يُواْشُوَ 3 - أَتَّوْرَتْ دَ أَنَّبَاوَا

جَمَعَرْ إِسْرَٰٓءِيلَ سُكَ ڧٜىٰتَرٜىٰ كُواْغِنْ يُواْدَنْ

¹ وَشٜىٰغَرِ يُواْشُوَ دَ دُكَنْ جَمَعَرْ إِسْرَٰٓءِيلَ سُكَتَاشِ دَ سَسَّڢٜىٰ، سُكَ كَامَ حَنْيَ دَغَ شِتِّمْ ذُوَا بَاكِنْ كُواْغِنْ يُواْدَنْ عِنْدَ سُكَ كَڢَ ذَنْ‌غُواْ، كَاڢِنْ سُڧٜىٰتَرٜىٰ كُواْغِنْ؞

² بَايَنْ ݣُونَ عُكُ، سَيْ شُوغَبَنِّ سُكَبِے تَثِكِنْ ذَنْ‌غُوانْ

³ سُكَثٜىٰ وَمُتَنٜىٰنْ ‏«‏سَعَدَّ كُكَغَ ڢِرِسْتُواْثِے، ذُرِيَرْ لَوِ، سُنَ رِڧٜىٰ دَ عَݣُوتِنْ يَرْجٜىٰجٜىٰنِيَ نَ يَهْوٜىٰهْ اللَّهْ نْكُ، سَيْ كُتَاشِ دَغَ عِنْدَ كُكٜىٰ، كُبِيسُ؞

⁴ غَمَا بَكُ تَٻَ سَنِنْ حَنْيَرْ نَنْبَ؞ سُونٜىٰ ذَاسُ نُونَ مُكُ حَنْيَرْ دَ ذَاكُبِے؞ عَمَّا كَدَ كُيِ كُسَدَ عَݣُوتِنْ يَرْجٜىٰجٜىٰنِيَرْ؞ ڟَكَانِنْكُ دَشِ سَيْ كُبَرْ نِيسَنْ دَ ذَيْ كَيْ مِصَالِنْ كِلُواْمِتَ طَيَ؞»‏

⁵ سَيْ يُواْشُوَ يَثٜىٰ وَمُتَنٜىٰنْ ‏«‏كُكٜىٰٻٜىٰ كَنْكُ دَ ڟَرْكِے، غَمَا غُواْبٜىٰ يَهْوٜىٰهْ ذَيْ يِ عَيْكِنْ بَنْ مَامَاكِ أَڟَكِيَرْكُ؞»‏

⁶ سَيْ يُواْشُوَ يَثٜىٰ وَڢِرِسْتُواْثِنْ سُطَوْكِ عَݣُوتِنْ يَرْجٜىٰجٜىٰنِيَ سُوُثٜىٰ دَشِ أَغَبَنْ مُتَنٜىٰنْ؞ ڢِرِسْتُواْثِنْ كُوَ سُكَيِ يَدَّ يُواْشُوَ يَڢَطَا مُسُ؞

⁷ يَهْوٜىٰهْ كُوَ يَثٜىٰ وَ يُواْشُوَ ‏«‏يَوْ طِنَّنْ أَبِنْدَ ذَنْيِ ذَيْ ڢَارَ طَوْكَكَاكَ أَعِدُوانْ دُكَنْ جَمَعَرْ إِسْرَٰٓءِيلَ، دُواْمِنْ سُسَنِ إِنَ تَرٜىٰدَكَيْ كَمَرْ يَدَّ نَكَسَنْثٜىٰ تَرٜىٰدَ مُوسَٰى؞

⁸ كَڢَطَا وَڢِرِسْتُواْثِے مَاسُ طَوْكٜىٰ دَ عَݣُوتِنْ يَرْجٜىٰجٜىٰنِيَ ثٜىٰوَ سَعَدَّ سُكَ شِغَ بَاكِنْ كُواْغِنْ يُواْدَنْ، سَيْ سُشِغَ كُواْغِنْ سُڟَيَ ثِكْ أَوُرِنْ؞»‏

⁹ سَيْ يُواْشُوَ يَثٜىٰ وَمُتَنٜىٰنْ ‏«‏كُذُواْ نَنْ كُجِ أَبِنْدَ يَهْوٜىٰهْ اللَّهْ نْكُ يَكٜىٰ ڢَطِ؞

