أَيُوبَ 13 - أَتَّوْرَتْ دَ أَنَّبَاوَا

أَيُوبَ يَثِيغَبَ دَ يِنْ مَغَنَ

¹ غَاشِ، دُكَنْ أَبُبُوَنَّنْ عِدُواْنَ يَغَنِ، كُنّٜىٰنَ يَجِ، نَكُمَ غَانٜىٰ سَرَيْ؞

² أَبِنْ دَ كُكَ سَنِ، نِے مَا نَسَنِ، بَكُ ڢِينِ دَ كُواْمٜىٰبَ؞

³ عَمَّا نِے إِنَ سُواْ إِنْيِ مَغَنَ دَ مَيْ إِيكُواْ دُكَ، إِنَ سُواْ إِنْيِ جَيَيَّ دَ اللَّهْ عَڧَارَتَ؞

⁴ كُو كُنَ ڧِرْڧِرُواْ مَغَنَرْ ڧَضْيَا، دُكَنْكُ كَمَرْ لِكِتُواْثِنْ بَنْظَنٜىٰ؞

⁵ دَمَا كُنْيِ شِضُ كَوَيْ، دَ ذَاعَ طَوْكٜىٰكُ مَاسُ حِكِمَ!‏

⁶ سَوْرَرَتَ، ذَنْ ڢَطَا ڧَارَتَ يَنْذُ، كَسَ كُنّٜىٰ غَ ضُواْڧُوانْ بَاكِنَ؞

⁷ ‏«‏ذَاكُ كَارٜىٰ اللَّهْ دَ مَغَنَرْ رَشِنْ غَسْكِيَ؟ ذَاكُ تَيْمَكٜىٰشِ تَوُرِنْ مَغَنَرْ ڧَضْيَا؟

⁸ ذَاكُ نُونَ مَسَ بَمْبَنْثِ؟ ذَاكُ ڟَيَ كُكَٰوُاْ ڧَارَ أَمَدَدِنْ اللَّهْ؟

⁹ عِدَنْ يَا بِنْثِكٜىٰكُ، ذَاكُ ڧَارٜىٰ لَاڢِيَ؟ ذَاكُ رُوطِ اللَّهْ، كَمَرْ يَدَّ مُتُمْ يَكَنْ رُوطِ طَنْعُوَنْسَ؟

¹⁰ أَعَ، لَلَّيْ ذَيْ ڟَاوَتَا مُكُ عِدَنْ كُكَ نُونَ بَمْبَنْثِ عَٻُواْيٜىٰ؞

¹¹ دَرَجَرْسَ ذَاتَ ڟُواْرَتَرْ دَكُو، ڟُواْرُوانْسَ كُمَ ذَيْ كَامَكُ؞

¹² كَلْمُواْمِنْ حِكِمَرْكُ كَرِنْ مَغَنَرْ بَنْظَنٜىٰ، أَمْسُواْشِنْكُ كَمَرْ كَتَنْ‌غَرْ لَاكَنٜىٰ مَرَرْ ڧَرْڢِے؞

¹³ ‏«‏كُيِ شِضُ، كُبَرْ نِے إِنْيِ مَغَنَ، دُكْ أَبِنْدَ ذَيْ ڢَرُ دَنِے يَڢَرُ؞

¹⁴ عِ، ذَنْ سَدَوْكَرْ دَ رَيْنَ، عَبَاكِنْ رَيْنَ ذَنْيِ مَغَنَ؞

¹⁵ غَاشِ، نَڢِدَّ ذُوثِيَا غَبَاطَيَ!‏ كُواْ دَ اللَّهْ ذَيْ كَشٜىٰنِ، سَيْ مٜىٰ؟ عَمَّا دُكْدَهَكَ، ذَنْكَيْ جَيَيَّتَ دَشِ أَغَبَنْسَ؞

¹⁶ يِنْ حَكَ ذَيْ ذَمَ مِنِ ثٜىٰتُواْ كٜىٰنَنْ، تُنْدَ مَرَرْ ڟُواْرُوانْ اللَّهْ بَذَيْ عِيَ ذُوَا غَبَنْسَبَ؞

¹⁷ ‏«‏كُجِ كَلْمُواْمِنَ دَݣَوْ، كُكَسَ كُنّٜىٰ غَ بَيَانِنْ دَ ذَنْيِ؞

¹⁸ غَاشِ، نَشِرْيَ ڧَارَتَ، ذَنْ ڢَطَا، نَسَنِ ذَاعَ نُونَ بَانِ دَ لَيْڢِے؞

¹⁹ وَنٜىٰنٜىٰ ذَيْ كَٰوُاْ ڧَارَ عَكَيْنَ؟ عِدَنْ أَݣَويْ، تُواْ، ذَنْ مُتُ شِضُ؞

أَيُوبَ يَيِ أَدُّعَ

²⁰ أَبُ بِيُ نٜىٰ نَا ضُواْڧَا أَغَرٜىٰكَ، دُواْمِنْ كَدَ إِنْٻُواْيٜىٰ كَيْنَ دَغَ ڢُسْكَرْكَ؞

²¹ بَرِ كَجَنْيٜىٰ حَنُّنْكَ دَغَ غَرٜىٰنِ، كَدَ كَبَرْ ڟُواْرُوانْكَ يَڢِرْغِتَرْ دَنِے؞

²² سَيْ كَكِرَوُاْنِ، نِے كُوَ ذَنَمْسَ، كُواْ كَبَرْنِ إِنْ ڢَارَ يِنْ مَغَنَ، كَيْ كُمَ كَأَمْسَمِنِ؞

²³ لَيْڢُواْڢِنَ دَ ذُنُبَيْنَ غُدَا نَوَنٜىٰ؟ سَنَرْ مِنِ دَ ذُنُبَنْ غَنْ‌غَنْثِنَ، دَ دُكَنْ ذُنُبَيْنَ؞

²⁴ دُوانْمٜىٰ كَكٜىٰ ٻُواْيٜىٰ مِنِ ڢُسْكَرْكَ، مٜىٰيَسَا كَطَوْكٜىٰنِ كَمَرْ أَبُواْكِنْ غَابَنْكَ؟

²⁵ ذَاكَ رَظَنَرْ دَنِے، نِے دَ نَكٜىٰ كَمَرْ غَنْيٜىٰنْ دَ إِسْكَ تَكٜىٰ هُورَاوَ؟ كُواْ ذَاكَ بِينِ، نِے دَ نَكٜىٰ كَمَرْ دُوسَرْ دَ إِسْكَ تَكٜىٰ ݣُوشٜىٰوَا؟

²⁶ كَيْ كَا رُبُوتَ أَبُبُوَ مَاسُ طَاثِ عَكَيْنَ، كَاسَانِ دُواْلٜىٰ إِنْ غِرْبِے حَكِّنْ لَيْڢُواْڢِنْ ڧُرُثِيَتَ؞

²⁷ كَاسَا ڧَڢَاڢُنَ ثِكِنْ سَرْڧُواْڧِ، كَاكَڢَ عِدُواْ غَ دُكَنْ حَنْيَرْ رَايُوَتَا، حَرْ مَا دُكْ عِنْدَ تَڢِنْ ڧَڢَتَ ذَيْ تَاكَ، كَاكَڢَ مَسَ إِيَاكَ؞

²⁸ أَشٜىٰ، نَلَلَثٜىٰ كَمَرْ أَبِنْدَ يَضُٻَ، كَمَرْ رِغَرْ دَ غَضَ تَثِنْيٜىٰ؞»‏