أَيُوبَ 33 - أَتَّوْرَتْ دَ أَنَّبَاوَا

عٜىٰلِهُ يَڟَاوَتَاوَ أَيُوبَ

¹ عَمَّا يَنْذُ، يَا أَيُوبَ، إِنَ ضُواْڧُوانْكَ، كَجِ دُكَنْ كَلْمُواْمِنَ، كَسَ كُنّٜىٰ غَ دُكَنْ مَغَنَاتَ؞

² غَاشِ، نَبُوطٜىٰ بَاكِنَ، هَرْشٜىٰنَ ذَيْ يِمَغَنَ؞

³ كَلْمُواْمِنَ سُنَ سَنَرْدَ غَسْكِيَتَ أَ ظُوثِ، أَبِنْدَ ذَنْ ڢَطَا كُمَ عَيْنِحِنْ غَسْكِيَ نٜىٰ؞

⁴ رُوحٌ اللَّهْ نٜىٰ يَحَلِثّٜىٰنِ، نُمْڢَشِنْ مَيْ إِيكُواْ دُكَ نٜىٰ يَكٜىٰ بَا نِے رَيْ؞

⁵ كَاأَمْسَ مِنِ، إِنْ ذَاكَ عِيَ، تَاشِ ڟَيٜىٰ، كَشِرْيَ مَغَنَرْكَ كَكَٰوُاْ أَغَبَنَ؞

⁶ غَاشِ، نِے دَكَيْ طَيَ نٜىٰ أَغَبَنْ اللَّهْ، نِے دَكَيْ دَغَ لَاكَ نٜىٰ عَكَ صِڢَّتَامُ؞

⁷ دُواْمِنْ حَكَ، كَدَ كَڢِرْغِتَ سَبُواْدَ جِنْ ڟُواْرُواْنَ، مَغَنَاتَ بَذَاتَ ذَمَ أَبِنْ دَنِّيَ عَكَنْكَبَ؞

⁸ ‏«‏حَڧِيڧَ، أَبِنْدَ كَڢَطَا، نَجِ دَ كُنّٜىٰنَ، نَكُمَجِ إِرِنْ كَلْمُواْمِنْكَ؞

⁹ كَثٜىٰ، ‏‹‏نِے مَيْ ڟَبْتَرْ ذُوثِيَا نٜىٰ، بَانِ دَ ذُنُوبِ، إِنَدَ ڟَبْتَرْ رَيْ، بَانِ دَ لَيْڢِے؞

¹⁰ غَاشِ، اللَّهْ يَنَ نٜىٰمَنْ دَلِيلِ عَكَيْنَ، يَطَوْكٜىٰنِ كَمَرْ أَبُواْكِنْ غَابَنْسَنٜىٰ؞

¹¹ يَطَوْرَا ڧَڢَاڢُنَ دَ سَرْڧُواْڧِ، يَكَڢَ عِدُواْ عَكَنْ دُكَنْ تَڢِيَاتَ؞›‏

¹² ‏«‏عَمَّا أَ حَكَ ڢَا، أَيُوبَ بَاكَ دَ غَسْكِيَ؞ نِے ذَنْ أَمْسَمَكَ؞ كَسَنِ ڢَا، اللَّهْ يَڢِ كُواْوَنٜىٰ مُتُمْ غِرْمَ!‏

¹³ دُوانْمٜىٰ كَكٜىٰيِنْ غَرْدَمَ دَ اللَّهْ عَكَنْ ثٜىٰوَ بَيْ أَمْسَ مَغَنَرْكَ كُواْ طَيَبَ؟

¹⁴ غَمَا اللَّهْ يَكَنْيِ مَغَنَ سَوْ طَيَ، عِ، حَرْ سَوْ بِيُ مَا، دُكْدَهَكَ یَنْ أَدَمْ بَاسَ غَانٜىٰوَ؞

¹⁵ اللَّهْ يَكَنْيِ مَغَنَ عَثِكِنْ مَڢَرْكِ دَ رُعُيَ دَ دَرٜىٰ، سَعَدَّ بَرْثِ مَيْ نَوْيِ يَطَوْكِ یَنْ أَدَمْ، سَعَدَّ سُكٜىٰ عَݣُونْثٜىٰ عَكَنْ غَدَجٜىٰنْسُ؞

¹⁶ يَكَنْ بُوطٜىٰ كُنُّوَنْ یَنْ أَدَمْ، يَكَنْبَاسُ ڟُواْرُواْ دَ غَرْغَطِنْسَ،

¹⁷ دُواْمِنْ يَكَوَرْدَ طَنْ أَدَمْ دَغَ بِنْ نُڢِنْسَ، يَكُمَ حَنَ شِ يِنْ غِرْمَنْ كَيْ؞

