يُواْشُوَ 19 - أَتَّوْرَتْ دَ أَنَّبَاوَا

يَنْكِنْ ڧَسَرْدَ عَكَبَا ذُرِيَرْ سِمٜىٰيُوانْ

¹ ڧُرِعَ تَبِيُ تَيَنْكِنْ ڧَسَا عِتَثٜىٰ دُواْمِنْ ذُرِيَرْ سِمٜىٰيُوانْ دَنْ‌غِ دَنْ‌غِ؞ رَبُوانْ غَادُوانْ ڧَسَرْسُ يَنَ ڟَكِيَرْ رَبُوانْ ڧَسَرْدَ عَكَبَا ذُرِيَرْ يَهُودَ؞

² وُرَرٜىٰنْسُ نَغَادُواْ سُونٜىٰ، بٜىٰيٜىٰرْشٜىٰبَ دَ شٜىٰبَ دَ مُواْلَدَ،

³ دَ هَظَرْ شُوَلْ دَ بَلَ دَ عٜىٰظٜىٰمْ،

⁴ دَ عٜىٰلْتُواْلَدْ دَ بٜىٰتُلْ دَ هُوارْمَ،

⁵ دَ ظِكْلَكْ دَ بٜىٰتْ مَرْكَبُواتْ دَ هَظَرْ سُسَ،

⁶ دَ بٜىٰتْ لٜىٰبَوُاتْ دَ كُمَ شَرُهٜىٰنْ؞ غَرُرُوَ غُواْمَشَا عُكُ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

⁷ أَݣَويْ كُمَ أَيِنْ دَ رِمُّوانْ دَ عٜىٰتٜىٰرْ دَ أَشَنْ؞ غَرُرُوَ حُطُ كٜىٰنَنْ تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

⁸ يَكُمَ ڧُنْشِ دُكَنْ ڧَوْيُكَنْ دَسُكٜىٰ كٜىٰوَيٜىٰ دَ وَطَنَّنْ غَرُرُوَ حَرْ ذُوَا بَعَلَتْ بٜىٰيٜىٰرْ، وَتُواْ رَمَ تَ نٜىٰغٜىٰبْ كٜىٰنَنْ عَكُدُ؞ وَنَّنْ شِينٜىٰ يَنْكِنْ ڧَسَرْدَ عَكَبَادَنْ‌غُواْغِنْ ذُرِيَرْ سِمٜىٰيُوانْ يَذَمَ مَلَّكَرْسُ تَغَادُواْ؞

⁹ غَادُوانْ ذُرِيَرْ سِمٜىٰيُوانْ عَكَ يَنْكَ نٜىٰ دَغَ رَبُوانْ غَادُوانْ يَهُودَ، غَمَا رَبُوانْ ذُرِيَرْ يَهُودَ يَيِ مَتَ يَوَ؞ سَبُواْدَ حَكَ ذُرِيَرْ سِمٜىٰيُوانْ تَسَامِ رَبُوانْ غَادُوانْتَ أَڟَكِيَرْ يَنْكِنْ غَادُوانْ ذُرِيَرْ يَهُودَ؞

يَنْكِنْ ڧَسَرْدَ عَكَبَا ذُرِيَرْ ظٜىٰبُلُنْ

¹⁰ ڧُرِعَ تَ عُكُ تَيَنْكِنْ ڧَسَا عِتَثٜىٰ دُواْمِنْ ذُرِيَرْ ظٜىٰبُلُنْ دَنْ‌غِ دَنْ‌غِ؞ إِيَاكَرْ رَبُوانْ غَادُوانْ ڧَسَرْسُ تَمِيڧٜىٰ حَرْ غَرِنْ سَرِدْ؞

¹¹ دَغَ نَنْ إِيَاكَرْ تَمِيڧٜىٰ يَمَّ ذُوَا غَرِنْ مَرَلَ، تَكَيْ غَرِنْ دَبّٜىٰشٜىٰتْ دَ رَاڢِنْ دَيَكٜىٰ غَبَشِنْ يُواكْنٜىٰيَمْ؞

¹² أَوَنْثَنْ غٜىٰڢٜىٰنْ سَرِدْ، إِيَاكَرْ تَجُويَا تَنُڢِ غَبَسْ ذُوَا إِيَاكَرْ كِسْلُواتْ تَبُوارْ، سَعَنً تَمِيڧٜىٰ ذُوَا غَرِنْ دَبٜىٰرَتْ تَهَوْرَ ذُوَا غَرِنْ يَڢِيَ؞

¹³ دَغَ ثَنْ تَمِيڧٜىٰ غَبَسْ ذُوَا غَرِنْ غَتْ هٜىٰڢٜىٰرْ دَ عٜىٰتْكَظِنْ، تَبِے كَنْ حَنْيَرْ ذُوَا غَرِنْ رِمُّوانْ، سَيْ تَجُويَا ذُوَا غَرِنْ نٜىٰيَ؞

¹⁴ دَغَ ثَنْ وَجٜىٰنْ أَرٜىٰوَ نٜىٰ إِيَاكَرْ تَبِے تَكٜىٰوَيٜىٰ ذُوَا غَرِنْ هَنَّتُوانْ، سَعَنً تَڧَارٜىٰ أَ ݣُورِنْ إِڢْتَهٜىٰلْ؞

¹⁵ يَنْكِنْ يَكُمَ ڧُنْشِ غَرُضُوً كَتَّتْ دَ نَهَلَلْ دَ شِمْرُوانْ دَ إِدَلَ دَ كُمَ بَيْتَلَحْمِ نَكُسَدَ نَظَرٜىٰتْ؞ غَرُرُوَ غُواْمَشَا بِيُ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

¹⁶ وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَبَادَنْ‌غُواْغِنْ ذُرِيَرْ ظٜىٰبُلُنْ يَذَمَ مَلَّكَرْسُ تَغَادُواْ؞

يَنْكِنْ ڧَسَرْدَ عَكَ بَا ذُرِيَرْ إِسَّكَرْ

¹⁷ ڧُرِعَ تَهُطُ تَيَنْكِنْ ڧَسَا عِتَثٜىٰ دُواْمِنْ ذُرِيَرْ إِسَّكَرْ دَنْ‌غِ دَنْ‌غِ؞

¹⁸ غَرُضُوً دَسُكٜىٰ ثِكِنْ يَنْكِنْ رَبُوانْ ڧَسَرْسُ سُونٜىٰ يٜىٰظِرٜىٰيٜىٰلْ دَ كٜىٰسُلُّواتْ دَ شُنٜىٰمْ،

¹⁹ دَ هَڢَرَيِمْ دَ شِيُوانْ دَ أَنَهَرَتْ،

²⁰ دَ رَبِّتْ دَ كِشِيُوانْ دَ عٜىٰبٜىٰظْ،

²¹ دَ رٜىٰمٜىٰتْ دَ عٜىٰنْ‌غَنِّمْ دَ عٜىٰنْهَدَّ دَ كُمَ بٜىٰتْڢٜىٰظّٜىٰظْ؞

²² إِيَاكَرْسُ تَكَيْ حَرْ تَبُوارْ دَ شَهَظُمَ دَ بٜىٰتْ شٜىٰمٜىٰشْ، تَكُمَ ڧَارٜىٰ أَ كُواْغِنْ يُواْدَنْ؞ غَرُرُوَ غُواْمَشَا شِدَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

²³ وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْ‌غُواْغِنْ ذُرِيَرْ إِسَّكَرْ يَذَمَ مَلَّكَرْسُ تَغَادُواْ؞

يَنْكِنْ ڧَسَرْدَ عَكَبَا ذُرِيَرْ أَشٜىٰرْ

²⁴ ڧُرِعَ تَبِيَرْ تَيَنْكِنْ ڧَسَا عِتَثٜىٰ دُواْمِنْ ذُرِيَرْ أَشٜىٰرْ دَنْ‌غِ دَنْ‌غِ؞

²⁵ إِيَاكَرْ رَبُوانْ غَادُوانْسُ نَڧَسَرْ تَڧُنْشِ غَرِنْ هٜىٰلْكَتْ دَ حَلِ دَ بٜىٰتٜىٰنْ دَ عَكْشَڢْ،

²⁶ دَ أَلَّمْ مٜىٰلٜىٰكْ دَ أَمَدْ دَ مِشَلْ؞ أَوَجٜىٰنْ يَمَّ إِيَاكَرْ تَكَيْ كَرْمٜىٰلْ دَ شِهُوارْ لِبْنَتْ؞

²⁷ سَعَنً تَجُويَا تَمِيڧٜىٰ ذُوَا وَجٜىٰنْ غَبَسْ، إِيَاكَرْ تَبِتَ بٜىٰتْ دَغُوانْ، تَكَيْ حَرْ ظٜىٰبُلُنْ دَ ݣُورِنْ إِڢْتَهٜىٰلْ وَجٜىٰنْ أَرٜىٰوَ ذُوَا بٜىٰتْهٜىٰمٜىٰكْ دَ نٜىٰيِيٜىٰلْ؞ تَوُثٜىٰ وَجٜىٰنْ أَرٜىٰوَ ذُوَا كَبُلْ،

