أَيُوبَ 21 - أَتَّوْرَتْ دَ أَنَّبَاوَا

مَغَنَرْ أَيُوبَ تَبَݣَويْ

¹ أَيُوبَ يَأَمْسَ يَثٜىٰ،

² ‏«‏كَسَ كُنّٜىٰ دَݣَوْ غَ كَلْمُواْمِنَ، وَنَّنْ كُوَ ذَيْ ذَمَ مِنِ أَبِنْ تَعَظِيَّ؞

³ يِحَڧُرِ، كُبَانِ ظَرَڢِنْ مَغَنَ، إِنْ نَغَمَ سَيْ كُثِيغَبَدَ يِنْ بَعَرْكُ؞

⁴ نِے، ڧَارَتَ غَمٜىٰدَ طَنْ أَدَمْ تَكٜىٰ؟ عَكَنْ مٜىٰ إِنْ دِنْ‌غَ يِنْ حَڧُرِ؟

⁵ دُوبٜىٰنِ، أَشٜىٰ وَنَّنْ بَيْ إِسَ كُرَسَ أَبِنْ ڢَطَابَ؟ بَيْ إِسَ كُسَا حَنُّوَنْكُ عَبَاكِ سَبُواْدَ ڟَنَنِنْ مَامَاكِبَ؟

⁶ إِنْ نَيِ تُنَانِنْ كَيْنَ، سَيْ جِكِينَ يَمُتُ، جِكِينَ ذَيْ يِتَرَوَ سَبُواْدَ ڟَنَنِنْ ڢِرْغِتَ؞

⁷ ‏«‏مٜىٰيَسَا مُوغَيٜىٰ سُكَنْ دَطٜىٰ دَ رَيْ، سُڟُوڢَ، سُيِتَيِنْ أَرْزِڧِ؟

⁸ سُكَنْ تَبَّتَرْ ذُرِيَرْسُ تَكَڢُ، حَرْ سُغَ جِيكُواْكِنْسُ مَا سُنْ كَڢُ؞

⁹ غِدَاجٜىٰنْسُ لَاڢِيَ نٜىٰ، بَابُ أَبِنْ بَنْ ڟُواْرُواْ، سَنْدَنْ اللَّهْ نَحُكُنْثِ بَايَ تَٻَسُ؞

¹⁰ بِجِمَنْسُ سُنَ تَبَادَ یَیَ بَابُ ڢَاسَوَ، شَانُنْسُ سُنَ تَحَيْڢُوَ بَابُ ٻَرِنْ ثِكِ؞

¹¹ سُكَنْ بَرْ ڧأَنَانً يَارَنْسُ سُيِ وَسَ كَمَرْ غَرْكٜىٰنْ یَنْ تُمَكِ، سُنَ تَرَوَ دَ ڟَلّٜىٰ؞

¹² سُنَ رٜىٰرَ وَاڧَا دَ تَمْبُرَ دَ غَرَايَ، سُنَ مُرْنَ دَ جِنْ مُرْيَرْ بُوسَرْ سَرٜىٰوَ؞

¹³ سُكَنْيِ رَايُوَرْسُ عَثِكِنْ ذَمَنْ لَاڢِيَ، ثِكِنْ سَلَمَ سُغَنْ‌غَرَ ذُوَا وُرِنْ ذَمَنْ مَتَتُّو؞

¹⁴ سُونٜىٰ مَاسُ ثٜىٰ وَ اللَّهْ، ‏‹‏كَرَبُ دَمُو كَوَيْ!‏ بَامُ دَ مَرْمَرِنْ سَنِنْ هَنْيُواْيِنْكَ؞

¹⁵ وَنٜىٰنٜىٰ مَيْ إِيكُواْ دُكَ حَرْ دَ ذَامُ بَوْتَا مَسَ؟ وَثٜىٰ رِبَثٜىٰ أَغَرٜىٰمُ إِنْ مُكَيِ أَدُّعَ غَرٜىٰشِ؟›‏

¹⁶ غَاشِ، سُكَنْ طَوْكَ أَرْزِڧِنْسُ يَنَ عَ إِيكُوانْ حَنُّنْسُنٜىٰ؞ إِرِنْ تُنَانِنْ مُوغَيٜىٰنَّنْ كُوَ بَا ضُوَنَ دَشِ!‏

¹⁷ ‏«‏يَوْشٜىٰ عَكٜىٰكَشٜىٰ ڢِتِلَرْ رَايُوَرْ مُوغُ؟ يَوْشٜىٰ مَسِيڢَ تَكٜىٰ ڢَاطُواْوَ عَكَنْسُ؟ يَوْشٜىٰ اللَّهْ يَكٜىٰ رَبَ مُسُ ذَاڢِنْ ڢُشِنْسَ؟

