أَيُوبَ 8 - أَتَّوْرَتْ دَ أَنَّبَاوَا

ڢَرْكُوانْ أَمْسَرْ بِلْدَدْ

¹ بِلْدَدْ مُتُمِنْ شُوحُ يَأَمْسَ يَثٜىٰ،

² ‏«‏حَبَ أَيُوبَ، حَرْ يَوْشٜىٰ ذَاكَيِ تَڢَطِنْ إِرِنْ أَبُبُوَنَّنْ؟ كَلْمُواْمِنْ بَاكِنْكَ كَمَرْ بَبَّرْ إِسْكَنٜىٰ!‏

³ أَيْ، اللَّهْ بَيْتَٻَ جُجُّويٜىٰ غَسْكِيَابَ، مَيْ إِيكُواْ دُكَ كُمَ بَيْتَٻَ جُجُّويٜىٰ أَدَلْثِبَ!‏

⁴ أَيْ، یَیَنْكَ سُنْيِ مَسَ ذُنُوبِ، شِے يَسَا يَحُكُنْتَسُ بِسَغَ ذُنُبَنْسُ نَغَنْ‌غَنْثِ؞

⁵ عَمَّا عِدَنْ ذَاكَ نٜىٰمِ اللَّهْ دَغَسْكٜىٰ، كَنٜىٰمِ جِنْڧَيْ دَغَ وُرِنْ مَيْ إِيكُواْ دُكَ،

⁶ عِدَنْ كَنَدَ ڟَبْتَرْ رَيْ دَغَسْكِيَ أَ ظُوثِ، لَلَّيْ ذَيْ تَاشِ دُواْمِنْ يَتَيْمَكٜىٰكَ، يَمَيَرْ مَكَ دَ ذَمَنْ لَاڢِيَ أَغِدَنْكَ؞

⁷ كُواْ دَ كَغَ ڢَارَوَرْ رَايُوَرْكَ بَكُواْمٜىٰبَ، ڧَرْشٜىٰنْكَ ذَيْ يَلْوَتَ ڨُورَيْ؞

⁸ ‏«‏كَادَيْ بِنْثِكَ تَارِيحِنْ زَامَانِنْ دَا، كَلُورَ دَ أَبِنْدَ كَاكَنِّنْسُ سُكَ كُواْيَ؞

⁹ غَمَا مُو كَمْ نَيَوْ نٜىٰ كَوَيْ، بَمُسَنْ كُواْمٜىٰبَ، غَمَا ݣُونَكِنْمُ عَدُونِيَا سُنَ وُثٜىٰوَ كَمَرْ إِنُوَ؞

¹⁰ حَڧِيڧَ، مُتَنٜىٰنْ دَا ذَاسُ كُواْيَ مَكَ، ذَاسُ كُواْيَ مَكَ دَغَ كَلْمُواْمِنْ سَنِنْسُ؞

¹¹ ذَيْ يِوُ ثِيَوَرْ إِوَ تَڟِيرَا أَ عِنْدَ بَابُ ڢَدَمَ؟ كُواْ ذَاعَ تَٻَ سَامُنْ ثِيَوَرْ إِوَ أَ عِنْدَ بَابُ ضُوَ؟

¹² عَثِكِنْ دُكَنْ ثِيَوَ، إِنْ ضُوَ يَبُوشٜىٰ، ثِيَوَرْ إِوَرْ نَنْ عِتَثٜىٰ مَيْ سَوْرِنْ بُوشٜىٰوَ، تُنْ بَتَ غَمَ غِرْمَبَ؞

¹³ حَكَنٜىٰ ڧَرْشٜىٰنْ دُكَنْ وَطَنْدَ سُكَ مَنْتَادَ اللَّهْ، سَا ذُوثِيَا نَمَرَسَ ڟُواْرُوانْ اللَّهْ ذَيْ لَلَثٜىٰ؞

¹⁴ تَبَّثِنْ وَطَنَّنْ ذَيْ ڟِنْكٜىٰ كَمَرْ ظَرٜىٰ، دُواْغَضَرْسُ كَمَرْ جِنْ‌غِنَ نٜىٰ عَكَنْ سَاڧَرْ غِذُواْ؞

¹⁵ عِدَنْ وَنِ يَجِنْ‌غِنَ عَكَنْ سَاڧَرْ غِذُواْ، ذَاتَ عِيَ رِڧٜىٰشِ؟ عِدَنْ وَنِ يَكَامَ ظَرٜىٰنْ غِذُواْ، ذَيْ تَيْمَكٜىٰشِ يَڟَيَ؟

¹⁶ مَرَرْ ڟُواْرُوانْ اللَّهْ كَمَرْ ثِيَوَ مَيْ يَلْوَتَ دُكْ دَ ذَاڢِنْ رَانَ، رَسَّنْسَ سُكَنْ يَطُ كُواْعِنَ سُرُڢٜىٰ غُواْنَرْ دُكَ؞

¹⁷ جِجِيُواْيِنْسَ سُكَنْ نَنَّطٜىٰ تُلِنْ دُوَڟُو، سُكَنْ رِڧٜىٰ كُواْوَنٜىٰ دُوڟٜىٰ دَ ڧَرْڢِے سُواْسَيْ؞

¹⁸ عَمَّا عِدَنْ عَكَ تُمْٻُكٜىٰ شِ دَغَ وُرِنْسَ، بَاوَنْدَ ذَيْثٜىٰ يَتَٻَ كَسَنْثٜىٰوَ أَوُرِنْ؞

¹⁹ غَاشِ، حَكَ ڧَرْشٜىٰنْ مُرْنَرْ مَرَرْ ڟُواْرُوانْ اللَّهْ يَكٜىٰ، كُمَ دَغَ ڧَسَا وَطَنْسُ ذَاسُ ڟِرُواْ سُغَاجِ وُرِنْسَ؞

²⁰ ‏«‏غَاشِ، اللَّهْ بَذَيْ تَٻَ ڧِنْ مَرَرْ لَيْڢِے بَ، كُواْ مَا يَمِيڧَ حَنُّنْ تَيْمَكُواْ غَ مَاسُ عَيْكَتَ مُغُنْتَا بَ؞

²¹ ذَيْسَاكٜىٰ سَا كَيِ دَارِيَا، بَاكِنْكَ كُمَ يَتَادَ مُرْيَرْ ڢَضٍ ثِكِ؞

²² وَطَنْدَ سُكَڧِيكَ، ذَاعَ كُنْيَتَرْ دَسُو، غِدَنْ مُوغُ كُمَ ذَاعَ كَوَرْ؞»‏