أَيُوبَ 24 - أَتَّوْرَتْ دَ أَنَّبَاوَا

أَيُوبَ يَثِيغَبَ دَ مَغَنَ

¹ ‏«‏مٜىٰيَسَا مَيْ إِيكُواْ دُكَ بَيْ كَڢَ رَانَرْ شَرِيعَبَ؟ مٜىٰيَسَا حَرْ مَا وَطَنْدَ سُكَ سَنْ شِ بَسُ تَٻَ غَنِنْ رَانَرْ نَنْبَ؟

² مُوغَيٜىٰ سُكَنْ ثِرٜىٰ عَلَمَرْ شَيْدَرْ إِيَاكَرْ ڧَسَا، سُڨُوثٜىٰ غَرْكُنَ سُمَيْدَسُو نَاسُ؞

³ سُكَنْ رَبَ مَرَايُ دَ جَاكُنَنْسُ، سُڨُوثٜىٰ سَانِيَرْ مَاتَرْ دَ مِجِنْتَ يَمُتُ، سُثٜىٰ جِنْ‌غِنَ نٜىٰ؞

⁴ سُكَنْ تُورَ تَلَكَ دَغَ حَنْيَ، مَتَلَوْتَنْ دُونِيَا سُكَنْ غَنْسُ سُٻُيَ؞

⁵ ‏«‏غَاشِ، تَلَكَاوَا سُكَنْ ڢِتَ نٜىٰمَنْ عَبِنْثِ كَمَرْ جَاكُنَنْ دَاجِ أَ هَمَادَ، سُكَنْ ڢِتَ ڢَرَوْتَرْ عَبِنْثِ أَدَاجِ دُواْمِنْ یَیَنْسُ؞

⁶ سُكَنْ يِغِرْبِے أَغُواْنَرْ دَ بَتَاسُبَ، سُكُمَيِ كَالَنْ إِنَبِے دَغَ غُواْنَرْ مُوغُ؞

⁷ دُكَنْ دَرٜىٰ سُكَنْ ݣُونْتَ ڟِرَرَ بَابُ رِيغُنَ، بَا أَبِنْ رُڢُوَ كُمَ عَثِكِنْ سَنْيِ؞

⁸ سُكَنْ جِڧٜىٰ دَ ضُوً سَمَ مَيْ غَنْ‌غَرُواْوَ دَغَ تُدَّيْ، سُكَنْ ٻُواْيٜىٰ كَنْسُ أَغٜىٰڢٜىٰنْ دُوڟٜىٰ سُنَ نٜىٰمَنْ وُرِنْ ٻُيَ؞

⁹ ‏«‏غَاشِ، مُوغَيٜىٰ سُكَنْ ڨُوثٜىٰ جَرِرِ مَيْ شَنْ نُواْنُواْ، جَرِرِنْ دَ بَابَنْسَ يَمُتُ، سُرِڧٜىٰ، سُثٜىٰ جِنْ‌غِنَنٜىٰ؞

¹⁰ ‏«‏غَاشِ، تَلَكَاوَا سُكَنْيِ تَڢِيَ ڟِرَرَ بَابُ رِيغُنَ، دُكْ دَ يُنْوَرْ دَسُكٜىٰ ڢَامَ دَ عِتَ، دُواْلٜىٰ سُݣُوشٜىٰ دَمِ دَمٍ أَلْكَمَ؞

¹¹ سُكَنْ مَڟٜىٰ مَيْ دَغَ یَیَنْ ظَيْتُنْ، سُيِنِ أَوُرَارٜىٰنْ مَڟٜىٰ یَیَنْ إِنَبِے، عَمَّا سُو كَنْسُ سُنَ ڢَامَ دَ ڧِشِنْ ضُوَ؞

¹² عَثِكِنْ بِرْنِ، أَنَ جِنْ نِشٜىٰ نِشٜىٰنْ وَطَنْدَ سُكٜىٰ عَبَاكِنْ مُتُوَ، أَنَ جِنْ كُوكَنْ نٜىٰمَنْ تَيْمَكُواْ نَوَطَنْدَ عَكَيِ مُسُ رَوْنِ، عَمَّا اللَّهْ بَيْ بَادَ حَنْكَلِ غَ كُوكَنْسُبَ؞

¹³ ‏«‏غَاشِ، مُوغَيٜىٰ سُنَ غَابَادَ حَصْكٜىٰ، وَطَنْدَ بَسُ غَانٜىٰ دَ هَنْيُواْيِنْسَبَ، وَطَنْدَ بَاسَ بِنْ هَنْيُواْيِنْسَ؞

