلّٜىٰ ڧُواْڢُواْڢِنْتَ سُنْ كَرْيَ؞ سَرْكِے دَ شُوغَبَنِّ سُنَ ثِكِنْ أَلْعُمَّيْ، كُواْيَرْوَا تَٻَثٜىٰ، أَنَّبَاوَا بَاسَ سَامُنْ رُعُيَ دَغَ يَهْوٜىٰهْ؞

¹⁰ دَتَّاوَا نَذُوثِيَارْسَ سِهِيُواْنَ سُنَ ظَوْنٜىٰ عَڧَسَا شِضُ؞ سُنْ يَيَّڢَا ڧُورَا عَكَنْسُ، سُنَ سَنْيٜىٰ دَ رِيغُنَنْ نُونَ بَڧِنْ ثِكِ؞ بُدُرْوَيْ سُنْ سُنْكُيَرْدَ كَنْسُ ڧَسَا؞

¹¹ عِدَنُونَ سُنْ كُمْبُرَ سَبُواْدَ كُوكَا، ثِكِنَ يَيِ ضُوَ ضُوَ، ذُوثِيَاتَ تَنَرْكٜىٰ سَبُواْدَ هَلَّكَرْ مُتَنٜىٰنَ، غَمَا جَرِرَيْ دَ یَنْ يَارَا سُنَ سُومَ عَتِيتُنَنْ بِرْنِنْ؞

¹² سُنَتَيِ وَمَامَرْسُ كُوكَا سُنَ ثٜىٰوَ ‏«‏إِنَا عَبِنْثِ دَ أَبِنْشَا؟»‏ سُنَ سُومَ كَمَرْ سُواْجُواْجِنْ يَاڧِ وَطَنْدَ عَكَيِ مُسُ رَوْنِ، عَتِيتُنَ سُنَ مُتُوَ عَڧِرْجِنْ مَامَرْسُ؞

¹³ مٜىٰ ذَنْثٜىٰ، إِنْكُمَ ݣُوتَنْتَا كٜىٰ دَشِ، يَا كٜىٰ ذُوثِيَاتَ عُرُوشَلِيمَ؟ دَمٜىٰ ذَنْ ݣُوتَنْتَاكِ إِنْ تَعَظَنْتَرْ دَكٜىٰ، يَا كٜىٰ بُدُرْوَ ذُوثِيَاتَ سِهِيُواْنَ؟ ظُرْڢِنْ رَوْنِنْكِ تٜىٰكُنٜىٰ، بَابُ وَرْكٜىٰوَ؞

¹⁴ رُعُيُواْيِنْ دَ أَنَّبَاوَنْكِ سُكَ غَنِ، أَيْ، رُعُيُواْيِنْ ڧَضْيَا نَبَنْظَنٜىٰ!‏ بَسُ تُواْنَ أَسِيرِنْ لَيْڢُواْڢِنْكِ دُواْمِنْ أَ هَنَكِ ذُوَا بَوْتَبَ؞ عَمَّا سُكَيِ مِكِ أَنَّبْثِنْ ڧَضْيَا نَبَنْظَ؞

¹⁵ دُكَنْ وَطَنْدَ سُكٜىٰ وُثٜىٰوَ سُنَ تَڢَ حَنُّنْ رٜىٰنِ سُنَ كَطَكَيْ؞ سُنَيِ وَذُوثِيَاتَ عُرُوشَلِيمَ ڟَكِ ثٜىٰوَ ‏«‏أَشٜىٰ، بِرْنِ مَڢِے ݣَنْ غَنِ أَدَا كٜىٰنَنْ، أَبِنْ ڢَضٍ ثِكِ غَ دُكَنْ دُونِيَا؟»‏

