أَيُوبَ 38 - أَتَّوْرَتْ دَ أَنَّبَاوَا

يَهْوٜىٰهْ يَأَمْسَ كُمَ أَيُوبَ يَسَامِ سَابُنْتَاوَا أَمْسَرْ تَڢَرْكُواْ

¹ سَيْ يَهْوٜىٰهْ يَأَمْسَا وَ أَيُوبَ دَغَ ثِكِنْ غُوغُوَ؞

² ‏«‏وَنٜىٰنٜىٰ وَنَّنْ دَيَكٜىٰ دَاغُلَ شَوَرَا تَوُرِنْ يِنْ مَغَنْ‌غَنُنْ جَاهِلْثِ؟

³ يِ طَمَرَ كَمَرْ نَمِجِ، ذَنْيِ مَكَ تَمْبَيَ، كَيْ كُمَ كَأَمْسَ مِنِ؞

⁴ ‏«‏إِنَا كَكٜىٰ لُواْكَثِنْدَ نَكَڢَ تُوشٜىٰنْ دُونِيَا؟ ڢَطَا مِنِ عِدَنْ كَا غَانٜىٰ؞

⁵ وَنٜىٰنٜىٰ يَشِرْيَ إِيَاكَرْتَ؟ وَنٜىٰنٜىٰ يَجَا إِغِيَرْ أَوُاْ عَكَنْتَ؟ أَغَنِنْكَ كَسَنِ؟

⁶ عَكَنْ مٜىٰ عَكَ كَڢَ تُوشٜىٰنْتَ؟ وَنٜىٰنٜىٰ يَكَڢَ دُوڟٜىٰ مَڢِے أَمْڢَانِ نَغِنِنْتَ؟

⁷ أَ رَانَرْ نَنْ تَوْرَرِنْ سَڢٜىٰ سُكَ رٜىٰرَ وَاڧَا تَرٜىٰ، دُكَنْ حَلِتُّو أَ سَمَ كُمَ سُكَتَادَ مُرْيَرْ ڢَضٍ ثِكِ؞

⁸ ‏«‏وَنٜىٰنٜىٰ يَكَڢَ إِيَاكَرْ ضُوً تٜىٰكُ سَعَدَّ تٜىٰكُ تَٻُلُّواْ، كَمَرْ ٻُلُّواْوَرْ جَرِرِ دَغَ ثِكِنْ ثِكِ؟

⁹ أَ رَانَرْ نَنْ نَامَيْدَ غِذَغِظَيْ رِغَرْتَ، دُهُ بَڧِ ڧِرِنْ كُمَ أَبِنْ رُڢُوَرْتَ؞

¹⁰ نَكُمَسَا مَتَ إِيَاكَ، نَسَا مَتَ ڧَرَڢَ دَ ڧُواْڢُواْڢِ،

¹¹ نَثٜىٰ، ‏‹‏غَا عِنْدَ إِيَاكَرْكِ ذَاتَ كَيْ، بَذَاكِ وُثٜىٰبَ، أَنَنْ ڢَا رَاڧُمَنْ ضُوَنْكِ مَاسُ تَاڧَمَ ذَاسُ ڟَيَ؞›‏

¹² ‏«‏أَيُوبَ، أَدُكَنْ ݣُونَكِنْكَ كَتَٻَ عُمَرْثِ وَايٜىٰوَرْ غَرِ تَٻُلُّواْ، كُواْ كَتَٻَ سَنَرْوَ حَصْكٜىٰنْ سَڢٜىٰ وُرِنْ دَ ذَيْڢِتُواْ؟

¹³ أَ دُكَنْ ݣُونَكِنْكَ، كَتَٻَ سَا حَصْكٜىٰنْ سَڢٜىٰ يَحَصْكَكَا حَرْ إِيَاكَرْ دُونِيَا، يَكَكَّٻٜىٰ مُغُنْتَارْ دَ عَكَيِ أَدُهُ؟

¹⁴ دَ حَصْكٜىٰ يَبَيَّنَ، صِڢَّرْ ڧَسَا تَكَنْ سَاكٜىٰ، كَمَرْ يَدَّ سَا هَاتِمِ يَكَنْ ثَنْجَ صِڢَّرْ لَاكَ، عَكَنْ سَاكٜىٰ ڧَسَا، تَذَمَ كَمَرْ رِغَا مَيْ أَدُواْ؞

¹⁵ دُهُنْ دَ مُوغَيٜىٰ سُكَنْ كِرَا حَصْكٜىٰ، عَكَنْ كَوَرْ دَشِ دَغَ وُرِنْسُ، حَنُّوَنْسُ نَضِكِثِ، عَكَنْ كَكَّرْيٜىٰسُ؞

¹⁶ ‏«‏كَتَٻَ شِغَ ثِكِنْ مَٻُٻُّغَرْ تٜىٰكُ؟ كُواْ كَيِ تَڢِيَ عَثِكِنْ وُرَارٜىٰ مَاسُ ظُرْڢِ؟

¹⁷ أَنْ تَٻَ نُونَ مَكَ ڧُواْڢُواْڢِنْ مُتُوَ؟ كُواْ كَتَٻَ غَنِنْ ڧُواْڢُواْڢِنْ وُرِنْ ذَمَنْ مَتَتُّو؟

¹⁸ كَغَانٜىٰ يَدَّ يَوَنْ ڢَاطِنْ دُونِيَا يَكٜىٰ؟ أَمْسَ مِنِ، إِنْ كَسَنْ دُكَنْ وَطَنَّنْ!‏

¹⁹ ‏«‏إِنَا نٜىٰ حَنْيَ ذُوَا وُرِنْ ذَمَنْ حَصْكٜىٰ؟ إِنَا نٜىٰ كُمَ دُهُ يَكٜىٰدَ ذَمَ؟

²⁰ ذَاكَ عِيَ كَيْسُ وُرِنْ ذَمَنْسُ؟ ذَاكَ عِيَ غَانٜىٰ دَ هَنْيُواْيِ ذُوَا غِدَنْسُ؟

²¹ أَغَنِنْكَ، كَسَنِ؟ أَ لُواْكَثِنْ حَلِتَّرْسُ نٜىٰ أَنْحَيْڢٜىٰكَ نٜىٰ؟ شٜىٰكَرُنْكَ نَوَنٜىٰ؟

²² ‏«‏كَتَٻَ شِغَ طَاكِنْ أَجِيَرْ دُوسَرْ ڧَنْڧَرَ؟ كُواْ كَتَٻَ غَنِنْ طَاكِنْ أَجِيَرْ دُووَڟُنْ ڧَنْڧَرَ؟

²³ وَطَنَّنْ نٜىٰ نَيِ أَجِيَرْسُ دُواْمِنْ لُواْكَثِنْ وَهَلَ، دُواْمِنْ رَانَرْ يَاڧِ دَ رَانَرْ ڢَطَ؞

²⁴ إِنَا نٜىٰ حَنْيَرْ ذُوَا وُرِنْ دَ حَصْكٜىٰ يَكٜىٰ ڢِتُواْوَ؟ إِنَا نٜىٰ كُمَ إِسْكَرْ غَبَسْ تَكٜىٰ هُورُواْوَ عَدُونِيَا؟

²⁵ ‏«‏وَنٜىٰنٜىٰ يَڟَٰغَ حَنْيَرْ دَ ضُوً سَمَ ذَيْ ظُبُواْ، دَ كُمَ حَنْيَرْ دَ وَلْڧِيَرْ ڟَاوَ ذَاتَ بِے؟

²⁶ وَنٜىٰنٜىٰ يَسَا عَيِ ضُوً سَمَ عَڧَسَرْدَ بَابُ مُتَنٜىٰ، أَدَاجِ عِنْدَ بَابُ كُواْوَ؟

²⁷ وَنٜىٰنٜىٰ يَشَيَرْدَ بُوسَشِّيَرْ ڧَسَا مَرَرْ أَمْڢَانِ، حَرْ تَسَا ثِيَوَ تَڟِيرَا دَغَ ثِكِنْتَ؟

