يَحْيَى 8 - أَتَّوْرَتْ دَ أَنَّبَاوَا1 عَمَّا عِيسَىٰ يَتَڢِے تُدُنْ عِتَتُوَنْ ظَيْتُنْ؞ 2 دَ سَسَّڢٜىٰ كُمَ عِيسَىٰ يَسَاكٜىٰ شِغَ هَيْكَلِ؞ دُكَنْ مُتَنٜىٰ سُكَذُواْ وُرِنْسَ، يَكُوَ ذَوْنَ يَنَ كُواْيَ مُسُ؞ 3 سَيْ مَلَمً كُواْيَرْوَرْ مُوسَٰى دَ ڢَرِسِيَاوَا سُكَ كَٰوُاْ وَتَ مَثٜىٰنْ دَ عَكَ كَمَاتَ تَنَ يِنْ ظِنَ؞ سُكَسَا تَڟَيَ أَڟَكِيَرْسُ؞ 4 سَيْ سُكَثٜىٰ وَ عِيسَىٰ «مَلَمْ، مَثٜىٰنَّنْ أَنْكَمَتَ نٜىٰ، تَنَ ثِكِنْ ظِنَ؞ 5 تُواْ، كُواْيَرْوَرْ مُوسَٰى تَعُمَرْثٜىٰمُ مُجٜىٰجّٜىٰڢٜىٰ إِرِنْ وَطَنَّنْ دَ دُوَڟُو حَرْ سُمُتُ؞ كَيْ كُوَ مٜىٰكَثٜىٰ؟» 6 سُنْيِ وَنَّنْ تَمْبَيَ نٜىٰ دُواْمِنْ سُڠُودَ شِ، دُواْمِنْ دَيْ سُسَامِ وَنِ لَيْڢِنْدَ ذَاسُيِ ڧَارَرْسَ عَكَيْ؞ عَمَّا عِيسَىٰ يَسُنْكُيَ، يَيِ رُبُوتُو عَڧَسَا دَ يَڟَرْسَ؞ 7 دَسُكَ دِنْغَيِ وَ عِيسَىٰ تَمْبَيُواْيِ، سَيْ يَتَاشِ ڟَيٜىٰ يَثٜىٰمُسُ «تُواْ، دُكْ وَنْدَ بَيْتَٻَيِنْ ذُنُوبِ عَثِكِنْكُ بَ يَڢَارَ جِڢَرْتَ دَ دُوڟٜىٰ؞» 8 سَيْ عِيسَىٰ يَسَاكٜىٰ سُنْكُيَاوَ، يَيِ رُبُوتُو عَڧَسَا؞ 9 دَ سُكَجِ حَكَ كُوَ، سُكَ ڢَارَ تَاشِ دَغَ وُرِنْ طَيَ طَيَ، تُنْدَغَ بَبَّنْسُ ذُوَا ڧَرَمِنْسُ، عَكَ بَرْ عِيسَىٰ شِ كَطَيْ دَ مَثٜىٰنْ أَڟَيٜىٰ أَغَبَنْسَ؞ 10 سَيْ عِيسَىٰ يَمِيڧٜىٰ ڟَيٜىٰ، يَتَمْبَيٜىٰتَ يَثٜىٰ «عُوَرْغِدَا إِنَا سُكٜىٰ؟ بَاوَنْدَ يَحُكُنْتَكِ؟» 11 سَيْ تَأَمْسَ تَثٜىٰ «مَيْغِرْمَ، بَابُ كُواْوَ؞» سَيْ عِيسَىٰ يَثٜىٰ «نِے مَا بَنْ حُكُنْتَكِبَ؞ كِتَڢِے، عَمَّا كَدَ كِڧَارَ يِنْ ذُنُوبِ؞»] عِيسَىٰ نٜىٰ حَصْكٜىٰنْ دُونِيَا 12 سَيْ عِيسَىٰ يَڧَارَيِ وَمُتَنٜىٰ مَغَنَ يَثٜىٰ «نِنٜىٰ حَصْكٜىٰنْ دُونِيَا؞ دُكْ وَنْدَ يَكٜىٰبِنَ بَذَيْ يِتَڢِيَ أَدُهُبَ، عَمَّا ذَيْسَامِ حَصْكٜىٰ نَ رَيْ؞» 13 سَيْ ڢَرِسِيَاوَا سُكَثٜىٰ وَ عِيسَىٰ «كَنَيِ وَكَنْكَ شَيْدَ، شَيْدَرْكَ كُوَ بَ تَبَّتَاثِّيَ بَثٜىٰ؞» 14 عِيسَىٰ يَأَمْسَ مُسُ يَثٜىٰ «كُواْ دَمَا نَيِ شَيْدَ عَكَيْنَ، أَيْ، شَيْدَتَ غَسْكِيَثٜىٰ، غَمَا نَا سَنْ عِنْدَ نَڢِتُواْ دَ كُمَ عِنْدَ ذَانِ؞ عَمَّا كُو بَكُسَنْ عِنْدَ نَڢِتُواْبَ، كُواْ كُمَ عِنْدَ ذَانِ؞ 15 كُو كُنَيِنْ شَرِيعَ نٜىٰ بِسَغَ غَنِنْ مُتُمْ؞ نِے كُوَ بَانَيِ وَكُواْوَ شَرِيعَ؞ 16 عَمَّا كُواْ دَمَا ذَنْيِ شَرِيعَ، شَرِيعَتَ تَغَسْكِيَ ثٜىٰ، غَمَا بَنِينٜىٰ كَطَيْبَ، عَمَّا عُبَانَ وَنْدَ يَعَيْكُواْنِ يَنَيِ تَرٜىٰدَنِ؞ 17 عَثِكِنْ كُواْيَرْوَرْكُ أَنْرُبُوتَ ثٜىٰوَ عِدَنْ شَيْدُ بِيُ سُنْ ڢَطَا أَبُ إِرِ طَيَ، تُواْ، دُواْلٜىٰنٜىٰ عَكَرْٻِ شَيْدَرْسُ؞ 18 تُواْ، نِے إِنَبَادَ شَيْدَ وَ كَيْنَ، عُبَا كُمَ وَنْدَ يَعَيْكُواْنِ شِينٜىٰ نَبِيُنْ؞» 19 سَيْ سُكَ تَمْبَيٜىٰشِ سُكَثٜىٰ «إِنَا عُبَنَّنْ نَاكَ يَكٜىٰ؟» عِيسَىٰ يَأَمْسَ مُسُ يَثٜىٰ «بَكُ سَنِّ بَ، بَكُ كُمَ سَنْ عُبَانَ بَ؞ دَ كُنْ سَنْ نِے دَ كُنْ سَنْ عُبَانَ مَا؞» 20 عِيسَىٰ يَڢَطِ وَنَّنْ مَغَنَ نٜىٰ أَ لُواْكَثِنْ دَيَكٜىٰ كُواْيَرْوَا كُسَدَ عِنْدَ عَكٜىٰ أَجِيٜىٰ كُطِنْ بَيْكُواْ أَ هَيْكَلِ؞ عَمَّا دُكْدَهَكَ بَاوَنْدَ يَكَامَ شِ، دُوانْ لُواْكَثِنْسَ بَيْيِبَ تُكُنَ؞ عِنْدَ ذَا نِے بَذَاكُ عِيَ ذُوَابَ 21 سَيْ عِيسَىٰ يَڧَارَ غَيَ وَمُتَنٜىٰنْ ثٜىٰوَ «ذَنْ تَڢِے، ذَاكُ كُوَ نٜىٰمٜىٰنِ، ذَاكُ كُمَ مُتُ ثِكِنْ ذُنُوبِنْكُ؞ عِنْدَ ذَانِے كُوَ، بَذَاكُ عِيَ ذُوَابَ؞» 22 وَنَّنْ يَسَا شُوغَبَنِّنْ يَهُودَاوَا سُكَثٜىٰ «وَتُواْ، ذَيْ كَشٜىٰ كَنْسَ نٜىٰ دَيَثٜىٰ، ‹عِنْدَ ذَا نِے كُوَ، بَذَاكُ عِيَ ذُوَابَ›؟» 