أَيُوبَ 34 - أَتَّوْرَتْ دَ أَنَّبَاوَا

عٜىٰلِهُ يَثِيغَبَ دَ يِنْ مَغَنَ

¹ سَيْ عٜىٰلِهُ يَثِيغَبَدَ مَغَنَ يَثٜىٰ،

² ‏«‏يَا كُو مَاسُ حِكِمَ، كُجِ مَغَنَاتَ!‏ يَا كُو مَاسُ سَنِ، كُكَسَ كُنّٜىٰ غَرٜىٰنِ؞

³ غَمَا كُنّٜىٰ يَكَنْ عَوْنَ كَلْمُواْمِ، كَمَرْ يَدَّ هَرْشٜىٰ يَكَنْ طَنْطَنَ عَبِنْثِ؞

⁴ بَرِ مُذَاٻِ أَبِنْدَ يَكٜىٰ غَسْكِيَ، عَثِكِنْمُ مُيِ نِيَّرْ سَنِنْ أَبِنْدَ يَكٜىٰ دَيْدَيْ؞

⁵ غَمَا أَيُوبَ يَثٜىٰ، ‏‹‏نِے مَرَرْ لَيْڢِينٜىٰ، عَمَّا اللَّهْ يَحَنَ مِنِ شَرِيعَرْ غَسْكِيَ؞

⁶ دُكْ دَ ذَمَنَ نَمَيْ غَسْكِيَ أَنْطَوْكٜىٰنِ نِے مَيْ ڧَضْيَانٜىٰ؞ كُواْدَيَكٜىٰ بَانِ دَ ذُنُوبِ، رَوْنِنْ كِبِيَرْسَ بَذَيْ وَرْكٜىٰبَ؞›‏

⁷ ‏«‏ڢَطَا مِنِ، إِنَا مُتُمْ كَمَرْ أَيُوبَ؟ شِے مَيْ شَنْبَعَ كَمَرْ يَدَّ عَكٜىٰ شَنْ ضُوَنٜىٰ؞

⁸ شِے مَيْ تَڢِيَ دَ مَاسُ عَيْكَتَ مُغُنْتَا نٜىٰ، مَيْ يَٰوُاْ تَرٜىٰدَ مُوغَيٜىٰ؞

⁹ غَمَا يَثٜىٰ، ‏‹‏مُتُمْ بَايَ سَامُنْ رِيبَ ثِكِنْ يِنْ ڧُواْڧَرِ يَڢَرَنْتَوَ اللَّهْ رَيْ؞›‏

¹⁰ ‏«‏سَبُواْدَ حَكَ كُكَسَ كُنّٜىٰ غَرٜىٰنِ، كُو وَطَنْدَ كُكٜىٰ دَ غَانٜىٰوَ، اللَّهْ بَذَيْ تَٻَ عَيْكَتَ مُغُنْتَا بَ!‏ أَوُرِنْ مَيْ إِيكُواْ دُكَ بَابُ كُسْكُرٜىٰ!‏

¹¹ غَمَا مَيْ إِيكُواْ دُكَ يَكَنْ سَاكَ وَمُتُمْ بِسَغَ أَيُّكَنْسَ، بِسَغَ هَنْيُواْيِنْسَ كُمَ يَكَنْ بَادَ أَبِنْدَ يَدَاثٜىٰ؞

¹² عِ، حَڧِيڧَ، اللَّهْ بَذَيْ عَيْكَتَ مُغُنْتَابَ، مَيْ إِيكُواْ دُكَ بَذَيْ جُجُّويٜىٰ غَسْكِيَابَ؞

¹³ وَيَبَا شِ مُلْكِ عَكَنْ ڧَسَا؟ وَ كُمَ يَبَاشِ حَكِّنْ لُورَ دَ دُكَنْ دُونِيَا؟

¹⁴ إِنْ دَ يَنَ سُواْ يَكَڢَ حَنْكَلِنْسَ عَكَنْسَ، يَكُمَ طَوْكِ رُوحُ دَ نُمْڢَشِنْدَ يَبَامُتُمْ،

¹⁵ دُكَنْ حَلِتُّو مَاسُ رَيْ ذَاسُ مُتُ غَبَاطَيَ، دُكَنْ مُتَنٜىٰ كُمَ ذَاسُ كُواْمَ ڧُورَا؞

¹⁶ ‏«‏عِدَنْ كَنَدَ غَانٜىٰوَ، تُواْ، جِوَنَّنْ، كَسَ كُنّٜىٰ غَ أَبِنْدَ نَكٜىٰ ڢَطِ؞

¹⁷ ذَيْ يِوُ مَيْ ڧِنْ غَسْكِيَ يَيِ مُلْكِ؟ ذَاكَ عِيَ حُكُنْتَ مَيْ إِيكُواْ مَيْ غَسْكِيَ؟

¹⁸ وَ ذَيْ ڢَطَا وَسَرْكِے، ‏‹‏طَنْ إِسْكَنٜىٰ كَيْ›‏؟ كُواْ يَثٜىٰ وَمَنْيَنْ مُتَنٜىٰ، ‏‹‏مُوغَيٜىٰنْ مُتَنٜىٰنٜىٰ كُو›‏؟

