يُواْشُوَ 22 - أَتَّوْرَتْ دَ أَنَّبَاوَا

ظُرِيُواْيِنْ غَبَسْ سُنْ كُواْمَ يَنْكُنَنْسُ

¹ سَعَنً يُواْشُوَ يَكِرَا مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ كُمَ رَبِنْ ذُرِيَرْ مَنَسّٜىٰ،

² يَثٜىٰ مُسُ، ‏«‏كُنْ كِيَايٜىٰ دُكَنْ أَبِنْدَ مُوسَٰى بَاوَنْ يَهْوٜىٰهْ يَڢَطَا، كُمَ كُنْيِ بِيَيَّ ثِكِنْ دُكَنْ أَبِنْدَ نَعُمَرْثٜىٰكُ؞

³ عَثِكِنْ وَطَنَّنْ يَوَنْ ݣُونَكِے، بَكُ تَٻَ بَرِنْ یَنْعُوَنْكُبَ؞ عَمَّا كُكَ كِيَايٜىٰ عُمَرْنِنْ يَهْوٜىٰهْ اللَّهْ نْكُ سُواْسَيْ؞

⁴ يَنْذُ دَيْ يَهْوٜىٰهْ اللَّهْ نْكُ يَبَا یَنْعُوَنْكُ هُوتُ، كَمَرْ يَدَّ يَيِ أَلْڧَوَرِ؞ سَبُواْدَ حَكَ، سَيْ كُكُواْمَ غِدَاجٜىٰنْكُ عَثِكِنْ ڧَسَرْكُ تَغَادُواْ وَدَّ مُوسَٰى بَاوَنْ يَهْوٜىٰهْ يَبَاكُ عَڧٜىٰتَرٜىٰنْ كُواْغِنْ يُواْدَنْ؞

⁵ كُتَبَّتَرْ كُنْ كِيَايٜىٰ عُمَرْنَيْ دَ كُواْيَرْوَرْ دَ مُوسَٰى بَاوَنْ يَهْوٜىٰهْ يَعُمَرْثٜىٰكُ؞ كُڧَوْنَثِ يَهْوٜىٰهْ اللَّهْ نْكُ، كُيِ تَڢِيَ أَ حَنْيَرْسَ، كُيِ بِيَيَّ دَ دُواْكُواْكِنْسَ، كُمَنّٜىٰ مَسَ، كُبَوْتَا مَسَ دَ ذُوثِيَا طَيَ دَ دُكَنْ رَنْكُ كُمَ؞»‏

⁶ يُواْشُوَ كُوَ يَسَا مُسُ أَلْبَرْكَ، سَعَنً يَسَلَّمٜىٰسُ سُكَ كُواْمَ غِدَاجٜىٰنْسُ؞

⁷ مُوسَٰى كُوَ يَا رِغَا يَا بَا رَبِنْ ذُرِيَرْ مَنَسّٜىٰ طَيَ رَبُوانْ غَادُوانْ ڧَسَا عَبَشَنْ؞ غَ سَوْرَنْ رَبِنْ ذُرِيَرْ كُوَ يُواْشُوَ يَبَاسُ رَبُوانْ غَادُوانْ ڧَسَرْ تَرٜىٰدَ یَنْعُوَنْسُ عَيَمَّثِنْ ڧٜىٰتَرٜىٰنْ يُواْدَنْ؞ سَعَدَّ يُواْشُوَ يَسَلَّمٜىٰسُ، سُكُواْمَ غِدَاجٜىٰنْسُ، يَسَا مُسُ أَلْبَرْكَ،

⁸ يَثٜىٰ مُسُ ‏«‏كُكُواْمَ غِدَاجٜىٰنْكُ دَ أَرْزِڧِنْكُ مَيْ يَوَ، تَرٜىٰدَ دَبُّواْبِے مَاسُيَوَ دَ أَظُرْڢَا دَ ظِينَارِيَ دَ تَغُلَّ دَ بَڧِنْ ڧَرْڢٜىٰ دَ كُمَ رِيغُنَ مَاسُيَوَ؞ كُرَبَ دَ یَنْعُوَنْكُ دُكَنْ كَايَنْ دَ كُكَ ݣُوشٜىٰ دَغَ أَبُواْكَنْ غَابَنْكُ؞»‏

