مَكُواْكِ 1 - أَتَّوْرَتْ دَ أَنَّبَاوَاوَاڧَرْ مَكُواْكِ تَڢَرْكُواْ: بَڧِنْ ثِكِنْ سِهِيُواْنَ مَغَنَرْ مَيْ مَكُواْكِ 1 أَيَّ! أَيَّ! يَيَ عُرُوشَلِيمَ وَدَّ دَا ثِكٜىٰدَ مُتَنٜىٰ تَكٜىٰ تَذَوْنَ بَابُ كُواْوَ؟ يَيَ عِتَ وَدَّ دَا بَبَّثٜىٰ عَثِكِنْ أَلْعُمَّيْ تَذَمَ كَمَرْ مَثٜىٰ وَدَّ مِجِنْتَ يَمُتُ؟ يَيَ عِتَ وَدَّ دَا سَرَوْنِيَ ثٜىٰ عَثِكِنْ يَنْكُنَ تَذَمَ كَمَرْ بَيْوَ مَيْ عَيْكِنْ دُواْلٜىٰ؟ 2 دَ دَرٜىٰ تَنَ كُوكَا مَيْ ڟَنَنِ، هَوَيٜىٰنْتَ سُنَ ظُبُواْوَ عَكُمَتُنْتَ؞ بَابُ كُواْ طَيَ دَغَ ثِكِنْ مَسُواْيَنْتَ وَنْدَ يَكٜىٰيِنْ مَتَ تَعَظِيَّ، دُكَنْ أَبُواْكَنْتَ سُنْثِ أَمَانَرْتَ سُنْ ذَمَ أَبُواْكَنْ غَابَنْتَ؞ 3 يَهُودَ تَتَڢِے بَوْتَا، عَثَنْ تَشَا عَذَابَ دَ عَيْكِنْ بَوْتَا؞ يَنْذُ تَنَ ظَوْنٜىٰ أَڟَكِيَرْ سَوْرَنْ أَلْعُمَّيْ، عَمَّا بَتَسَامِ هُوتَوَابَ؞ غَاشِ، مَاسُبِنْتَ دَ يَاڧِ سُنْ كَمَاتَ عَثِكِنْ وَهَلَرْتَ بَابُ حَنْيَرْ ڟِيرَا؞ 4 هَنْيُواْيِنْ سِهِيُواْنَ سُنَ بَڧِنْ ثِكِ، بَا مَاسُ تَڢِيَ عَكَنْسُ ذُوَا بُكُكُوَنْتَ؞ ڧُواْڢُواْڢِنْتَ دُكَ، بَابُ مَيْشِغَ كُواْ ڢِتَ، ڢِرِسْتُواْثِنْتَ سُنَ نِيشِنْ عَذَابَ؞ بُدُرْوَيْ نَاتَ سُنَ شَنْ وَهَلَ، سِهِيُواْنَ دَ كَنْتَ تَنَ ثِكِنْ بَڧِنْ ثِكِ؞ 5 يَنْذُ أَبُواْكَنْ غَابَنْتَ سُونٜىٰ كَنْ غَبَ، أَبُواْكَنْ غَابَنْتَ سُنَ ذَمَ ثِكِنْ ݣُونْثِيَرْ رَيْ؞ يَهْوٜىٰهْ يَا حُكُنْتَ عُرُوشَلِيمَ سَبُواْدَ يَوَنْ ذُنُبَنْتَ نَغَنْغَنْثِ؞ یَیَنْتَ سُنْ تَڢِے بَوْتَا أَ حَنُّنْ أَبُواْكَنْ غَابَنْتَ؞ 6 دُكَنْ دَرَجَرْ ذُوثِيَاتَ سِهِيُواْنَ تَرَبُ دَ عِتَ! شُوغَبَنِّنْتَ سُنْ غَجِ دَ يَٰوُاْ كَمَرْ بَرٜىٰوَ، كَمَرْ بَرٜىٰوَرْ دَ بَتَسَامِ وُرِنْ كِيوُاْ بَ، وَدَّ ڧَرْڢِنْتَ يَڧَارٜىٰ أَغَبَنْ مَاسُ كُواْرَرْتَ؞ 7 عَݣُونَكِنْ عَذَابَرْتَ دَ رَشِنْ وُرِنْ ذَمَنْتَ، عُرُوشَلِيمَ تَتُنَ دَ رَايُوَرْتَ تَدَرَجَ تَدَا؞ أَ لُواْكَثِنْ دَ تَڢَاطَ أَ حَنُّنْ أَبُواْكَنْ غَابَنْتَ، كُمَ بَابُ مَيْ تَيْمَكُوانْتَ، سَيْ أَبُواْكَنْ غَابَنْتَ سُكَيِ مَتَ كَلُّوانْ رٜىٰنِ سَبُواْدَ ڢَاطُوَرْتَ؞ 8 عُرُوشَلِيمَ تَايِ ذُنُوبِ ڨُورَيْ دَ غَسْكٜىٰ، يَنْذُ تَذَمَ أَبِنْ ڨَمَ؞ دُكَنْ مَاسُ غِرْمَمَتَ أَدَا يَنْذُ سُنَ رٜىٰنَتَ دُواْمِنْ سُنْ غَ ڟِرَيْثِنْتَ؞ عُرُوشَلِيمَ مَا دَ كَنْتَ، تَنَ نِيشِ تَنَ ٻُواْيٜىٰ ڢُسْكَرْتَ ثِكِنْ كُنْيَا؞ 9 جِنِنْ ڧَظَنْتَرْتَ يَنُونَ أَ ذَنٜىٰنْتَ، بَتَمَا يِتُنَانِ يَدَّ ڧَرْشٜىٰنْتَ ذَيْ كَسَنْثٜىٰبَ؞ غَاشِ، ڢَاطُوَرْتَ تَذَمَ مُومُّنَ، بَابُ مَيْ تَعَظَنْتَرْ دَ عِتَ؞ يَا يَهْوٜىٰهْ، دُوبِے وَهَلَاتَ! أَبُواْكَنْ غَابَنَ سُنْثِ نَصَرَا عَكَيْنَ! 10 أَبُواْكَنْ غَابَنْتَ سُنْ مِيڧَ حَنُّنْ غَابَا عَكَنْ دُكَنْ كَايَنْتَ مَاسُ دَرَجَ؞ عِ، سِهِيُواْنَ تَاغَا أَلْعُمَّيْ سُنْ شِغَ وُرِے مَيْ ڟَرْكِے، أَلْعُمَّنْ دَ كَيْ يَهْوٜىٰهْ كَا عُمَرْتَ كَدَ سُشِغَ ثِكِنْ تَارُوانْ جَمَعَرْكَ؞ 11 دُكَنْ جَمَعَرْ بِرْنِنْ سُنَ نِيشِنْ نٜىٰمَنْ عَبِنْثِ، سُنَ بَادَ كَايَنْسُ مَاسُ دَرَجَ سَبُواْدَ نٜىٰمَنْ عَبِنْثِ دُواْمِنْ سُرَايُ؞ عُرُوشَلِيمَ تَتَادَ مُرْيَرْ كُوكَا، دُوبَ، يَا يَهْوٜىٰهْ، غَاشِ نَا ذَمَ أَبِنْ رٜىٰنِ! مَغَنَرْ عُرُوشَلِيمَ 12 أَغَرٜىٰكُ، دُكَنْكُ مَاسُ وُثٜىٰوَ وَنَّنْ بَيْ ذَمَ دَامُوَبَ؟ دُوبَ، كُغَنِ مَنَ! أَنْ تَٻَيِ وَنِ بَڧِنْ ثِكِ إِرِنَّوَ، إِرِنْ بَڧِنْ ثِكِنْ دَ يَهْوٜىٰهْ يَطُواْرَ مِنِ أَ رَانَرْ ڢُشِنْسَ مَيْ ذَاڢِ؟ 13 دَغَ سَمَ يَعَيْكُواْ مِنِ دَ وُتَا، وُتَرْ دَتَبِے حَرْ ثِكِنْ ڧَسُسُوَنَ؞ يَكُمَ كَڢَ وَڧَڢَاڢُنَ تَرْكُواْ، يَكُواْمَرْ دَنِے بَايَ؞ يَبَرْنِ نِے كَطَيْ، دُكَنْ يِنِ إِنَثِكِنْ ذَاڢِ؞ 14 يَطَوْرَا ذُنُبَيْنَ عَكَيْنَ كَمَرْ غُنْغُمٜىٰ، دَ حَنُّنْسَ يَتَتَّرَاسُ يَطَوْرَا؞ يَطُواْرَسُ أَوُيَنَ، غُنْغُمٜىٰنَّنْ يَسَا ڧَرْڢِينَ يَكَاسَ؞ عُبَنْغِجِ يَكُمَ بَاشٜىٰنِ أَ حَنُّنْ مُتَنٜىٰ، مُتَنٜىٰنْ دَ بَنْ عِيَ ڟَيَاوَ أَغَبَنْسُبَ؞ 15 عُبَنْغِجِ يَيِ بَنْظَ دَ مَاسُ عِيَ يَاڧِ نَوَ، يَكِرَوُاْ ڧُنْغِيَرْ سُواْجُواْجِ عَكَيْنَ، دُواْمِنْ سُمُرْڧُشٜىٰ سَمَارِنَ، كَمَرْ يَدَّ عَكٜىٰ تَتَّاكٜىٰ یَیَنْ إِنَبِے؞ حَكَ عُبَنْغِجِ يَتَتَّاكٜىٰ بُدُرْوَ ذُوثِيَارْسَ يَهُودَ؞ 16 سَبُواْدَ وَطَنَّنْ أَبُبُوَ، إِنَ تَكُوكَا، هَوَيٜىٰ سُنَ ظُبُواْوَ دَغَ عِدَنُونَ؞ غَمَا مَيْ تَعَظَنْتَرْ دَنِے يَيِ نٜىٰسَ، وَنْدَ ذَيْ ڧَرْڢَڢَ رَيْنَ يَيِ نٜىٰسَ دَنِے؞ یَیَنَ سُنَ ذَمَنْ كَطَيْثِ، غَمَا أَبُواْكِنْ غَابَا يَيِ نَصَرَا عَكَنْسُ؞ مَغَنَرْ مَيْ مَكُواْكِ 17 سِهِيُواْنَ تَنَ مِيڧَ حَنُّوَنْتَ ثِكِنْ ضُواْڧُواْ، عَمَّا بَاوَنْدَ ذَيْ تَعَظَنْتَرْدَ عِتَ؞ غَمَا يَهْوٜىٰهْ يَا عُمَرْثِ أَلْعُمَّنْ دَسُكٜىٰ كٜىٰوَيٜىٰ دَ يَعْڧُوبَ سُذَمَ أَبُواْكَنْ غَابَنْسَ؞ عُرُوشَلِيمَ تَذَمَ مُسُ أَبِنْ ڨَمَ؞ مَغَنَرْ عُرُوشَلِيمَ 18 أَبِنْ دَ يَهْوٜىٰهْ يَيِ دَيْدَيْنٜىٰ، غَمَا نِے نَا يِتَاوَيٜىٰ غَ مَغَنَرْسَ؞ كُجِ، يَا كُو ڧَبِيلُ دُكَ، دُوبِے وَهَلَاتَ! بُدُرْوَيْنَ دَ سَمَارِنَ، أَنْ كَيْسُ بَوْتَا! 19 نَيِكِرَا غَ مَسُواْيَنَ، عَمَّا سُكَ رُوطٜىٰنِ؞ ڢِرِسْتُواْثِنَ دَ دَتَّاوَنَ عَثِكِنْ بِرْنِ سُنْ هَلَّكَ، ثِكِنْ نٜىٰمَنْ عَبِنْثِ، عَبِنْثِنْ دَ ذَاسُثِ سُرَايُ؞ 20 دُوبَ يَا يَهْوٜىٰهْ، يَدَّ نَكٜىٰ شَنْ وَهَلَ! ثِكِنَ يَيِ ضُوَ ضُوَ، ذُوثِيَاتَ تَكَرْيَ سَبُواْدَ نَيِ مَكَ تَاوَيٜىٰ؞ أَوَجٜىٰ، غَا تَكُواْبِنْ هَلَّكَرْوَ، عَثِكِنْ غِدَاجٜىٰ كُمَ غَا مُتُوَ؞ 21 كُواْوَ يَجِ يَدَّ نَكٜىٰنِيشِ، عَمَّا بَابُ مَيْ تَعَظَنْتَرْ دَنِے؞ دُكَنْ أَبُواْكَنْ غَابَنَ سُنْ جِ لَابَرِنْ مَسِيڢَاتَ، سُنْ كُوَيِ ڢَضٍ ثِكِ عَكَنْ أَبِنْدَ كَيِ مِنِ؞ بَرِ كَكَٰوُاْ رَانَرْ نَنْدَ كَيِ شٜىٰلَرْتَ، دُواْمِنْ سُو مَا سُذَمَ كَمَرْ يَدَّ نَكٜىٰ؞ 22 بَرِ دُكَنْ مُغُنْتَارْسُ سُبَيَّنَ أَغَبَنْكَ، سَعَنً كَحُكُنْتَسُ؞ بَرِ كَحُكُنْتَسُ دَيْدَيْ يَدَّ كَحُكُنْتَنِ سَبُواْدَ دُكَنْ ذُنُبَنْ غَنْغَنْثِنَ؞ غَمَا نِشٜىٰ نِشٜىٰنَ سُنْيِيَوَ، كُمَ إِنَ ثِكِنْ ڢِدَّ ذُوثِيَا؞ |
Hausa Common Language Ajami Bible © The Bible Society of Nigeria, 2020
Bible Society of Nigeria