أَيُوبَ 6 - أَتَّوْرَتْ دَ أَنَّبَاوَا

مَغَنَرْ أَيُوبَ تَبِيُ

¹ سَيْ أَيُوبَ يَأَمْسَ يَثٜىٰ،

² ‏«‏دَمَا أَعَوْنَ وَهَلَاتَ مَنَ، دَمَا أَعَوْنَ دُكَنْ بَڧِنْ ثِكِنَ أَ مَعَوْنِ!‏

³ حَڧِيڧَ ذَاعَ غَانٜىٰ يَڢِ دُكَنْ يَشِنْ تٜىٰكُ نَوْيِ!‏ شِيَسَا نَيِ سَوْرِنْ مَغَنَ؞

⁴ غَمَا مَيْ إِيكُواْ دُكَ يَهَرْبٜىٰنِ دَ كِبِيُواْيِنْسَ، ذُوثِيَاتَ تَجِڧٜىٰ دَ دَڢِنْسُ، رَظَنَ دَغَ وُرِنْ اللَّهْ تَكٜىٰوَيٜىٰنِ كَمَرْ سُواْجُواْجِنْ يَاڧِ؞

⁵ جَكِنْ دَاجِ يَكَنْيِ كُوكَا سَعَدَّ يَكٜىٰدَ ثِيَوَ عَبَاكِ نٜىٰ؟ بِجِمِ يَكَنْيِ كُوكَا سَعَدَّ يَكٜىٰ ثِنْ ثِيَوَ مَيْݣَوْ نٜىٰ؟

⁶ ذَيْ يِوُ عَثِ عَبِنْثِ مَرَرْ دَاطِے بَابُ غِشِرِ؟ يَيَ ڢَا ذَاعَ جِ دَاطِنْ طَنْطَنُوانْ ڢَضٍ ضُوً ڨُويْ؟

⁷ مَرْمَرِنْ ثِنْ عَبِنْثِنَ يَڧِ يَتَٻَ إِرِنْسُ، سُو كَمَرْ عَبِنْثِنْدَ يَسَا نِے يِنْ أَمَيْ نٜىٰ؞

⁸ ‏«‏دَمَا يَأَمْسَ مِنِ ضُواْڧُواْنَ مَنَ!‏ اللَّهْ كُمَ يَبَا نِے أَبِنْدَ نَكٜىٰسُواْ؞

⁹ دَمَا يَغَمْشِ اللَّهْ يَمُرْڧُشٜىٰنِ كَوَيْ، كُواْ يَسَكٜىٰ حَنُّنْسَ يَيَنْكٜىٰ ظَرٜىٰنْ رَيْنَ!‏

¹⁰ دَ ذَنْ سَامِ تَعَظِيَّ، إِنْيِ ڢَضٍ ثِكِ دُكْ دَ ذَاڢِنْ دَ نَكٜىٰ ثِكِ، تُنْدَيَكٜىٰ نَسَنِ بَنْ يِمُسُونْ كَلْمُواْمِنْ مَيْ ڟَرْكِے بَ؞

¹¹ إِنَا نٜىٰ ڧَرْڢِنْ دَ ذَنْيِ تَجِرَا؟ إِنَا رِيبَرْ ڧَرْشٜىٰنْ رَايُوَتَادَ ذَنْيِ حَڧُرِ؟

¹² ڧَرْڢِنَ ڧَرْڢِنْ دُوَڟُو نٜىٰ؟ كُواْ دَ ڧَرْڢٜىٰنْ تَغُلَّ نٜىٰ عَكَيِ جِكِينَ؟

¹³ أَغَسْكِيَ، بَ نِے دَ سَوْرَنْ تَيْمَكُواْ، أَنْكَوَرْدَ ڧَرْڢِے دُكَ دَغَ غَرٜىٰنِ؞

¹⁴ ‏«‏مُتُمِنْ دَيَكٜىٰ رَايُوَرْ ڢِدَّ ذُوثِيَا، يَا كَمَاتَ أَبُواْكِنْسَ يَيِ مَسَ أَلْحٜىٰرِ، كُواْ دَمَا يَرَبُ دَ ڟُواْرُوانْ مَيْ إِيكُواْ دُكَ؞

¹⁵ عَمَّا كُو أَبُواْكَيْنَ مَاسُثِنْ أَمَانَ نٜىٰ كَمَرْ رَاڢِ مَيْ أَمْبَلِيَ دَ دَامِنَ، كَمَرْ كُواْغِنْ دَ يَكَنْ ثِكَ ڢَلْ يَبُوشٜىٰ دَ رَانِ؞