⁹ سَيْ مُتَنٜىٰنْ ذُرِيَرْ رَعُبَيْنُ دَ نَ غَدْ دَ كُمَ نَرَبِنْ ذُرِيَرْ مَنَسّٜىٰ سُكَ كُواْمَ غِدَا؞ سُكَ بَرْ سَوْرَنْ مُتَنٜىٰنْ إِسْرَٰٓءِيلَ أَ شِلُواْ عَثِكِنْ ڧَسَرْ كَنْعَنَ، سُكَ كُواْمَ ڧَسَرْ غِلٜىٰيَدْ، ڧَسَرْسُ تَغَادُواْ وَدَّ سُكَ غَادَ بِسَغَ عُمَرْنِنْ يَهْوٜىٰهْ تَبَاكِنْ مُوسَٰى؞

أَنْ غِنَ بَغَدٜىٰ غَ يَهْوٜىٰهْ عَبَاكِنْ كُواْغِنْ يُواْدَنْ

¹⁰ مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ سُكَ كَيْ غٜىٰلِلُواتْ كُسَدَ كُواْغِنْ يُواْدَنْ عَثِكِنْ ڧَسَرْ كَنْعَنَ؞ سَعَدَّ سُكَ إِسُواْ وُرِنْ، سَيْ سُكَ غِنَا بَبَّنْ بَغَدٜىٰ عَبَاكِنْ كُواْغِنْ، بَغَدٜىٰنْ كُوَ أَبِنْ كَلُّواْ نٜىٰ ڨُورَيْ؞

¹¹ سَوْرَنْ مُتَنٜىٰنْ إِسْرَٰٓءِيلَ سُكَجِ لَابَرِ؞ سَيْ سُكَثٜىٰ ‏«‏دُوبَ ڢَا!‏ مُتَنٜىٰنْ ذُرِيَرْ رَعُبَيْنُ دَ نَظُرِيَرْ غَدْ دَ رَبِنْ ذُرِيَرْ مَنَسّٜىٰ سُنْ غِنَا بَغَدٜىٰ أَ غٜىٰلِلُواتْ كُسَدَ كُواْغِنْ يُواْدَنْ عَ إِيَاكَرْ ڧَسَرْ كَنْعَنَ، أَوَجٜىٰنْ غٜىٰڢٜىٰنْمُ نَ إِسْرَٰٓءِيلَاوَا؞»‏

¹² دَ إِسْرَٰٓءِيلَاوَا سُكَجِ لَابَرِنْ، سَيْ دُكَنْسُ سُكَ تَتَّارُ أَ شِلُواْ دُواْمِنْ سُكَيْ مُسُ يَاڧِ؞

¹³ سَيْ مُتَنٜىٰنْ إِسْرَٰٓءِيلَ سُكَ عَيْكِ ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ وُرِنْ مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ عَثِكِنْ ڧَسَرْ غِلٜىٰيَدْ؞

¹⁴ شُوغَبَنِّ غُواْمَ سُكَ تَڢِے تَرٜىٰدَ ڢِنٜىٰهَسْ، طَيَ دَغَ ثِكِنْ كُواْوَثٜىٰ ذُرِيَرْ إِسْرَٰٓءِيلَ؞ كُواْوَنٜىٰ طَيَنْسُ شُوغَبَنٜىٰ أَدَنْ‌غِنْسَ نَظُرِيَرْ إِسْرَٰٓءِيلَ؞

¹⁵ سَعَدَّ سُكَ كَيْ ڧَسَرْ غِلٜىٰيَدْ، سُنْ ذُواْ وُرِنْ مُتَنٜىٰنْ رَعُبَيْنُ دَ مُتَنٜىٰنْ غَدْ دَ رَبِنْ مُتَنٜىٰنْ مَنَسّٜىٰ، سُكَيِ مَغَنَ سُكَثٜىٰ،

