أَيُوبَ 9 - أَتَّوْرَتْ دَ أَنَّبَاوَا

مَغَنَرْ أَيُوبَ تَ عُكُ

¹ سَيْ أَيُوبَ يَأَمْسَ يَثٜىٰ،

² ‏«‏عِ، لَلَّيْ نَسَنْ حَكَنٜىٰ، عَمَّا تَيَيَا مُتُمْ ذَيْ كَسَنْثٜىٰ دَ أَدَلْثِے أَغَبَنْ اللَّهْ؟

³ عِدَنْ مُتُمْ يَكَيْ ڧَارَرْسَ عَكُواْتُ، يَنَ يِوُوَ يَيِ مَسَ تَمْبَيُواْيِ دُبُو، وَطَنْدَ مُتُمِنْ بَذَيْ عِيَ أَمْسَ كُواْ طَيَبَ؞

⁴ غَمَا اللَّهْ مَيْ ذُوثِيَارْ حِكِمَ نٜىٰ، مَيْ إِيكُواْ كُمَ مَيْ ڧَرْڢِے؞ وَنٜىٰنٜىٰ ذَيْ عِيَيِنْ جَيَيَّ دَشِ حَرْ يَڢِتَ لَاڢِيَ؟

⁵ اللَّهْ يَكَنْ كَوَرْدَ مَنْيَنْ تُدَّيْ بَاتَرٜىٰدَ سَنِنْسُبَ، يَتُمْٻُكٜىٰسُ ثِكِنْ ڢُشِنْسَ؞

⁶ اللَّهْ يَكَنْ غِرْغِظَ دُونِيَا دَغَ وُرِنْ ذَمَنْتَ، حَرْ غِنْشِڧَنْتَ سُجِجِّغُ!‏

⁷ شِ ذَيْ عِيَ عُمَرْثِ رَانَ تَكَاسَ ڢِتُواْوَ، يَكُمَ حَنَ تَوْرَرِ حَصْكَكَاوَا؞

⁸ شِے دَكَنْسَ يَشِمْڢِطَا سَمَّيْ، يَكُمَ تَتَّاكَ رَاڧُمَنْ ضُوً تٜىٰكُ؞

⁹ شِينٜىٰ يَحَلِثِّ ڧُنْ‌غِيُواْيِنْ تَوْرَرِنَّنْ، مَاسُ سُونَ تَاغُوَ دَ مَڢَرَوْثِ دَ كَرٜىٰ دَ ذُواْمُواْ دَ كُمَ كَظَ دَ یَیَنْتَ، دَ كُمَ ڧُنْ‌غِيَرْ تَوْرَرِنْ كُدُ؞

¹⁰ شِينٜىٰ يَعَيْكَتَ مَنْيَنْ أَبُبُوَ، وَطَنْدَ بَذَامُ عِيَ غَانٜىٰوَبَ، عِ، يَيِ أَيُّكَنْ بَنْ مَامَاكِ وَطَنْدَ سُكَ وُثٜىٰ ڧِرْغٜىٰ؞

¹¹ ‏«‏غَاشِ، يَوُثٜىٰ كُسَدَنِے، بَنْ غَنْ شِيبَ، يَثِيغَبَدَ تَڢِيَ، عَمَّا بَنْ غَانٜىٰ شِيبَ؞

¹² إِنْ يَڨُوثٜىٰ وَنِ أَبُ، وَنٜىٰنٜىٰ ذَيْ هَنَشِ؟ وَنٜىٰنٜىٰ ذَيْثٜىٰ مَسَ، ‏‹‏مٜىٰ كٜىٰنَنْ كَكٜىٰيِ؟›‏

¹³ اللَّهْ بَيْ جُويَا دَغَ ڢُشِنْسَبَ، حَرْ مَا أَبُواْكَنْ دُواْدُوانْ ضُوًنَنْ رَاهَڢْ سُو مَا سُنْ نَطُ عَڧَرْڧَشِنْ ڧَڢَاڢُنْسَ،

¹⁴ بَلّٜىٰ ڢَا نِے إِنْ أَمْسَ مَسَ، كُواْ إِنْ ذَاٻِ كَلْمُواْمِنْ دَ ذَنْيِ ڧَارَرْسَ؞

¹⁵ كُواْدَيَكٜىٰ بَانِدَ لَيْڢِے، دُكْدَهَكَ بَانِدَ أَمْسَرْ دَ ذَنْبَاشِ؞ نِے دَيْ ذَنْيِ ضُواْڧُوانْ جِنْڧَيْ دَغَ وُرِنْ مَيْ شَرِيعَتَ؞

¹⁶ كُواْ دَ نَكِرَشِ يَذُواْ كُواْتُ، يَكُوَذُواْ، بَنْيِ ڟَمَّنِ ذَيْ سَوْرَرِ مُرْيَتَبَ؞

¹⁷ غَمَا يَبُغٜىٰنِ دَ إِسْكَ مَيْ ڧَرْڢِے، بَابُ دَلِيلِ يَكُوَ ڧَارَ يِمِنِ رَوْنِ؞

