أَيُوبَ 5 - أَتَّوْرَتْ دَ أَنَّبَاوَا

عٜىٰلِڢَظْ يَثِيغَبَ دَ يِنْ مَغَنَ

¹ ‏«‏يَنْذُ، يَا أَيُوبَ، سَيْ كَيِكِرَا، كَغَنِ كُواْ وَنِ ذَيْ أَمْسَ مَكَ!‏ عَثِكِنْ حَلِتُّو مَاسُ ڟَرْكِے، وَنٜىٰنٜىٰ ذَاكَ جُويَا ذُوَا غَرٜىٰشِ؟

² حَڧِيڧَ، ڢُشِے يَكَنْ كَشٜىٰ مَيْ وَوَنْثِ، كِيشِ كُمَ يَكَنْ كَشٜىٰ مَرَرْ تُنَانِ؞

³ نِے نَغَ وَاوَا يَنَ ذَمَنْ لَاڢِيَ، عَمَّا نَنْ دَنَنْ نَلَعَنْثِ وُرِنْ ذَمَنْسَ؞

⁴ یَیَنْسَ بَذَاسُسَنْ ذَمَنْ لَاڢِيَبَ، بَذَاسُ تَٻَ سَامُنْ شَرِيعَرْ غَسْكِيَابَ، بَذَاسُ سَامِ مَيْ كُٻُتَرْ دَسُوبَ؞

⁵ مَاسُ يُنْوَ ذَاسُثِنْيٜىٰ أَمْڢَانِنْ غُواْنَكِنْسَ، حَرْ مَا حَڟِنْ كَالَ دَغَ ثِكِنْ ڧَيُواْيِ، مَاسُ جِنْ ڧِشِنْ ضُوَ ذَاسُيِ مَرْمَرِ سُڨُوثٜىٰ أَرْزِڧِنْسَ؞

⁶ غَمَا مَسِيڢَ بَاتَ تَاشِ دَغَ ڧَسَا، حَكَمَا وَهَلَ بَاتَ ڟِرُواْوَ دَغَ ڧُورَا؞

⁷ أَعَ، وَهَلَ تَكَنْ تَاشِ دَغَ طَنْ أَدَمْ، كَمَرْ يَدَّ هَرْشٜىٰنْ وُتَا يَكَنْ تَاشِ سَمَ؞

⁸ ‏«‏دَ نِنٜىٰ كَيْ أَيُوبَ دَ سَيْ إِنّٜىٰمِ اللَّهْ، غَ اللَّهْ كُمَ ذَنْكَيْ ڧَارَتَ؞

⁹ يَكَنْ كُوَيِ مَنْيَنْ أَبُبُوَ وَطَنْدَ دَا بَعَ عِيَ غَانٜىٰوَ، أَيُّكَنْ بَنْ مَامَاكِنْ دَ سُكَ وُثٜىٰ ڧِرْغٜىٰ؞

¹⁰ يَكَنْ عَيْكُواْ دَ ضُوً سَمَ ذُوَا ڧَسَا، يَكَنْيِ وَغُواْنَكِ بَنْ ضُوَ؞

¹¹ يَكَنْ طَوْكَكَ مَاسُ سَوْڧِنْ كَيْ، مَاسُ بَڧِنْ ثِكِ كُمَ يَكَنْبَاسُ نَصَرَا؞

¹² يَكَنْ رِكِتَرْ دَشِرْيٜىٰ شِرْيٜىٰنْ مَاسُ وَيُواْ، حَرْ حَنُّوَنْسُ سُكَاسَكَيْ غَ سَامُنْ نَصَرَا؞

¹³ يَكَنْ كَامَ مَاسُ وَيُواْ عَثِكِنْ وَيُوانْسُ، يَكَنْسَا دَبَرُنْ مَاسُ وَيُواْ سُضِكِثِے؞

