أَيُوبَ 23 - أَتَّوْرَتْ دَ أَنَّبَاوَا

مَغَنَرْ أَيُوبَ تَتَݣُوسْ

¹ سَيْ أَيُوبَ يَأَمْسَ يَثٜىٰ،

² ‏«‏كُواْ يَوْ مَا، كُوكَنَ دَ ذَاڢِ يَكٜىٰ، دُكْ دَ ذَاڢِنْ كُوكَنَ حَنُّنْسَ يأَنَانً دَ نَوْيِ عَكَيْنَ؞

³ أَيَّ!‏ دَمَا عَثٜىٰ نَسَنْ عِنْدَ ذَنْ سَامٜىٰشِ، حَرْ مَا إِنْ كَيْ وُرِنْ ذَمَنْسَ!‏

⁴ دَنَكَيْ ڧَارَتَ أَغَبَنْسَ، إِنْ شِمْڢِطَا مَسَ دَلِيلَنْ ڧَارَتَ؞

⁵ نِے كُوَ ذَنْ سَنْ إِرِنْ أَمْسَرْ دَ ذَيْبَا نِے، إِنْكُمَ غَانٜىٰ أَبِنْدَ ذَيْ ڢَطَا مِنِ؞

⁶ كُواْ اللَّهْ ذَيْ يِغَابَادَنِے دَ دُكَنْ ڧَرْڢِنْسَ؟ أَعَ، بَاشَكَّ ذَيْ سَوْرَرِ مَغَنَاتَ؞

⁷ أَوُرِنْ نٜىٰ مَيْ غَسْكِيَ أَ ظُوثِ ذَيْ عِيَيِنْ مَغَنَ دَشِ، نَتَبَّتَا مَيْ شَرِيعَتَ ذَيْ نُونَ نِے مَرَرْ لَيْڢِے نٜىٰ حَرْ أَبَدَا؞

⁸ ‏«‏عَمَّا عِدَنْ نَا تَڢِے غَبَسْ، بَايَ ثَنْ، كُواْ دَمَا نَتَڢِے يَمَّ، بَنْ سَامٜىٰشِيبَ،

⁹ كُواْ نَا تَڢِے أَرٜىٰوَ مَا يَنَ عَٻُواْيٜىٰ، إِنْ نَا جُويَا كُدُ مَا، بَنْ غَنْ شِيبَ؞

¹⁰ عَمَّا يَسَنْ حَنْيَرْ دَ نَكٜىٰبِے؞ عِدَنْ يَا ڠُودَانِ، ذَنْ ڢِتَ ڟَبْ كَمَرْ ظِينَارِيَ؞

¹¹ ڧَڢَتَ تَڟَيَ دَرَمْ عَكَنْ حَنْيَرْسَ، نَكِيَايٜىٰ حَنْيَرْسَ، بَنْ كَوْثٜىٰ وَنِ غٜىٰڢٜىٰبَ؞

¹² بَنْ جَا بَايَ دَغَ عُمَرْنَنْ بَاكِنْسَبَ، عَمَّا أَ ذُوثِيَاتَ نَٻُواْيٜىٰ مَغَنَرْ بَاكِنْسَ؞

¹³ عَمَّا شِ كَطَيْنٜىٰ اللَّهْ، وَ ذَيْ يِغَابَادَشِ؟ أَبِنْ دَ يَكٜىٰسُواْ يَيِ، بَا مَيْ هَنَشِ؞

¹⁴ ذَيْثِكَ أَبِنْدَ يَڧَدَّرَ دُواْمِنَ، أَبُبُوَ دَيَوَ سُنَ ثِكِنْ تُنَانِنْسَ غَمٜىٰدَنِ؞

¹⁵ سَبُواْدَ حَكَ نَكَنْيِ ضَوَرْ جِكِے أَغَبَنْسَ، عِدَنْ نَيِ تُنَانِنْ دُكَنْ وَنَّنْ، نَكَنْ ڢِرْغِتَ؞

¹⁶ حَڧِيڧَ، اللَّهْ يَسَا ذُوثِيَاتَ تَمُتُ، مَيْ إِيكُواْ دُكَ نٜىٰ يَڟُواْرَتَرْ دَنِے؞

¹⁷ دُكْ دَ دُهُنْدَ يَكٜىٰوَيٜىٰنِ، يَكُمَ رُڢٜىٰ ڢُسْكَتَ، بَنْيِ شِضُبَ؞»‏