¹⁸ كُواْ جَنْ نُمْڢَشِ، بَيْ يَرْدَ مِنِبَ، عَمَّا سَيْ يَثِكَ رَيْنَ دَ طَاثِ؞

¹⁹ إِنْ دَ ذَنْثٜىٰنْ ڠُودَ ڧَرْڢِينٜىٰ، وَ ذَيْ ڠُودَ ڧَرْڢِے دَ اللَّهْ!‏ إِنْ دَ ذَنْثٜىٰنْ ڧَارَنٜىٰ، وَ ذَيْ عِيَ سَاشِ يَشِغُواْ كُواْتُ؟

²⁰ كُواْدَيَكٜىٰ إِنَ دَ غَسْكِيَ، مَغَنَرْ بَاكِنَ ذَيْ جَٰوُاْ مِنِ حُكُنْثِ؞ كُواْدَيَكٜىٰ نِے مَرَرْ لَيْڢِينٜىٰ، شِے ذَيْ تَبَّتَرْ إِنَدَ لَيْڢِے؞

²¹ نِے مَرَرْ لَيْڢِينٜىٰ، عَمَّا نِے بَنْ دَامُبَ، إِنَ ڨَمَرْ رَيْنَ؞

²² بَنْ دَامُبَ!‏ شِيَسَا نَثٜىٰ، ‏‹‏دَ مَرَرْ لَيْڢِے دَ مُوغُ دُكْ، يَكَنْ هَلَكَاسُ؞›‏

²³ سَعَدَّ بَلَعِ يَكَٰوُاْ مُتُوَ ڢَرَتْ طَيَ، اللَّهْ يَكَنْيِ دَارِيَارْ رٜىٰنِ سَعَدَّ مَرَرْ لَيْڢِے سُكَنْ مُتُ؞

²⁴ أَنْ بَادَ دُونِيَا أَ حَنُّنْ مُوغَيٜىٰ، يَرُڢٜىٰ إِدَانُنْ دُكَنْ مَاسُ شَرِيعَ؞ عِدَنْ بَ اللَّهْ نٜىٰ يَيِ حَكَبَ، تُواْ، وَنٜىٰنٜىٰ يَيِ؟

²⁵ ‏«‏ݣُونَكِنَ سُنَ وُثٜىٰوَ دَ سَوْرِ، ڢِيٜىٰدَ مَيْ غُدُ، غُدُ سُكٜىٰيِ، بَا وَنِ أَلْحٜىٰرِ عَثِكِنْسُ؞

²⁶ كَمَرْ جِضْغِ مَيْ سَوْرِنْ غُدُ، ݣُونَكِنَ سُكٜىٰ وُثٜىٰوَ كَمَرْ سَوْكَرْ غَغَّڢَ دُوانْ تَثَڢْكٜىٰ ذُواْمُواْ؞

²⁷ عِدَنْ نَا ثٜىٰ، ‏‹‏ذَنْ مَنْتَادَ كُوكَنَ، إِنْ كَوَرْدَ ڢُسْكَتَ مَيْ ٻَثٜىٰوَ إِنْيِ مُرْمُشِ،›‏

²⁸ هَرْوَيَوْ عَذَابَتَ تَڟُواْرَتَرْ دَنِے، غَمَا نَا سَنِ بَذَاكَ تَٻَ نُونَ نِے مَرَرْ لَيْڢِے بَ؞

²⁹ كُواْ يَيَ عَكَيِ، ذَاعَ ثٜىٰ نِے مَيْ لَيْڢِے نٜىٰ؞ تُواْ دَامُوَتَ تَذَمَ بَنْظَ كٜىٰنَنْ؞

³⁰ كُواْ دَ نَڟَبْتَثٜىٰ كَيْنَ دَ سَبُلُ، نَكُمَ وَنْكٜىٰ حَنُّوَنَ دَ سَبُلُنْ سُواْدَ،

³¹ دُكْدَهَكَ ذَاكَ جٜىٰڢَنِ عَبُواْلَ، حَرْ مَا رِيغُنَنَ ذَاسُيِ ڨَمَاتَ؞

³² اللَّهْ بَمُتُمْنٜىٰ كَمَرْ نِيبَ؞ دَا عَثٜىٰ حَكَنٜىٰ دَ سَيْ إِنَمْسَ مَسَ، دَا ذَامُ تَڢِے كُواْتُ عَيِ مَنَ شَرِيعَ تَرٜىٰ؞

³³ غَاشِ، بَابُ مَيْ ڟَيَاوَا أَڟَكَانِنْمُ، بَابُ مَيْ شَرِيعَرْ دَ ذَيْ رِڧٜىٰ حَنُّوَنْمُ يَنُونَ مَيْ غَسْكِيَ؞

³⁴ دَمَا اللَّهْ يَطَوْكِ سَنْدَنْسَ دَغَ كَيْنَ، يَحَنَ رَظَنَرْسَ تَڢِرْغِتَرْ دَنِے،

³⁵ دَ ذَنْيِ مَغَنَ بَابُ ڟُواْرُوانْسَ!‏ عَمَّا سَبُواْدَ حَلِنْ دَ نَكٜىٰ ثِكِ، بَذَنْ عِيَ ڢَطَرْ كُواْمٜىٰبَ؞»‏