¹⁸ اللَّهْ يَكَنْيِ حَكَ دُواْمِنْ يَڟَرٜىٰ رَنْسَ دَغَ رَامِنْ مُتُوَ، يَڟَرٜىٰشِ دَغَ شِغَرْ دُونِيَرْ مَتَتُّو؞

¹⁹ عَكَنْ هُواْرَرْ دَشِ دَ ثِيوُاْ عَكَنْ غَدُوانْسَ، دَ شَنْ عَذَابَ عَثِكِنْ ڧَسُسُوَنْسَ،

²⁰ حَرْ رَايُوَرْسَ يَنَ ڨَمَرْ عَبِنْثِ، كُواْمٜىٰ دَاطِنْ عَبِنْثِنْ يَنَ ڧِنْسَ؞

²¹ جِكِنْسَ يَلَلَثٜىٰ، بَا ݣَوْ أَغَنِ، ڧَسُسُوَنْ دَ دَا بَعَغَنِ، يَنْذُ أَ ڢِيلِ سُكٜىٰ؞

²² يَنَ غَبْ دَ شِغَ رَامِنْ مَتَتُّو، عِ، رَنْسَ يَنَ أَ حَنُّنْ مُتُوَ؞

²³ ‏«‏دَاعَثٜىٰ أَوُرِنْسَ أَݣَويْ وَنِ مَلاَىِٕكَ ڢَا، مَيْ ڟَيَاوَا ڟَكَانِ، كُواْ دَ طَيَ دَغَ ثِكِنْ دُبُو مَنَ، وَنْدَ ذَيْ يِشٜىٰلَ ثٜىٰوَ مُتُمِنْ يَنَدَ غَسْكِيَ أَ ظُوثِ،

²⁴ دَ مَلاَىِٕكَنْ ذَيْ يِمَسَ أَلْحٜىٰرِ يَثٜىٰ، ‏‹‏ثٜىٰثٜىٰشِ دَغَ غَنْ‌غَرُواْوَ ذُوَا رَامِنْ مَتَتُّو، نَسَامِ أَبِنْدَ ذَيْ ڢَنْشٜىٰشِ؞›‏

²⁵ جِكِنْسَ ذَيْسَابُنْتَ ڢِيٜىٰدَ نَسَوْرَيِ، ذَيْ كُواْمُواْ كَمَرْ نَݣُونَكِنْ ڧُرُثِيَرْسَ؞

²⁶ مُتُمِنْ ذَيْ يِ أَدُّعَ غَ اللَّهْ، اللَّهْ كُوَ ذَيْ كَرْٻَ، مُتُمِنْ ذَيْذُواْ غَبَنْسَ دَ ڢَضٍ ثِكِ، اللَّهْ ذَيْ مَيَرْ وَمُتُمِنْ دَ أَدَلْثِنْسَ أَعِدُوانْ جَمَعَ؞

²⁷ مُتُمِنْ ذَيْ يِوَاڧَا أَغَبَنْ جَمَعَ يَثٜىٰ، ‏‹‏نَيِ ذُنُوبِ، نَجُجُّويَ غَسْكِيَ عَمَّا بَعَ حُكُنْتَنِ بِسَغَ ذُنُوبِنْبَ؞

²⁸ اللَّهْ يَڢَنْشِ رَيْنَ دَغَ غَنْ‌غَرُواْوَ ثِكِنْ رَامِنْ مَتَتُّو، رَيْنَ كُمَ ذَيْغَا حَصْكٜىٰ؞›‏

²⁹ ‏«‏حَڧِيڧَ اللَّهْ يَيِ دُكَنْ أَبُبُوَنَّنْ، سَوْ بِيُ، حَرْ مَا سَوْ عُكُ غَ طَنْ أَدَمْ،

³⁰ دُواْمِنْ يَكُواْمُواْ دَ رَنْ مُتُمْ دَغَ رَامِنْ مَتَتُّو، دُواْمِنْ أَ سَاكٜىٰ حَصْكَكَشِ دَ حَصْكٜىٰنْ رَيْ؞

³¹ ‏«‏يَا أَيُوبَ، كَكَسَ كُنّٜىٰ، يِشِضُ، ذَنْيِ مَغَنَ؞

³² عِدَنْ كَنَدَ وَتَ مَغَنَ، تُواْ، كَأَمْسَمِنِ، يِمَغَنَ، غَمَا إِنَ سُواْ إِنْ نُونَ أَڢِيلِ ثٜىٰوَ بَاكَ دَ لَيْڢِے؞

³³ إِنْ بَهَكَبَ، كَيِ شِضُ، كَكَسَ كُنّٜىٰ غَرٜىٰنِ، ذَنْ كُواْيَ مَكَ حِكِمَ؞»‏