أَيُوبَ 30 - أَتَّوْرَتْ دَ أَنَّبَاوَا

¹ ‏«‏عَمَّا يَنْذُ، مَاسُ يِمِنِ رٜىٰنِ سُونٜىٰ وَطَنْدَ دَ نَغِرْمٜىٰسُ وَطَنْدَ إِيَايٜىٰنْسُ مَا أَبِنْ رٜىٰنِ نٜىٰ أَغَرٜىٰنِ، بَنْ كُوَ يَرْدَ سُتَيْمَكِ كَرْنُكَ سُيِ كِيوُانْ غَرْكٜىٰنَبَ؞

² وَثٜىٰ رِيبَ ذَنْ سَامُ دَغَ ڧَرْڢِنْ حَنُّوَنْسُ سُو وَطَنْدَ ڧَرْڢِنْسُ يَا رِغَا يَا ڧَارٜىٰ؟

³ سَبُواْدَ رَشِ دَ ڟَنَنِنْ يُنْوَ، سُنَ تَكَيْوَ دَ كَٰوُاْوَ نٜىٰمَنْ عَبِنْثِ عَبُوسَشِّيَرْ ڧَسَا دَ كُمَ ثِكِنْ دَاجِ؞

⁴ سُنَ طِبَ غَنْيَيٜىٰنْ دَاجِ مَاسُ طَاثِ سُثِ، جِجِيُواْيِنْ عِتَتُوَنْ دَاجِ عَبِنْثِنْسُ نٜىٰ؞

⁵ عَكَ كُواْرٜىٰسُ دَغَ ثِكِنْ أَلْعُمَّ، عَكَيِ تَبِنْسُ دَ إِيهُ كَمَرْ يَدَّ عَكٜىٰيِ وَٻَرَوُاْ؞

⁶ عَݣُورُرُوَ سُكٜىٰ ذَمَ، سُنَ ذَمَ أَ رَامُكَنْ ڧَسَا، دَ كُواْڠُونِّنْ دُوَڟُو؞

⁷ عَثِكِنْ ڧأَنَانً عِتَتُوَنْ ڧَيَ أَدَاجِ سُكَنْيِ كُوكَا كَمَرْ جَاكِ، عَڧَرْڧَشِنْ عِتَتُوَنْ ڧَيُواْيِ سُنَ مَنّٜىٰوَ جُونَ؞

⁸ سُو وَوَيٜىٰنٜىٰ مَرَسَ سُنَ، دَ بُلَلَ عَكَ كُواْرٜىٰسُ دَغَ ڧَسَرْ؞

⁹ ‏«‏يَنْذُ نَذَمَ أَبِنْ مِصَالِ أَغَرٜىٰسُ، نَذَمَ مُسُ أَبِنْ دَارِيَا؞

¹⁰ سُنَ ڨَمَاتَ، سُنْ وَارٜىٰ كَنْسُ دَغَ غَرٜىٰنِ، حَرْ مَا دَ تُواْڢَ مِنِ مِيَوْ؞

¹¹ تُنْدَ اللَّهْ يَكَرْيَ كِبِيَ دَ بَكَنَ، يَكُمَ ڧَسْڧَنْتَرْ دَنِے، بَ ضُوَنْسُ دَ كَمٜىٰ كَنْسُ أَغَبَنَ؞

¹² أَ حَنُّنْ دَامَنَ، یَنْ تَادَ ظَوْنٜىٰ ڟَيٜىٰ سُنْ تَاسُواْ مِنِ، سُكَ كُواْرٜىٰنِ، سُكَ شِرْيَ حَنْيَرْ هَلَّكَرْ دَنِے؞

¹³ سُنْ يَنْكٜىٰ حَنْيَتَ دُواْمِنْ كَدَ إِنْڟِيرَا، سُنْيِ إِيَاكَرْ ڧُواْڧَرِنْسُ سُهَلَّكَ نِے، بَاسَ بُڧَاتَرْ تَيْمَكُوانْ وَنِ؞

¹⁴ سُكَ ڢَاطُواْ مِنِ، سَيْ كَثٜىٰ ضُوَ يَٻَرْكٜىٰ دَغَ دَمْ، عَتَوُرِنْدَ يَڟَٰغٜىٰ، سُكَ غَنْ‌غَرُواْ عَكَيْنَ؞

¹⁵ رَظَنَ يَكٜىٰوَيٜىٰنِ، سُكَ كُواْرِ دَرَجَتَ كَمَرْ دَ إِسْكَ، ظَرَڢِنْ ثٜىٰتُواْ يَٻَثٜىٰ كَمَرْ غِرْغِجٜىٰ؞