¹⁶ ‏«‏إِنْجِ دُكَنْ تَارُوانْ جَمَعَرْ يَهْوٜىٰهْ، ‏‹‏وَنٜىٰ إِرِنْ ثِنْ أَمَانَ نٜىٰ وَنَّنْ دَ كُكَيِ وَ اللَّهْ نَ إِسْرَٰٓءِيلَ؟ كُكَ تَيَرْ وَ يَهْوٜىٰهْ تَوُرِنْ غِنَاوَا كَنْكُ بَغَدٜىٰ، كُكَ بَرْ بِنْ يَهْوٜىٰهْ يَوْ!‏

¹⁷ ذُنُوبِنْ دَ مُكَيِ أَ ڢٜىٰيُوارْ، أَشٜىٰ، بَيْ إِشٜىٰمُبَ؟ غَاشِ هَرْوَيَوْ بَمُسَامِ ثِكَكّٜىٰنْ سَوْڧِ دَغَ حَكِّنْ وَنَّنْ ذُنُوبِ بَ، كُواْدَيَكٜىٰ بَلَعِ دَغَ يَهْوٜىٰهْ يَاڢَاطَ عَكَنْمُ، مُو جَمَعَرْسَ؞

¹⁸ دُكْدَهَكَ، ذَاكُ جُويَا كُبَرْ بِنْ يَهْوٜىٰهْ يَوْ؟ عِدَنْ ڢَا كُكَ تَيَرْ وَ يَهْوٜىٰهْ يَوْ، غُواْبٜىٰ ذَيْ يِڢُشِے دَ دُكَنْ جَمَعَرْ إِسْرَٰٓءِيلَ؞

¹⁹ عِدَنْ ڧَسَرْدَ كُكَ مَلَّكٜىٰتَ تَڧَظَنْتُ، سَيْ كُڧٜىٰتَرٜىٰ نَنْ ذُوَا ڧَسَرْدَ تٜىٰنْتِنْ يَهْوٜىٰهْ يَكٜىٰ، كُسَامِ يَنْكِنْ مَلَّكَ عَثِكِنْمُ؞ عَمَّا كَدَ كُتَيَرْ وَ يَهْوٜىٰهْ كُواْ كُوَ كُتَيَرْ مَنَ تَوُرِنْ غِنَاوَا كَنْكُ وَنِ بَغَدٜىٰ دَبَمْ دَ بَغَدٜىٰنْ يَهْوٜىٰهْ اللَّهْ نْمُ؞

²⁰ بَكُ تُنَ بَ لُواْكَثِنْ دَ عَكَنْ طَنْ ظٜىٰرَ يَڧِ يِنْ بِيَيَّ دَ عُمَرْنِ غَمٜىٰدَ أَبُبُوَنْ دَ عَكَ كٜىٰٻٜىٰ دُواْمِنْ هَلَّكَرْوَ يَدَّ ڢُشِنْ يَهْوٜىٰهْ يَسَوْكُواْوَ دُكَنْ جَمَعَرْ إِسْرَٰٓءِيلَ؟ أَيْ، بَ عَكَنْ نٜىٰ كَطَيْ يَهَلَّكَ سَبُواْدَ ذُنُوبِنْسَبَ؞›‏ »‏

²¹ سَعَنً مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ سُكَ أَمْسَوَ شُوغَبَنِّنْ دَنْ‌غُواْغِنْ إِسْرَٰٓءِيلَ سُكَثٜىٰ،