¹⁶ كُو كَمَرْ رَاڢِنْ دَ ڧَنْڧَرَ مَيْ يَوَ تَرُڢٜىٰنٜىٰ، كَمَرْ رَاڢِنْ دَيَكٜىٰ أَمْبَلِيَ سَبُواْدَ نَرْكٜىٰوَرْ يَوَنْ ڧَنْڧَرَ؞

¹⁷ عَمَّا عَثِكِنْ ذَاڢِنْ رَانَ سُكَنْ ٻَثٜىٰ، دَ ذَاڢِ يَيِ سُكَنْ بُوشٜىٰ كَكَڢْ؞

¹⁸ مَاسُ تَڢِيَ أَ رَاڧُمَ أَ جٜىٰرٜىٰ سُكَنْ ٻَاتَ حَنْيَ دُواْمِنْ نٜىٰمَنْ ضُوَ، سُيِ تَتَڢِيَ أَدَاجِ مَرَرْ كُواْمٜىٰ حَرْ سُهَلَّكَ؞

¹⁹ مَاسُ تَڢِيَ أَ رَاڧُمَ دَغَ تٜىٰمَ سُكَ نٜىٰمِ ضُوَ، مَاسُ تَڢِيَ دَغَ شٜىٰبَ سُكَسَا ذُوثِيَا ذَاسُ سَامُ؞

²⁰ كُنْيَا تَكَامَسُ سَبُواْدَ سُنْسَا رَيْ عَكَنْ ذَاسُ سَامِ ضُوَ، عَمَّا دَ سُكَذُواْ بَاكِنْ بُوسَشّٜىٰنْ رَاڢِ، سَيْ سَا ذُوثِيَارْسُ تَڧَارٜىٰ؞

²¹ يَنْذُ ڢَا كُو كَمَرْ رَاڢُڢُّكَنَّنْ أَغَرٜىٰنِ، دَ غَنِنْ مَسِيڢَرْ دَ تَسَامٜىٰنِ، كُكَ ٻَثٜىٰ دُواْمِنْ ڟُواْرُواْ؞

²² نِے نَا ضُواْڧٜىٰكُ كُكَٰوُاْ مِنِ ݣَوْتَا نٜىٰ؟ كُواْ كُوَ نَثٜىٰ كُبَادَ ثِنْ حَنْثِ دُواْمِنَ؟

²³ كُواْ نَثٜىٰ كُڟِيرَرْ دَنِے دَغَ حَنُّنْ أَبُواْكِنْ غَابَنٜىٰ؟ كُواْ كُوَ نَثٜىٰ كُڢَنْشٜىٰنِ دَغَ حَنُّنْ مَرَسَ تَوْسَيِ؟

²⁴ ‏«‏تُواْ سَيْ كُكُواْيَ مِنِ، نِے كُوَ ذَنْيِ شِضُ، كُسَا إِنْ‌غَانٜىٰ يَدَّ نَيِ كُسْكُرٜىٰ؞

²⁵ مَيْ يِوُوَ مَغَنَرْ غَسْكِيَ ذَاتَ جَا نِے كُسَ، عَمَّا ڟَاوَتَرْوَرْكُ، وَثٜىٰ ڠَرَ تَيِ؟

²⁶ كُنَ سُواْ كُڟَاوَتَا وَكَلْمُواْمِنَ نٜىٰ؟ دُوانْمٜىٰ كُكَ طَوْكَ مَغَنَرْ مَيْ ڢِدَّ ذُوثِيَا كَمَرْ إِسْكَثٜىٰ؟

²⁷ كُو ڢَا كُنَ عِيَ جٜىٰڢَ ڧُرِعَ حَرْ مَا عَكَنْ مَرَايُ، كُنَ كُمَ عِيَ ثِنِكِ عَكَنْ أَبُواْكِنْكُ؞

²⁸ ‏«‏عَمَّا يَنْذُ، كُدُوبِے ڢُسْكَتَ، حَڧِيڧَ بَذَنْيِ ڧَضْيَا أَغَبَنْكُبَ؞

²⁹ ڟَيَ دَيْ!‏ كَدَ كُيِ مِنِ شَرِيعَ عَتَهَنْيَرْ رَشِنْ غَسْكِيَ، عِ، كُڟَيَ!‏ كُلُورَ ڢَا نَڟَيَ عَكَنْ غَسْكِيَتَ!‏

³⁰ أَݣَويْ رَشِنْ غَسْكِيَ عَبَاكِنَ؟ بَذَنْ عِيَ إِنْ بَمْبَنْتَ ڟَكَانِنْ غَسْكِيَ دَ ڧَضْيَابَ؟»‏