أَيُوبَ 16 - أَتَّوْرَتْ دَ أَنَّبَاوَا

مَغَنَرْ أَيُوبَ تَبِيَرْ

¹ سَيْ أَيُوبَ يَأَمْسَ يَثٜىٰ،

² ‏«‏نَارِغَا نَا جِ إِرِنْ أَبُبُوَنَّنْ دَيَوَ، دُكَنْكُ، إِرِنْ تَعَظِيَّرْكُ تَ عَذَابَ ثٜىٰ؞

³ حَبَ، مَغَنْ‌غَنُنْ بَنْظَ بَسُ دَ ڧَرْشٜىٰ نٜىٰ؟ مٜىٰ يَدَامٜىٰكَ دَ كَكٜىٰيِتَيِنْ مَغَنَ حَكَ؟

⁴ دَاعَثٜىٰ كُنَ أَمَڟَيِنْ دَ نَكٜىٰ ثِكِ، دَ نِے مَا ذَنْيِ مَغَنَ كَمَرْكُ، دَ ذَنْيِ تَڢَطَا مَغَنْ‌غَنُ عَكَنْكُ، حَرْ مَا إِنْكَطَ مُكُ كَيْ نَرٜىٰنِ؞

⁵ دَ بَاكِ كَوَيْ ذَنْ ڧَرْڢَڢَاكُ، تَعَظِيَّرْ بَاكِنَ ذَاتَ بَاكُ سَوْڧِ؞

⁶ ‏«‏كُواْ دَ نَيِ مَغَنَ، ذَاڢِنْ دَ نَكٜىٰ ڢَامَ دَشِ بَذَيْ ڧَارٜىٰبَ، كُواْ دَ نَيِ شِضُ، وَنٜىٰ سَوْڧِ نَسَامُ؟

⁷ يَا اللَّهْ، دُوبَ يَدَّ كَتَارَ مِنِ غَاجِيَ، كَلَلَتَرْ دَنِے دَ دُكَنْ جَمَعَتَ؞

⁸ كَاسَ نَا بُوشٜىٰ، وَنَّنْ يَذَمَ شَيْدَ عَكَيْنَ، رَمٜىٰوَتَ مَيْ ڟَنَنِ، أَنْطَوْكٜىٰتَ شَيْدَرْ لَيْڢِينَ كٜىٰنَنْ؞

⁹ عَثِكِنْ ڢُشِنْسَ يَيَيَّاغٜىٰنِ، يَڧِ جِنِنَ، يَثِظَ هَڧُواْرِنْسَ عَكَيْنَ، شِ أَبُواْكِنْ غَابَنَ يَنَ كَلُّواْنَ دَ عِدُوانْ ڧِيَيَّ؞

¹⁰ مُتَنٜىٰ سُكَيِ مِنِ بَعَ دَ بَاكِنْسُ عَبُوطٜىٰ، ثِكِنْ رٜىٰنِ سُكَ مَرٜىٰنِ عَكُمَتُ، سُكَ تَتَّارُ عَكَيْنَ؞

¹¹ اللَّهْ يَبَاشٜىٰنِ أَ حَنُّنْ مَرَسَ حَلِنْ اللَّهْ، يَجٜىٰڢَرْ دَنِے أَ حَنُّنْ مُوغَيٜىٰ؞

¹² دَا مَا إِنَ ذَمَنَ ثِكِنْ سَلَمَ، سَيْ يَڟَٰغٜىٰنِ، يَثَڢْكٜىٰنِ أَوُيَ، يَبُغَنِ عَڧَسَا؞ يَمَيْشٜىٰنِ أَبِنْدَ عَكٜىٰسُواْ أَ هَرْبَ،

¹³ يَسَا مَاسُ هَرْبِے دَ بَكَ سُكٜىٰوَيٜىٰنِ، كِبِيُواْيِنْسُ سُنْ سُواْسُّواْكٜىٰنِ بَابُ تَوْسَيِ، حَرْ يَسَا هَنْجِنْ ثِكِنَ سُكَ ظُبٜىٰ عَڧَسَا؞

¹⁴ عَكَيْ عَكَيْ يَيِتَيِ مِنِ رَوْنِ، كَمَرْ مَيْ عِيَ يَاڧِ يَيِ تَڢَاطَ مِنِ؞

¹⁵ رِغَرْ نُونَ بَڧِنْ ثِكِ تَذَمَ مِنِ ڢَتَرْ جِكِے، نَظُبَرْدَ دَرَجَتَ ثِكِنْ ذَمَ عَڧُورَا؞

¹⁶ عِدَنُونَ سُنْيِ جَاوُرْ دُوانْ ڟَنَنِنْ كُوكَا، دُهُنْ مُتُوَ يَرُڢٜىٰ ڢُسْكَتَ،

¹⁷ كُواْدَيَكٜىٰ بَنْسَا حَنُّوَنَ ثِكِنْ تَادَ ظَوْنٜىٰ ڟَيٜىٰبَ، أَدُّعَتَ كُمَ مَيْ ڟَبْتَثٜىٰ؞

¹⁸ ‏«‏يَا كٜىٰ ڧَسَا، كَدَ كِرُڢٜىٰ لَيْڢِنْدَ عَكَيِ مِنِ!‏ كَدَ كِبَرْ كُوكَنَ نَنٜىٰمَنْ شَرِيعَرْ غَسْكِيَ يَكَاسَ سَامُنْ كَرْٻُوَ؞

¹⁹ كُواْ يَنْذُ مَا مَيْيِ مِنِ شَيْدَ يَنَ ثِكِنْ سَمَ، شِے وَنْدَ يَكٜىٰ ڟَيَ مِنِ يَنَ ثَنْ أَ سَمَ؞

²⁰ مَاسُيِ مِنِ بَعَ سُونٜىٰ أَبُواْكَيْنَ، ثِكِنْ هَوَيٜىٰ إِنَ جِرَا اللَّهْ يَأَمْسَ كُوكَنَ؞

²¹ دَاعَثٜىٰ وَنِ يَڟَيَ ڟَكَانِينَ دَ اللَّهْ، كَمَرْ يَدَّ مَڨُوبْثِ يَكَنْيِ وَ أَبُواْكِنْسَ؞

²² غَمَا نَنْ دَ شٜىٰكَرُ كَطَنْ، ذَنْ تَڢِے عِنْدَ بَعَكُواْمُواْوَ؞»‏