²² ‏«‏اللَّهْ مَيْ إِيكُواْ اللَّهْ نٜىٰ!‏ يَهْوٜىٰهْ اللَّهْ نٜىٰ!‏ اللَّهْ مَيْ إِيكُواْ نٜىٰ يَسَنْ دَلِيلِنْ دَ مُكَيِ وَنَّنْ، مُنَ كُمَسُواْ كُو إِسْرَٰٓءِيلَاوَا كُسَنِ؞ عِدَنْ وَنَّنْ تَيَرْوَثٜىٰ كُواْ رَشِنْ أَمِنْثِ غَ يَهْوٜىٰهْ نٜىٰ، كَدَ كُبَرْمُ دَرَيْ يَوْ؞

²³ عِدَنْ مُكَيِ رَشِنْ بِيَيَّ غَ يَهْوٜىٰهْ، حَرْ مُكَ غِنَاوَا كَنْمُ بَغَدٜىٰ دُواْمِنْ مُمِيڧَ هَدَايُ نَڧُواْنَاوَا دَ هَدَايُ نَهَڟِ، كُواْ هَدَايُ نَڠَرَنْ زُمُنْثِ، بَرِ يَهْوٜىٰهْ دَ كَنْسَ يَحُكُنْتَمُ!‏

²⁴ أَيْ، مُنْيِ حَكَنٜىٰ سَبُواْدَ غُدُنَّنْ غَبَ، كَدَ وَتَ رَانَ یَیَنْكُ سُثٜىٰوَ یَیَنْمُ، ‏‹‏بَا ضُوَنْكُ دَ يَهْوٜىٰهْ اللَّهْ نَ إِسْرَٰٓءِيلَ؞

²⁵ غَمَا يَهْوٜىٰهْ يَا سَا كُواْغِنْ يُواْدَنْ يَا ذَمَ إِيَاكَ ڟَكَانِنْمُ دَكُو، يَا كُو مُتَنٜىٰنْ رَعُبَيْنُ دَ مُتَنٜىٰنْ غَدْ؞ دُواْمِنْ حَكَ بَاكُ دَ رَبُواْ عَثِكِنْ يَهْوٜىٰهْ؞›‏ تَهَكَ یَیَنْكُ ذَاسُ حَنَ یَیَنْمُ يِوَ يَهْوٜىٰهْ سُجَّدَ؞

²⁶ سَبُواْدَ حَكَنٜىٰ مُكَثٜىٰ، ‏‹‏بَرِ مُشِرْيَ مُغِنَ بَغَدٜىٰ، عَمَّا بَدُواْمِنْ مِيڧَ هَدَايُ كُواْ نَڧُواْنَ هَدَايُبَ؞›‏

²⁷ مَيْمَكُوانْ حَكَ ذَيْ ذَمَ شَيْدَ ڟَكَانِنْمُ دَكُو دَ ڟَارَا مَاسُ ذُوَا نَنْ غَبَ ثٜىٰوَ مُو مَا مُنَيِ وَ يَهْوٜىٰهْ سُجَّدَ أَ وُرِنْ ذَمَنْسَ مَيْ ڟَرْكِے دَ هَدَايُنْمُ نَمِيڧَاوَا دَ نَڧُواْنَاوَا دَ نَڠَرَنْ زُمُنْثِ؞ تَهَكَ كَدَ یَیَنْكُ نَنْ غَبَ سُڢَطَا وَیَیَنْمُ سُثٜىٰ، ‏‹‏بَاكُ دَ وَنِ رَبُواْ ثِكِنْ يَهْوٜىٰهْ؞›‏

²⁸ مُنْيِ تُنَانِ ثٜىٰوَ عِدَنْ وَتَرَانَ عَكَ ڢَطَا مَنَ كُواْ كُوَ عَكَ ڢَطَا وَیَیَنْمُ حَكَ، سَيْمُثٜىٰ، ‏‹‏كُدُوبِے بَغَدٜىٰنْ دَ كَاكَنِّنْمُ سُكَ غِنَا؞ يَنَنً دَيْدَيْ دَ نَ يَهْوٜىٰهْ؞ بَسُيِشِ دُواْمِنْ مِيڧَ هَدَايُ كُواْ دُواْمِنْ ڧُواْنَ هَدَايُبَ، عَمَّا دُواْمِنْ شَيْدَ ڟَكَانِنْمُ دَكُو؞›‏

²⁹ اللَّهْ يَسَوَّڧَ مَنَ مُتَيَرْوَ يَهْوٜىٰهْ كُواْ كُوَ مُجُويَا دَغَ بِنْ يَهْوٜىٰهْ يَوْ تَوُرِنْ غِنَا وَنِ بَغَدٜىٰ دُواْمِنْ مِيڧَ هَدَايُ نَڧُواْنَاوَا دَ نَهَڟِ دَ نَڠَرَنْ زُمُنْثِ، بَنْدَ بَغَدٜىٰنْ يَهْوٜىٰهْ اللَّهْ نْمُ وَنْدَ يَكٜىٰ أَغَبَنْ تٜىٰنْتِنْسَ؞»‏

³⁰ ڢِنٜىٰهَسْ ڢِرِسْتِ دَ شُوغَبَنِّنْ جَمَعَرْ إِسْرَٰٓءِيلَ، وَتُواْ شُوغَبَنِّ غُواْمَ نَدَنْ‌غِنْ إِسْرَٰٓءِيلَاوَا، سُكَجِ مَغَنَرْ مُتَنٜىٰنْ ذُرِيَرْ رَعُبَيْنُ دَ ذُرِيَرْ غَدْ دَ رَبِنْ ذُرِيَرْ مَنَسّٜىٰ؞ دَ سُكَجِ وَنَّنْ بَيَانِ، سَيْ سُكَ غَانٜىٰ سُكَ كُمَجِ دَاطِے؞

³¹ ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ يَأَمْسَا وَمُتَنٜىٰنْ رَعُبَيْنُ دَ مُتَنٜىٰنْ غَدْ دَ مُتَنٜىٰنْ رَبِنْ ذُرِيَرْ مَنَسّٜىٰ ‏«‏يَوْ مُنْ سَنْ يَهْوٜىٰهْ يَنَ تَرٜىٰدَمُو؞ بَكُ تَيَرْ مَسَ عَثِكِنْ وَنَّنْ ذَنْثٜىٰبَ؞ يَنْذُ كُنْ ثٜىٰثِ إِسْرَٰٓءِيلَ دَغَ حَنُّنْ يَهْوٜىٰهْ؞»‏

³² سَعَنً ڢِنٜىٰهَسْ طَنْ عٜىٰلٜىٰيَظَرْ ڢِرِسْتِ دَ شُوغَبَنِّنْ سُكَ بَرْ مُتَنٜىٰنْ رَعُبَيْنُ دَ غَدْ عَڧَسَرْ غِلٜىٰيَدْ، سُكَ كُواْمَ ڧَسَرْ كَنْعَنَ سُكَ كَيْ وَ إِسْرَٰٓءِيلَاوَا رَهُواْتُوانْ أَبِنْدَ سُكَجِ؞

³³ مُتَنٜىٰنْ إِسْرَٰٓءِيلَ كُوَ سُكَجِ دَاطِنْ رَهُواْتُوانْ، سُكَ يَبِے اللَّهْ؞ بَسُ سَاكٜىٰيِنْ ذَنْثٜىٰنْ ذُوَا يَاڧِ دُواْمِنْ سُهَلَّكَ ڧَسَرْدَ مُتَنٜىٰنْ رَعُبَيْنُ دَ مُتَنٜىٰنْ غَدْ سُكٜىٰ ذَمَبَ؞

³⁴ مُتَنٜىٰنْ رَعُبَيْنُ دَ مُتَنٜىٰنْ غَدْ سُكَسَا وَبَغَدٜىٰنْ سُنَ شَيْدَ، غَمَا إِنْجِيسُ ‏«‏بَغَدٜىٰنَّنْ شَيْدَ نٜىٰ أَڟَكَانِنْمُ ثٜىٰوَ يَهْوٜىٰهْ شِينٜىٰ اللَّهْ؞»‏