¹⁴ دَ سَسَّڢٜىٰ مَيْ كِسَنْ كَيْ يَكَنْ تَاشِ دُواْمِنْ يَكَشٜىٰ تَلَكَ دَ مَيْ بُڧَاتَ، دَ دَرٜىٰ كُمَ يَذَمَ ٻَرَوُاْ؞

¹⁵ عِدُوانْ مَيْ ظِنَ يَكَنْ جِرَا سَيْ دُهُ يَيِ، سَيْ يَٻُواْيٜىٰ ڢُسْكَرْسَ يَثٜىٰ، ‏‹‏بَابُ عِدُوانْ دَ ذَيْ غَنِّ؞›‏

¹⁶ دَ دَرٜىٰ سُكَنْ ڢَاطَوَ غِدَاجٜىٰ، دَ رَانَ كُمَ سُكُلّٜىٰ كَنْسُ أَطَاكِ، بَ ضُوَنْسُ دَ حَصْكٜىٰ؞

¹⁷ غَمَا أَغَرٜىٰسُ دُكَنْ بَڧِنْ دُهُ سَاڢِيَ ثٜىٰ، أَغَرٜىٰسُ كُمَ رَظَنَرْ بَڧِنْ دُهُ أَبُواْكِنٜىٰ؞

¹⁸ ‏«‏ثِكِنْ ڨِڢْتَوَرْ عِدُواْ، مُوغُ يَكَنْ ٻَثٜىٰ كَمَرْ كُمْڢَ عَكَنْ ضُوَ؞ أَنْ لَعَنْتَ رَبُوانْ ڧَسَرْدَ يَمَلَّكَ، بَا مَيْ مَڟٜىٰ یَیَنْ إِنَبِنْ دَظَيْبِے غُواْنَرْسَ؞

¹⁹ كَمَرْ يَدَّ ذَاڢِ دَ رَشِنْ ضُوَ، سُكَنْ سَا ڧَنْڧَرَ تَٻَثٜىٰ، حَكَ وُرِنْ ذَمَنْ مَتَتُّو يَكَنْيِ دَ مَيْ ذُنُوبِ؞

²⁰ مَامَرْ دَ تَحَيْڢٜىٰشِ ذَاتَ مَنْتَادَشِ، ڟُڟَ ذَاتَ جِ دَاطِنْ ثِنْيٜىٰ جِكِنْسَ، بَاوَنْدَ ذَيْ ڧَارَ تُنَ دَشِ، حَكَ ذَاعَ كَرْيَ رَشِنْ غَسْكِيَ كَمَرْ إِتَاثٜىٰ؞

²¹ ‏«‏مُوغُ يَكَنْ وُلَڧَنْتَ مَثٜىٰ وَدَّ بَاتَحَيْڢُوَ، بَايَ نُونَ أَلْحٜىٰرِ غَ مَثٜىٰنْ دَ مِجِنْتَ يَمُتُ؞

²² دُكْدَهَكَ، اللَّهْ يَنَدَ إِيكُواْ يَهَلَّكَ مَاسُ ڧَرْڢِے؞ كُواْدَيَكٜىٰ سُنَدَ ڧَرْڢِے، بَسُ دَ تَبَّثِنْ رَايُوَا؞

²³ اللَّهْ يَكَنْ بَرْسُ سُيِ ذَمَنْ لَاڢِيَ حَرْ مَا أَغُواْيِ بَايَنْسُ، عِدَنُونْسَ كُمَ سُنَ كَنْ هَنْيُواْيِنْ رَايُوَرْسُ؞

²⁴ مُوغُ يَكَنْيِ نَصَرَا نَطَنْ لُواْكَثِ بَدَ دَطٜىٰوَبَ سَيْيَٻَثٜىٰ؞ يَكَنْ تَاشِ كَمَرْ ڟِرُواْ، عَكَنْ يَنْكٜىٰشِ كَمَرْ كَنْ أَلْكَمَ؞

²⁵ ‏«‏تُواْ، إِنْ بَهَكَبَ، وَ ذَيْثٜىٰ إِنَ ڢَطِنْ ڧَضْيَا؟ كُواْ أَݣَويْ وَنْدَ ذَيْ نُونَ مَغَنَاتَ بَنْظَثٜىٰ؟»‏