يُواْشُوَ 4 - أَتَّوْرَتْ دَ أَنَّبَاوَا

أَنْ كَڢَ دُووَڟُنْ تُنَاوَا

¹ سَعَدَّ دُكَنْ جَمَعَ سُكَ ڧٜىٰتَرٜىٰ يُواْدَنْ، سَيْ يَهْوٜىٰهْ يَيِ مَغَنَ دَ يُواْشُوَ يَثٜىٰ،

² ‏«‏كَذَاٻِ مَظَا غُواْمَشَا بِيُ دَغَ ثِكِنْ جَمَعَ، وَتُواْ طَيَ دَغَ ثِكِنْ كُواْوَثٜىٰ ذُرِيَ؞

³ كَاعُمَرْثٜىٰسُ سُطَوْكِ دُوَڟُو غُواْمَشَا بِيُ دَغَ ڟَكِيَرْ يُواْدَنْ دَيْدَيْ وُرِنْ دَ ڢِرِسْتُواْثِے سُكَ ڟَيَ، سُڧٜىٰتَرٜىٰ دَ دُووَڟُنْ، سُأَجِيٜىٰسُ أَ عِنْدَ ذَاكُ سَوْكَ دَ دَرٜىٰنَّنْ؞»‏

⁴ سَيْ يُواْشُوَ يَكِرَا مُتَنٜىٰ غُواْمَشَا بِيُ وَطَنْدَ يَذَاٻَا دَغَ ثِكِنْ كُواْوَثٜىٰ ذُرِيَرْ إِسْرَٰٓءِيلَ،

⁵ يَثٜىٰ مُسُ ‏«‏كُوُثٜىٰ غَبَنْ عَݣُوتِنْ يَرْجٜىٰجٜىٰنِيَرْ يَهْوٜىٰهْ اللَّهْ نْكُ ذُوَا ثِكِنْ ڟَكِيَرْ يُواْدَنْ؞ كُواْوَنّٜىٰنْكُ يَطَوْكِ دُوڟٜىٰ طَيَ عَكَڢَطَرْسَ، طَيَ دُواْمِنْ كُواْوَثٜىٰ ذُرِيَرْ إِسْرَٰٓءِيلَ؞

⁶ وَطَنَّنْ دُوَڟُو ذَاسُ ذَمَ مُكُ عَلَمَرْ تُنَاوَا غَمٜىٰدَ أَبِنْدَ يَهْوٜىٰهْ يَيِ؞ نَنْ غَبَ یَیَنْكُ ذَاسُ تَمْبَيٜىٰكُ سُثٜىٰ، ‏‹‏إِنَ مَنُڢَرْ وَطَنَّنْ دُوَڟُو أَغَرٜىٰكُ؟›‏

⁷ سَيْ كُ أَمْسَ كُغَيَ مُسُ ثٜىٰوَ ضُوً يُواْدَنْ يَيَنْكٜىٰ سَعَدَّ عَݣُوتِنْ يَرْجٜىٰجٜىٰنِيَرْ يَهْوٜىٰهْ يَڧٜىٰتَرٜىٰ يُواْدَنْ؞ وَطَنَّنْ دُوَڟُو كُواْيَوْشٜىٰ ذَاسُ ذَمَ أَبِنْ تُنَاوَا غَ مُتَنٜىٰنْ إِسْرَٰٓءِيلَ؞»‏

⁸ سَيْ إِسْرَٰٓءِيلَاوَا سُكَبِے عُمَرْنِنْ يُواْشُوَ؞ سُكَ طَوْكِ دُوَڟُو غُواْمَشَا بِيُ دَغَ ڟَكِيَرْ يُواْدَنْ، دُوڟٜىٰ طَيَ دُواْمِنْ كُواْوَثٜىٰ ذُرِيَرْ إِسْرَٰٓءِيلَ، كَمَرْ يَدَّ يَهْوٜىٰهْ يَعُمَرْثِ يُواْشُوَ؞ سُكَ كُوَ ڧٜىٰتَرٜىٰ دَسُو ذُوَا عِنْدَ سُكَيِ ذَنْ‌غُواْ، عَثَنْ سُكَ أَجِيٜىٰسُ؞

⁹ يُواْشُوَ يَكُمَسَا عَكَ كَڢَ وَطَنْسُ دُوَڟُو غُواْمَشَا بِيُ أَڟَكِيَرْ يُواْدَنْ، أَ عِنْدَ ڢِرِسْتُواْثِے مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ سُكَ ڟَيَ؞ وَطَنَّنْ دُوَڟُو سُنَانَنْ هَرْوَيَوْ؞

¹⁰ ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ كُوَ، سُكَ ڟَيَ أَڟَكِيَرْ يُواْدَنْ حَرْ عَكَ غَمَ أَبِنْدَ يَهْوٜىٰهْ يَعُمَرْثِ يُواْشُوَ يَڢَطَا وَمُتَنٜىٰ سُيِ، بِسَغَ يَدَّ مُوسَٰى كُمَ يَعُمَرْثٜىٰشِ؞ مُتَنٜىٰنْ كُوَ سُكَيِ سَوْرِ سُكَ ڧٜىٰتَرٜىٰ كُواْغِنْ؞

¹¹ سَعَدَّ دُكَنْ مُتَنٜىٰ سُكَ غَمَ ڧٜىٰتَرٜىٰوَ ذُوَا طَيَ غٜىٰڢٜىٰنْ كُواْغِنْ، سَيْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ دَ ڢِرِسْتُواْثِے سُكَ وُثٜىٰ غَبَنْ مُتَنٜىٰنْ؞

¹² مُتَنٜىٰنْ ذُرِيَرْ رَعُبَيْنُ دَ نَ غَدْ دَ رَبِنْ ذُرِيَرْ مَنَسّٜىٰ أَشِرْيٜىٰ دُواْمِنْ يَاڧِ سُكَ ڧٜىٰتَرٜىٰ أَغَبَنْ سَوْرَنْ مُتَنٜىٰنْ، كَمَرْ يَدَّ مُوسَٰى يَعُمَرْثٜىٰسُ؞

¹³ أَغَبَنْ يَهْوٜىٰهْ، مُتَنٜىٰ وَجٜىٰنْ دُبُو أَرْبَعِنْ، أَشِرْيٜىٰ دُواْمِنْ يَاڧِ سُكَ ڧٜىٰتَرٜىٰ ذُوَا ڢِيلَيٜىٰنْ يٜىٰرِكُواْ؞

¹⁴ أَبِنْدَ يَهْوٜىٰهْ يَيِ رَانَرْ نَنْ، يَا طَوْكَكَ يُواْشُوَ أَعِدُوانْ دُكَنْ مُتَنٜىٰنْ إِسْرَٰٓءِيلَ، حَرْ سُكَيِ تَغِرْمَمَ شِ دُكَنْ ݣُونَكِنْ رَنْسَ، كَمَرْ يَدَّ سُكَ غِرْمَمَ مُوسَٰى؞

¹⁵ سَيْ يَهْوٜىٰهْ يَثٜىٰ وَ يُواْشُوَ

¹⁶ يَعُمَرْثِ ڢِرِسْتُواْثِنْدَ سُكٜىٰ طَوْكٜىٰ دَ عَݣُوتِنْ شَيْدَرْ يَرْجٜىٰجٜىٰنِيَ سُڢِتُواْ دَغَ ثِكِنْ يُواْدَنْ؞

¹⁷ سَيْ يُواْشُوَ يَعُمَرْثِ ڢِرِسْتُواْثِنْ سُڢِتُواْ دَغَ ثِكِنْ يُواْدَنْ؞

¹⁸ دَظَرَرْ ڢِرِسْتُواْثِے مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ نَ يَهْوٜىٰهْ سُكَ ڢِتُواْ دَغَ ڟَكِيَرْ كُواْغِنْ، سَيْ ضُوً يَنَرْكٜىٰ يَڢَارَ غُدُ يَثِكَ حَرْ يَڢِتَ تَبَاكِنْ كُواْغِنْ كَمَرْ دَا؞

¹⁹ رَانَرْ دَ مُتَنٜىٰنْ سُكَ ڧٜىٰتَرٜىٰ يُواْدَنْ كُوَ، رَانَ تَغُواْمَ غَ وَتَنْ طَيَ نٜىٰ؞ سَيْ سُكَيِ ذَنْ‌غُوانْسُ أَ غِلْغَلْ، إِيَاكَ تَغَبَسْ تَ يٜىٰرِكُواْ؞

²⁰ أَ غِلْغَلْ نٜىٰ يُواْشُوَ يَكَڢَ دُووَڟُنَّنْ غُواْمَشَا بِيُ وَطَنْدَ سُكَ طَوْكُواْ دَغَ ثِكِنْ يُواْدَنْ؞

²¹ يُواْشُوَ كُوَ يَثٜىٰ وَمُتَنٜىٰنْ إِسْرَٰٓءِيلَ ‏«‏نَنْ غَبَ سَعَدَّ یَیَنْكُ سُكَ تَمْبَيِ إِيَايٜىٰنْسُ غَمٜىٰدَ مَنُڢَرْ وَطَنَّنْ دُوَڟُو،

²² سَيْ كُڢَطَا مُسُ ثٜىٰوَ مُتَنٜىٰنْ إِسْرَٰٓءِيلَ سُنْ ڧٜىٰتَرٜىٰ كُواْغِنْ يُواْدَنْ عَكَنْ بُوسَشِّيَرْ ڧَسَا؞

²³ غَمَا يَهْوٜىٰهْ اللَّهْ نْكُ يَسَا ضُوً يُواْدَنْ يَبُوشٜىٰ دُواْمِنْكُ، حَرْ سَيْ دَ كُكَ ڧٜىٰتَرٜىٰ، كَمَرْ يَدَّ يَسَا ضُوً تٜىٰكُنْ ثِيَوَرْ إِوَ يَبُوشٜىٰ دُواْمِنْ كَاكَنِّنْمُ سُڧٜىٰتَرٜىٰ؞

²⁴ يَيِ وَنَّنْ نٜىٰ دُواْمِنْ دُكَنْ مُتَنٜىٰنْ دُونِيَا سُسَنْ ثٜىٰوَ يَهْوٜىٰهْ يَنَدَ إِيكُواْ، دُواْمِنْ كُمَ كُكَسَنْثٜىٰ دَ ڟُواْرُوانْ يَهْوٜىٰهْ اللَّهْ نْكُ حَرْ أَبَدَا؞»‏