أَيُوبَ 40 - أَتَّوْرَتْ دَ أَنَّبَاوَا1 يَهْوٜىٰهْ يَثِيغَبَدَ بَادَ أَمْسَ غَ أَيُوبَ ثٜىٰوَ 2 «مَيْ نٜىٰمَنْ طُواْرَ وَ مَيْ إِيكُواْ دُكَ لَيْڢِے ذَيْ عِيَ جَيَيَّ دَشِ؟ دُكْ مَيْ غَرْدَمَ دَ اللَّهْ، دُواْلٜىٰنٜىٰ مَيْ غَرْدَمَ يَأَمْسَ مَسَ!» أَمْسَرْ أَيُوبَ غَ اللَّهْ 3 سَيْ أَيُوبَ يَأَمْسَ وَ يَهْوٜىٰهْ يَثٜىٰ، 4 «غَاشِ نِے بَعَبَاكِنْ كُواْمٜىٰ نَكٜىٰبَ، وَثٜىٰ أَمْسَ ذَنْبَاكَ؟ نَا دَيْ رُڢٜىٰ بَاكِنَ دَ هَنُّونَ؞ 5 سَوْ طَيَ دَيْ نَيِ مَغَنَ، بَذَنْ ڧَارَبَ كُمَ؞ عِ، حَرْ مَا سَوْ بِيُ، عَمَّا كُواْ ڧَارِ بَذَنْيِبَ؞» اللَّهْ يَسَاكٜىٰ أَمْسَ وَ أَيُوبَ 6 سَيْ يَهْوٜىٰهْ يَأَمْسَا وَ أَيُوبَ دَغَ ثِكِنْ غُوغُوَ يَثٜىٰ، 7 «يِطَمَرَ كَمَرْ نَمِجِ، ذَنْيِ مَكَ تَمْبَيَ، كَيْ كُمَ ذَاكَ بَانِ أَمْسَ؞ 8 حَرْ ذَاكَ بَانِ لَيْڢِے؟ ذَاكَ حُكُنْتَنِ دُواْمِنْ عَتَبَّتَا كَيْ مَرَرْ لَيْڢِے نٜىٰ؟ 9 كَنَدَ ڧَرْڢِے كَمَرْ اللَّهْ؟ كَنَ عِيَ ڟَاوَ دَ مُرْيَ كَمَرْ تَاسَ؟ 10 تُواْ، سَيْ كَيِ وَكَنْكَ أَدُواْ دَ دَرَجَ دَ بَنْ غِرْمَ، كَيَاڢَ وَكَنْكَ غِرْمَ دَ طَوْكَكَ؞ 11 نُونَ ڢُشِنْكَ مَيْ ذَاڢِ أَ ڢِيلِ! دُوبِے دُكَنْ مَاسُ غِرْمَنْ كَيْ كَڧَسْڧَنْتَرْ دَسُو؞ 12 دُوبِے دُكْ مَيْ غِرْمَنْ كَيْ كَڧَسْڧَنْتَرْ دَشِ، كَتَتَّكٜىٰ مُوغَيٜىٰ أَ عِنْدَ سُكٜىٰ؞ 13 كَبِنّٜىٰسُ دُكَ عَثِكِنْ ڧُورَا، كَرُڢٜىٰ ڢُسْكُواْكِنْسُ أَوُرِنْ ذَمَنْ مَتَتُّو؞ 14 سَعَنً نِے كُمَ ذَنْ يَبٜىٰكَ، إِنْ يَرْدَ ثٜىٰوَ حَنُّنْكَ نَدَمَ يَبَاكَ نَصَرَا؞ 15 «دُوبِے ذَمَنْ ڧَتُوَرْ حَلِتَّرْ نَنْ بٜىٰهٜىٰمُواتْ، وَدَّ نَيِ كَمَرْ يَدَّ نَحَلِثّٜىٰكَ، تَنَ ثِنْ ثِيَوَ كَمَرْ بِجِمِ؞ 16 غَاشِ، ڧَرْڢِنْتَ يَنَ ثِكِنْ ثِنْيَرْتَ، إِيكُوانْتَ كُمَ عَثِكِنْ جِجِيُواْيِنْ ثِكِنْتَ؞ 17 تَكَنْسَا وُڟِيَرْتَ تَڟَيَ دَ ڧَرْڢِے كَمَرْ إِتَاثٜىٰنْ سٜىٰدَ، ڧَرْڢِنْ جِجِيُواْيِنْ ثِنْيُواْيِنْتَ كَمَرْ نَ إِغِيُواْيِ عُكُنٜىٰ؞ 18 ڧَسُسُوَنْتَ كَمَرْ سَنْدُنَنْ ڧَرْڢٜىٰنْ تَغُلَّنٜىٰ، غَٻُواْٻِنْتَ كَمَرْ نَڧَرْڢٜىٰنٜىٰ؞ 19 عِتَ ثٜىٰ تَڢَرْكُواْ ثِكِنْ أَيُّكَنْ اللَّهْ، مَحَلِثِّنْتَ نٜىٰ كَطَيْ مَيْ كُسَنْثٜىٰتَ دَ تَكُواْبِے؞ 20 غَمَا مَنْيَنْ تُدَّيْ سُكَنْ ڢِتُواْ مَتَدَ عَبِنْثِ، أَوُرِنْ دَ دُكَنْ نَمُواْمِنْ دَاجِ سُكٜىٰ وَسَ؞ 21 عَڧَرْڧَشِنْ إِنُوَرْ غَنْيٜىٰ مَاسُ غِرْمَ تَكَنْ ݣُونْتَ، أَ ڢَدَمَرْ ثِيَوَرْ إِوَ تَكَنْ هُوتَ؞ 22 إِنُوَرْ غَنْيٜىٰ مَاسُ غِرْمَ تَكَنْ رُڢٜىٰتَ، عِتَتُوَنْ بَاكِنْ رَاڢِ نٜىٰ سُنْ كٜىٰوَيٜىٰتَ؞ 23 غَاشِ، كُواْ دَ كُواْغِ يَنَ أَمْبَلِيَ بَاتَجِنْ ڟُواْرُواْ، تَنَ ذَمَنْتَ رَيْ أَ سَكٜىٰ، كُواْ دَ كُواْغِنْ يُواْدَنْ يَكُمْبُرَ حَرْ بَاكِنْتَ؞ 24 أَݣَويْ وَنْدَ ذَيْ عِيَ كَمَاتَ دَ ڧُوغِيَ، كُواْ يَهُودَ حَنْثِنْتَ دَ ڧَرْڢٜىٰ؟» |
Hausa Common Language Ajami Bible © The Bible Society of Nigeria, 2020
Bible Society of Nigeria