أَيُوبَ 3 - أَتَّوْرَتْ دَ أَنَّبَاوَا

تَتَّوْنَاوَا ڟَكَانِنْ أَيُوبَ دَ أَبُواْكَنْسَ ڢَرْكُوانْ مَغَنَرْ أَيُوبَ

¹ بَايَنْ ݣُونَكِے بَݣَويْ طِنَّنْ، أَيُوبَ يَبُوطٜىٰ بَاكِنْسَ يَلَعَنْثِ رَانَرْ دَ عَكَ حَيْڢٜىٰشِ؞

² أَيُوبَ يَثٜىٰ،

³ ‏«‏بَرِ رَانَرْ دَ عَكَ حَيْڢٜىٰنِ تَٻَثٜىٰ، دَرٜىٰ كُمَ دَ عَكَثٜىٰ، ‏‹‏أَنْيِ ثِكِنْ يَرُواْ!‏›‏

⁴ بَرِ رَانَرْ تَذَمَ رَانَرْ دُهُ!‏ كَدَ مَا اللَّهْ أَ سَمَ يَڧَارَ تُنَ لَابَرِنْتَ، كُواْ حَصْكٜىٰ يَڧَارَ حَصْكَكَاوَا عَكَنْتَ؞

⁵ بَرِ دُهُ دَ بَڧِنْ دُهُ يَرُڢٜىٰتَ؞ بَرِ غِذَغِظَيْ سُرُڢٜىٰتَ، ڟَنَنِنْ دُهُ كُمَ يَڟُواْرَتَرْ دَ عِتَ؞

⁶ وَنْثَنْ دَرٜىٰنْ، بَرِ بَڧِنْ دُهُ يَثَڢْكٜىٰشِ!‏ كَدَ عَتُنَ دَشِ عَثِكِنْ ݣُونَكِنْ شٜىٰكَرَا، كَدَ مَا أَ لِسَّڢْتَاشِ عَثِكِنْ ݣُونَكِنْ وَتَنِّ؞

⁷ عِ، بَرِ دَرٜىٰنَّنْ يَذَمَ دَرٜىٰنْ دَ بَذَاعَ سَاكٜىٰيِنْ ثِكِيبَ، كَدَ مَا أَجِ مُرْيَرْ ڢَضٍ ثِكِ عَثِكِنْسَ؞

⁸ بَرِ مَاسُ لَعَنْتَرْ رَانَرْ سُكُمَ لَعَنْتَ دَرٜىٰنْ، عِ، وَطَنْدَ سُكَ ڠُونِنْتَ تَيِنْ لَعَنَ حَرْ لَعَنَرْسُ تَ عِيَ تَادَ دُواْدُوانْ ضُوَ؞

⁹ بَرِ تَوْرَرِ نَسَاڢِيَرْتَ سُدُهُنْتَ، بَرِ تَنٜىٰمِ حَصْكٜىٰ، عَمَّا تَرَسَ، كَدَ مَا تَغَ عَلَمَرْ وَايٜىٰوَرْ غَرِ،

¹⁰ سَبُواْدَ بَتَ كُلّٜىٰ مَحَيْڢَرْ مَامَاتَبَ، بَتَكُمَ ٻُواْيٜىٰ وَهَلَ دَغَ عِدَنُونَبَ؞

¹¹ ‏«‏مٜىٰيَسَا بَنْ مُتُ تُنْدَغَ ثِكِنْ مَامَاتَ بَ، كُواْ كُوَ أَنَ حَيْڢٜىٰنِ إِنَ مُتُوَبَ؟

¹² مٜىٰيَسَا حَنُّوَ سُكَ كَرْٻٜىٰنِ، حَرْ عَكَ بَانِ مَامَا نَشَا؟

¹³ أَيْ دَ يَنْذُ إِنَ ݣُونْثٜىٰ ثِكِنْ سَلَمَ، إِنَ كُمَ ثِكِنْ بَرْثِ إِنَ هُوتَوَا