¹⁸ يَوْشٜىٰ إِسْكَ تَكٜىٰ ݣُوسَنْسُ كَمَرْ بُوسَشِّيَرْ ثِيَوَ؟ يَوْشٜىٰ غُوغُوَ تَكٜىٰ كَوَرْدَسُو كَمَرْ دُوسَ؟ كُواْ كَطَنْ!‏

¹⁹ ‏«‏تُواْ، غَاشِ كُكَثٜىٰ، ‏‹‏اللَّهْ يَكَنْ حُكُنْتَ یَیَ سَبُواْدَ ذُنُوبِنْ إِيَايٜىٰ؞›‏ نِے إِنَ ثٜىٰوَ دَمَا اللَّهْ يَحُكُنْتَ مَاسُ يِنْ ذُنُوبِ، دُواْمِنْ سُجِ يَدَّ ذَاڢِنْ يَكٜىٰ؞

²⁰ بَرِ مُوغُ يَغَ هَلَّكَرْسَ دَ عِدُوانْسَ، بَرِ يَشَا ذَاڢِنْ ڢُشِنْ مَيْ إِيكُواْ دُكَ!‏

²¹ بَايَنْدَ ݣُونَكِنْ مُوغُنْ مُتُمْ سُنْ ڧَارٜىٰ، إِنَا ضُوَنْسَ دَ جِنْ دَاطِنْ عِيَلِنْسَ؟

²² ذَاعَكُواْيَاوَ اللَّهْ سَنِنٜىٰ، دَيَكٜىٰ شِينٜىٰ مَيْ شَرِيعَرْ مَاسُ مَڟَيِ؟

²³ عَڟَكِيَرْ ذَمَنْ لَاڢِيَ ذَاكَغَ وَنِ يَمُتُ، أَ رَايُوَرْسَ بَيْتَٻَ سَامِ مَڟِبَ سَيْ جِنْ دَاطِے،

²⁴ يَمُتُ يأَنَانً دَ ڧِبَرْسَ، ڧَسُسُوَنْسَ كُمَ ثِكٜىٰ دَ ڧَرْڢِے سُكٜىٰ؞

²⁵ عَمَّا وَنِ يَكَنْ مُتُ ثِكِنْ ٻَثِنْ ذُوثِيَا، بَيْتَٻَ سَنِنْ أَبِنْدَ عَكٜىٰثٜىٰ دَشِ جِنْ دَاطِے بَ؞

²⁶ دُكَنْسُ ثِكِنْ ڧُورَا ذَاعَ بِنّٜىٰسُ، ڟُڟُواْڟِ كُمَ ذَاسُ رُڢٜىٰسُ؞

²⁷ ‏«‏أَيْ، نَا سَنْ شِرْيٜىٰ شِرْيٜىٰنْكُ، دَ دَبَرُنْكُ نَيِنْ غَابَادَنِے؞

²⁸ كُكَثٜىٰ، ‏‹‏يَنْذُ ڢَا إِنَا غِدَنْ بَبَّنْ مُتُمِنْ؟ إِنَا تٜىٰنْتِنْ دَ دَا مُوغُنَّنْ يَكٜىٰدَ ذَمَ؟›‏

²⁹ أَشٜىٰ، بَكُ تَٻَ تَمْبَيَرْ مَاسُ تَڢِيٜىٰ تَڢِيٜىٰ أَ حَنْيَبَ؟ بَكُ كُمَ أَمِنْثٜىٰ دَ شَيْدَرْ دَسُكَ بَايَرْبَ؟

³⁰ أَيْ، بِسَغَ شَيْدَرْسُ، عَكَنْ بَرْ مُوغُ أَ رَانَرْ مَسِيڢَ، عَكَنْ كُٻُتَرْدَ مُوغُ أَ رَانَرْ ڢُشِنْ اللَّهْ؞

³¹ وَنٜىٰنٜىٰ ذَيْ عِيَ ڟَاوَتَا وَمُوغُ عِدُواْ دَ عِدُواْ؟ وَنٜىٰنٜىٰ ذَيْ عِيَ رَامَ مَسَ أَبِنْدَ يَيِ؟

³² سَعَدَّ عَكَ كَيْشِ ذُوَا كَبَرِ، ذَاعَ غِرْمَمَشِ، أَسَا مَاسُ غَادِ عَكَبَرِنْسَ؞

³³ مُتَنٜىٰ مَاسُيَوَ ذَاسُ كَسَنْثٜىٰ أَبِنّٜىٰوَرْسَ، سُنَ أَ جٜىٰرٜىٰ غَبَ دَ بَايَ، ڧُورَرْ كَبَرِ مَا ذَاتَ مَرَبْثٜىٰشِ؞

³⁴ ‏«‏يَيَ ڢَا تَعَظِيَّرْكُ تَبَنْظَ ذَاتَ ݣُونْتَرْ مِنِ دَ ذُوثِيَا؟ دُكَنْ أَبِنْدَ يَڢِتُواْ دَغَ بَاكِنْكُ، ڧَضْيَا نٜىٰ!‏»‏