أَيُوبَ 41 - أَتَّوْرَتْ دَ أَنَّبَاوَا1 «كَا عِيَ كَامَ دُواْدُوانْ ضُوًنَنْ لٜىٰبِيَتَنْ دَ ڧُوغِيَرْ كَامُنْ كِيڢِ؟ كُواْ كَا عِيَ طَوْرٜىٰ هَرْشٜىٰنْسَ دَ إِغِيَ؟ 2 كَا عِيَ سَا ذُواْبٜىٰ عَثِكِنْ حَنْثِنْسَ، كُواْ كَا هُودَ ڧَشِنْ بَاكِنْسَ دَ ڧُوغِيَ؟ 3 ذَيْ يِتَيِ مَكَ ضُواْڧُواْ نٜىٰ؟ ذَيْ يِمَكَ مَغَنَ دَ كَلْمُواْمِنْ دَاطِے؟ 4 ذَيْ يِيَرْجٜىٰجٜىٰنِيَ دَكَيْ يَذَمَ بَاوَنْكَ حَرْ أَبَدَا؟ 5 ذَاكَيِ وَسَ دَشِ كَمَرْ يَدَّ عَكٜىٰيِ دَ ڟُنْڟُ؟ كُواْ ذَاكَ طَوْرَشِ يَذَمَ أَبِنْ وَسَ دُواْمِنْ بَايِنْكَ مَتَ؟ 6 یَنْ كَامُنْ كِيڢِ ذَاسُيِ ثِنِكِنْسَ؟ ذَاسُ رَرَّبَشِ غَ یَنْ كَاسُوَ؟ 7 ذَاكَ عِيَ هُهُّودَ ڢَتَرْسَ دَ كِبِيُواْيِنْ كَامُنْ كِيڢِ، كُواْ كَهُودَ كَنْسَ دَ مَاسُ؟ 8 إِنْ كَتَٻَ كَامَشِ سَوْ طَيَ، ذَاكَ تُنَ دَ يَاڧِنَّنْ، بَذَاكَ كُمَ سَاكٜىٰ مَرْمَرِنْ يِبَ! 9 غَاشِ، سَا ذُوثِيَا عَكَامَشِ بَنْظَنٜىٰ، غَنِنْسَ مَا أَبِنْ ڟُواْرُواْ نٜىٰ؞ 10 بَا مَڢِے ڧَرْڢِنْ ذُوثِيَا مَا، دَظَيْ تَادَشِ؞ تَيَيَا وَنِ ذَيْ يِڧَرْڢِنْ ذُوثِيَا يَيِ غَابَادَنِے؟ 11 وَ ذَيْ ڢُسْكَنْثٜىٰنِ حَرْ يَتَڢِے لَاڢِيَ؟ دُكَنْ أَبِنْدَ يَكٜىٰ ڧَرْڧَشِنْ سَمَ نَوَنٜىٰ؞ 12 بَذَنْيِ شِضُ غَمٜىٰدَ غَٻُواْٻِنْسَبَ، كُواْ ڧَرْڢِنْسَ، كُواْ ݣَكْݣَوَرْ صِڢَّرْ جِكِنْسَبَ؞ 13 وَنٜىٰنٜىٰ ذَيْ عِيَ تُوٻٜىٰ بَبَّرْ رِغَرْسَ؟ وَنٜىٰنٜىٰ ذَيْ عِيَ سُواْكِ ڧٜىٰغٜىٰنْ ڟَرٜىٰ جِكِنْسَ؟ 14 وَنٜىٰنٜىٰ يَكٜىٰدَ ڧَرْڢِنْ دَ ذَيْ بُوطٜىٰ بَاكِنْسَ؟ غَمَا هَڧُواْرَنْسَ أَبِنْ ڟُواْرُواْ نٜىٰ؞ 15 أَنْيِ بَايَنْسَ دَ جٜىٰرِنْ ڧٜىٰغٜىٰ كَمَرْ غَرْكُوَ أَ مَنّٜىٰ سُكٜىٰ غَ جُونَ سَيْ كَثٜىٰ أَنْلِڧٜىٰسُ؞ 16 سُنَ كُسَدَ جُونَ سُواْسَيْ، كُواْ إِسْكَ مَا بَاتَ عِيَ شِغَ تَڟَكَانِنْسُ؞ 17 سُنَ مَنّٜىٰ دَ جُونَ بَذَاعَ عِيَ رَبَسُبَ؞ 18 أَتِشَوَرْسَ تَنَ ڢِتَرْدَ وَلْڧِيَ، عِدَنُونْسَ سُنَ حَصْكَكَاوَا كَمَرْ حَصْكٜىٰنْ وَايٜىٰوَرْ غَرِ؞ 19 دَغَ بَاكِنْسَ هَرْشٜىٰنْ وُتَا يَنَ ڢِتُواْوَ، وُتَا مَيْثِ تَنَ بَظُوَ؞ 20 دَغَ حَنْثِنْسَ هَيَاڧِے يَنَ تَڢِتُواْوَ، كَمَرْ دَغَ تُكُنْيَ مَيْ تَڢَسَ أَوُتَرْ ثِيَوَ؞ 21 نُمْڢَشِنْسَ يَكَنْ كُنَّ غَاوَايِ، هَرْشٜىٰنْ وُتَا كُمَ يَنَ ڢِتُواْوَ دَغَ بَاكِنْسَ؞ 22 أَوُيَنْسَ ڧَرْڢِے يَكٜىٰ، دُكْ وَنْدَ يَغَنْشِ ذَيْ يِ ضَوَرْ جِكِے دَ رَظَنَ؞ 23 نَطَطّٜىٰنْ نَامَنْ جِكِنْسَ سُنَ مَنّٜىٰ دَ جُونَ، سُنْيِ ڧَرْڢِے بَابُ مُواْڟِ كَمَرْ أَنْيِ ظُبِنْسُ نٜىٰ؞ 24 ذُوثِيَارْسَ تَنَدَ ڧَرْڢِے كَمَرْ دُوڟٜىٰ، عِ، ڧَرْڢِنْتَ كَمَرْ بَبَّنْ دُوڟٜىٰنْ نِڧَ نٜىٰ؞ 25 دَ يَمِيڧٜىٰ ڟَيٜىٰ، مَاسُ ڧَرْڢِے سُكَنْ ڟُواْرَتَ، إِنْ يَكَطَ وُڟِيَ سُكَنْ رَظَنَ؞ 26 كُواْ أَنْڢَاطَ مَسَ دَ تَكُواْبِے، كُواْ أَنْجٜىٰڢٜىٰشِ دَ مَاشِ، كُواْ أَبِنْ هَرْبِے، كُواْ كِبِيَ، بَذَيْجِ كُواْمٜىٰبَ؞ 27 يَكَنْ مَيْدَ بَڧِنْ ڧَرْڢٜىٰ كَمَرْ ثِيَوَنٜىٰ، تَغُلَّ كُمَ كَمَرْ ضُٻَٻّٜىٰنْ إِتَاثٜىٰ؞ 28 كِبِيَ بَذَاتَ سَاشِ يَغُدُبَ، دُووَڟُنْ مَجَجَّوَ كُمَ كَمَرْ دُوسَ نٜىٰ أَغَرٜىٰشِ؞ 29 سَنْدَنْ ڢَرَوْتَ أَغَرٜىٰشِ كَمَرْ دُوسَنٜىٰ، دَارِيَا يَكَنْيِ دَ جِنْ ڧَارَرْ مَاسُ؞ 30 ڧٜىٰغٜىٰنْ ڢَتَرْ ثِكِنْسَ دَ ڟِنِ سُكٜىٰ، سَعَدَّ يَجَا ثِكِ، سُكَنْ تُواْنَ ڧَسَا كَمَرْ نُواْمَ عَكَيِ؞ 31 يَكَنْسَا ظُرْڢَڢَّنْ ضُوَ سُتَڢَسَ كَمَرْ عَتُكُنْيَ، يَكَنْ تَادَ تٜىٰكُ كَمَرْ تَڢَسَرْ مَيْ عَتُكُنْيَ؞ 32 إِنْ يَوُثٜىٰ سَيْكَغَ حَنْيَرْ تَنَ ڨَلِّ، يَكَنْسَا ظُرْڢَڢَّنْ ضُوَ سُيِ ڢَرِ دَ كُمْڢَ؞ 33 عَڧَسَابَ وَتَ حَلِتَّ كَمَرْسَ، حَلِتَّ ثٜىٰ وَدَّ بَاتَجِنْ ڟُواْرُواْ؞ 34 عَثِكِنْ رٜىٰنِ يَكَنْ دُوبِے كُواْوَثٜىٰ حَلِتَّ، عَكَنْ شِ سَرْكِے نٜىٰ عَكَنْ دُكَنْ حَلِتُّو مَاسُ تَاڧَمَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria