يُواْشُوَ 13 - أَتَّوْرَتْ دَ أَنَّبَاوَا

ڧَسَرْ دَ بَعَثِبَ تُكُنَ

¹ أَنَانً سَعَدَّ يُواْشُوَ يَڟُوڢَ سُواْسَيْ، سَيْ يَهْوٜىٰهْ يَثٜىٰ مَسَ ‏«‏كَا ڟُوڢَ سُواْسَيْ، غَاشِ، حَرْ يَنْذُ أَݣَويْ يَنْكُنَنْ ڧَسَرْدَ يَوَ وَطَنْدَ ذَاكُ مَلَّكَ عَمَّا بَكُثِ تُكُنَبَ؞

² غَا يَنْكُنَنْ دَ سُكَ ضَغٜىٰ، دُكَنْ يَنْكُنَنْ ڢِلِسْتِيَاوَا دَ نَ غٜىٰشُرَاوَا

³ دَغَ رَاڢِنْ شِهُوارْ وَنْدَ يَكٜىٰ عَ إِيَاكَرْ مَصَرْ تَغَبَسْ ذُوَا يَنْكِنْ عٜىٰكْرُوانْ أَوَجٜىٰنْ أَرٜىٰوَ؞ دُكَنْ يَنْكُنَنَّنْ أَنْلِسَّڢْتَاسُ نَ كَنْعَنِيَاوَا نٜىٰ، وَتُواْ يَنْكُنَ نَسَرَاكُنَ بِيَرْ نَ ڢِلِسْتِيَاوَا وَطَنْدَ سُكٜىٰ مُلْكِ أَ غَاظَ دَ أَشْدُوادْ دَ أَشْكٜىٰلُوانْ دَ غَتْ دَ كُمَ عٜىٰكْرُوانْ نَيَنْكِنْ أَوِّيَاوَا؞

⁴ بَعَكُمَثِ يَنْكُنَنْ كَنْعَنِيَاوَا بَ دَغَ غَرِنْ مٜىٰيَرَ عَيَنْكِنْ سِدُواْنِيَاوَا، حَرْ ذُوَا غَرِنْ أَڢٜىٰكْ عَ إِيَاكَرْ أَمُواْرِيَاوَا؞

⁵ أَݣَويْ كُمَ يَنْكِنْ غٜىٰبَلِيَاوَا دَ دُكَنْ ڧَسَرْ لٜىٰبَنُوانْ ذُوَا غَبَسْ دَغَ بَعَلْغَدْ أَغِنْدِنْ بَبَّنْ تُدُنْ هَرْمُوانْ حَرْ ذُوَا مَشِغِنْ يَنْكِنْ هَمَتْ؞

⁶ غَمٜىٰ دَ دُكَنْ مَذَوْنَنْ يَنْكِنْ سِدُوانْ، وَطَنْدَ سُكٜىٰ ظَوْنٜىٰ عَثِكِنْ يَنْكِنْ تُدَّيْ ڟَكَانِنْ مَنْيَنْ تُدَّنْ لٜىٰبَنُوانْ دَ مِسْرٜىٰڢُواتْ مَيِمْ، نِے دَكَيْنَ ذَنْ كُواْرٜىٰسُ دُكَ دَغَ غَبَنْ إِسْرَٰٓءِيلَاوَا؞ كَتَبَّتَا كَرَبَوَ إِسْرَٰٓءِيلَاوَا يَنْكِنَّنْ يَذَمَ غَادُوانْسُ كَمَرْ يَدَّ نَعُمَرْثٜىٰكَ؞

⁷ يَنْذُ ڢَا سَيْ كَرَبَ وَنَّنْ ڧَسَا وَظُرِيَرْ نَنْ تَرَ دَ كُمَ رَبِنْ ذُرِيَرْ مَنَسّٜىٰ تَذَمَ مَلَّكَرْسُ تَغَادُواْ؞»‏

