يُواْوٜىٰلْ 3 - أَتَّوْرَتْ دَ أَنَّبَاوَا

اللَّهْ ذَيْ حُكُنْتَ أَلْعُمَّيْ

¹ إِنْجِ يَهْوٜىٰهْ، ‏«‏غَاشِ، عَكْوَانَكِے دَ كُمَ لُواْكَثِنَّنْ، ذَنْ مَيَرْ وَ يَهُودَ دَ عُرُوشَلِيمَ دَ أَلْبَرْكُنْسُ؞

² ذَنْ تَتَّارَ دُكَنْ أَلْعُمَّيْ، إِنْ غَنْ‌غَرُواْ دَسُو ݣُورِنْ شَرِيعَرْ يَهْوٜىٰهْ؞ أَوُرِنْ، ذَنْ حُكُنْتَسُ سَبُواْدَ مُتَنٜىٰنَ، غَمَا سُنْ وَاڟَرْدَ غَادُواْنَ إِسْرَٰٓءِيلَ عَثِكِنْسُ سُكَ كُمَ رَرَّبَ ڧَسَاتَ؞

³ سُكَ جٜىٰڢَ ڧُرِعَرْ ݣُوسُوانْ بَايِ دُواْمِنْ مُتَنٜىٰنَ؞ سُكَ سَيَرْ دَ یَیَ مَظَا بَوْتَا دُواْمِنْ بِيَنْ كَارُوَيْ، سُكَ سَيَرْ دَ یَنْ مَاتَا بَوْتَا دُواْمِنْ سُشَا ضُوً إِنَبِے؞

⁴ ‏«‏شِنْ!‏ مٜىٰ كُكٜىٰسُواْ كُيِ مِنِ، يَا كُو بِرْنِنْ تَيَ دَ سِدُوانْ دَ دُكَنْ يَنْكُنَنْ ڢِلِسْتِيَ؟ كُنَ ڧُواْڧَرِ كُحُكُنْتَ نِے عَكَنْ وَنِ أَبِنْدَ نَيِ مُكُ نٜىٰ؟ عِدَنْ كُنْيِ حَكَ، تُواْ دَ غَغَّاوَا ذَنْ رَامَ عَكَنْكُ؞

⁵ كُكَ ݣُوشِ أَظُرْڢَاتَ دَ ظِينَارِيَاتَ، وَطَنْدَ سُكٜىٰ كَايَانَ مَاسُ دَرَجَ ذُوَا طَكُنَنْ غُمَكَنْكُ؞

⁶ كُكَ كُمَ ݣُوشِ مُتَنٜىٰنَ نَ يَهُودَ دَ عُرُوشَلِيمَ كُكَ سَيَرْ دَسُو وَ هٜىٰلٜىٰنَاوَا، دُواْمِنْ كُكَوَرْ دَسُو نٜىٰسَ دَ ڧَسَرْسُ؞

⁷ ‏«‏غَاشِ، يَنْذُ ذَنْ دَاوُاْ دَسُو دَغَ وُرَارٜىٰنْ دَ كُكَ سَيَرْ دَسُو، ذَنْ كُوَيِ مُكُ أَبِنْدَ كُكَيِ مُسُ؞

⁸ ذَنْسَا أَ سَيَرْوَ مُتَنٜىٰنْ يَهُودَ دَ یَیَنْكُ مَظَا دَ مَاتَا؞ يَهُودَاوَنْ ذَاسُ سَيَرْ دَسُو غَ مُتَنٜىٰنْ سٜىٰبَ، ثَنْ دَنِيسَ عَڧَسَرْ أَرَبِيَ؞ نِے يَهْوٜىٰهْ نَا ڢَطَا؞»‏

حُكُنْثِ أَ ݣُورِنْ شَرِيعَرْ يَهْوٜىٰهْ

⁹ كُسَنَرْدَ وَنَّنْ وَ أَلْعُمَّيْ، كُثٜىٰ ‏«‏كُيِ شِرِنْ يَاڧِ!‏ كُتَادَ ڠُونَيٜىٰنْ يَاڧِ، كُسَا سُواْجُواْجِ سُيِ كُسَ، بَرِ سُهَوْرَ ذُوَا يَاڧِ؞

¹⁰ كُبُغِ غَرْمَرْ نُواْمَنْكُ سُذَمَ تَكُبَ، كُمَيْدَ وُڧَڧٜىٰنْ ڠَرَ عِتَتُوَنْكُ مَاسُ؞ بَرِ مَرَرْ ڧَرْڢِے يَثٜىٰ، ‏‹‏نِے مَيْ ڧَرْڢِينٜىٰ!‏›‏

¹¹ كُيِ سَوْرِ كُذُواْ، يَا كُو أَلْعُمَّيْ، كُو دَ كُكٜىٰ كٜىٰوَيٜىٰ دَ مُتَنٜىٰنَ؞»‏ يَا يَهْوٜىٰهْ، كَسَا سُواْجُواْجِنْكَ سُسَوْكَ سُتَتَّارُ عَݣُورِنْ!‏