¹⁶ ‏«‏يَنْذُ ڢَا أَنْثِرٜىٰ رَيْنَ دَغَ ثِكِنَ، ݣُونَكِنْ عَذَابَ سُنْ شَا كَيْنَ؞

¹⁷ دَرٜىٰ يَنَنَّطٜىٰ ڧَسُسُوَنَ، ذَاڢِنْ عَذَابَرْ دَيَكٜىٰ ثِنْيٜىٰنِ بَيْ ڟَيَبَ؞

¹⁸ اللَّهْ يَثَڢْكٜىٰنِ أَ رِغَاتَ، يَشَڧٜىٰنِ حَرْ بَنْ عِيَ حَطِيٜىٰ مِيَوْبَ؞

¹⁹ اللَّهْ يَجٜىٰڢَرْ دَنِے عَثِكِنْ لَاكَ، نَذَمَ كَمَرْ ڧُورَا دَ تُواْكَ؞

²⁰ ‏«‏يَا اللَّهْ، نَيِ كِرَا غَرٜىٰكَ، كَڧِ كَأَمْسَ مِنِ، نَتَاشِ ڟَيٜىٰ، كَظُبَ مِنِ عِدُواْ كَوَيْ؞

²¹ كَيْ كَا جُويَا كَا ذَمَ مَرَرْ تَوْسَيِ أَغَرٜىٰنِ، دَ ڧَرْڢِنْ حَنُّنْكَ كَڟَنَنْتَ مِنِ؞

²² كَا طَوْكٜىٰنِ كَسَا نِے ثِكِنْ غُوغُوَ، كَيِ تَلِلُواْ دَنِے عَثِكِنْ رُورِنْ غُوغُوَرْ؞

²³ حَڧِيڧَ، نَسَنِ ذَاكَكَيْنِ غَ مُتُوَ، غَ غِدَنْ دَ عَكَ ڧَدَّرَ وَكُواْوَنٜىٰ مَيْ رَيْ؞

²⁴ ‏«‏أَشٜىٰ، وَنْدَ يَكٜىٰ غَبْ دَ ڢَاطُوَ بَذَيْ مِيڧَ حَنُّنْسَبَ؟ وَنْدَ يَكٜىٰ ثِكِنْ مَسِيڢَ، بَيْ ذَيْ يِكُوكَنْ نٜىٰمَنْ تَيْمَكُواْ بَ؟

²⁵ ‏«‏أَشٜىٰ، نِے بَنْيِ كُوكَا دُواْمِنْ وَنْدَ يَكٜىٰ شَنْ وَهَلَبَ؟ رَيْنَ بَيْيِ بَڧِنْ ثِكِ دُواْمِنْ مَاسُ بُڧَاتَ بَ؟

²⁶ عَمَّا سَعَدَّ نَسَا ذُوثِيَا غَ أَلْحٜىٰرِ، سَيْغَا مُغُنْتَا، سَعَدَّ نَكٜىٰسَا رَيْ غَ غَنِنْ حَصْكٜىٰ، سَيْغَا دُهُ؞

²⁷ ذُوثِيَاتَ تَدَامُ، بَتَ ݣُونْتَبَ، ݣُونَكِنْ وَهَلَ سُنْ أَوْكُواْ مِنِ؞

²⁸ ڢَتَرْ جِكِينَ تَيِ بَڧِ، عَمَّا بَ دُواْمِنْ ذَاڢِنْ رَانَبَ، نَڟَيَ أَغَبَنْ تَارُوانْ جَمَعَ، إِنَ كُوكَنْ نٜىٰمَنْ تَيْمَكُواْ؞

²⁹ نَذَمَ طَنْعُوَنْ كَرْنُكَنْ دَاجِ، نَكُمَ ذَمَ أَبُواْكِنْ جِمِنُ؞

³⁰ ڢَتَرْ جِكِينَ تَجُويَا بَڧِ، تَنَ ٻَرٜىٰوَ دَغَ جِكِينَ، ڧَسُسُوَنَ سُنْ ڧُواْنٜىٰ دُواْمِنْ ذَاڢِنْ؞

³¹ غَرَايَتَ تَنَ عِيَيِنْ وَاڧَرْ مَكُواْكِ كَوَيْ، سَرٜىٰوَتَ كُمَ تَذَمَ مُرْيَرْ مَاسُ كُوكَا؞»‏