²⁸ دَ عٜىٰبْرُوانْ دَ رٜىٰهُوابْ دَ هَمُّوانْ دَ كُمَ كَنَ حَرْ ذُوَا سِدُوانْ بَبَّ؞

²⁹ سَعَنً إِيَاكَرْ تَجُويَا تَمِيڧٜىٰ ذُوَا رَمَ، تَبِے تَ تَيَ، بِرْنِ مَيْ كَتَنْ‌غَ دَغَ نَنْ تَجُويَا ذُوَا وَجٜىٰنْ هُواْسَ تَڧَارٜىٰ عَتٜىٰكُنْ مٜىٰدِتٜىٰرٜىٰنِيَ وَجٜىٰنْ يَنْكِنْ مَهَلَبْ دَ عَكْظِبْ،

³⁰ دَ عُمَّ دَ أَڢٜىٰكْ دَ كُمَ رٜىٰهُوابْ؞ غَرُرُوَ عَشِرِنْ دَ بِيُ كٜىٰنَنْ تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

³¹ وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْ‌غُواْغِنْ ذُرِيَرْ أَشٜىٰرْ يَذَمَ مَلَّكَرْسُ تَغَادُواْ؞

يَنْكِنْ ڧَسَرْدَ عَكَبَا ذُرِيَرْ نَڢْتَلِ

³² ڧُرِعَ تَشِدَ تَيَنْكِنْ ڧَسَرْ عِتَثٜىٰ دُواْمِنْ ذُرِيَرْ نَڢْتَلِ دَنْ‌غِ دَنْ‌غِ؞

³³ إِيَاكَرْسُ تَمِيڧٜىٰ دَغَ غَرِنْ هٜىٰلٜىٰڢْ دَغَ إِتَاثٜىٰنْ ڟَاڢِ أَ ذَاعَنَنِّمْ، تَوُثٜىٰ ذُوَا أَدَمِنٜىٰكٜىٰبْ دَ يَبْنٜىٰيٜىٰلْ حَرْ ذُوَا لَكُّمْ، تَكُمَ ڧَارٜىٰ أَ كُواْغِنْ يُواْدَنْ؞

³⁴ إِيَاكَرْ كُمَ تَجُويَا وَجٜىٰنْ يَمَّ ذُوَا أَظْنُواتْ تَبُوارْ دَغَ ثَنْ تَمِيڧٜىٰ ذُوَا هُكُّواكْ؞ تَا كَيْ يَنْكِنْ ذُرِيَرْ ظٜىٰبُلُنْ أَوَجٜىٰنْ كُدُ دَ يَنْكِنْ ذُرِيَرْ أَشٜىٰرْ أَوَجٜىٰنْ يَمَّ دَ كُمَ يَنْكِنْ ذُرِيَرْ يَهُودَ أَوَجٜىٰنْ يُواْدَنْ تَوَجٜىٰنْ غَبَسْ؞

³⁵ بِرَنٜىٰ مَاسُ كَتَنْ‌غَ سُونٜىٰ ظِدِّمْ دَ ظٜىٰرْ دَ هَمَّتْ دَ رَكَّتْ دَ كِنّٜىٰرٜىٰتْ،

³⁶ دَ أَدَمَ دَ رَمَ دَ حَزُوارْ،

³⁷ دَ كٜىٰدٜىٰشْ دَ عٜىٰدِرَيْ دَ عٜىٰنْهَظُوارْ،

³⁸ دَ إِرُوانْ دَ مِغْدَلٜىٰلْ دَ هُواْرٜىٰمْ دَ بٜىٰتَنَتْ دَ بٜىٰتْ شٜىٰمٜىٰشْ؞ بِرَنٜىٰ غُواْمَشَا تَرَ كٜىٰنَنْ، تَرٜىٰدَ ڧَوْيُكَنْ دَسُكٜىٰ كٜىٰوَيٜىٰ دَسُو؞

³⁹ وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْ‌غُواْغِنْ ذُرِيَرْ نَڢْتَلِ يَذَمَ مَلَّكَرْسُ تَغَادُواْ؞

