أَيُوبَ 11 - أَتَّوْرَتْ دَ أَنَّبَاوَا

ڢَرْكُوانْ أَمْسَرْ ذُواْڢَرْ

¹ سَيْ ذُواْڢَرْ مُتُمِنْ نَعَمَ يَأَمْسَ يَثٜىٰ،

² ‏«‏ذَيْ يِوُ عَبَرْ يَوَنْ مَغَنَ بَابُ أَمْسَ؟ كُواْ يَوَنْ مَغَنَ يَنُونَ مُتُمْ مَرَرْ لَيْڢِے نٜىٰ؟

³ يَوَنْ مَغَنْ‌غَنُنْكَ نَمَرَسَ مَعَنَ ذَيْسَا عَيِ شِضُنٜىٰ؟ كُواْ سَعَدَّ كَيِ مَغَنْ‌غَنُنْ بَعَ، بَذَاعَ كُنْيَتَرْ دَكَيْبَ؟

⁴ كَيْ كَثٜىٰ، ‏‹‏كُواْيَرْوَاتَا مَرَرْ كُسْكُرٜىٰ ثٜىٰ، نِے كُمَ بَانِ دَ لَيْڢِے أَغَبَنْ اللَّهْ؞›‏

⁵ عَمَّا أَيَّ دَمَا اللَّهْ يَأَمْسَ مَكَ، يَبُوطٜىٰ بَاكِنْسَ عَكَنْكَ،

⁶ دَ يَڢَطَا مَكَ أَسِرَنْ حِكِمَ!‏ غَمَا حِكِمَ تَنَدَ ڢَنُّواْنِ دَيَوَ؞ كَسَنِ ڢَا حُكُنْثِنْ دَ اللَّهْ يَيِ مَكَ، بَيْ كَيْ يَوَنْ لَيْڢِنْدَ كَعَيْكَتَابَ؞

⁷ ‏«‏كَنَ عِيَ بِنْثِكَ حَرْ كَتُواْنَ أَسِرَنْ اللَّهْ؟ كُواْ كَنَ عِيَ نٜىٰمَنْ إِيَاكَرْ مَيْ إِيكُواْ حَرْ كَسَامُ؟

⁸ أَيْ، يَوُثٜىٰ سَرَرِنْ سَمَ نٜىٰسَ، مٜىٰ ذَاكَيِ؟ يَوُثٜىٰ ظُرْڢِنْ وُرِنْ ذَمَنْ مَتَتُّو، مٜىٰ كَيْ كَسَنِ؟

⁹ أَيْ، يَوُثٜىٰ ڢُسْكَرْ دُونِيَا ڟَوُاْ، يَكُمَ وُثٜىٰ تٜىٰكُ ڢَاطِ؞

¹⁰ إِنْ اللَّهْ يَذُواْ يَكَامَ مُتُمْ يَكُلّٜىٰ، كُواْ كُوَ يَتَتَّارَ جَمَعَ دُواْمِنْ شَرِيعَ، وَ ذَيْ هَنَشِ؟

¹¹ حَڧِيڧَ، اللَّهْ يَسَنْ مُتَنٜىٰنْ بَنْظَ؞ أَغَنِنْكَ، إِنْ يَغَ لَيْڢِے بَذَيْ لُورَبَ؟

¹² أَيْ، مُتُمْ مَرَرْ تُنَانِ بَذَيْ تَٻَ سَامُنْ غَانٜىٰوَبَ، كَمَرْ يَدَّ جَكَرْ دَاجِ بَذَاتَ حَيْڢِ مُتُمْبَ، كُواْ كَطَنْ؞

¹³ ‏«‏كَيْ أَيُوبَ، شِرْيَ ذُوثِيَارْكَ دَيْدَيْ، كَكُمَ مِيڧَ حَنُّوَنْكَ غَ اللَّهْ؞

¹⁴ عِدَنْ كَسَا حَنُّوَنْكَ ثِكِنْ ذُنُوبِ، تُواْ، كَوَرْ دَشِ دَغَ غَرٜىٰكَ، كَدَ كَبَرْ رَشِنْ غَسْكِيَ يَكَسَنْثٜىٰ أَغِدَنْكَ؞

¹⁵ سَعَنً نٜىٰ ذَاكَ ذَمَ مَرَرْ لَيْڢِے، كَتَادَ ڢُسْكَرْكَ بَابُ كُنْيَا، كَيِ ڧَرْڢِے، كَيِ ذَمَنْكَ بَابُ ڟُواْرُواْ؞

¹⁶ ذَاكَ مَنْتَادَ بَڧِنْ ثِكِنْكَ، ذَيْ وُثٜىٰ كَمَرْ ضُوً كُواْغِنْدَ يَوُثٜىٰ؞

¹⁷ رَنْكَ ذَيْ حَصْكَكَ ڢِيٜىٰدَ حَصْكٜىٰنْ رَانَ أَڟَكَرْ رَانَ، ݣُونَكِنْ رَنْكَ مَڢِے دُهُ كُمَ ذَاسُ ذَمَ كَمَرْ حَصْكٜىٰنْ وَايٜىٰوَرْ غَرِ؞

¹⁸ ذَاكَيِ ذَمَنْكَ أَ سَكٜىٰ دُواْمِنْ أَݣَويْ سَا ذُوثِيَا، ذَاكَسَامِ ڟَرٜىٰوَ، كَكُمَ ݣُونْتَ لَاڢِيَ؞

¹⁹ ذَاكَ ݣُونْتَ، بَا مَيْ ڟُواْرَتَرْ دَكَيْ، عِ، حَرْ مَا مُتَنٜىٰ دَيَوَ ذَاسُ نٜىٰمِ ڢَضٍ جِنِ دَغَ غَرٜىٰكَ؞

²⁰ عَمَّا إِدَانُنْ مُوغَيٜىٰ سُنْ كَاسَ غَنِنْ غَسْكِيَ، بَذَاسُغَا حَنْيَرْ ڟِيرَبَ؞ سَا ذُوثِيَارْسُ عِتَثٜىٰ سُجَا نُمْڢَشِنْ ڧَرْشٜىٰ؞»‏