أَيُوبَ 32 - أَتَّوْرَتْ دَ أَنَّبَاوَا

عٜىٰلِهُ يَيِ جَوَابِے

¹ أَنَانً سَيْ مُتَنٜىٰ عُكُنَّنْ سُكَ دَيْنَ بَا أَيُوبَ أَمْسَ، سَبُواْدَ يَنَ غَنِنْ كَنْسَ مَيْ أَدَلْثِے نٜىٰ؞

² سَيْ عٜىٰلِهُ طَنْ بَرَكٜىٰلْ، مُتُمِنْ بُظْ دَغَ عِيَلِنْ رَمْ، يَيِ ڢُشِے؞ يَيِ ڢُشِے دَ أَيُوبَ سُواْسَيْ سَبُواْدَ أَيُوبَ يَنَاثٜىٰ عَكَنْ أَدَلْثِنْسَ ڢِيٜىٰدَ أَدَلْثِنْ اللَّهْ؞

³ يَكُمَيِ ڢُشِے دَ أَبُواْكَنَّنْ عُكُ نَ أَيُوبَ، غَمَا بَسُ عِيَ بَا أَيُوبَ أَمْسَرْ دَ ذَاتَ نُونَ أَ ڢِيلِ ثٜىٰوَ يَنَدَ لَيْڢِے بَ، عَمَّا دُكْدَهَكَ، سُنْ طَوْكَ شِے مَيْ لَيْڢِے نٜىٰ؞

⁴ دَا مَا عٜىٰلِهُ يَجِرَا يَيِ مَغَنَ دَ أَيُوبَ، غَمَا شِينٜىٰ يَرُواْ عَثِكِنْسُ دُكَ؞

⁵ عَمَّا سَعَدَّ عٜىٰلِهُ يَغَ مُتَنٜىٰ عُكُ طِنَّنْ بَسُ عِيَ بَا أَيُوبَ أَمْسَرْ دَ تَدَاثٜىٰبَ، سَيْ يَيِ ڢُشِے ڨُورَيْ؞

⁶ عٜىٰلِهُ طَنْ بَرَكٜىٰلْ مُتُمِنْ بُظْ يَأَمْسَ يَثٜىٰ، ‏«‏أَ شٜىٰكَرُ دَيْ نِے يَرُواْ نٜىٰ، كُو ڟُواْڢَڢِّ نٜىٰ أَغَرٜىٰنِ؞ وَنَّنْ يَسَا نَجِ نَوْيِ نَكُمَ جِڟُواْرُواْ إِنْڢَطَا مُكُ أَبِنْدَ نَسَنِ؞

⁷ نَيِ تُنَانِ ثٜىٰوَ ‏‹‏يَا كَمَاتَ مَاسُيَوَنْ ݣُونَكِے سُيِ مَغَنَ مَاسُيَوَنْ شٜىٰكَرُ كُمَ سُكُواْيَرْ دَ حِكِمَ؞›‏

⁸ عَمَّا أَغَسْكِيَ، رُوحٌ دَيَكٜىٰ ثِكِنْ مُتُمْ، وَتُواْ، نُمْڢَشِنْ مَيْ إِيكُواْ دُكَ نٜىٰ، يَكَنْ بَا مُتُمْ غَانٜىٰوَ؞

⁹ بَوَيْ ذَمَنْ ڟُواْهُواْ نٜىٰ يَكَنْ كَٰوُاْ حِكِمَبَ، بَكُمَ يَوَنْ شٜىٰكَرُ نٜىٰ يَكَنْ كَٰوُاْ غَانٜىٰوَرْ يِنْ شَرِيعَرْ غَسْكِيَابَ؞

¹⁰ دُواْمِنْ حَكَ نَثٜىٰ، ‏‹‏كُكَسَ كُنّٜىٰ غَرٜىٰنِ، بَرِ إِنْڢَطِ أَبِنْدَ نِے مَا نَسَنِ؞›‏

¹¹ غَاشِ، نَجِرَا دُواْمِنْ إِنْجِ مَغَنَرْكُ، نَكَسَ كُنّٜىٰ إِنْجِ مَغَنَرْكُ تَحِكِمَ، يَايِنْ دَ كُكٜىٰ تُنَانِنْ أَبِنْدَ ذَاكُ ڢَطَا؞

¹² عِ، نَا كَسَ كُنّٜىٰ سُواْسَيْ، غَاشِ، بَ كُواْ طَيَنْدَ يَبَيَّنَ لَيْڢِنْ أَيُوبَ، بَابُ كُواْ طَيَنْكُ دَ يَبَا شِ أَمْسَرْ تَمْبَيَرْسَ؞

¹³ ‏«‏كُيِ حَنْكَلِ!‏ كَدَ كُثٜىٰ، ‏‹‏أَيْ، مُنْ سَامِ حِكِمَ؞ اللَّهْ نٜىٰ كَطَيْ ذَيْثِ نَصَرَا عَكَنْسَ، بَمُتُمْبَ؞›‏

¹⁴ بَدَنِے أَيُوبَ يَكٜىٰ مَغَنَبَ، نِے كُوَ بَذَنْ أَمْسَ مَسَ دَ نَاكُ إِرِنْ مَغَنَبَ؞

¹⁵ سُنْ رَسَ أَبِنْ ڢَطَا، بَسُ ڧَارَ أَمْسَ مَغَنَبَ، بَاسُدَ كَلْمَرْيِ كُمَ؞

¹⁶ تُنْدَ بَسُيِ مَغَنَبَ، سَيْ نِے إِنْيِ تَجِرَا كٜىٰنَنْ؟ كُواْ سَبُواْدَ سُنْ ڟَيَ شِضُ، نِے مَا إِنْيِ شِضُ، عَكَنْ بَسُ دَ كَلْمَرْ يِ؟

¹⁷ أَعَ، نِے مَا ذَنْبَادَ تَاوَ أَمْسَ، إِنْكُمَ ڢَطِ أَبِنْدَ نِے مَا نَسَنِ؞

¹⁸ ثِكٜىٰ نَكٜىٰ دَ كَلْمُواْمِ، رُوحٌ دَيَكٜىٰ ثِكِنَ يَنَ مُواْڟَنِ؞

¹⁹ غَاشِ، ذُوثِيَاتَ تَكُمْبُرَ حَرْ كَمَرْ ذَاتَ ٻَرْكٜىٰ، كَمَرْ سَابُوَرْ غُواْرَنْ كُنُ مَيْ ڟَامِ وَدَّ تَكٜىٰ غَبْ دَ ٻَرْكٜىٰوَ؞

²⁰ دُواْلٜىٰنٜىٰ إِنْيِ مَغَنَ، دُواْمِنْ إِنْهُوثٜىٰ، تِلَسْ نٜىٰ إِنْبُوطٜىٰ بَاكِ إِنَمْسَ؞

²¹ بَذَنْ نُونَ بَمْبَنْثِ ڟَكَانِنْكُبَ، كُواْ إِنْيِ وَوَنِ كِرَرِنْ ذَاڧِنْ بَاكِ؞

²² بَنْ مَا سَنْ يَدَّ ذَنْيِ كِرَرِنْ ذَاڧِنْ بَاكِبَ، أَيْ، عِدَنْ ذَاڧِنْ بَاكِ نٜىٰ نَكٜىٰيِ، مَحَلِثِّنَ ذَيْ كَوَرْ دَنِے نَنْ دَنَنْ؞»‏