يُواْشُوَ 16 - أَتَّوْرَتْ دَ أَنَّبَاوَا

يَنْكِنْ ڧَسَرْ دَ عَكَ بَ ذُرِيَرْ إِڢْرَيِمْ دَ مَنَسّٜىٰ

¹ رَبُوانْ غَادُوانْ ڧَسَرْ دَعَكَبَا ذُرِيَرْ يُوسُڢَ يَڢَارَ دَغَ كُواْغِنْ يُواْدَنْ كُسَدَ يٜىٰرِكُواْ، أَغَبَسْ دَ مَٻُٻُّغَرْ ضُوً يٜىٰرِكُواْ، تَكُمَ مِيڧٜىٰ ذُوَا دَاجِ؞ تَهَوْرَ دَغَ يٜىٰرِكُواْ ذُوَا ثِكِنْ يَنْكِنْ تُدَّيْ حَرْ ذُوَا بٜىٰتٜىٰلْ؞

² دَغَ بٜىٰتٜىٰلْ تَمِيڧٜىٰ ذُوَا لُظْ، تَكُمَ وُثٜىٰ ذُوَا أَتَرُواتْ وَدَّ تَكٜىٰ عَيَنْكِنْ أَرْكِيَاوَا؞

³ سَيْ تَغَنْ‌غَرَ يَمَّ ذُوَا يَنْكِنْ يَڢْلٜىٰتِيَاوَا، حَرْ ذُوَا إِيَاكَرْ بٜىٰتْ حُواْرُوانْ وَدَّ تَكٜىٰ عَݣُورِ، تَوُثٜىٰ ذُوَا غٜىٰظٜىٰرْ تَكُمَ ڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞

⁴ سَيْ ذُرِيَرْ يُوسُڢَ، وَتُواْ ذُرِيَرْ مَنَسّٜىٰ دَ إِڢْرَيِمْ، سُكَ كَرْٻِ وَنَّنْ يَنْكِنْ ڧَسَرْ مَلَّكَرْسُ تَغَادُواْ؞

ذُرِيَرْ إِڢْرَيِمْ

⁵ وَنَّنْ نٜىٰ يَنْكِنْ ذُرِيَرْ إِڢْرَيِمْ دَنْ‌غِ دَنْ‌غِ؞ إِيَاكَرْ ڧَسَرْسُ تَغَادُواْ تَمِيڧٜىٰ دَغَ أَتَرُواتْ أَدَّرْ ذُوَا وَجٜىٰنْ غَبَسْ تَهَوْرَ حَرْ ذُوَا بٜىٰتْ حُواْرُوانْ وَدَّ تَكٜىٰ كَنْ تُدُ؞

⁶ دَغَ ثَنْ كُمَ تَمِيڧٜىٰ ذُوَا تٜىٰكُنْ مٜىٰدِتٜىٰرٜىٰنِيَ؞ دَغَ مِكْمٜىٰتَتْ أَوَجٜىٰنْ أَرٜىٰوَ، تَجُويَا وَجٜىٰنْ غَبَسْ تَكٜىٰوَيٜىٰ ذُوَا تَعَنَتْ شِلُواْ، سَيْ تَوُثٜىٰ أَوَجٜىٰنْ غَبَسْ ذُوَا يَنُواْوَ؞

⁷ دَغَ يَنُواْوَ سَيْ تَغَنْ‌غَرَ ذُوَا أَتَرُواتْ دَ نَعَرَ، تَهَطُ دَ يٜىٰرِكُواْ، تَكُمَبِے تَڢِتَ أَ يُواْدَنْ؞

⁸ دَغَ تَڢُّوَ كُمَ إِيَاكَرْ تَمِيڧٜىٰ يَمَّ ذُوَا رَاڢِنْ كَنَ تَڧَارٜىٰ عَتٜىٰكُنْ مٜىٰدِتٜىٰرٜىٰنِيَ؞ وَنَّنْ يَنْكِنْ ڧَسَرْ نٜىٰ عَكَبَا ذُرِيَرْ إِڢْرَيِمْ مَلَّكَرْسُ تَغَادُواْ دَنْ‌غِ دَنْ‌غِ؞

⁹ تَا كُمَ ڧُنْشِ دُكَنْ غَرُرُوَ دَ ڧَوْيُكَنْسُ وَطَنْدَ عَكَ كٜىٰٻٜىٰسُ دُواْمِنْ ذُرِيَرْ إِڢْرَيِمْ دَغَ ثِكِنْ رَبُوانْ غَادُواْ نَظُرِيَرْ مَنَسّٜىٰ؞

¹⁰ عَمَّا بَسُ كُواْرِ كَنْعَنِيَاوَنْ دَسُكٜىٰ ظَوْنٜىٰ أَ غٜىٰظٜىٰرْ بَ؞ سَبُواْدَ حَكَ كَنْعَنِيَاوَا سُكَ ذَوْنَ تَرٜىٰدَ مُتَنٜىٰنْ إِڢْرَيِمْ هَرْوَيَوْ؞ عَمَّا سُكَسَا كَنْعَنِيَاوَا يِنْ عَيْكِنْ دُواْلٜىٰ كَمَرْ بَايِ؞