يُواْشُوَ 24 - أَتَّوْرَتْ دَ أَنَّبَاوَا

أَنْ سَابُنْتَا يَرْجٜىٰجٜىٰنِيَرْ يَهْوٜىٰهْ أَ شٜىٰكٜىٰمْ

¹ سَيْ يُواْشُوَ يَتَتَّارَ دُكَنْ ظُرِيُواْيِنْ إِسْرَٰٓءِيلَ أَ شٜىٰكٜىٰمْ؞ يَكِرَا دَتَّاوَا دَ شُوغَبَنِّ دَ مَاسُ شَرِيعَ دَ شُوغَبَنِّنْ سُواْجُواْجِنْ إِسْرَٰٓءِيلَ، سُو كُوَ سُكَ كَسَنْثٜىٰ أَغَبَنْ اللَّهْ؞

² سَيْ يُواْشُوَ يَثٜىٰ وَدُكَنْ مُتَنٜىٰنْ، ‏«‏غَا أَبِنْدَ يَهْوٜىٰهْ اللَّهْ نَ إِسْرَٰٓءِيلَ يَڢَطَا، ‏‹‏أَ زَامَانِنْ دَا كَاكَنِّنْكُ، وَتُواْ تَيْرَا، بَابَنْ إِبْرَٰهِيمْ دَ نَهُوارْ، سُكَ ذَوْنَ عَڧٜىٰتَرٜىٰنْ كُواْغِنْ يُڢِرٜىٰتِسْ؞ سُكَ بَوْتَاوَ وَطَنْسُ أَلُّواْلِ؞

³ سَيْ نَطَوْكِ كَكَنْكُ إِبْرَٰهِيمْ دَغَ وَثَّنْ ڧَسَا تَڧٜىٰتَرٜىٰنْ كُواْغِنْ يُڢِرٜىٰتِسْ، نَبِدَشِ ثِكِنْ دُكَنْ ڧَسَرْ كَنْعَنَ؞ نَكُمَسَا ذُرِيَرْسَ تَيِيَوَ؞ نَبَاشِ إِسْحَٰڧَ؞

⁴ نَكُمَ بَا إِسْحَٰڧَ یَیَ مَظَا، وَتُواْ يَعْڧُوبَ دَ إِسُوَ؞ نَبَا إِسُوَ يَنْكِنْ تُدَّيْ نَ عٜىٰدُوامْ يَذَمَ مَلَّكَرْسَ؞ عَمَّا كَكَنْكُ يَعْڧُوبَ دَ یَیَنْسَ سُكَ غَنْ‌غَرُواْ ذُوَا مَصَرْ؞

⁵ دَغَ بَايَ نَعَيْكِ مُوسَٰى دَ هَٰرُونَ سُتَيْمَكِ كَاكَنِّنْكُ؞ نَكُمَ عَيْكَ وَ مَصَرْ وَهَلَ تَوُرِنْ أَبِنْدَ نَيِ عَثِكِنْتَ؞ دَغَ بَايَ كُمَ نَڢِتَرْ دَكُو؞

⁶ نَا كُوَ ڢِتَرْدَ كَاكَنِّنْكُ دَغَ مَصَرْ؞ سَيْ مَصَرَاوَا سُكَبِے كَاكَنِّنْكُ دَ كٜىٰكُنَنْ دُواْكِنْ يَاڧِ دَ مَاسُ هَوَنْ دَوَكِ حَرْ سُكَ كَيْ تٜىٰكُنْ ثِيَوَرْ إِوَ؞

⁷ سَعَدَّ سُكَيِ مِنِ كُوكَنْ نٜىٰمَنْ تَيْمَكُواْ، نَا كُوَ سَا دُهُ ڟَكَانِنْسُ دَ مَصَرَاوَا، نَا كُمَسَا تٜىٰكُ تَشَرٜىٰ مَصَرَاوَنْ؞ دَ عِدُوانْكُ كُكَغَ أَبِنْدَ نَيِ وَ مَصَرَاوَا؞ ‏«‏ ‏‹‏كُكَيِ ݣُونَكِے دَيَوَ كُنَ ظَوْنٜىٰ عَثِكِنْ دَاجِ؞

