أَيُوبَ 29 - أَتَّوْرَتْ دَ أَنَّبَاوَاأَيُوبَ يَثِيغَبَ دَ يِنْ مَغَنَ 1 أَيُوبَ يَثِيغَبَدَ يِنْ مَغَنَ يَثٜىٰ، 2 «دَمَا إِنَانَنْ كَمَرْ يَدَّ دَا نَكٜىٰ مَنَ، كَمَرْ ثِكِنْ ݣُونَكِنْ دَ سُكَ وُثٜىٰ، لُواْكَثِنْ دَ اللَّهْ يَكٜىٰ لُورَ دَنِے؞ 3 أَ لُواْكَثِنْ، ڢِتِلَرْسَ تَنَ حَصْكَكَاوَا عَكَيْنَ، تَوُرِنْ حَصْكٜىٰنْسَ كُمَ نَيِ تَڢِيَ عَثِكِنْ دُهُ؞ 4 أَ لُواْكَثِنْ، إِنَ ثِكِنْ ڧُرُثِيَتَ، عَݣُونَكِنْ دَ إِنُوَرْ اللَّهْ تَكٜىٰ عَكَنْ غِدَانَ؞ 5 أَ لُواْكَثِنْ، مَيْ إِيكُواْ دُكَ يَنَ تَرٜىٰدَنِ، یَیَنَ كُمَ سُنَ كٜىٰوَيٜىٰ دَنِے؞ 6 أَ لُواْكَثِنْ، إِنَ وَنْكَ دَ مَدَرَ عَيَلْوَثٜىٰ، دُوڟٜىٰنْ نِڧَ یَیَنْ ظَيْتُنْ يَظُبُواْ دَ رَاڢُڢُّكَنْ مَيْ أَغَرٜىٰنِ! 7 أَ لُواْكَثِنْ، نَكَنْ تَڢِے ڧُواْڢَرْ بِرْنِ، إِنْ ذَوْنَ أَوُرِنْ ذَمَنَ أَوُرِنْ تَارُوَ، 8 سَمَارِ كُمَ سُكَنْ غَنْ نِے سُكُواْمَ غٜىٰڢٜىٰ، ڟُواْڢَڢِّ كُمَ سُكَنْ تَاشِ ڟَيٜىٰ، 9 دَتَّاوَا سُكَنْ كَمٜىٰ بَاكِ دَغَ يِنْ مَغَنَ، سُكَنْ كُمَسَا حَنُّنْسُ عَبَاكِ، 10 مُرْيُواْيِنْ مَنْيَنْ مُتَنٜىٰ سُكَنْيِ شِضُ، هَرْشٜىٰنْسُ سُكَنْ مَنّٜىٰ عَبَاكِ؞ 11 أَ لُواْكَثِنْ كُوَ دُكْ وَنْدَ يَجِ لَابَرِنَ يَكَنْسَا مِنِ أَلْبَرْكَ، عِدُوانْدَ يَغَنْ نِے، يَكَنْ يَرْدَ دَنِے؞ 12 غَمَا نَا ثٜىٰثِ تَلَكَ وَنْدَ يَيِ كُوكَا، دَ مَرَايَنْ دَ بَاشِ دَ مَيْ تَيْمَكُوانْسَ؞ 13 وَنْدَ نَثٜىٰثٜىٰشِ دَغَ بَاكِنْ مُتُوَ، يَسَا مِنِ أَلْبَرْكَ، مَاتَانْدَ مَذَنْسُ سُكَ مُتُ، نَتَيْمَكٜىٰسُ حَرْ سُكَ رٜىٰرَ وَاڧَرْ ڢَضٍ ثِكِ؞ 14 نَسَنْيَ أَدَلْثِے يَذَمَ مِنِ رِيغُنَ، غَسْكِيَتَ نَسَا كَمَرْ رِغَا دَ هُولَ؞ 15 نَذَمَ عِدُواْ غَ مَكَهُواْ، ڧَڢَا كُمَ غَ غُرَغُ؞ 16 نَذَمَ بَابَ غَ مَاسُ بُڧَاتَ، نَكَنْ ڟَيَ وَ بَاڧِ أَوُرِنْ شَرِيعَ؞ 17 نَكَرْيَ هَڧُواْرَنْ مَرَرْ أَدَلْثِے، إِنْسَا يَسَكٜىٰ أَبِنْدَ يَكَامَ؞ 18 أَ لُواْكَثِنْ كُوَ نَيِ تُنَانِ ثٜىٰوَ ‹ذَنْ ذَوْنَ أَغِدَانَ حَرْ لُواْكَثِنْ مُتُوَ، ݣُونَكِنَ كُمَ سُيِيَوَ كَمَرْ يَشِ، 19 غَمَا سَيْوُاْيِنَ سُنْ مِيڧٜىٰ حَرْ عِنْدَ ضُوَ يَكٜىٰ، دُكَنْ دَرٜىٰ كُمَ رَٻَ تَكَنْ سَوْكَ عَكَنْ رَسَّنَ، 20 دَرَجَتَ سَابُوَاثٜىٰ أَغَرٜىٰنِ، حَنُّوَنَ كُمَ سُنَدَ ڧَرْڢِنْ جَنْ بَكَ؞› 21 «أَ لُواْكَثِنْ، مُتَنٜىٰ سُكَنْ جِرَا سُسَوْرَرَتَ، سُيِ شِضُ سُنَ سَوْرَرِ شَوَرَاتَ؞ 22 بَايَنْدَ نَيِ مَغَنَ بَاسَ يِنْ ڧَارِ، كَلْمَتَ تَكَنْ شِغٜىٰسُ كَمَرْ سَوْكَرْ رَٻَ؞ 23 سُكَنْ جِضَانِ كَمَرْ يَدَّ عَكٜىٰ جِضَانْ ضُوً سَمَ، سُكُمَ جِرَا يَدَّ عَكٜىٰ جِرَا ڢَرْكُوانْ ضُوً دَامِنَ؞ 24 نَكَنْ كَٰوُاْ مُسُ مُرْمُشِ، سَعَدَّ سُكٜىٰ ذَمَنْ ڢِدَّ ذُوثِيَا، دَ نَدُوبٜىٰسُ دَ ڢُسْكَرْ أَلْحٜىٰرِ، بَسُ مَيْدَشِ بَنْظَبَ؞ 25 نَذَاٻَا مُسُ حَنْيَرْ دَ ذَاسُبِے، نَذَمَ كَمَرْ شُوغَبَا، كَمَرْ سَرْكِے عَثِكِنْ سُواْجُواْجِنْ يَاڧِنْسَ، كَمَرْ مَيْيِ وَمَاسُ مَكُواْكِ تَعَظِيَّ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria