أَيُوبَ 10 - أَتَّوْرَتْ دَ أَنَّبَاوَا

أَيُوبَ يَثِيغَبَ دَ يِنْمَغَنَ

¹ إِنَ ڨَمَرْ رَايُوَتَا، ذَنْ ڢِتَرْدَ ڧَارَتَ أَ ڢِيلِ، إِنْيِ مَغَنَ ثِكِنْ ٻَثِنْ ذُوثِيَا؞

² ذَنْ ثٜىٰوَ اللَّهْ، كَدَ كَثٜىٰ نِے مَيْ لَيْڢِے نٜىٰ حَكَ كَوَيْ، عَمَّا كَنُونَ مِنِ دَلِيلِ، دَلِيلِنْ دَ كَكٜىٰ جَيَيَّ دَنِے؞

³ وَثٜىٰ رِيبَ ثٜىٰ كَسَامُ تَوُرِنْيِ وَ عَيْكِنْ حَنُّوَنْكَ دَنِّيَ، كَنَ غُواْيُوانْ بَايَنْ دَبَرُنْ مُوغَيٜىٰ؟

⁴ عِدَنُونْكَ إِرِنَّمُتُمْنٜىٰ؟ كَلُّوانْكَ إِرِنَّیَنْ أَدَمْ نٜىٰ؟

⁵ ݣُونَكِنْكَ كَمَرْ نَیَنْ أَدَمْ نٜىٰ؟ كُواْ شٜىٰكَرُنْكَ كَمَرْ شٜىٰكَرُنْ مُتُمْ نٜىٰ؟

⁶ حَرْ دَ كَكٜىٰ تُواْنَ لَيْڢِينَ دَلَّ دَلَّ، كَكٜىٰيِنْ بِنْثِكٜىٰ دُواْمِنْ كَسَنْ ذُنُوبِنَ،

⁷ كُواْدَيَكٜىٰ كَسَنِ بَانِ دَ لَيْڢِے، كُمَبَا مَيْ كُٻُتَرْ دَنِے دَغَ حَنُّنْكَ؞

⁸ حَنُّوَنْكَ سُكَ صِڢَّتَانِ سُكَيِنِ كُمَ، يَنْذُ كُمَ كَجُويَا دُواْمِنْ كَهَلَكَانِ؞

⁹ تُنَ ڢَا، كَيْ كَا صِڢَّتَانِ كَمَرْ دَ لَاكَ، ذَاكَ كُواْمَرْ دَنِے كُمَ ثِكِنْ ڧُورَا؟

¹⁰ كَمَرْ يَدَّ عَكٜىٰيِنْ أَوَرَ دَغَ نُواْنُواْ، حَكَ كَصِڢَّتَا جِكِينَ دَغَ طِغُواْ؞

¹¹ كَيْ كَا هَرْهَطَ ڧَسُسُوَنَ دَ جِجِيُواْيِنَ، كَا رُڢٜىٰ ڧَسُسُوَنَ دَ نَامَ، كَا رُڢٜىٰ نَامَنَ دَ ڢَتَ؞

¹² كَيْ كَا بَانِ رَيْ دَ ڧَوْنَ مَرَرْ ثَنْجَاوَا، كُلَوَرْكَ تَكِيَايٜىٰ رَيْنَ؞

¹³ عَمَّا كَٻُواْيٜىٰ أَبُبُوَ أَ ذُوثِيَارْكَ، نَكُمَ سَنِ كَنَدَ وَنِ نُڢِ دَبَمْ؞

¹⁴ نُڢِنْكَ شِينٜىٰ كَسَا عِدُواْ عِدَنْ نَيِ ذُنُوبِ، غَمَا نَا سَنِ بَذَاكَ تَٻَ نُونَ نِے مَرَرْ لَيْڢِے بَ؞

¹⁵ عِدَنْ نِے مَيْ عَيْكَتَ مُغُنْتَا نٜىٰ، كَيْتُواْنَ!‏ عِدَنْ كُمَ نِے مَيْ أَدَلْثِے نٜىٰ، بَانِ دَ دَرَجَ، نَاكُوَ شَا كُنْيَا، نَكُمَ بُغُ دَ مَسِيڢَ؞

¹⁶ عِدَنْ نَتَادَكَيْ، ذَاكَ ڢَرَوْثٜىٰنِ كَمَرْ ذَاكِ، دُوانْ كَڧَارَ نُونَ عَيْكِنْ مَامَاكِ نَغَابَادَنِے؞

¹⁷ كَكَنْ ڧَارَ سَابَبِّنْ شَيْدُ غَابَادَنِے، ڢُشِنْكَ نَغَابَادَنِے سَيْ ڧَارُوَ يَكٜىٰ تَيِ، كَكَٰوُاْ ڧُنْ‌غِيُواْيِنْ يَاڧِ غَابَادَنِے عَكَيْ عَكَيْ؞

¹⁸ ‏«‏دُوانْمٜىٰ كَڢِتَرْ دَنِے دَغَ ثِكِنْ ثِكِنْ مَامَاتَ؟ دَنَ مُتُ تُنْ مَا كَاڢِنْ وَنِ يَغَنِّ؞

¹⁹ دَاعَثٜىٰ دَغَ ثِكِنْ ثِكِنْ مَامَاتَ أَنْوُثٜىٰ دَنِے ذُوَا كَبَرِ مَنَ!‏ دَنَ كَسَنْثٜىٰ وَنْدَ بَعَتَٻَ يِنْسَبَ!‏

²⁰ بَ ݣُونَكِنَ كَطَنْ سُكٜىٰبَ؟ تُواْ، كَبَرْنِ، إِنْمُواْضِ طَنْ لُواْكَثِنْدَ يَضَغٜىٰ،

²¹ كَاڢِنْ إِنْتَڢِے عِنْدَ بَابُ كُواْمُواْوَ، ذُوَا ڧَسَرْ دُهُ، وُرِے مَيْ دُهُ بَڧِ ڧِرِنْ،

²² ڧَسَا مَيْ ڟَنَنِنْ دُهُ، ڧَسَرْ إِنُوَ دَ ضِكِثِيوَ عِنْدَ حَصْكٜىٰ كَنْسَ مَا دُهُنٜىٰ؞»‏