يَنْكُنَنْ ڧَسَرْ غَبَسْ دَ كُواْغِنْ يُواْدَنْ

⁸ سَوْرَنْ رَبِنْ ذُرِيَرْ مَنَسّٜىٰ تَرٜىٰدَ ذُرِيَرْ رَعُبَيْنُ دَ ذُرِيَرْ غَدْ سُنْ كَرْٻِ نَاسُ رَبُوانْ غَادُواْ وَنْدَ مُوسَٰى يَا رِغَا يَابَاسُ عَڧٜىٰتَرٜىٰنْ كُواْغِنْ يُواْدَنْ وَجٜىٰنْ غَبَسْ؞ أَبِنْ دَ مُوسَٰى، بَاوَنْ يَهْوٜىٰهْ يَبَاسُ كٜىٰنَنْ؞

⁹ يَنْكِنْسُ نَڧَسَرْ يَمِيڧٜىٰ دَغَ غَرِنْ أَرُواْوٜىٰرْ وَنْدَ يَكٜىٰ عَبَاكِنْ ݣُورِنْ كُواْغِنْ أَرْنُوانْ دَغَ غَرِنْ دَيَكٜىٰ أَڟَكِيَرْ ݣُورِنْ، حَرْ ذُوَا يَنْكِنْ تُدَّيْ نَ مٜىٰدٜىٰبَ ذُوَا دِبُوانْ؞

¹⁰ يَكُمَ ڧُنْشِ دُكَنْ بِرَنٜىٰنْ سَرْكِے سِهُوانْ نَ أَمُواْرِيَاوَا، وَنْدَ يَيِ مُلْكِ أَ هٜىٰشْبُوانْ، حَرْ ذُوَا إِيَاكَرْ أَمُّواْنَاوَا،

¹¹ دَ غِلٜىٰيَدْ دَ يَنْكِنْ غٜىٰشُرْ دَ نَ مَعَكَ دَ دُكَنْ بَبَّنْ تُدُنْ هَرْمُوانْ دَ كُمَ دُكَنْ بَشَنْ حَرْ ذُوَا سَلٜىٰكَ،

¹² وَتُواْ، دُكَنْ مُلْكٍ سَرْكِے عُواغْ نَ بَشَنْ، وَنْدَ يَيِ مُلْكِ أَ عَشْتَرُواتْ دَ عٜىٰدِرَيْ؞ عُواغْ كُوَ شِ كَطَيْ نٜىٰ يَرَغُ عَثِكِنْ رٜىٰڢَيَاوَا؞ مُوسَٰى كُوَ يَثِسُ دَ يَاڧِ، يَكُواْرٜىٰسُ؞

¹³ عَمَّا إِسْرَٰٓءِيلَاوَا بَسُ كُواْرِ مُتَنٜىٰنْ غٜىٰشُرْ دَ نَ مَعَكَ بَ، سَبُواْدَ حَكَ سُكَ ثِيغَبَدَ ذَمَ أَڟَكِيَرْ إِسْرَٰٓءِيلَاوَا هَرْوَيَوْ؞

¹⁴ عَمَّا ذُرِيَرْ لَوِيَاوَا نٜىٰ كَطَيْ مُوسَٰى بَيْ بَاتَ غَادُواْبَ، تُنْدَ هَدَايُنْ ڧُواْنَاوَا غَ يَهْوٜىٰهْ اللَّهْ نَ إِسْرَٰٓءِيلَ غَادُوانْسُ نٜىٰ، كَمَرْ يَدَّ يَهْوٜىٰهْ يَيِ مُسُ أَلْڧَوَرِ؞

يَنْكِنْ ڧَسَرْ دَ عَكَبَا ذُرِيَرْ رَعُبَيْنُ

¹⁵ مُوسَٰى يَبَا ذُرِيَرْ رَعُبَيْنُ مَلَّكَرْسُ تَغَادُواْ دَنْ‌غِ دَنْ‌غِ؞

¹⁶ يَنْكِنْسُ نَڧَسَرْ يَمِيڧٜىٰ دَغَ أَرُواْوٜىٰرْ وَنْدَ يَكٜىٰ عَبَاكِنْ ݣُورِنْ كُواْغِنْ أَرْنُوانْ دَ غَرِنْ دَيَكٜىٰ ثِكِنْ ڟَكِيَرْ ݣُورِ دَ كُمَ دُكَنْ يَنْكِنْ تُدَّيْ وَنْدَ يَوُثٜىٰ مَدٜىٰبَ؞

¹⁷ يَنْكِنْسُ يَكُمَ ڧُنْشِ هٜىٰشْبُوانْ دَ كُمَ دُكَنْ غَرُضُوً دَسُكٜىٰ عَيَنْكِنْ تُدَّيْ، وَتُواْ دِبُوانْ دَ بَمُواتْ بَعَلْ دَ بٜىٰتْ بَعَلْمٜىٰيُوانْ،

¹⁸ دَ يَهَظَ دَ كٜىٰدٜىٰمُواتْ دَ مٜىٰڢَعَتْ،

¹⁹ دَ كِرِيَتَيِمْ دَ سِبْمَ دَ ظٜىٰرٜىٰتْ شَهَرْ عَكَنْ تُدُنْ دَيَكٜىٰ ثِكِنْ ݣُورِنْ،

²⁰ دَ بٜىٰتْ ڢٜىٰيُوارْ دَ غَنْ‌غَرٜىٰنْ بَبَّنْ تُدُنْ ڢِسْغَ دَ كُمَ بٜىٰتْ يٜىٰشِمُواتْ؞

²¹ يَنْكِنْسُ يَكُمَ ڧُنْشِ دُكَنْ غَرُضُوً يَنْكِنْ تُدَّيْ دَ كُمَ دُكَنْ مُلْكٍ سِهُوانْ سَرْكِنْ أَمُواْرِيَاوَا، وَنْدَ يَيِ مُلْكِ أَ هٜىٰشْبُوانْ؞ مُوسَٰى كُوَ يَثِ شِ دَ يَاڧِ حَرْ دَ شُوغَبَنِّنْ مِدِيَنَاوَا، وَتُواْ عٜىٰوِ دَ رٜىٰكٜىٰمْ دَ ظُرْ دَ هُرْ دَ كُمَ رٜىٰبَ؞ دُكَنْسُ سُنْيِ مُلْكٍ ڧَسَرْ عَڧَرْڧَشِنْ بَبَّنْ سَرْكِے سِهُوانْ؞

²² بَنْ دَ وَطَنْدَ عَكَ كَشٜىٰسُ عَيَاڧِ، إِسْرَٰٓءِيلَاوَا سُكَ كَشٜىٰ مَيْ دُوبَانَّنْ بَلَعَمْ طَنْ بٜىٰيُوارْ؞

²³ كُواْغِنْ يُواْدَنْ نٜىٰ يَذَمَ إِيَاكَرْ يَنْكِنْ ذُرِيَرْ رَعُبَيْنُ؞ وَطَنَّنْ غَرُرُوَ دَ ڧَوْيُكَنْسُ نٜىٰ عَكَبَا ذُرِيَرْ رَعُبَيْنُ مَلَّكَرْسُ تَغَادُواْ دَنْ‌غِ دَنْ‌غِ؞

يَنْكِنْ ڧَسَرْ دَ عَكَبَا ذُرِيَرْ غَدْ

²⁴ مُوسَٰى كُمَ يَبَا ذُرِيَرْ غَدْ مَلَّكَرْسُ تَغَادُواْ دَنْ‌غِ دَنْ‌غِ؞

²⁵ يَنْكِنْسُ نَڧَسَرْ يَڧُنْشِ يَظٜىٰرْ دَ دُكَنْ غَرُضُوً غِلٜىٰيَدْ دَ رَبِنْ يَنْكِنْ أَمُّواْنَاوَا حَرْ ذُوَا أَرُواْوٜىٰرْ، وَنْدَ يَكٜىٰ وَجٜىٰنْ غَبَسْ دَ رَبَّهْ؞

