أَيُوبَ 17 - أَتَّوْرَتْ دَ أَنَّبَاوَا

أَيُوبَ يَثِيغَبَ دَ يِنْ مَغَنَ

¹ ‏«‏نَا ڢِدَّ ذُوثِيَا، ݣُونَكِنَ سُنْ كَيْ غَ ڧَارٜىٰوَ، كَبَرِ نٜىٰ كَطَيْ يَضَغٜىٰ مِنِ؞

² لَلَّيْ، مَاسُ يِمِنِ بَعَ سُنْ كٜىٰوَيٜىٰنِ، حَلِنْسُ نَبَنْ هَوْشِنٜىٰ كَطَيْ عِدَنُونَ سُكٜىٰ غَنِ؞

³ يَا اللَّهْ، كَتَبَّتَا ذَاكَ ڟَيَ مِنِ؞ بَنْ دَكَيْ، وَنٜىٰنٜىٰ ذَيْ ڟَيَ مِنِ؟

⁴ تُنْدَ كَيْ كَا ٻُواْيٜىٰ غَانٜىٰوَ دَغَ تُنَانِنْسُ، بَذَاكَ يَرْدَ سُيِ نَصَرَبَ؞

⁵ بِسَغَ كَرِنْ مَغَنَ، ‏‹‏دُكْ وَنْدَ يَثِ أَمَانَرْ أَبُواْكَنْسَ سَبُواْدَ كُطِ، یَیَنْسَ ذَاسُ شَا وَهَلَ دَ يُنْوَ؞›‏

⁶ ‏«‏كَيْ كَمَيْدَنِ أَبِنْ مِصَالِ غَ مُتَنٜىٰ، نَذَمَ وَنْدَ مُتَنٜىٰ سُكٜىٰ تُواْڢَ مَسَ مِيَوْ؞

⁷ سَبُواْدَ ڟَنَنِنْ بَڧِنْ ثِكِ عِدَنُونَ سُنْ دُهُنْتَ، غَٻُواْٻِنْ جِكِينَ سُنْ رَمٜىٰ، نَذَمَ كَمَرْ ڟِنْكٜىٰ؞

⁸ مَاسُ غَسْكِيَ أَ ظُوثِ سُنْ رَسَ أَبِنْ ڢَطَا، مَرَرْ لَيْڢِے يَدَامُ سُواْسَيْ عَكَنْ مَرَسَ ڟُواْرُوانْ اللَّهْ؞

⁹ دُكْدَهَكَ، مَيْ أَدَلْثِے يَرِڧٜىٰ حَنْيَرْسَ، وَطَنْدَ سُكٜىٰ دَ ڟَبْتَ، حَنُّوَنْسُ سُنَيِ تَڧَارَ ڧَرْڢِے؞

¹⁰ ‏«‏يَنْذُ دَيْ، كُو دُكَنْكُ كُدَاوُاْ كُڧَارَ يِنْ ڧُواْڧَرِ، عَمَّا نَسَنِ بَذَنْ تَرَرْ دَ مَيْ حِكِمَ عَثِكِنْكُبَ؞

¹¹ ݣُونَكِنَ سُنْ كَيْ غَ ڧَارٜىٰوَ، شِرْيٜىٰ شِرْيٜىٰنَ سُنْ لَلَثٜىٰ، حَرْ مَا دَ نِيَّرْ ذُوثِيَاتَ؞

¹² أَبُواْكَيْنَ سُكَثٜىٰ دَرٜىٰ شِينٜىٰ رَانَ، سُكَ كُمَثٜىٰ ‏‹‏حَصْكٜىٰ يَيِ كُسَ›‏، عَمَّا نِے دَيْ، دُهُ نَكٜىٰ غَنِ؞

¹³ بَا نِے دَ سَوْرَنْ سَا ذُوثِيَا، عِدَنْ نَا سَا عِدُواْ إِنْيِ غِدَانَ أَوُرِنْ ذَمَنْ مَتَتُّو، عِدَنْ نَا شِمْڢِطَا تَبَرْمَتَ أَدُهُ،

¹⁴ عِدَنْ نَا ثٜىٰ وَكَبَرِ، ‏‹‏كَيْنٜىٰ بَابَنَ›‏، غَ ڟُڟَ كُمَ، ‏‹‏كٜىٰثٜىٰ مَامَاتَ›‏ كُواْ ‏‹‏یَرْعُوَتَ،›‏

¹⁵ تُواْ، إِنَا ڢَا أَبِنْدَ نَسَا ذُوثِيَاتَ غَرٜىٰشِ؟ وَ ذَيْ غَ وَنِ وُرِنْ دَ ذَنْسَا ذُوثِيَاتَ؟

¹⁶ أَعَ، سَا ذُوثِيَاتَ ذَاتَ غَنْ‌غَرَ تَرٜىٰدَنِ ثِكِنْ كَبَرِ، تَرٜىٰ ذَامُ هُوتَ عَثِكِنْ ڧُورَرْ ڧَسَا؞»‏