أَيُوبَ 22 - أَتَّوْرَتْ دَ أَنَّبَاوَا

أَمْسَرْ عٜىٰلِڢَظْ تَ عُكُ

¹ سَيْ عٜىٰلِڢَظْ مُتُمِنْ تٜىٰمَنْ يَأَمْسَ،

² ‏«‏يَيِوُ مُتُمْ يَذَمَ دَ أَمْڢَانِ غَ اللَّهْ؟ كُواْ مَڢِے حِكِمَ مَا ذَيْ عِيَ ذَمَ دَ أَمْڢَانِ أَغَرٜىٰشِ؟

³ أَدَلْثِنْكَ وَنِ أَبِنْ جِنْ دَاطِے غَ مَيْ إِيكُواْ دُكَ نٜىٰ؟ وَثٜىٰ رِيبَ ثٜىٰ ذَيْسَامُ أَ ذَمَنْكَ نَمَرَرْ لَيْڢِے؟

⁴ سَبُواْدَكَيْ مَيْ ڟُواْرُوانْ اللَّهْ نٜىٰ يَسَا يَنَ ڟَاوَتَا مَكَ، كُواْ يَنَ كَيْكَ وُرِنْ شَرِيعَ؟

⁵ أَعَ دَلِيلِنْ شِينٜىٰ مُغُنْتَارْكَ تَيِيَوَ، ذُنُبَنْكَ كُمَ بَسُ دَ إِيَاكَ!‏

⁶ بَابُ دَلِيلِ كَكَرْٻِ أَبِنْ جِنْ‌غِنَ دَغَ حَنُّنْ یَنْعُوَنْكَ، كَڨُوثٜىٰ رِيغُنَنْسُ كَبَرْسُ ڟِرَرَ؞

⁷ بَكَ بَادَ ضُوَ غَ مَيْ جِنْ ڧِشِنْ ضُوَبَ، كَكُمَ حَنَ وَ مَيْ جِنْ يُنْوَ عَبِنْثِ؞

⁸ غَاشِ، ڧَسَا تَذَمَ تَمَيْ إِيكُواْ، مَيْ ڢَضٍ جِنِ نٜىٰ يَكٜىٰ مُواْرٜىٰتَ؞

⁹ مَتَنْ دَ مَذَنْسُ سُكَ مُتُ، كَسَلَّمٜىٰسُ حَنُّ وُاْڢِ، مَرَايُ كُمَ كَيِ مُسُ دَنِّيَ حَرْ دَ وُلَڧَنْثِ؞

¹⁰ سَبُواْدَ حَكَنٜىٰ أَنْكٜىٰوَيٜىٰكَ دَ تَرْكُواْ عَتَكُواْوَنٜىٰ غٜىٰڢٜىٰ، ڢَرَتْ طَيَ ڟُواْرُواْ يَشَا ڧَرْڢِنْكَ؞

¹¹ شِيَسَا أَݣَويْ دُهُ حَرْ بَكَ عِيَ غَنِبَ، أَمْبَلِيَرْ ضُوَ كُمَ تَرُڢٜىٰكَ؞

¹² ‏«‏أَشٜىٰ، اللَّهْ بَعَثَنْ سَمَ يَكٜىٰبَ؟ دُوبَ تَوْرَرِ مَڢِے نٜىٰسَ، إِنَا مِصَالِنْ نِيسَنْسُ!‏

¹³ كَكُوَ ثٜىٰ، ‏‹‏يَيَ اللَّهْ يَسَنِ؟ تَيَيَا ذَيْ عِيَيِنْ شَرِيعَ تُنْدَ دُهُ يَرُڢٜىٰشِ؟

¹⁴ غِرْغِجٜىٰ مَيْ دُهُ يَرُڢٜىٰشِ، حَرْ بَايَ عِيَ غَنِ دَغَ ثَنْ، سَعَدَّ يَكٜىٰ تَڢِيَ عَكَنْ رُڢِنْ سَرَرِنْ سَمَ؞›‏

¹⁵ كُواْ كَيِ نِيَّ ذَاكَبِے إِرِنْ رَايُوَا تَدَا وَدَّ مُوغَيٜىٰ سُكَيِ تَڢِيَ عَثِكِنْتَ؟

¹⁶ عَكَ كَوَرْ دَسُو كَاڢِنْ سُكَيْ ݣُونَكِنْسُ، أَمْبَلِيَرْ ضُوَ تَشَرٜىٰ تُوشٜىٰنْ رَايُوَرْسُ؞

¹⁷ سُكَثٜىٰ وَ اللَّهْ، ‏‹‏رَبُ دَمُو!‏ مٜىٰنٜىٰنٜىٰ مَيْ إِيكُواْ دُكَ ذَيْ يِمَنَ؟›‏

¹⁸ عَمَّا شِينٜىٰ يَثِكَ غِدَنْسُ دَ أَلْبَرْكَ؞ إِرِنْ تُنَانِنْ مُوغَيٜىٰنَّنْ كُوَ بَ ضُوَنَ دَشِ!‏

¹⁹ مَاسُ أَدَلْثِے سُكَنْ غَ ڢَاطُوَرْ مُوغُ سُيِ ڢَضٍ ثِكِ، مَرَسَ لَيْڢِے سُكَنْيِ مُسُ دَارِيَارْ رٜىٰنِ،

²⁰ سُنَ ثٜىٰوَ ‏‹‏لَلَّيْ أَنْكَوَرْدَ أَبُواْكَنْ غَابَنْمُ، وُتَا تَلَشٜىٰ أَبِنْدَ سُكَ بَرِ؞›‏

²¹ ‏«‏يَنْذُ ڢَا، أَيُوبَ، شِرْيَ دَ اللَّهْ، دُواْمِنْ كَيِ ذَمَنْ لَاڢِيَ، تَهَكَنَنْ أَلْحٜىٰرِ ذَيْذُواْ مَكَ؞

²² كَرْٻِ كُواْيَرْوَا دَغَ بَاكِنْسَ، كَكُمَ ٻُواْيٜىٰ مَغَنَرْسَ أَ ذُوثِيَارْكَ؞

²³ سَيْ كَكُواْمَ غَ مَيْ إِيكُواْ دُكَ، كُواْمٜىٰ كُوَ ذَيْ دَاوُاْ مَكَ دَيْدَيْ؞ سَيْ كَكُمَ كَوَرْدَ دُكَنْ رَشِنْ غَسْكِيَ دَغَ غِدَنْكَ؞

²⁴ سَيْ كَمَيْدَ ظِينَارِيَرْكَ أَبِنْ بَنْظَ، ظِينَارِيَرْكَ مَڢِے ݣَوْ، كَمَيْدَ عِتَ كَمَرْ دُووَڟُنْ رَاڢِ؞

²⁵ إِنْ كَيِ حَكَ، مَيْ إِيكُواْ دُكَ ذَيْ ذَمَ ظِينَارِيَرْكَ، شِينٜىٰ كُمَ أَظُرْڢَرْكَ مَڢِے دَرَجَ؞

²⁶ ذَاكَ كُمَجِ دَاطِے ثِكِنْ مَيْ إِيكُواْ دُكَ، ذَاكَ عِيَ تَادَ ڢُسْكَرْكَ بَابُ كُنْيَا غَ اللَّهْ؞

²⁷ سَعَدَّ كَيِ أَدُّعَ أَغَرٜىٰشِ، ذَيْجِيكَ، كَيْ كُوَ ذَاكَ ثِكَ ضَنْڟُوَارْدَ كَيِ؞

²⁸ أَبِنْدَ كَيِ نِيَّرْ يِ، حَكَ ذَيْ كَسَنْثٜىٰ أَغَرٜىٰكَ، حَصْكٜىٰ كُمَ ذَيْ حَصْكَكَ حَنْيَرْ رَايُوَرْكَ؞

²⁹ سَعَدَّ اللَّهْ يَڧَسْڧَنْتَرْدَ وَطَنْسُ، ذَاكَثٜىٰ سَبُواْدَ غِرْمَنْ كَنْسُنٜىٰ، عَمَّا اللَّهْ يَكَنْ ثٜىٰثِ وَنْدَ عَكَ ڧَسْڧَنْتَرْ؞

³⁰ ذَيْ كُٻُتَرْدَ مَرَرْ لَيْڢِے، عِ، ذَيْثٜىٰثِ وَنْدَ بَاشِ دَ أَلْحَكِنْ لَيْڢِے؞»‏