¹⁴ دَ رَانَ سُكَنْيِ كَرُواْ دَ دُهُ، دَ ڟَكَرْ رَانَ مَا سُكَنْ لَلُبَ كَمَرْ أَنَ دُهُ؞

¹⁵ عَمَّا يَكَنْ ثٜىٰثِ مَاسُ بُڧَاتَ دَغَ هَرْشٜىٰنْ يَنْكَ نَمَاسُ وَيُواْ، دَغَ كُمَ حَنُّنْ مَاسُ إِيكُواْ،

¹⁶ دُواْمِنْ تَلَكَاوَا سُسَامِ سَا ذُوثِيَا، بَاكِنْ مَاسُ رَشِنْ غَسْكِيَ كُمَ يَيِ ڟِتْ؞

¹⁷ ‏«‏غَاشِ، مَيْ أَلْبَرْكَ نٜىٰ مُتُمِنْ دَ اللَّهْ يَكٜىٰ ڟَاوَتَاوَا، سَبُواْدَ حَكَ كَدَ كَڧِ هُواْرَرْوَ تَ مَيْ إِيكُواْ دُكَ

¹⁸ غَمَا يَكَنْيِ وَمُتُمْ رَوْنِ، عَمَّا يَكَنْيِ جِنْيَرْسَ، يَكَنْ كَٰوُاْ ثِيوُاْ، عَمَّا حَنُّنْسَ يَكَنْ وَرْكَرْ؞

¹⁹ يَكَنْ كُٻُتَرْ دَكَيْ دَغَ وَهَلَ سَوْ شِدَ، حَرْ مَا سَوْ بَݣَويْ، ذَيْ حَنَ مَسِيڢَ تَتَٻَكَ؞

²⁰ عَثِكِنْ يُنْوَ مَيْ ڟَنَنِ ذَيْ ڢَنْشٜىٰكَ دَغَ مُتُوَ، عَثِكِنْ يَاڧِ كُمَ ذَيْ ڢَنْشٜىٰكَ دَغَ بَاكِنْ تَكُواْبِے؞

²¹ ذَاعَ ڟَرٜىٰكَ دَغَ هَرْشٜىٰنْ يَنْكَ، بَذَاكَ جِڟُواْرُوانْ هَلَّكَرْ دَ ذَاتَ ذُوابَ؞

²² ذَاكَيِ وَهَلَّكَ دَ يُنْوَ دَارِيَارْ رٜىٰنِ، بَ كُوَ ذَاكَ جِڟُواْرُوانْ نَمُواْمِنْ دَاجِبَ؞

²³ غَمَا ذَاكَيِ يَرْجٜىٰجٜىٰنِيَ دَ دُووَڟُنْ غُواْنَ، دَ سُو دَ نَمُواْمِنْ دَاجِ، ذَاكَيِ ذَمَنْ لَاڢِيَ؞

²⁴ ذَاكَ سَنِ لَلَّيْ غِدَنْكَ لَاڢِيَ يَكٜىٰ، ذَاكَ بِنْثِكَ غَرْكٜىٰنْكَ، بَذَاكَ رَسَ كُواْ طَيَبَ؞

²⁵ ذَاكَ سَنِ ذُرِيَرْكَ ذَاسُيِيَوَ، جِيكُواْكِنْكَ ذَاسُيِيَوَ كَمَرْ ثِيَوَ أَ ڢُسْكَرْ ڧَسَا؞

²⁶ عَثِكِنْ ڟُوڢَ سُواْسَيْ ذَاكَ مُتُ، عَكَيْكَ كَبَرِ، كَمَرْ يَدَّ عَكَنْ كَيْ دَمٍ حَڟِ وُرِنْ بُغُ أَدَيْدَيْ لُواْكَثِنْسَ؞

²⁷ غَاشِ، مُنْ بِنْثِكَ وَنَّنْ، حَكَ كُوَ يَكٜىٰ؞ سَيْ كَجِ مَغَنَاتَ، كَيِ أَمْڢَانِ دَ عِتَ؞»‏