¹² ‏«‏بَرِ أَلْعُمَّيْ سُتَاشِ سُتَڢِے ذُوَا ݣُورِنْ شَرِيعَرْ يَهْوٜىٰهْ؞ غَمَا أَوُرِنْ نٜىٰ ذَنْ ذَوْنَ إِنْيِ شَرِيعَرْ دُكَنْ ڧَسَاشٜىٰنْ أَلْعُمَّنْ دَسُكٜىٰ كٜىٰوَيٜىٰ دَ مُتَنٜىٰنَ؞

¹³ مُغُنْتَارْسُ تَيِيَوَ؞ كُسَا لَوْجٜىٰنْكُ، كُيَنْكٜىٰسُ كَمَرْ حَڟِنْدَ يَنُونَ؞ ذُواْ كُتَتَّكَسُ، كَمَرْ يَدَّ كُكٜىٰ تَتَّاكَ إِنَبِے، غَمَا وُرِنْ مَڟٜىٰوَرْ ضُوً إِنَبِے يَثِكَ، حَرْ مَنْيَنْ رَنْدُنَنْ سُنْثِكَ سُنَ ظُبَ؞»‏

¹⁴ دُبُنْ دُبَّيْ سُنَ ثِكِنْ ݣُورِنْ يَنْكٜىٰ شَرِيعَرْ يَهْوٜىٰهْ!‏ غَمَا رَانَرْ يَهْوٜىٰهْ تَكُسَنْ ذُوَا أَ ݣُورِنْ يَنْكٜىٰ شَرِيعَرْ يَهْوٜىٰهْ!‏

¹⁵ رَانَ دَ وَتَ سُكَنْ جُويٜىٰ دُهُ، تَوْرَرِ سُكَنْ دَيْنَ حَصْكَكَاوَا؞

¹⁶ يَهْوٜىٰهْ ذَيْ يِ رُورِ دَغَ سِهِيُواْنَ، ذَيْ تَادَ مُرْيَرْسَ دَغَ عُرُوشَلِيمَ، سَمَّيْ دَ ڧَسَا ذَاسُ غِرْغِظَ؞ عَمَّا يَهْوٜىٰهْ نٜىٰ وُرِنْ ٻُيَ غَ جَمَعَرْسَ، كَتَنْ‌غَ كُمَ غَ مُتَنٜىٰنْ إِسْرَٰٓءِيلَ؞

¹⁷ ‏«‏يَا إِسْرَٰٓءِيلَ، نِنٜىٰ يَهْوٜىٰهْ اللَّهْ نْكُ؞ ذَاكُ كُوَ سَنِ إِنَ ذَمَ أَ سِهِيُواْنَ، بَبَّنْ تُدُنَ مَيْ ڟَرْكِے؞ عُرُوشَلِيمَ كُوَ ذَاتَ ذَمَ مَيْ ڟَرْكِے، بَابُ أَبُواْكَنْ غَابَنْدَ ذَاسُ سَاكٜىٰ وُثٜىٰوَ تَثِكِنْتَ دَ نَصَرَا؞»‏

اللَّهْ ذَيْ أَلْبَرْكَثِ مُتَنٜىٰنْسَ

¹⁸ ‏«‏أَ رَانَرْ نَنْ تُدَّيْ ذَاسُثِكَ دَ عِتَتُوَنْ إِنَبِے؞ تُدَّيْ ذَاسُثِكَ دَ شَانُنْ مَدَرَ، دُكَنْ رَاڢُڢُّكَنْ يَهُودَ ذَاسُثِكَ دَ ضُوَ، مَٻُٻُّغَرْ ضُوَ ذَاتَ ٻُلُّواْ دَغَ غِدَنْ يَهْوٜىٰهْ، ذَاتَ بَادَ ضُوَ غَ ݣُورِنْ عَكَشِيَ؞

¹⁹ مَصَرْ ذَاتَ ذَمَ كُڢَيْ، عٜىٰدُوامْ كُمَ دَاجِ عِنْدَ بَابُ كُواْوَ، سَبُواْدَ مُغُنْتَارْ دَسُكَيِ وَمُتَنٜىٰنْ يَهُودَ، غَمَا سُنْ ظُبْدَ جِنِنْ مَرَسَ لَيْڢِے عَڧَسَرْ يَهُودَ؞

²⁰ عَمَّا يَهُودَ ذَاتَ كَسَنْثٜىٰ وُرِنْ ذَمَنْ مُتَنٜىٰ حَرْ أَبَدَا، عُرُوشَلِيمَ كُمَ دَغَ ڟَارَا ذُوَا ڟَارَا؞

²¹ ذَنْ رَامَ لَيْڢِنْ ظُبْدَ جِنِنْ مَرَسَ لَيْڢِے، بَذَنْ غَاڢَرْتَا مُسُبَ؞ نِے يَهْوٜىٰهْ ذَنْيِ تَذَمَ أَ سِهِيُواْنَ؞»‏