يُونُسَ 2 - أَتَّوْرَتْ دَ أَنَّبَاوَا

أَدُّعَرْ يُونُسَ

¹ سَيْ يُونُسَ يَيِ أَدُّعَ غَ يَهْوٜىٰهْ اللَّهْ نْسَ عَثِكِنْ ثِكِنْ كِيڢِنْ؞

² يَثٜىٰ، ‏«‏عَثِكِنْ وَهَلَاتَ نَيِ كِرَا غَ يَهْوٜىٰهْ، يَكُوَ أَمْسَ مِنِ؞ دَغَ ثِكِنْ وُرِنْ ذَمَنْ مَتَتُّو نَيِ كُوكَنْ نٜىٰمَنْ تَيْمَكُواْ، كَا كُوَجِ مُرْيَتَ؞

³ كَا جٜىٰڢَنِ ثِكِنْ ظُرْڢِنْ تٜىٰكُ، ثَنْ ڧَرْڧَشِنْ تٜىٰكُ، إِغِيُواْيِنْ ضُوَ كُمَ سُكَ كٜىٰوَيٜىٰنِ؞ دُكَنْ رَاڧُمَنْ ضُوَنْكَ كُمَ سُكَشَا كَيْنَ؞

⁴ نَثٜىٰ، كُواْدَيَكٜىٰ أَنْكَوَرْ دَنِے دَغَ غَبَنْكَ، دُكْدَهَكَ ذَنْ سَاكٜىٰ غَنِنْ هَيْكَلِنْكَ مَيْ ڟَرْكِے؞

⁵ ضُوَ يَرُڢٜىٰنِ حَرْ يَشَڧٜىٰنِ، ضُوً تٜىٰكُ يَرُڢٜىٰنِ غَبَاطَيَ، ثِيَوَرْ تٜىٰكُ كُمَ تَنَنَّطٜىٰ كَيْنَ؞

⁶ نَنُڟٜىٰ ثِكِنْ تٜىٰكُ حَرْ غِنْدِنْ دُوَڟُو، أَنْكُلّٜىٰنِ ثِكِنْ وُرِنْ ذَمَنْ مَتَتُّو؞ عَمَّا، كَيْ يَا يَهْوٜىٰهْ اللَّهْ نَا، كَا ڢِتَرْ دَنِے دَغَ وَنَّنْ رَامِ؞

⁷ دَنَجِ رَيْنَ يَنَ طَوْكٜىٰوَ، سَيْ نَتُنَ دَ يَهْوٜىٰهْ، أَدُّعَتَ كُمَ تَذُواْ غَبَنْكَ، ثِكِنْ هَيْكَلِنْكَ مَيْ ڟَرْكِے؞

⁸ سُو دَسُكٜىٰيِنْ سُجَّدَ غَ غُمَكَنْ بَنْظَ، سُنْ جُويَا وَ ڧَوْنَرْ اللَّهْ مَرَرْ ثَنْجَاوَا بَايَ؞

⁹ عَمَّا نِے دَ كَلْمُواْمِنْ غُواْدِيَ ذَنْ مِيڧَ مَكَ هَدَايَ؞ ذَنْ ثِكَ ضَنْڟُوَارْدَ نَيِ؞ ثٜىٰتُواْ دَغَ وُرِنْ يَهْوٜىٰهْ يَكٜىٰ!‏»‏

¹⁰ سَيْ يَهْوٜىٰهْ يَسَا كِيڢِنْ يَ أَمَيَرْدَ يُونُسَ عَبَاكِنْ تٜىٰكُ؞