⁸ سَعَنً نَكَٰوُاْكُ عَڧَسَرْ أَمُواْرِيَاوَا، وَطَنْدَ سُكَ ذَوْنَ أَغَبَشِنْ يُواْدَنْ؞ سُكَ يَاڧٜىٰكُ، عَمَّا نَبَاكُ نَصَرَا عَكَنْسُ؞ نَكُمَ هَلَكَاسُ دَغَ غَبَنْكُ، كُكَ مَلَّكِ ڧَسَرْسُ؞

⁹ حَكَكُمَ بَلَكْ طَنْ ظِڢُّوارْ، سَرْكِنْ مُواْوَبْ، يَتَاشِ يَيِ يَاڧِ دَكُو إِسْرَٰٓءِيلَاوَا؞ سَيْ يَعَيْكَ عَكِرَا بَلَعَمْ طَنْ بٜىٰيُوارْ يَذُواْ يَلَعَنْتَكُ؞

¹⁰ عَمَّا بَنْ سَوْرَرِ بَلَعَمْ بَ، سَبُواْدَ حَكَ يَيِ تَسَا مُكُ أَلْبَرْكَ عَكَيْ عَكَيْ؞ تَهَكَ نَثٜىٰثٜىٰكُ دَغَ حَنُّنْسَ؞

¹¹ دَ كُكَ ڧٜىٰتَرٜىٰ يُواْدَنْ، كُكَذُواْ يٜىٰرِكُواْ، مُتَنٜىٰنْ يٜىٰرِكُواْ سُكَ يَاڧٜىٰكُ، كَمَرْ يَدَّ أَمُواْرِيَاوَا دَ ڢٜىٰرِظِّيَاوَا دَ كَنْعَنِيَاوَا دَ هِتِّيَاوَا دَ غِرْغَشِيَاوَا دَ هِوِيَاوَا دَ يٜىٰبُسِيَاوَا سُكَيِ؞ عَمَّا نَبَاشٜىٰسُ دُكَ أَ حَنُّنْكُ؞

¹² كَاڢِنْ كُإِسُواْ نَكُمَ عَيْكُواْ مُسُ دَ وَنِ أَبُ مَيْ كَٰوُاْ رَظَنَ وَنْدَ يَكُواْرِ سَرَاكُنَنَّنْ بِيُ نَ أَمُواْرِيَاوَا دَغَ غَبَنْكُ؞ بَتَوُرِنْ تَكُواْبِنْكُ كُواْ بَكَنْكُ كُكَثِ نَصَرَبَ؞

¹³ نَبَاكُ ڧَسَرْدَ بَكُشَا وَهَلَ عَكَنْتَبَ دَ غَرُضُوً دَ بَكُ غِنَابَ؞ يَنْذُ كُنَ ظَوْنٜىٰ عَثِكِ، كُنَ كُمَ ثِنْ یَیَنْ إِنَبِے دَ ظَيْتُنْ دَغَ عِتَتُوَنْ دَ بَكُ شُوكَبَ؞›‏ »‏

¹⁴ يُواْشُوَ يَثِيغَبَدَ ثٜىٰوَ ‏«‏يَنْذُ ڢَا سَيْ كُجِڟُواْرُوانْ يَهْوٜىٰهْ، كُكُمَ بَوْتَا مَسَ دَ غَسْكِيَ دَ أَمِنْثِ؞ كُرَبُ دَ أَلُّواْلِنْ دَ كَاكَنِّنْكُ سُكَ بَوْتَاوَ عَڧٜىٰتَرٜىٰنْ كُواْغِنْ يُڢِرٜىٰتِسْ دَ ثِكِنْ مَصَرْ؞ يَهْوٜىٰهْ نٜىٰ كَطَيْ ذَاكُ بَوْتَا مَسَ؞

¹⁵ عَمَّا عِدَنْ بَاكُ دَ نِيَّ كُبَوْتَا وَ يَهْوٜىٰهْ، تُواْ يَوْ سَيْ كُذَاٻِ وَنْدَ ذَاكُ بَوْتَا مَسَ، كُواْ أَلُّواْلِنْ دَ كَاكَنِّنْكُ سُكَ بَوْتَاوَ عَڧٜىٰتَرٜىٰنْ كُواْغِنْ يُڢِرٜىٰتِسْ، كُواْ كُوَ أَلُّواْلِنْ أَمُواْرِيَاوَنْ دَ كُكٜىٰ ظَوْنٜىٰ عَڧَسَرْسُ؞ عَمَّا دَنِے دَ غِدَانَ، يَهْوٜىٰهْ نٜىٰ ذَامُ بَوْتَا مَسَ؞»‏

