أَيُوبَ 39 - أَتَّوْرَتْ دَ أَنَّبَاوَا

يَهْوٜىٰهْ يَثِيغَبَ دَ بَادَ أَمْسَ

¹ ‏«‏كَا سَنْ لُواْكَثِنْ دَ أَوَكِنْ دُوڟٜىٰ سُكَنْ حَيْڢُ؟ كُواْ كَا تَٻَ لُورَ دَ يَدَّ بَرٜىٰوَ تَكٜىٰ حَيْڢُوَ؟

² كَا عِيَ سَنْ كُواْ وَتَنِّ نَوَنٜىٰ سُكَنْيِ كَاڢِنْ سُحَيْڢُ؟ كَا سَنْ لُواْكَثِنْ حَيْڢُوَرْسُ؟

³ كَا سَنْ لُواْكَثِنْ نَڧُدَرْ حَيْڢُوَرْ یَیَنْسُ، دَ لُواْكَثِنْ دَ سُكَنْ غَمَ حَيْڢَرْ یَیَنْسُ؟

⁴ یَیَنْسُ سُكَنْيِ ڧَرْڢِے سُكَنْيِ غِرْمَ أَ ڢِيلَيٜىٰنْ دَاجِ؞ سُكَنْ تَڢِے بَاسَ سَاكٜىٰ دَاوُاْوَ وُرِنْ إِيَايٜىٰنْسُ؞

⁵ ‏«‏وَنٜىٰنٜىٰ يَبَرْ جَاكِنْ دَاجِ يَيِ تَڢِيَرْسَ أَ سَكٜىٰ؟ وَ كُمَ يَكُنْثٜىٰ طَوْرٜىٰ طَوْرٜىٰنْ جَاكِ مَيْ سَوْرِنْ غُدُ،

⁶ وَنْدَ نَمَيْدَ دَاجِ غِدَنْسَ، ڧَسَرْ غِشِرِ تَذَمَ وُرِنْ ذَمَنْسَ؟

⁷ يَكَنْيِ وَهَيَانِيَرْ بِرْنِ رٜىٰنِ، بَايَ دَامُوَ دَ إِيهُ نَوَنِ مَيْسَاشِ عَيْكِ؞

⁸ ڢَاطِنْ مَنْيَنْ تُدَّيْ نٜىٰ وُرِنْ كِيوُانْسَ، يَكَنْ نٜىٰمَ كُواْوَنٜىٰ طَنْيٜىٰنْ أَبُ؞

⁹ ‏«‏ٻَوْنَ ذَيْ يَرْدَ يَيِمَكَ عَيْكِنٜىٰ؟ ذَيْ يَرْدَ يَيِ ݣُونَ طَيَ أَطَاكِنْ دَبُّواْبِنْكَنٜىٰ؟

¹⁰ كَا عِيَ طَوْرَ شِ يَيِ مَكَ عَيْكِنْ غُواْنَ؟ كُواْ ذَيْ يِمَكَ كَڢْتُ أَ ڢَدَمَرْكَ؟

¹¹ ذَاكَ عِيَ دُواْغَضَ عَكَنْسَ سَبُواْدَ يَنَدَ ڧَرْڢِے سُواْسَيْ؟ كُواْ ذَاكَ بَرْ شِ يَيِ مَكَ عَيْكِ؟

¹² ذَاكَ أَمِنْثٜىٰ دَشِ يَكَٰوُاْ مَكَ حَڟِ، كُواْ يَكَٰوُاْ مَكَ حَڟِ دَغَ وُرِنْ بُغُنْسَ؟

¹³ ‏«‏جِمِنَا تَكَنْ كَرْكَطَ ڢِكَڢِكَنْتَ دَ ڢَضٍ ثِكِ، عَمَّا بَ جِمِنَرْدَ ذَاتَ تَاشِ كَمَرْ شَمُوَ؞

¹⁴ جِمِنَا تَكَنْ أَجِيٜىٰ ڨُويْ نَاتَ عَڧَسَا، تَبَرْ ڧَسَرْ تَسَا ڨُويْ سُيِ طُمِ؞

