أَيُوبَ 19 - أَتَّوْرَتْ دَ أَنَّبَاوَا

مَغَنَرْ أَيُوبَ تَشِدَ

¹ سَيْ أَيُوبَ يَأَمْسَ يَثٜىٰ،

² ‏«‏حَرْ يَوْشٜىٰ ذَاكُيِ تَبَانِ عَذَابَ، كُكُمَ ڢَرْڢَشٜىٰنِ دَ كَلْمُواْمِنْكُ؟

³ سَوْ غُواْمَ كٜىٰنَنْ كُكٜىٰ تَجِبْغَ مِنِ ذَاغِ، بَ كُجِ كُنْيَا يَدَّ كُكَ وُلَڧَنْتَرْ دَنِے بَ؟

⁴ كُواْ دَمَا دَ غَسْكِيَانٜىٰ نَيِ كُسْكُرٜىٰ، أَيْ، كُسْكُرٜىٰنْ يأَنَانً نٜىٰ عَكَيْنَ؞

⁵ عِدَنْ دَ غَسْكٜىٰ كُكَ طَوْكَ كُنْ ڢِينِ، كُكَ كُمَ طَوْكَ ڧَسْڧَنْثِنَ تَبَّثِنْ لَيْڢِينَ نٜىٰ،

⁶ سَيْ كُسَنِ اللَّهْ نٜىٰ يَسَا نِے ثِكِنْ عَذَابَرْ نَنْ شِ يَكٜىٰوَيٜىٰنِ دَ تَرْكُوانْسَ؞

⁷ كُواْ دَ نَيِ إِيهُ ثٜىٰوَ ‏‹‏أَنَ يِمِنِ تَاوَيٜىٰ!‏›‏ بَنْ سَامِ أَمْسَبَ، نَيِ كِرَنْ نٜىٰمَنْ شَرِيعَرْ غَسْكِيَ، عَمَّا بَنْ سَامُبَ؞

⁸ اللَّهْ يَرُڢٜىٰ حَنْيَتَ بَنْ عِيَ وُثٜىٰوَبَ، يَكُمَ رُڢٜىٰ حَنْيَتَ دَ دُهُ؞

⁹ يَتُوٻٜىٰ دَرَجَتَ دَغَ غَرٜىٰنِ، يَڨُوثٜىٰ مِنِ هُولَرْ غِرْمَ دَغَ كَيْنَ؞

¹⁰ يَكَكَّرْيَ نِے دَغَ كُواْوَنٜىٰ غٜىٰڢٜىٰ، تَاوَتَاڧَارٜىٰ، يَتُمْٻُكٜىٰ سَا ذُوثِيَاتَ كَمَرْ يَدَّ عَكَيِ دَ إِتَاثٜىٰ؞

¹¹ يَكُنَّ ڢُشِنْسَ غَابَادَنِے، يَطَوْكٜىٰنِ كَمَرْ أَبُواْكِنْ غَابَنْسَ؞

¹² يَعَيْكُواْ دَ ضُنْدُنَارْ سُواْجُواْجِنْسَ سُڢَاطَ مِنِ، سُنْ تُواْنَ رَامِ كٜىٰوَيٜىٰ دَنِے، سُكَ كَڢَ ذَنْ‌غُواْ كٜىٰوَيٜىٰ دَ تٜىٰنْتِنَ؞

¹³ ‏«‏يَسَ یَنْعُوَنَ سُنْيِ نِيسَ دَنِے، وَطَنْدَ دَا سُنْ سَنِّ، نَذَمَ كَمَرْ بَڧُواْ أَغَرٜىٰسُ؞

¹⁴ دَنْ‌غِنَ سُنْبَرْنِ، أَبُواْكَيْنَ نَكُسَ سُنْ مَنْتَادَنِے؞

¹⁵ بَڧِنْ دَ سُكَ سَوْكَ غِدَانَ دَ بَايِنَ مَتَ سُنْ طَوْكٜىٰنِ بَڧُواْ، أَعِدُوانْسُ نَذَمَ كَمَرْ وَنِ دَغَ وَتَ ڧَسَا؞