²⁸ ‏«‏ضُوً سَمَ يَنَدَ وَنْدَ يَحَيْڢٜىٰشِ نٜىٰ؟ وَ كُمَ يَحَيْڢِ طِطِّغَرْ رَٻَ؟

²⁹ دَغَ وَثٜىٰ مَحَيْڢَثٜىٰ ڧَنْڧَرَ تَڢِتُواْ؟ وَنٜىٰنٜىٰ يَحَيْڢِ سَنْيِ مَيْ ڧَرْڢِے،

³⁰ سَنْيِنْدَ يَسَا ضُوَ يَيِ ڧَرْڢِے كَمَرْ دُوڟٜىٰ، ڢُسْكَرْ تٜىٰكُ كُمَ تَدَسْكَرٜىٰ؟

³¹ ‏«‏كَا عِيَ طَوْرٜىٰ ڧُنْ‌غِيُواْيِنْ تَوْرَرِ دَ سَرْڧَ؟ كُواْ كَا عِيَ كُنْثٜىٰ إِغِيُواْيِنْ تَوْرَرِنَّنْ كَظَ دَ یَیَنْتَ دَ مَڢَرَوْثِ دَ كَرٜىٰ دَ ذُواْمُواْ؟

³² كَا عِيَ بِيدَ تَوْرَرِ بِسَ يَنَيِنْ لُواْكَثِنْسُ؟ كُواْ كَا عِيَ نُونَاوَ تَاغُوَ دَ یَیَنْتَ حَنْيَ؟

³³ كَسَنْ ڧَٰعِدُواْدِنْ سَمَّيْ؟ كُواْ كَا عِيَ كَڢَ مُلْكِنْسُ عَدُونِيَا؟

³⁴ ‏«‏كَا عِيَ تَادَ مُرْيَ غَ غِذَغِظَيْ دُواْمِنْ سُسَكٜىٰ ضُوَ عَيَلْوَثٜىٰ حَرْ يَرُڢٜىٰكَ؟

³⁵ كَا عِيَ عَيْكَرْ دَ وَلْڧِيَ تَتَڢِے، سَيْ تَثٜىٰمَكَ، ‏‹‏غَانِ نَن›‏؟

³⁶ وَنٜىٰنٜىٰ يَسَا حِكِمَ عَكَايَنْ ثِكِ؟ وَ كُمَ يَبَادَ غَانٜىٰوَ غَ ذُوثِيَا؟

³⁷ وَنٜىٰنٜىٰ يَكٜىٰدَ حِكِمَرْ دَ ذَاتَ إِسَ يَڧِرْغَ غِذَغِظَيْ؟ وَ كُمَ يَ عِيَ جُويَا سَلْكُنَنْ سَمَّيْ حَرْ سُظُبْدَ ضُوً سَمَ،

³⁸ سَعَنً ڧُورَا تَذَمَ لَاكَ، لَكَرْ كُمَ سَيْ تَدَسْكَرٜىٰ؟

³⁹ ‏«‏كَا عِيَيِنْ ڢَرَوْتَ دُواْمِنْ أَ سَامُواْوَ ذَاكِ عَبِنْثِ؟ كُواْ كَا عِيَ ڧُواْسَرْدَ يُنْوَرْ ذَاكُواْكِ مَاسُ ڧَرْڢِے،

⁴⁰ سَعَدَّ سُكٜىٰ عَݣُونْثٜىٰ عَكُواْڠُونِّنْسُ، سُنَيِنْ ݣُونْتُوانْ ٻَوْنَ أَوُرِنْ ٻُيَنْسُ؟

⁴¹ وَنٜىٰنٜىٰ يَكٜىٰ تَنَدَ وَهَنْكَكَ عَبِنْثِنْسَ، سَعَدَّ یَیَنْسَ سُكَيِ كُوكَا غَ اللَّهْ، سُنَ يَٰوُانْ نٜىٰمَنْ عَبِنْثِ؟»‏