¹⁵ تَكَنْ كُوَ مَنْتَا وَنِ يَنَ عِيَ تَاكَسُ سُڢَرْڢَسَ، يَيِوُ كُمَ وَنِ نَامَنْ دَاجِ يَتَتَّاكٜىٰسُ؞

¹⁶ تَكَنْيِ وَیَیَنْتَ وُلَڧَنْثِ، كَمَرْ بَ یَیَنْتَبَ؞ كُواْدَيَكٜىٰ تَشَا وَهَلَ عَبَنْظَ، دُكْدَهَكَ بَتَدَامُبَ؞

¹⁷ غَمَا اللَّهْ بَيْبَاتَ حِكِمَبَ، بَيْ كُوَ بَاتَ غَانٜىٰوَبَ؞

¹⁸ عَمَّا إِنْتَشٜىٰڧَ دَ غُدُ، تَكَنْيِ وَدُواْكِ مَيْغُدُ دَ مَيْ هَوَنْسَ دَارِيَا؞

¹⁹ ‏«‏كَيْ نٜىٰ كَبَا دُواْكِ ڧَرْڢِنْسَ؟ كَيْ نٜىٰ كَرُڢٜىٰ وُيَنْسَ دَ دُواْغُوانْ غَاشِ؟

²⁰ كَيْ نٜىٰ كَسَا يَيِ ڟَلّٜىٰ كَمَرْ ڢَارَ، يَنَ بَادَ ڟُواْرُواْ دَ ڧَرْڢِنْ نُمْڢَشِنْسَ؟

²¹ يَكَنْيِ تَاڧَمَ يَنَ جِنْ دَاطِنْ ڧَرْڢِنْسَ، يَكَنْسَا كَيْ أَغُجٜىٰ يَشِغَ يَاڧِ؞

²² ڟُواْرُواْ أَبِنْ دَارِيَا نٜىٰ أَغَرٜىٰشِ، بَايَ كُمَ دَامُوَ، بَايَ جَنْ بَايَ دَغَ تَكُواْبِے؞

²³ كِبِيُواْيِ سُنَ تَڧَارَ عَكَنْسَ، دُكْ دَ مَاسُ دَ وُڧَڧٜىٰ سُنَ وَلْڧِيَ أَغَبَنْسَ؞

²⁴ يَنَ مَرْمَرِ يَنَ ضَوَرْ جِكِے دُواْمِنْ غُدُ، بَايَ عِيَ ڟَيَاوَا دَ جِنْ ڧَارَرْ ڧَهُواْ؞

²⁵ دَ عَكَ بُوسَ ڧَهُواْ، سَيْيَثٜىٰ، ‏‹‏مَادَلَّ!‏›‏ دَغَ نٜىٰسَ يَكَنْجِ وَرِنْ يَاڧِ، دَ ڧَارَرْ مُرْيُواْيِنْ شُوغَبَنِّنْ يَاڧِ دَ إِيهُنْسُ؞

²⁶ ‏«‏تَوُرِنْ غَانٜىٰوَرْكَ نٜىٰ شِرْوَ تَكٜىٰ تَاشِ، تَنَ بُوطٜىٰ ڢِكَڢِكَنْتَ تَنُڢِ كُدُ؟

²⁷ تَوُرِنْ عُمَرْنِنْكَ نٜىٰ عُنْ‌غُلُ يَكٜىٰ تَاشِ، يَيِ غِدَنْسَ أَدُوڟٜىٰ عَكَنْ بَبَّنْ تُدُ؟

²⁸ أَ دُوڟٜىٰ عَكَنْ تُدُ يَكٜىٰ ظَوْنٜىٰ، عَثَنْ نٜىٰ يَكٜىٰيِنْ غِدَنْسَ، وُرِنْ ٻُيَنْسَ كُمَ عَبَاكِنْ دُوڟٜىٰنْدَ يَڟَٰغٜىٰ؞

²⁹ دَغَ ثَنْ يَكَنْ لٜىٰڧِ عَبِنْثِنْسَ، عِدَنُونْسَ سُكَنْ هَنْ‌غٜىٰشِ تُنْدَغَ نٜىٰسَ؞

³⁰ یَیَنْسَ سُكَنْ شَا جِنِ، أَ عِنْدَ عَكَ كَشٜىٰ نَامَ ذَاعَ سَامٜىٰشِ؞»‏