²⁶ يَنْكِنْسُ نَڧَسَرْ يَمِيڧٜىٰ دَغَ هٜىٰشْبُوانْ ذُوَا رَمَتْ مِظْڢَ دَ بٜىٰتُواْنِمْ دَغَ مَهَنَيِمْ كُمَ ذُوَا يَنْكِنْ دٜىٰبِرْ؞

²⁷ عَثِكِنْ ݣُورِنْ يُواْدَنْ يَڧُنْشِ بٜىٰتْ هَرَمْ دَ بٜىٰتْ نِمْرَ دَ سُكُّواتْ دَ ظَڢُوانْ دَ كُمَ سَوْرَنْ مُلْكٍ سَرْكِے سِهُوانْ نَ هٜىٰشْبُوانْ؞ كُواْغِنْ يُواْدَنْ يَكَسَنْثٜىٰ إِيَاكَرْ يَنْكِنْسُ نَڧَسَرْ، يَمِيڧٜىٰ أَرٜىٰوَ حَرْ بَاكِنْ تٜىٰكُنْ غَلِيلِ؞

²⁸ وَطَنَّنْ غَرُرُوَ دَ ڧَوْيُكَنْسُ نٜىٰ عَكَبَا ذُرِيَرْ غَدْ مَلَّكَرْسُ تَغَادُواْ دَنْ‌غِ دَنْ‌غِ؞

يَنْكِنْ ڧَسَرْ دَ عَكَبَا ذُرِيَرْ مَنَسّٜىٰ

²⁹ مُوسَٰى كُمَ يَبَا رَبِنْ ذُرِيَرْ مَنَسّٜىٰ مَلَّكَرْسُ تَغَادُواْ دَنْ‌غِ دَنْ‌غِ؞

³⁰ يَنْكِنْسُ نَڧَسَرْ يَمِيڧٜىٰ دَغَ مَهَنَيِمْ يَهَطَ دَ دُكَنْ بَشَنْ، دُكَنْ مُلْكٍ عُواغْ سَرْكِنْ بَشَنْ دَ دُكَنْ غَرُرُوَ نَ يَايِرْ غُدَا سِتِّنْ وَطَنْدَ سُكٜىٰ عَبَشَنْ؞

³¹ يَكُمَ ڧُنْشِ رَبِنْ غِلٜىٰيَدْ دَ عَشْتَرُواتْ دَ عٜىٰدِرَيْ، وَتُواْ مَنْيَنْ بِرَنٜىٰنْ مُلْكٍ سَرْكِے عُواغْ نَ بَشَنْ؞ دُكَنْ وَطَنَّنْ عَكَبَا رَبِنْ ذُرِيَرْ مَكِرْ طَنْ مَنَسّٜىٰ مَلَّكَرْسُ تَغَادُواْ دَنْ‌غِ دَنْ‌غِ؞

³² وَطَنَّنْ سُونٜىٰ رَبُوانْ غَادُوانْ ڧَسَرْ وَنْدَ مُوسَٰى يَرَبَ سَعَدَّ يَكٜىٰ أَ ڢِيلَيٜىٰنْ مُواْوَبْ أَغَبَشِنْ كُواْغِنْ يُواْدَنْ سُنَ كَلُّوانْ يٜىٰرِكُواْ؞

³³ عَمَّا مُوسَٰى بَيْ بَ ذُرِيَرْ لَوِ غَادُوانْ ڧَسَابَ؞ يَڢَطَا مُسُ ثٜىٰوَ يَهْوٜىٰهْ اللَّهْ نَ إِسْرَٰٓءِيلَ، شِينٜىٰ رَبُوانْ غَادُوانْسُ، كَمَرْ يَدَّ يَيِ مُسُ أَلْڧَوَرِ؞