¹⁰ غَا يَدَّ ذَاكُ سَنِ ثٜىٰوَ اللَّهْ مَيْ رَيْ يَنَ ڟَكِيَرْكُ، كُمَ بَاشَكَّ ذَيْ كُواْرِ كَنْعَنِيَاوَا دَ هِتِّيَاوَا دَ هِوِيَاوَا دَ ڢٜىٰرِظِّيَاوَا دَ غِرْغَشِيَاوَا دَ أَمُواْرِيَاوَا دَ يٜىٰبُسِيَاوَا دَغَ غَبَنْكُ؞

¹¹ غَاشِ، عَݣُوتِنْ يَرْجٜىٰجٜىٰنِيَرْ عُبَنْ‌غِجِنْ دُكَنْ دُونِيَا يَنَ وُثٜىٰوَ يَڧٜىٰتَرٜىٰ كُواْغِنْ يُواْدَنْ أَغَبَنْكُ؞

¹² يَنْذُ ڢَا، سَيْ كُذَاٻِ مُتَنٜىٰ غُواْمَشَا بِيُ، طَيَ دَغَ ثِكِنْ كُواْوَثٜىٰ ذُرِيَرْ إِسْرَٰٓءِيلَ؞

¹³ ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَرْ يَهْوٜىٰهْ، عُبَنْ‌غِجِ نَدُكَنْ دُونِيَا، ذَاسُ شِغَ كُواْغِنْ؞ دَظَرَرْ سُكَسَا تَڢِنْ ڧَڢَاڢُنْسُ عَثِكِنْ ضُوً كُواْغِنْ يُواْدَنْ، ضُوً ذَيْ يَنْكٜىٰ، ضُوً دَيَكٜىٰ غَنْ‌غَرُواْوَ عَكُواْغِنْ ذَيْ ڟَيَ يَتَارُ أَوُرِے طَيَ؞»‏

¹⁴ سَعَدَّ مُتَنٜىٰ سُكَتَاشِ دَغَ ذَنْ‌غُوانْ دُواْمِنْ سُڧٜىٰتَرٜىٰ يُواْدَنْ، سَيْ ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَ سُنْ وُثٜىٰ غَبَنْسُ؞

¹⁵ لُواْكَثِنْ غِرْبِے نٜىٰ سَعَدَّ كُواْغِنْ يُواْدَنْ يَكَنْ ثِكَ مَڧِلْ؞ دُكْدَهَكَ سَعَدَّ ڢِرِسْتُواْثِے سُكَسَا ڧَڢَاڢُنْسُ ثِكِنْ ضُوً دَغَ بَاكِنْ،

¹⁶ سَيْ ضُوً دَيَكٜىٰ غَنْ‌غَرُواْوَ يَڟَيَ؞ يَتَتَّارُ أَوُرِے طَيَ يَيِ تُدُ دَغَ نٜىٰسَ سُواْسَيْ، أَوَنِ غَرِنْ دَ عَكٜىٰ كِرَا ءَادَمُ كُسَدَ ظَرٜىٰتَنْ؞ ضُوً دَيَكٜىٰ غَنْ‌غَرُواْوَ ذُوَا تٜىٰكُنْ أَرَبَ، وَتُواْ تٜىٰكُنْ غِشِرِ، يَيَنْكٜىٰ غَبَاطَيَ؞ مُتَنٜىٰنْ كُوَ سُكَ ڧٜىٰتَرٜىٰ كُواْغِنْ أَوُرِنْ دَيَكٜىٰ ڢُسْكَنْتَرْ يٜىٰرِكُواْ؞

¹⁷ أَسَعَدَّ إِسْرَٰٓءِيلَاوَا دُكَ سُكٜىٰ تَڢِيَ عَكَنْ بُوسَشِّيَرْ ڧَسَا دُواْمِنْ سُڧٜىٰتَرٜىٰ كُواْغِنْ، ڢِرِسْتُواْثِنْ دَسُكٜىٰ طَوْكٜىٰ دَ عَݣُوتِنْ يَرْجٜىٰجٜىٰنِيَرْ يَهْوٜىٰهْ سُكَ ڟَيَ عَكَنْ بُوسَشِّيَرْ ڧَسَا عَثِكِنْ ڟَكِيَرْ يُواْدَنْ، حَرْ سَيْ دَ دُكَنْ مُتَنٜىٰ سُكَ غَمَ ڧٜىٰتَرٜىٰوَ؞