¹⁶ سَيْ جَمَعَ سُكَ أَمْسَ سُكَثٜىٰ، ‏«اللَّهْ يَسَوَّڧَ، بَذَامُ تَٻَ رَبُوَ دَ يَهْوٜىٰهْ دُواْمِنْ مُبَوْتَاوَ وَطَنْسُ أَلُّواْلِبَ!‏

¹⁷ غَمَا شِے يَهْوٜىٰهْ اللَّهْ نْمُ نٜىٰ يَڢِتَرْ دَمُو دَ كَاكَنِّنْمُ دَغَ مَصَرْ دَغَ غِدَنْ بَوْتَا؞ شِينٜىٰ يَعَيْكَتَ مَنْيَنْ عَلَمُ أَعِدُوانْمُ؞ يَكِيَايٜىٰمُ عَثِكِنْ دُكَنْ حَنْيَرْ دَ مُكَبِے دَ كُمَ ثِكِنْ دُكَنْ أَلْعُمَّنْ دَ مُكَبِے تَڧَسَرْسُ؞

¹⁸ يَهْوٜىٰهْ كُوَ يَكُواْرِ دُكَنْ أَمُواْرِيَاوَا وَطَنْدَ سُكٜىٰ ظَوْنٜىٰ عَڧَسَرْ؞ دُواْمِنْ وَنَّنْ ڢَا، يَهْوٜىٰهْ ذَامُ بَوْتَا مَسَ، غَمَا شِينٜىٰ اللَّهْ نْمُ؞»‏

¹⁹ سَيْ يُواْشُوَ يَثٜىٰ وَمُتَنٜىٰنْ، ‏«‏عَمَّا بَذَاكُ عِيَ بَوْتَاوَ يَهْوٜىٰهْ بَ، غَمَا شِے اللَّهْ مَيْ ڟَرْكِے نٜىٰ، شِ اللَّهْ نٜىٰ مَيْ بُڧَاتَرْ ثِكَكِّيَرْ ڧَوْنَ؞ بَذَيْ غَاڢَرْتَ تَيَرْوَرْكُ دَ ذُنُبَنْكُبَ؞

²⁰ عِدَنْ ڢَا كُكَ رَبُ دَ يَهْوٜىٰهْ دُواْمِنْ كُبَوْتَا وَغُمَكَنْ أَلُّواْلِنْ ڧَبِيلُ، ذَيْ جُويُواْ يَكَٰوُاْ مُكُ مَسِيڢَ؞ ذَيْ هَلَكَاكُ، كُواْدَيَكٜىٰ يَا رِغَا يَا يِمُكُ أَلْحٜىٰرِ؞»‏

²¹ جَمَعَرْ كُوَ سُكَثٜىٰ وَ يُواْشُوَ ‏«‏بَهَكَبَ!‏ مُو، يَهْوٜىٰهْ نٜىٰ ذَامُ بَوْتَا مَسَ؞»‏

²² يُواْشُوَ كُمَ يَثٜىٰمُسُ ‏«‏كُونٜىٰ شَيْدُنْ كَنْكُ دَ كَنْكُ ثٜىٰوَ كُنْ ذَاٻِ يَهْوٜىٰهْ دُواْمِنْ كُبَوْتَا مَسَ؞»‏ سَيْ سُكَثٜىٰ ‏«‏عِ، مُونٜىٰ شَيْدُنْ كَنْمُ؞»‏

²³ يُواْشُوَ يَثٜىٰ ‏«‏تُواْ، يَنْذُ ڢَا سَيْ كُكَوَرْدَ غُمَكَنْ أَلُّواْلِنْ ڧَبِيلُنْ دَ كُكٜىٰدَسُو عَثِكِنْكُ؞ كُسَا ذُوثِيَارْكُ غَ يَهْوٜىٰهْ اللَّهْ نَ إِسْرَٰٓءِيلَ؞»‏

²⁴ جَمَعَ سُكَثٜىٰ وَ يُواْشُوَ ‏«‏مُو يَهْوٜىٰهْ اللَّهْ نْمُ نٜىٰ ذَامُ بَوْتَا مَسَ؞ ذَامُيِ بِيَيَّ دَ عُمَرْنَنْسَ؞»‏