¹⁴ تَرٜىٰدَ سَرَاكُنَ دَ مَاسُ بَادَ شَوَرَا وَطَنْدَ مَنْيَنْ غِنٜىٰ غِنٜىٰنْسُ سُكَ ذَمَ كُڢَيْ!‏

¹⁵ دَمَا إِنَ بَرْثِنَ تَرٜىٰدَ مَاسُ مُلْكِ وَطَنْدَ دَا سُنَدَ ظِينَارِيَ، وَطَنْدَ سُكَ ثِكَ غِدَاجٜىٰنْسُ دَ أَظُرْڢَا؞

¹⁶ مٜىٰيَسَا بَعَبِنّٜىٰنِبَ، كَمَرْ ثِكِنْدَ يَظُبَ، إِنْ ذَمَ جَرِرِنْ دَ بَيْتَٻَ غَنِنْ رَانَبَ؟

¹⁷ عَكَبَرِ مُوغَيٜىٰ سُنْ دَيْنَ مُغُنْتَارْسُ، ثَنْ كُمَ مَاسُ غَاجِيَ سُنْ سَامِ هُوتُ؞

¹⁸ ثَنْ یَنْ كُرْكُكُ سُنَ ظَوْنٜىٰ تَرٜىٰ أَ سَكٜىٰ، سُنْ هُوتَ دَغَ جِنْ مُرْيَرْ مَيْيِ مُسُ بُلَلَ؞

¹⁹ ڧَنَنَ دَ مَنْيَ دُكْ سُنَ أَوُرِنْ، بَاوَ مَا يَسَامِ یَنْثِ دَغَ حَنُّنْ مَيْغِدَنْسَ؞

²⁰ ‏«‏مٜىٰيَسَا عَكٜىٰ بَادَ حَصْكٜىٰنْ رَيْ غَ وَنْدَ يَكٜىٰ ثِكِنْ عَذَابَ، رَيْ كُمَ غَ وَطَنْدَ سُكٜىٰ ثِكِنْ ٻَثِنْ ذُوثِيَا؟

²¹ مٜىٰيَسَا عَكٜىٰ بَادَ حَصْكٜىٰنْ رَيْ غَ وَطَنْدَ سُكٜىٰ جِضَانْ مُتُوَرْ دَ بَتَذُوابَ، وَطَنْدَ سُكٜىٰ نٜىٰمَنْتَ ڢِيٜىٰدَ دُوكِيَرْ دَتَكٜىٰ عَٻُواْيٜىٰ؟

²² مٜىٰيَسَا عَكٜىٰ بَادَ حَصْكٜىٰنْ رَيْ غَ وَطَنْدَ سُكٜىٰيِنْ مُرْنَرْ مُتُوَ، سُنَ كُمَ ڢَضٍ ثِكِ سَعَدَّ سُكَ شِغَ كَبَرِ؟

²³ مٜىٰيَسَا عَكٜىٰ بَادَ حَصْكٜىٰنْ رَيْ غَ وَنْدَ بَايَ غَنِنْ حَنْيَرْسَ، وَنْدَ كُمَ اللَّهْ يَكٜىٰوَيٜىٰشِ دَ كَتَنْ‌غَ؟

²⁴ غَمَا نِيشِنَ يَذَمَ مِنِ كَمَرْ عَبِنْثِ، كُوكَنْ وَهَلَاتَ يَنَ ظُبَ كَمَرْ ضُوَ؞

²⁵ غَمَا أَبِنْدَ نَكٜىٰ ڟُواْرُوانْسَ، شِے يَسَامٜىٰنِ، أَبِنْدَ يَكٜىٰسَانِ رَظَنَ، شِے يَڢَاطُواْ عَكَيْنَ؞

²⁶ بَانِ دَ ݣُونْثِيَرْ رَيْ، بَانِ دَ سَلَمَ، بَانِ دَ هُوتُ، عَمَّا سَيْ وَهَلَ نَكٜىٰ ڢُسْكَنْتَ؞»‏