أَيُوبَ 18 - أَتَّوْرَتْ دَ أَنَّبَاوَا

أَمْسَرْ بِلْدَدْ تَبِيُ

¹ سَيْ بِلْدَدْ مُتُمِنْ شُوحُ يَأَمْسَ يَثٜىٰ،

² ‏«‏حَبَ، أَيُوبَ، يَوْشٜىٰ ذَاكَ دَيْنَ يِنْ مَغَنْ‌غَنُ؟ يِتُنَانِ، سَعَنً ذَامُيِ مَغَنَ؞

³ مٜىٰيَسَا كَطَوْكٜىٰمُ كَمَرْ دَبُّواْبِے؟ أَغَنِنْكَ مُو مَرَسَ تُنَانِ نٜىٰ؟

⁴ كَيْ كَيِ وَكَنْكَ رَوْنِ ثِكِنْ ڢُشِنْكَ، تُواْ، دُونِيَا ذَاتَ ڧَارٜىٰ سَبُواْدَكَيْ؟ كُواْ، عَثِثِّرٜىٰ دُوَڟُو سَبُواْدَكَيْ؟

⁵ ‏«‏لَلَّيْ، ذَاعَ كَشٜىٰ حَصْكٜىٰنْ مُوغُ، هَرْشٜىٰنْ وُتَرْسَ بَذَيْ ڧَارَ حَصْكَكَاوَا بَ؞

⁶ حَصْكٜىٰنْ تٜىٰنْتِنْسَ يَيِ دُهُ، ڢِتِلَرْ دَتَكٜىٰ أَوُرِنْ تَمُتُ؞

⁷ ڧَرْڢِنْ تَڢِيَرْ مُوغُ، أَنْرَغٜىٰشِ، شَوَرَرْ كَنْسَ تَسَا يَڢَاطِ؞

⁸ ڧَڢَرْ مُوغُ تَكَنْ كَيْ شِ ثِكِنْ تَرْكُواْ، مُوغُ يَكَنْ ڢَاطِ عَثِكِنْ رَامِنْ دَ عَكَ حَڧَ؞

⁹ تَرْكُواْ يَكَنْ كَامَ شِ عَڧَڢَرْسَ، تَرْكُوانْ يَكَنْ رِڧٜىٰشِ كَمْكَمْ؞

¹⁰ أَنْ بِنّٜىٰ إِغِيَرْ تَرْكُواْ عَڧَسَا دُواْمِنْسَ، أَنْكَڢَ مَسَ تَرْكُواْ عَكَنْ حَنْيَ؞

¹¹ رَظَنَ تَڟُواْرَتَرْ دَشِ عَكُواْوَنٜىٰ غٜىٰڢٜىٰ، دُكْ عِنْدَ يَنُڢَ تَنَ بِنْسَ؞

¹² يُنْوَ تَثِنْيٜىٰ ڧَرْڢِنْسَ، مَسِيڢَ تَنَ جِرَا يَيِ تُنْتُٻٜىٰ؞

¹³ مُومُّنَنْ ثِيوُاْ يَثِنْيٜىٰ ڢَتَرْ جِكِنْسَ، إِيكُوانْ مُتُوَ يَثِنْيٜىٰ غَٻُواْٻِنْسَ؞

¹⁴ أَنْ ثَڢْكٜىٰشِ دَغَ تٜىٰنْتِنْ دَيَكٜىٰ ڟَرٜىٰشِ، عَكَ كَيْ شِ وُرِنْ سَرْكِنْ مُتُوَ مَيْ بَنْ رَظَنَ؞

¹⁵ بَاوَنْدَ ذَيْ عِيَ ذَمَ عَتٜىٰنْتِنْسَ، غَمَا ڢَرَرْ وُتَا مَيْ وَرِ عَكَ بَظَ أَوُرِنْ ذَمَنْسَ؞

¹⁶ سَيْوُاْيِنْسَ سُكَ بُوشٜىٰ عَڧَسَا، رَسَّنْسَ أَ سَمَ سُكَ بُوشٜىٰ؞

¹⁷ تُنَاوَا دَشِ عَدُونِيَا يَٻَتَ، سُونَنْسَ مَا أَنْمَنْتَادَشِ عَدُونِيَا؞

¹⁸ دَغَ حَصْكٜىٰ أَنْكُواْرٜىٰشِ ذُوَا دُهُ، أَنْڢِتَرْ دَشِ دَغَ دُونِيَرْ مَاسُ رَيْ؞

¹⁹ بَاشِ دَ یَیَ بَلّٜىٰ ذُرِيَ عَثِكِنْ جَمَعَرْسَ، بَاوَنْدَ يَڟِيرَا أَ عِنْدَ دَا يَكٜىٰدَ ذَمَ؞

²⁰ سَبُواْدَ يَدَّ ڧَرْشٜىٰنْسَ يَكَسَنْثٜىٰ، مُتَنٜىٰ دَغَ يَمَّ سُكَ رَسَ أَبِنْ ڢَطَا، مُتَنٜىٰ دَغَ غَبَسْ كُمَ ڢِرْغِتَ تَكَامَسُ؞

²¹ حَڧِيڧَ، حَكَ ڧَرْشٜىٰنْ وُرِنْ مَرَرْ ڟُواْرُوانْ اللَّهْ يَكٜىٰ، حَكَ ڧَرْشٜىٰنْ وُرِنْ مَرَرْ سَنِنْ اللَّهْ؞»‏