¹⁶ نَا كِرَا بَاوَنَ، عَمَّا يَڧِ يَأَمْسَ، كُواْ دَنِے كَيْنَ نَدُرْڧُسَ نَا ضُواْڧٜىٰشِ؞

¹⁷ وَرِنْ نُمْڢَشِنَ أَبِنْ ڨَمَ نٜىٰ غَ مَاتَتَ، نِے كَيْنَ أَبِنْ ڨَمَ نٜىٰ غَ یَیَنَ؞

¹⁸ حَرْ مَا یَنْ يَارَا سُنْڧِينِ، سَعَدَّ نَمِيڧٜىٰ ڟَيٜىٰ نَذَمَ أَبِنْ دَارِيَا؞

¹⁹ دُكَنْ أَبُواْكَيْنَ نَكُرْكُسَ كَلُّوانْ ڨَمَ سُكٜىٰيِ مِنِ، وَطَنْدَ نَكٜىٰ ڧَوْنَرْسُ سُنْ جُويَا مِنِ بَايَ؞

²⁰ نَذَمَ ڧَسُسُوَ، حَرْ مَا أَنَ عِيَ ڧِرْغَوَ دَغَ ڢَتَرْ جِكِينَ، دَݣَرْ نَڟِيرَا دَغَ بَاكِنْ مُتُوَ؞

²¹ يَا كُو أَبُواْكَيْنَ، كُجِ تَوْسَيِنَ!‏ غَمَا حَنُّنْ اللَّهْ يَبُغٜىٰنِ؞

²² دُوانْمٜىٰ ذَاكُ ڟَنَنْتَ مِنِ كَمَرْ يَدَّ اللَّهْ يَيِ؟ عَذَابَرْ دَ عَكٜىٰبَانِ بَيْ إِشٜىٰكُبَ؟

²³ ‏«‏دَمَا أَ رُبُوتَ كَلْمُواْمِنْ دَ نَكٜىٰ ڢَطَا مَنَ!‏ دَمَا أَرُبُوثٜىٰ سُكٜىٰ أَ نَطَطّٜىٰنْ لِتَّڢِ!‏

²⁴ دَ أَ ذَانَسُ دَ أَبِنْ رُبُوتُو نَڧَرْڢٜىٰ، سُتَبَّتَا عَكَنْ دُوڟٜىٰ حَرْ أَبَدَا!‏

²⁵ نِے دَيْ نَسَنِ مَيْ ڢَنْسَتَ يَنَدَ رَيْ، عَڧَرْشٜىٰ ذَيْذُواْ يَڟَيَ مِنِ؞

²⁶ بَايَنْ ڢَتَرْ جِكِينَ يَلَلَثٜىٰ، أَوَنَّنْ جِكِے ذَنْ‌غَ اللَّهْ؞

²⁷ نِے دَكَيْنَ ذَنْ‌غَنْشِ عِدُواْ دَ عِدُواْ، بَ كُوَ ذَيْ ذَمَ بَڧُواْ أَغَرٜىٰنِبَ، ذُوثِيَاتَ تَنَ مَرْمَرِنْ لُواْكَثِنَّنْ؞

²⁸ ‏«‏عِدَنْ كُكَثٜىٰ، ‏‹‏تَيَيَا ذَامُ ڟَنَنْتَ مَسَ؟›‏ كُواْ كُثٜىٰ، ‏‹‏تُوشٜىٰنْ دَامُوَرْ أَوُرِنْسَ يَكٜىٰ،›‏

²⁹ تُواْ، سَيْ كُجِڟُواْرُوانْ تَكُواْبِے، غَمَا ڢُشِے يَكَنْ جَٰوُاْ حُكُنْثِنْ تَكُواْبِے؞ كُسَنِ ڢَا أَݣَويْ حُكُنْثِ!‏»‏