أَيُوبَ 7 - أَتَّوْرَتْ دَ أَنَّبَاوَا

أَيُوبَ يَثِيغَبَ دَ يِنْ مَغَنَ

¹ ‏«‏رَايُوَرْ یَنْ أَدَمْ عَدُونِيَرْ نَنْ كَمَرْ عَيْكِنْ دُواْلٜىٰ تَكٜىٰ، ݣُونَكِنْسُ كَمَرْ ذَمَنْ لٜىٰبُرَ نٜىٰ،

² كَمَرْ بَاوَ وَنْدَ يَكٜىٰ مَرْمَرِنْ إِنُوَ، كَمَرْ لٜىٰبُرَ وَنْدَ يَكٜىٰ جِضَانْ حَكِّنْسَ؞

³ حَكَ مَا وَتَ دَ وَتَنِّ، إِنَ يِنْ عَيْكِنْ بَنْظَ، كُواْوَنٜىٰ دَرٜىٰ، أَنْڧَدَّرَ مِنِ بَڧِنْ ثِكِ؞

⁴ سَعَدَّ نَݣُونْتَ إِنْيِ بَرْثِ، سَيْ إِنْ ثٜىٰ، ‏‹‏يَوْشٜىٰ نٜىٰ ذَنْ تَاشِ؟›‏ دَرٜىٰ كُوَ يَڧَارَ ڟَوُاْ، إِنَ تَجُويٜىٰ جُويٜىٰ نٜىٰ كَوَيْ حَرْ وَايٜىٰوَرْ غَرِ؞

⁵ جِكِينَ ثِكٜىٰ يَكٜىٰدَ ڟُڟُواْڟِ، ڧُرَجٜىٰ سُنْ رُڢٜىٰ جِكِنْ دُكَ، ڢَتَرْ جِكِينَ تَڢَشٜىٰ، ضُوً مِيكِ يَنَ تَظُبُواْوَ؞

⁶ ‏«‏ݣُونَكِنَ سُنَ وُثٜىٰوَ دَ سَوْرِ كَمَرْ ظَرٜىٰنْ سَاڧَ أَ حَنُّنْ ڠُونِ، سُنْ كَيْ ڧَرْشٜىٰ بَاتَرٜىٰدَ سَا ذُوثِيَا بَ؞

⁷ يَا اللَّهْ، تُنَ ثٜىٰوَ رَيْنَ إِسْكَ نٜىٰ كَوَيْ، عِدُواْنَ بَذَيْ ڧَارَ غَنِنْ أَلْحٜىٰرِبَ؞

⁸ كَيْ مَيْ غَنِينَ، بَذَاكَ ڧَارَ غَنِينَ بَ، سَعَدَّ عِدَنُونْكَ سُكٜىٰ نٜىٰمَنَ، ذَاسُ تَرَرْ نَٻَثٜىٰ؞

⁹ كَمَرْ غِرْغِجٜىٰنْ دَ يَكَنْ بَظُو يَٻَثٜىٰ، حَكَ دُكْ وَنْدَ يَغَنْ‌غَرَ ذُوَا وُرِنْ ذَمَنْ مَتَتُّو بَذَيْ ڧَارَ دَاوُاْوَبَ؞

¹⁰ بَ كُوَ ذَيْ ڧَارَ دَاوُاْوَ غِدَنْسَبَ، عِنْدَ يَيِ رَايُوَا بَذَاعَ ڧَارَ سَنِنْسَبَ؞

¹¹ ‏«‏نِے ڢَا، بَذَنْيِ شِضُ دَ بَاكِنَبَ!‏ ذَنْيِ مَغَنَ دَغَ ثِكِنْ ذَاڢِنْ رَيْ نَرُوحُنَ، عَثِكِنْ ٻَثِنْ ذُوثِيَاتَ ذَنْكَيْ ڧَارَتَ؞

¹² كَنَ ڟَمَّنِ نِے تٜىٰكُنٜىٰ، كُواْ نِے دُواْدُواْ مَيْ صِڢَّرْ مَثِيجِنٜىٰ؟ شِيَسَا كَكَڢَ عِدُواْ عَكَيْنَ؟

¹³ سَعَدَّ نَثٜىٰ، ‏‹‏غَدُواْنَ ذَيْ يِمِنِ تَعَظِيَّ، شِمْڢِطَاتَ ذَاتَ سَوْڧَڧَ مِنِ ذَاڢِنْ دَ نَكٜىٰجِ،›‏

¹⁴ سَيْ كَا ڢِرْغِتَرْ دَنِے دَ مَڢَرْكَيْ، كَا ڟُواْرَتَرْ دَنِے دَ رُعُيُواْيِ،

¹⁵ حَرْ مَا نَڠُومَّثٜىٰ أَ شَڧٜىٰنِ، ڠُومَّ مُتُوَ دَ رَايُوَا عَثِكِنْ عَذَابَرْ نَنْ؞

¹⁶ إِنَ ڨَمَرْ رَيْنَ، نَغَاجِ دَ رَايُوَا؞ رَبُ دَنِے كَوَيْ، غَمَا ݣُونَكِنَ بَنْظَنٜىٰ؞

¹⁷ مٜىٰنٜىٰنٜىٰ طَنْ أَدَمْ دَ كَبَاشِ دَرَجَ حَكَ؟ مٜىٰيَسَا كَكُلَ دَشِ؟

¹⁸ كَكَنْ بِنْثِكٜىٰ شِ كُواْوَثٜىٰ سَڢٜىٰ، كَكَنْ ڠُودَاشِ كُواْوَنٜىٰ لُواْكَثِ؞

¹⁹ بَذَاكَ كَوَرْدَ عِدُوانْكَ دَغَ كَيْنَ نَطَنْ لُواْكَثِ، دُواْمِنْ إِنْ سَامِ دَامَرْ حَطِيٜىٰ مِيَوْبَ؟

²⁰ كُواْ نَيِ ذُنُوبِ، يَشَاڢٜىٰكَ نٜىٰ، يَا كَيْ مَيْكَڢَ عِدُواْ عَكَنْ طَنْ أَدَمْ؟ مٜىٰيَسَا كَمَيْدَنِ أَبِنْدَ كَكٜىٰسُواْ أَ هَرْبَ؟ كُواْ نَذَمَ كَايَ مَيْ نَوْيِ نٜىٰ أَغَرٜىٰكَ؟

²¹ دُوانْمٜىٰ بَكَ غَاڢَرْتَا مِنِ صَاٻُواْ صَاٻُوانَبَ؟ بَكَكُمَ طَوْكٜىٰ مِنِ لَيْڢُواْڢِنَبَ؟ غَمَا بَدَ دَطٜىٰوَبَ، ذَنْ ݣُونْتَ حَنُّ دَامَ ثِكِنْ ڧُورَا؞ ذَاكَ نٜىٰمٜىٰنِ عِدُواْ أَ رُڢٜىٰ، عَمَّا بَذَاكَ سَامٜىٰنِبَ؞»‏