أَيُوبَ 42 - أَتَّوْرَتْ دَ أَنَّبَاوَا

أَمْسَرْ أَيُوبَ غَ يَهْوٜىٰهْ

¹ سَيْ أَيُوبَ يَأَمْسَ وَ يَهْوٜىٰهْ ثٜىٰوَ

² ‏«‏نَسَنِ كَا عِيَيِنْ كُواْمٜىٰ، أَبِنْدَ كَيِ نِيَّ، بَعَ عِيَ هَنَكَ؞

³ كَيْ كَيِ مِنِ تَمْبَيَ كَثٜىٰ، ‏‹‏وَنٜىٰنٜىٰ وَنَّنْ دَيَكٜىٰ دَاغُلَ شَوَرَا تَوُرِنْ يِنْ مَغَنْ‌غَنُنْ جَاهِلْثِ؟›‏ نِے ڢَا، حَڧِيڧَ، نَڢَطِ أَبِنْدَ بَنْ غَانٜىٰبَ، أَبُبُوَنْ دَسُكٜىٰ دَ بَنْ مَامَاكِ، أَبُبُوَنْ دَ بَنْ سَنِبَ؞

⁴ كَيْ كَثٜىٰ مِنِ، ‏‹‏كَسَ كُنّٜىٰ، ذَنْيِ مَغَنَ، ذَنْيِ مَكَ تَمْبَيَ، كَيْ كَأَمْسَ مِنِ؞›‏

⁵ نِے ڢَا، دَا نَجِ لَابَرِنْكَ دَ كُنّٜىٰ كَوَيْ، عَمَّا يَنْذُ عِدَنُونَ سُنْ غَنْكَ؞

⁶ دُواْمِنْ وَنَّنْ إِنَ ڨَمَرْ كَيْنَ، نَا تُوبَ تَرٜىٰدَ ظُبَ ڧُورَا دَ تُواْكَ عَكَيْنَ؞»‏

يَهْوٜىٰهْ يَبَا أَبُواْكَيْ عُكُ نَ أَيُوبَ لَيْڢِ

⁷ بَايَنْدَ يَهْوٜىٰهْ يَغَمَ ڢَطَا وَ أَيُوبَ وَطَنَّنْ كَلْمُواْمِ، سَيْيَثٜىٰ وَ عٜىٰلِڢَظْ مُتُمِنْ تٜىٰمَنْ ‏«‏ڢُشِنَ يَكُنُّ عَكَنْكَ دَ أَبُواْكَنَّنْ نَاكَ بِيُ، غَمَا بَكُ ڢَطِ غَسْكِيَ غَمٜىٰدَنِ كَمَرْ يَدَّ بَاوَنَ أَيُوبَ يَيِبَ؞

⁸ يَنْذُ ڢَا، سَيْ كُطَوْكِ بِجِمَيْ غُدَا بَݣَويْ دَ رَغُنَ بَݣَويْ، كُتَڢِے وُرِنْ بَاوَنَ أَيُوبَ، كُمِيڧَسُ هَدَايَ تَڧُواْنَاوَا دُواْمِنْ كَنْكُ؞ بَاوَنَ أَيُوبَ ذَيْ يِ أَدُّعَ دُواْمِنْكُ، نِے كُوَ ذَنْ أَمْسَ أَدُّعَرْسَ دُواْمِنْ كَدَ إِنْسَاكَ مُكُ بِسَغَ وَوَنْثِنْكُ؞ غَمَا بَكُ ڢَطِ غَسْكِيَ غَمٜىٰدَنِ كَمَرْ يَدَّ بَاوَنَ أَيُوبَ يَيِبَ؞»‏

⁹ سَيْ عٜىٰلِڢَظْ مُتُمِنْ تٜىٰمَنْ دَ بِلْدَدْ مُتُمِنْ شُوحُ دَ ذُواْڢَرْ مُتُمِنْ نَعَمَ سُكَ تَڢِے سُكَيِ يَدَّ يَهْوٜىٰهْ يَڢَطَا مُسُ؞ يَهْوٜىٰهْ كُوَ يَكَرْٻِ أَدُّعَرْ أَيُوبَ؞

يَهْوٜىٰهْ يَمَيَرْوَ أَيُوبَ دَ أَلْبَرْكُنْسَ

¹⁰ يَهْوٜىٰهْ كُوَ يَمَيَرْوَ أَيُوبَ دَ أَلْبَرْكُنْسَ، سَعَدَّ أَيُوبَ يَيِ أَدُّعَ دُواْمِنْ أَبُواْكَنْسَ؞ سَيْ يَهْوٜىٰهْ يَمَيَرْ مَسَ سَوْ بِيُ أَبِنْدَ يَكٜىٰدَشِ أَدَا؞

¹¹ سَعَنً دُكَنْ یَنْعُوَنْ أَيُوبَ مَاتَادَ مَظَا دَ دُكَنْ وَطَنْدَ سُكَ سَنْ شِ أَدَا، سُكَذُواْ غِدَنْسَ سُكَثِ سُكَشَا تَرٜىٰ؞ سُكَ تَوْسَيَ مَسَ دَ أَبِنْدَ يَڢَرُ دَشِ، سُكَ كُمَ تَعَظَنْتَرْ دَشِ سَبُواْدَ دُكَنْ وَهَلَرْ دَ يَهْوٜىٰهْ يَجَٰوُاْ عَكَنْسَ؞ كُواْوَنّٜىٰنْسُ كُمَ يَبَا أَيُوبَ كُطِ دَ ذُواْبٜىٰ نَظِينَارِيَ؞

¹² تَهَكَ يَهْوٜىٰهْ يَ أَلْبَرْكَثِ أَيُوبَ عَڧَرْشٜىٰنْ ݣُونَكِنْسَ ڢِيٜىٰدَ نَڢَرْكُواْ؞ يَسَامِ تُمَكِ دُبُو غُواْمَشَا حُطُ دَ رَاڧُمَ دُبُو شِدَ دَ بِجِمَنْ نُواْمَ دُبُو بِيُ دَ جَاكُنَ مَاتَا دُبُو طَيَ؞

¹³ يَكُمَ حَيْڢِ یَیَ مَظَا بَݣَويْ دَ مَاتَا عُكُ؞

¹⁴ یَرْسَ تَڢَرْكُوانْ، يَبَاتَ سُونَ يٜىٰمِمَ، تَبِيُنْ كٜىٰظِيَ، تَ عُكُنْ كُمَ كٜىٰرٜىٰنْ هَڢُّكْ؞

¹⁵ أَ دُكَنْ ڧَسَرْ بَابُ یَنْ مَاتَا ݣَوَوَ كَمَرْ یَیَنْ أَيُوبَ؞ بَابَنْسُ يَبَاسُ غَادُواْ تَرٜىٰدَ یَنْعُوَنْسُ مَظَا؞

¹⁶ أَيُوبَ يَيِ شٜىٰكَرَا طَرِے دَ أَرْبَعِنْ بَايَنْ وَنَّنْ، يَغَ یَیَنْسَ دَ یَیَنْ یَیَنْسَ حَرْ ڟَارَا تَهُطُ؞

¹⁷ أَيُوبَ كُوَ يَمُتُ ثِكِنْ ڟُوڢَ سُواْسَيْ؞