أَيُوبَ 14 - أَتَّوْرَتْ دَ أَنَّبَاوَا

أَيُوبَ يَثِيغَبَ دَ يِنْ أَدُّعَ

¹ ‏«‏طَنْ ءَادَمُ حَيْڢُوَرْ مَثٜىٰ نٜىٰ، ݣُونَكِنْسَ كَطَنْ نٜىٰ، ثِكٜىٰ كُمَ دَ وَهَلَ سُكٜىٰ؞

² شِ كَمَرْ ڢُلَوَ تَ دَاجِ نٜىٰ، يَكَنْ ڢِتُواْ بَايَ دَطٜىٰوَ سَيْ يَبُوشٜىٰ؞ شِ كَمَرْ إِنُوَ نٜىٰ، يَنَ وُثٜىٰوَ بَايَ دَطٜىٰوَ؞

³ عَكَنْ إِرِنْ وَنَّنْ نٜىٰ ذَاكَ كَڢَ عِدَنُونْكَ؟ إِرِنْ مُتُمْ كَمَرْ نِنٜىٰ ذَاكَ جَٰوُاْ ذُوَا شَرِيعَ؟

⁴ وَنٜىٰنٜىٰ ذَيْڢِتَرْدَ أَبُ مَيْ ڟَبْتَ دَغَ ثِكِنْ أَبُ مَرَرْ ڟَبْتَ؟ بَابُ كُواْ طَيَ!‏

⁵ تُنْدَ عَكَ ڧَدَّرَ ݣُونَكِنْ مُتُمْ تُنْ ثَنْ، كَا سَنْ يَوَنْ وَتَنِّنْسَ، كَكُمَ كَڢَ مَسَ إِيَاكَرْ دَ بَذَيْ وُثٜىٰبَ،

⁶ تُواْ، سَيْ كَطَوْكٜىٰ مَسَ عِدُوانْكَ مَنَ، كَرَبُ دَشِ، يَجِ دَاطِنْ ݣُونَكِنْ ڢَامَرْسَ كَمَرْ طَنْ عَيْكِنْ لٜىٰبُرَ!‏

⁷ ‏«‏أَݣَويْ سَا ذُوثِيَا غَ إِتَاثٜىٰنْ دَ عَكَ سَارٜىٰ، عِدَنْ عَكَ يَنْكَ شِ، ذَيْسَاكٜىٰ ڟِيرَا، ذَيْسَاكٜىٰ ڢِتَرْدَ سَابَبِّنْ رَسَّ؞

⁸ كُواْدَيَكٜىٰ جِجِيُواْيِنْسَ سُنْ ڟُوڢَ عَڧَسَا، غِنْدِنْسَ يَمُتُ عَثِكِنْ ڧَسَا،

⁹ عِدَنْ عَكَ ظُبَ مَسَ ضُوَ، ذَيْ تُواْهُ، يَسَاكٜىٰ ڢِتَرْدَ رَسَّ كَمَرْ سَابُوانْ إِتَاثٜىٰ؞

¹⁰ عَمَّا مُتُمْ إِنْ يَمُتُ، ڧَرْشٜىٰنْسَ كٜىٰنَنْ، طَنْ أَدَمْ يَكَنْ سَكٜىٰ نُمْڢَشِ نَڧَرْشٜىٰ، عَ إِنَا نٜىٰ يَكٜىٰ يَنْذُ؟

¹¹ كَمَرْ يَدَّ ضُوً تَڢْكِ يَكَنْ بُوشٜىٰ، كُواْغِ كُمَ يَكَنْ شَنْيٜىٰ حَرْ يَبُوشٜىٰ،

¹² حَكَ طَنْ أَدَمْ يَكَنْ مُتُ، بَذَيْسَاكٜىٰ تَاشِبَ كُمَ؞ یَنْ ءَادَمُ بَذَاسُ سَاكٜىٰ ڢَرْكَاوَا بَ، كُواْ سُتَاشِ دَغَ بَرْثِنْسُ بَ سَمْ، حَرْ سَمَّيْ سُشُوطٜىٰ؞

¹³ ‏«‏يَا اللَّهْ، دَمَا كَٻُواْيٜىٰنِ أَوُرِنْ ذَمَنْ مَتَتُّو، دَ كَٻُواْيٜىٰنِ حَرْ سَيْ ڢُشِنْكَ يَهُوثٜىٰ، سَعَنً كَسَا رَانَرْ دَ ذَاكَتُنَ دَنِے!‏

¹⁴ دَاعَثٜىٰ طَنْ أَدَمْ يَكَنْ مُتُ، يَسَاكٜىٰ رَايُوَا كُمَ، أَيْ دَ ذَنْيِ تَجِرَا دُكَنْ ݣُونَكِنْ عَيْكِنَ، حَرْ لُواْكَثِنْ دَ مَيْ كَرْٻٜىٰنِ ذَيْذُواْ؞

¹⁵ سَعَنً ذَاكَ كِرَنِ، نِے كُوَ ذَنْ أَمْسَ مَكَ، ذَاكَيِ مَرْمَرِنَ، نِے عَيْكِنْ حَنُّوَنْكَ؞

¹⁶ سَعَنً ذَاكَ لُورَ دَ دُكَنْ حَنْيَرْ رَايُوَتَا، بَذَاكَ كُمَ كَڢَ عِدُواْ عَكَنْ ذُنُوبِنَبَ؞

¹⁷ ذُنُبَنْ غَنْ‌غَنْثِنَ، ذَاعَ ٻُواْيٜىٰسُ عَثِكِنْ جَكَ ذَاكَ رُڢٜىٰ دُكَنْ لَيْڢِنْدَ نَتَٻَيِ؞

¹⁸ ‏«‏عَمَّا أَمَيْمَكُوانْ حَكَ، كَمَرْ يَدَّ بَبَّنْ تُدُ يَكَنْ ڢَاطِ يَڢَرْڢَسَ، يَدَّ عَكَنْ كَوَرْدَ دُوَڟُو دَغَ وُرِنْسُ،

¹⁹ يَدَّ ضُوَ مَا يَكَنْ ثِنْيٜىٰ دُوَڟُو، يَدَّ ضُوً سَمَ مَيْ ڧَرْڢِے يَكَنْ ݣُوشٜىٰ ڧَسَا، حَكَ كَيْ كَكَنْ هَلَّكَ سَا ذُوثِيَارْ طَنْ أَدَمْ؞

²⁰ كَكَنْيِ تَضَغٜىٰ ڧَرْڢِنْ طَنْ أَدَمْ، يَكَنْ كُمَ شُوطٜىٰ؞ كَكَنْ ثَنْجَ ڢُسْكَرْسَ، حَرْ غَ مُتُوَ؞

²¹ یَیَنْسَ سُكَنْ سَامِ غِرْمَ، عَمَّا شِ بَايَ سَنِ، كُواْ سُنْ شَا ڧَسْڧَنْثِ، شِ بَذَيْ غَانٜىٰبَ؞

²² أَبِنْدَ يَدَامٜىٰشِ، شِينٜىٰ ذَاڢِنْ ثِيوُانْ جِكِنْسَ كَطَيْ، دَ بَڧِنْ ثِكِنْدَ يَسَامٜىٰشِ؞»‏