¹⁶ دُكَنْ أَبُواْكَنْ غَابَنْكِ سُنْ بُوطٜىٰ بَاكِنْسُ كَمَرْ ذَاكُواْكِ سُنَ غَابَادَكٜىٰ، سُنَ ڟَكِ، سُنَ ثِظُوانْ هَڧُواْرَ، سُنَ ثٜىٰوَ ‏«‏أَيْ، مُنْ هَلَكَاتَ!‏ رَانَثٜىٰ وَدَّ مُكٜىٰ جِرَا، غَاشِ كُوَ، تَذُواْ، مُنْ غَنْتَ!‏»‏

¹⁷ يَهْوٜىٰهْ يَا عَيْكَتَ أَبِنْدَ يَنُڢَ، يَثِكَ كَلْمَرْسَ كَمَرْ يَدَّ يَعُمَرْتَ تُنْدَا؞ يَرُشٜىٰكِ بَا تَوْسَيِ، يَسَا أَبُواْكِنْ غَابَا يَيِ مُرْنَ عَكَنْكِ، يَڧَارَ غِرْمَنْ ڧَرْڢِنْ مَاسُ ڧِنْ غَنِنْكِ؞

¹⁸ ذُوثِيَارْ جَمَعَ تَايِكُوكَا غَ عُبَنْ‌غِجِ؞ يَا كٜىٰ كَتَنْ‌غَ مَيْ ڟَرٜىٰ ذُوثِيَا سِهِيُواْنَ، بَرِ هَوَيٜىٰنْكِ سُيِ تَغُدُ كَمَرْ كُواْغِ سُيِ تَغَنْ‌غَرُواْوَ دَرٜىٰ دَ رَانَ؞ كَدَ كِبَا كَنْكِ دَ عِدَنُونْكِ هُوتُ!‏

¹⁹ كِتَاشِ، كِيِ تَكُوكَا دَ دَرٜىٰ، دُكَنْ دَرٜىٰ كِبَيَّنَ ذُوثِيَارْكِ؞ كِظُبَتَ كَمَرْ ضُوَ أَغَبَنْ عُبَنْ‌غِجِ، كِمِيڧَ حَنُّ كِيِضُواْڧُواْ سَبُواْدَ یَیَنْكِ، یَیَنْكِ مَاسُ سُومَ دَ يُنْوَ عَكُواْوَنٜىٰ تِيتِ!‏

مَغَنَرْ عُرُوشَلِيمَ

²⁰ يَا يَهْوٜىٰهْ، دُوبَ، كَغَنِ!‏ حَكَ كَسَابَايِ دَ مُتَنٜىٰ؟ يَيِ ݣَوْ إِيَايٜىٰ مَاتَا سُثِنْيٜىٰ یَیَنْسُ؟ يَيِ ݣَوْ عَكَشٜىٰ ڢِرِسْتِ دَ أَنَّبِے عَثِكِنْ وُرِے مَيْ ڟَرْكِے نَ عُبَنْ‌غِجِ؟

²¹ مُتَنٜىٰنَ يَارَا دَ ڟُواْڢَڢِّ سُنَ ݣُونْثٜىٰ عَڧَسَا عَتِيتُنَ؞ بُدُرْوَيْنَ دَ سَمَارِنَ سُكَ مُتُ دَ تَكُواْبِے؞ كَا كَشٜىٰسُ أَ رَانَرْ ذَاڢِنْ ڢُشِنْكَ، كَا كَشٜىٰسُ بَابُ تَوْسَيِ؞

²² كَيْ كَا كِرَوُاْ أَبُواْكَنْ غَابَنَ سُكٜىٰوَيٜىٰنِ، كَمَرْ يَدَّ عَكَنْ غَيَّثِ مُتَنٜىٰ ذُوَا بِكِ؞ أَ رَانَرْ ڢُشِنْ يَهْوٜىٰهْ، بَا مَيْ كُٻُتَ كُواْ مَيْ ڟِيرَا؞ یَیَنْدَ نَحَيْڢَ نَيِ رٜىٰنُوانْسُ، سُنْ هَلَكَاسُ؞