¹⁹ اللَّهْ بَايَ نُونَ بَمْبَنْثِ غَ دَتَّاوَا، كُواْ يَكُلَ دَ مَيْ أَرْزِڧِ ڢِيٜىٰدَ تَلَكَ، غَمَا دُكَنْسُ عَيْكِنْ حَنُّنْسَ نٜىٰ؞

²⁰ عَثِكِنْ ڨِڢْتَوَرْ عِدُواْ سُكَنْ مُتُ، دَ ڟَكَرْ دَرٜىٰ سُكَنْ جِجِّغُ سُشُوطٜىٰ ڢَرَتْ طَيَ، عَكَنْ كَوَرْدَ مَاسُ إِيكُواْ بَ دَ حَنُّنْ مُتُمْبَ؞

²¹ ‏«‏إِدَانُنْ اللَّهْ سُنَ كَنْ هَنْيُواْيِنْ یَنْ أَدَمْ، يَنَ غَنِنْ دُكَنْ أَيُّكَنْسُ؞

²² بَابُوَنِ دُهُ كُواْ بَڧِنْ دُهُ عِنْدَ مَاسُ عَيْكَتَ مُغُنْتَا ذَاسُ ٻُيَ؞

²³ بَابُ بُڧَاتَ اللَّهْ يَسَاكٜىٰ كَڢَاوَا مُتُمْ لُواْكَثِ، حَرْ دَ ذَيْ تَڢِے شَرِيعَ أَغَبَنْسَبَ؞

²⁴ يَكَنْ رُشٜىٰ مَاسُ إِيكُواْ بَاتَرٜىٰدَ وَنِ بِنْثِكٜىٰبَ، يَسَا وَطَنْسُ أَمَڟَيِنْسُ؞

²⁵ حَڧِيڧَ، يَسَنْ أَيُّكَنْسُ، يَكَنْ تُمْٻُكٜىٰسُ دَ دَرٜىٰ، يَكُمَ رُرُّشٜىٰسُ؞

²⁶ يَكَنْ بُغِ مُوغَيٜىٰنَّنْ أَغَبَنْ مَاسُ كَلُّواْ،

²⁷ غَمَا سُنْ جُويَا دَغَ بِنْسَ؞ سَبُواْدَ بَسُ دَامُ دَ هَنْيُواْيِنْسَبَ،

²⁸ كُوكَنْ تَلَكَاوَا يَكَيْ غَرٜىٰشِ، يَكُوَ جِ كُوكَنْ مَاسُ شَنْ عَذَابَ؞

²⁹ عِدَنْ يَا يِشِضُ، وَ ذَيْ حُكُنْتَشِ؟ عِدَنْ يَا ٻُواْيٜىٰ ڢُسْكَرْسَ، وَ ذَيْ عِيَ غَنِنْسَ؟ كُواْ عَكَنْ أَلْعُمَّ كُواْ عَكَنْ یَنْ أَدَمْ

³⁰ اللَّهْ ذَيْ عِيَسَا مَرَرْ ڟُواْرُوانْسَ يَيِ مُلْكِ، وَنِ دَغَ مَاسُ كَڢَ وَجَمَعَ تَرْكُواْ؞

³¹ ‏«‏مَيْ يِوُوَ مُتُمْ يَثٜىٰ وَ اللَّهْ، ‏‹‏نَشَا حُواْرُواْنَ، بَذَنْ ڧَارَيِنْ لَيْڢِے بَ؞

³² كُواْيَ مِنِ أَبِنْدَ بَنْ غَانٜىٰبَ، عِدَنْ نَيِ لَيْڢِے، بَذَنْ ڧَارَيِبَ؞›‏

³³ أَيُوبَ، تُنْدَ كَيْ بَكَيَرْدَ دَ أَبُبُوَنْ دَ اللَّهْ يَيِبَ، أَغَنِنْكَ، يَا كَمَاتَ اللَّهْ يَسَاكَ وَمُتُمْ؟ عِ، ذَاٻٜىٰنْ نَاكَنٜىٰ، بَنَوَبَ، سَيْدَيْ كَڢَطِ أَبِنْدَ كَسَنِ؞

³⁴ ‏«‏مَاسُ غَانٜىٰوَ ذَاسُثٜىٰ مِنِ، عِ، مَيْ حِكِمَ وَنْدَ يَجِنِ ذَيْثٜىٰ،

³⁵ ‏‹‏أَيُوبَ يَنَ مَغَنَ بَاتَرٜىٰدَ سَنِبَ، مَغَنَرْسَ كُمَ بَابُ مَعَنَ عَثِكِ؞›‏

³⁶ دَاعَثٜىٰ عَبِنْثِكَ أَيُوبَ عَكُواْتُ حَرْ ذُوَا ڧَرْشٜىٰ مَنَ، غَمَا أَمْسُواْشِنْسَ إِرِنَّمُوغَيٜىٰنْ مُتَنٜىٰنٜىٰ؞

³⁷ غَمَا يَڧَارَ تَاوَيٜىٰ عَكَنْ ذُنُوبِنْسَ، أَغَبَنْمُ يَيِ وَ اللَّهْ بَعَ، يَنَ تَڧَارَ مَغَنْ‌غَنُنْسَ نَغَابَادَ اللَّهْ؞»‏