²⁵ أَوَنَّنْ رَانَ يُواْشُوَ يَيِ يَرْجٜىٰجٜىٰنِيَ دَ جَمَعَ أَ شٜىٰكٜىٰمْ، يَكَڢَ مُسُ ڧَٰعِدُواْدِ دَ عُمَرْنَيْ؞

²⁶ يَكُمَ رُبُوتَ وَطَنَّنْ عَثِكِنْ لِتَّڢِنْ كُواْيَرْوَرْ اللَّهْ؞ يَكُمَ طَوْكِ وَنِ بَبَّنْ دُوڟٜىٰ يَكَڢَشِ عَڧَرْڧَشِنْ إِتَاثٜىٰنْ ڟَاڢِ كُسَدَ وُرِے مَيْ ڟَرْكِے نَ يَهْوٜىٰهْ؞

²⁷ سَيْيَثٜىٰ وَدُكَنْ جَمَعَ ‏«‏وَنَّنْ دُوڟٜىٰ ذَيْ ذَمَ شَيْدَ عَكَنْمُ، غَمَا يَا جِدُكَنْ كَلْمُواْمِنْ دَ يَهْوٜىٰهْ يَڢَطَا مَنَ؞ دُواْمِنْ حَكَ ذَيْ ذَمَ شَيْدَ عَكَنْكُ، دُواْمِنْ كَدَ كُيِ وَ اللَّهْ نْكُ ڧَضْيَا؞»‏

²⁸ سَعَنً يُواْشُوَ يَسَلَّمِ مُتَنٜىٰنْ، كُواْوَنٜىٰ مُتُمْ يَكُواْمَ ڢِيلِنْ غَادُوانْسَ؞

مُتُوَرْ يُواْشُوَ دَ عٜىٰلٜىٰيَظَرْ

²⁹ أَنَانً بَايَنْ وَنَّنْ، سَيْ يُواْشُوَ طَنْ نُنْ بَاوَنْ يَهْوٜىٰهْ يَمُتُ، يَنَدَ شٜىٰكَرَا طَرِے دَ غُواْمَ؞

³⁰ عَكَ بِنّٜىٰشِ أَ ڢِيلِنْسَ تَغَادُواْ أَ تِمْنَتْ سٜىٰرَ عَيَنْكِنْ تُدَّيْ نَ إِڢْرَيِمْ، أَرٜىٰوَ دَ بَبَّنْ تُدُنْ غَعَشْ؞

³¹ إِسْرَٰٓءِيلَاوَا كُوَ سُكَ بَوْتَاوَ يَهْوٜىٰهْ ثِكِنْ دُكَنْ ݣُونَكِنْ دَ يُواْشُوَ يَكٜىٰدَ رَيْ، حَكَ كُوَ سُكَ ثِيغَبَدَ بَوْتَاوَ يَهْوٜىٰهْ بَايَنْ مُتُوَرْسَ دُكَنْ ݣُونَكِنْ دَتَّاوَنْ دَ سُكَ رَغُ، وَطَنْدَ سُكَ سَنْ دُكَنْ أَيُّكَنْ دَ يَهْوٜىٰهْ يَيِ دُواْمِنْ إِسْرَٰٓءِيلَاوَا؞

³² ڧَسُسُوَنْ يُوسُڢَ وَطَنْدَ جَمَعَرْ إِسْرَٰٓءِيلَ سُكَ كَٰوُاْ دَغَ مَصَرْ، عَكَ بِنّٜىٰسُ أَ شٜىٰكٜىٰمْ، عَثِكِنْ يَنْكِنْ ڧَسَرْدَ يَعْڧُوبَ يَسَيَ دَ أَظُرْڢَا طَرِے دَغَ وُرِنْ یَیَنْ هَمُوارْ بَابَنْ شٜىٰكٜىٰمْ؞ وَنَّنْ وُرِے يَذَمَ غَادُوانْ ذُرِيَرْ يُوسُڢَ؞

³³ عٜىٰلٜىٰيَظَرْ طَنْ هَٰرُونَ كُمَ يَمُتُ، عَكَ بِنّٜىٰشِ أَ غِبٜىٰيَ وَنْدَ عَكَبَا طَنْسَ ڢِنٜىٰهَسْ عَثِكِنْ يَنْكِنْ تُدَّيْ نَ إِڢْرَيِمْ؞