يَنْكِنْ ڧَسَرْدَ عَكَبَا ذُرِيَرْ دَنْ

⁴⁰ ڧُرِعَ تَبَݣَويْ تَيَنْكِنْ ڧَسَرْ عِتَثٜىٰ دُواْمِنْ ذُرِيَرْ دَنْ دَنْ‌غِ دَنْ‌غِ؞

⁴¹ إِيَاكَرْ يَنْكِنْسُ تَغَادُواْ تَڧُنْشِ ذُواْرَ دَ عٜىٰشْتَوُالْ دَ إِرْشٜىٰمٜىٰشْ،

⁴² دَ شَعَلْبِمْ دَ أَيَلُوانْ دَ إِتْلَ،

⁴³ دَ عٜىٰلُوانْ دَ تِمْنَ دَ عٜىٰكْرُوانْ،

⁴⁴ دَ عٜىٰلْتٜىٰكٜىٰ دَ غِبّٜىٰتُوانْ دَ بَعَلَتْ،

⁴⁵ دَ يٜىٰهُدْ دَ بٜىٰنٜىٰبٜىٰرَكْ دَ غَتْرِمُّوانْ،

⁴⁶ دَ مٜىٰيَرْكُوانْ دَ كُمَ رَكُّوانْ، تَرٜىٰدَ يَنْكِنْ دَيَكٜىٰ كٜىٰوَيٜىٰ دَ يُواْڢَّ؞

⁴⁷ عَمَّا ذُرِيَرْ دَنْ سُنْ شَا وَهَلَ دَ سُكَ سُواْ سُمَلَّكِ يَنْكِنْسُ، سَيْ سُكَ تَڢِے سُكَ يَاڧِ لٜىٰشٜىٰمْ؞ سُكَثِتَ دَيَاڧِ، سُكَ كَكَّشٜىٰ مُتَنٜىٰنْتَ دَ تَكُواْبِے، سُكَ مَلَّكِ ڧَسَرْ؞ سُكَ ذَوْنَ عَثِكِنْتَ، سُكَ كُمَ ثَنْجَ سُونَنْ بِرْنِنْ دَغَ لٜىٰشٜىٰمْ ذُوَا سُونَنْ كَكَنْسُ، وَتُواْ دَنْ؞

⁴⁸ وَطَنَّنْ سُونٜىٰ غَرُرُوَ دَ ڧَوْيُكَنْ دَسُكٜىٰ ثِكِنْ يَنْكِنْ ڧَسَرْدَ عَكَ بَادَنْ‌غُواْغِنْ ذُرِيَرْ دَنْ يَذَمَ مَلَّكَرْسُ تَغَادُواْ؞

يَنْكِنْ ڧَسَرْدَ عَكَبَا يُواْشُوَ

⁴⁹ سَعَدَّ مُتَنٜىٰنْ إِسْرَٰٓءِيلَ سُكَ غَمَ رَرَّبَ إِيَاكَرْ يَنْكُنَنْ رَبُوانْ غَادُوانْ ڧَسَرْ، مُتَنٜىٰنْ سُكَ بَا يُواْشُوَ طَنْ نُنْ نَاسَ رَبُوانْ غَادُواْ عَثِكِنْ نَاسُ،

⁵⁰ كَمَرْ يَدَّ يَهْوٜىٰهْ يَعُمَرْتَ؞ سُكَ بَا يُواْشُوَ غَرِنْدَ يَضُواْڧَا، وَتُواْ تِمْنَتْ سٜىٰرَ، وَنْدَ يَكٜىٰ ثِكِنْ يَنْكِنْ تُدَّيْ نَ إِڢْرَيِمْ؞ يَسَاكٜىٰ غِنَا غَرِنْ، يَكُوَ ذَوْنَ عَثِكِ؞

⁵¹ وَطَنَّنْ سُونٜىٰ ڢِيلَيٜىٰنْ غَادُوانْ ڧَسَرْدَ عٜىٰلٜىٰيَظَرْ ڢِرِسْتِ دَ يُواْشُوَ طَنْ نُنْ دَ كُمَ شُوغَبَنِّنْ ذُرِيَرْ جَمَعَرْ إِسْرَٰٓءِيلَ سُكَ رَرَّبَ تَوُرِنْ جٜىٰڢَ ڧُرِعَ أَ شِلُواْ أَغَبَنْ يَهْوٜىٰهْ عَڧُواْڢَرْ تٜىٰنْتِنْ سَدُوَ؞ تَهَكَنٜىٰ سُكَ غَمَ رَرَّبَ ڧَسَرْ؞