23 عَمَّا عِيسَىٰ يَثِيغَبَدَ ثٜىٰوَ «كُو دَغَ نَنْ ڧَسَا كُكٜىٰ، نِے كُوَ نَڢِتُواْ دَغَ سَمَنٜىٰ؞ كُو نَدُونِيَرْ نَنْ نٜىٰ، نِے كُوَ بَنَدُونِيَرْ نَنْ بَنٜىٰ؞ 24 شِيَسَا نَثٜىٰمُكُ ذَاكُمُتُ ثِكِنْ ذُنُبَنْكُ؞ دُواْمِنْ إِنْ بَكُ بَادَ غَسْكِيَ ثٜىٰوَ نِنٜىٰ شِے وَنْدَ نَغَيَ مُكُ نَكٜىٰبَ، ذَاكُمُتُ ثِكِنْ ذُنُبَنْكُ؞» 25 سَيْ سُكَ تَمْبَيِ عِيسَىٰ سُكَثٜىٰ «كَيْ وَنٜىٰنٜىٰ؟» عِيسَىٰ يَأَمْسَ مُسُ يَثٜىٰ «نِنٜىٰ وَنَّنْ دَ نَڢَطَا مُكُ تُنْدَغَ ڢَرْكُواْ؞ 26 أَݣَويْ أَبُبُوَ دَيَوَ دَ ذَنْعِيَ ڢَطَا غَمٜىٰدَكُو، إِنْكُمَ حُكُنْتَ؞ عَمَّا إِنَ غَيَ وَمُتَنٜىٰ أَبُبُوَنْدَ نَجِ دَغَ وُرِنْ وَنْدَ يَعَيْكُواْ نِنٜىٰ كَطَيْ، كُمَ يَنَ ڢَطِنْ غَسْكِيَانٜىٰ؞» 27 مُتَنٜىٰنْ بَسُ غَانٜىٰ ثٜىٰوَ يَنَ مَغَنَ دَ سُونٜىٰ غَمٜىٰدَ عُبَنْ بَ؞ 28 شِيَسَا عِيسَىٰ يَثٜىٰ مُسُ «أَ لُواْكَثِنْ دَ ذَاكُ طَغَ طَنْ مُتُمْ، أَ لُواْكَثِنَّنْ نٜىٰ ذَاكُ غَانٜىٰ نِينٜىٰشِ؞ ذَاكُ غَانٜىٰ ثٜىٰوَ بَانَ يِنْ كُواْمٜىٰ دَ إِيكُوانْ كَيْنَ، عَمَّا إِنَ ڢَطِنْ أَبِنْدَ عُبَا يَكُواْيَ مِنِ نٜىٰ كَوَيْ؞ 29 وَنْدَ يَعَيْكُواْ نِے كُوَ يَنَ تَرٜىٰدَنِ، بَيْبَرْنِ نِے كَطَيْبَ، غَمَا كُلُّمْ إِنَيِنْ أَبِنْدَ يَكٜىٰسُواْ؞» 30 أَ لُواْكَثِنْ دَ عِيسَىٰ يَكٜىٰ ڢَطِنْ وَطَنَّنْ أَبُبُوَ مُتَنٜىٰ دَيَوَ سُكَ غَسْكَتَادَشِ؞ یَنْثِ نَغَسْكٜىٰ 31 سَيْ عِيسَىٰ يَثٜىٰ وَ يَهُودَاوَنَّنْ دَ سُكَ غَسْكَتَادَشِ «إِنْ دَيْ كُنْ ثِيغَبَدَ رِڧٜىٰ كُواْيَرْوَاتَا، كُو أَلْمَجِرَيْنَ نٜىٰ نَغَسْكٜىٰ؞ 32 سَعَنً ذَاكُسَنْ غَسْكِيَ، غَسْكِيَرْ كُوَ ذَاتَ بَاكُ یَنْثِ؞» 33 سُكَ أَمْسَ مَسَ سُكَثٜىٰ «أَيْ، مُو ذُرِيَرْ إِبْرَٰهِيمْ نٜىٰ، بَمُتَٻَ ذَمَ بَاوَنْ كُواْوَبَ؞ تُواْ، مٜىٰيَسَا كَثٜىٰ ذَامُ سَامِ یَنْثِ؟» 34 سَيْ عِيسَىٰ يَأَمْسَ مُسُ يَثٜىٰ «غَسْكِيَ، إِنَغَيَ مُكُ، دُكْ مَيْيِنْ ذُنُوبِ بَاوَنْ ذُنُوبِ نٜىٰ؞ 35 أَيْ، بَاوَ بَايَ ذَمَ أَغِدَا حَرْ أَبَدَا، عَمَّا طَا نَغِدَا نٜىٰ حَرْ أَبَدَا؞ 36 سَبُواْدَ حَكَ عِدَنْ طَنْ يَیَنْتَرْ دَكُو ذَاكُ سَامِ یَنْثِ نَغَسْكٜىٰ؞ 37 نَسَنْ دَيْ كُو ذُرِيَرْ إِبْرَٰهِيمْ نٜىٰ، عَمَّا كُنَ سُواْ كُكَشٜىٰنِ، دُواْمِنْ بَكُكَرْٻِ كُواْيَرْوَاتَابَ؞ 38 إِنَ ڢَطَا مُكُ أَبِنْدَ نَغَنِ أَوُرِنْ عُبَانَ، عَمَّا كُو كُنَيِنْ أَبِنْدَ كُكَجِ دَغَ عُبَنْكُ؞» شَيْطَنْ نٜىٰ عُبَنْكُ 39 سُكَ أَمْسَ مَسَ سُكَثٜىٰ «تُواْ، أَيْ، إِبْرَٰهِيمْ نٜىٰ عُبَنْمُ؞» سَيْ عِيسَىٰ يَأَمْسَ مُسُ يَثٜىٰ «إِنْ دَ كُو یَیَنْ إِبْرَٰهِيمْ نٜىٰ دَ كُنْيِ أَبُبُوَنْ دَشِے إِبْرَٰهِيمْ يَيِ؞ 40 نِے مُتُمْ نٜىٰ مَيْ ڢَطِنْ غَسْكِيَ وَدَّ نَجِ دَغَ وُرِنْ اللَّهْ، عَمَّا كُنَ ڧُواْڧَرِ كُكَشٜىٰنِ؞ تُواْ، أَيْ، إِبْرَٰهِيمْ بَيْيِ إِرِنْ وَنَّنْ أَبُبَ؞ 41 سَبُواْدَ حَكَ كُنَيِنْ أَبِنْدَ عُبَنْكُ يَكٜىٰيِنٜىٰ؞» عَمَّا يَهُودَاوَنْ سُكَثٜىٰ «مُو بَ شٜىٰغُ بَنٜىٰ؞ اللَّهْ نٜىٰ عُبَنْمُ، كُمَ شِينٜىٰ كَطَيْ عُبَنْ دَمُكٜىٰ دَشِ؞» 42 عِيسَىٰ يَثٜىٰ مُسُ «دَا عَثٜىٰ اللَّهْ نٜىٰ عُبَنْكُ دَا كُنْ ڧَوْنَثٜىٰنِ، دُواْمِنْ دَغَ وُرِنْ اللَّهْ نَڢِتُواْ، يَنْذُ غَا نِے أَنَنْ؞ بَنْذُواْ دَ إِيكُوانْ كَيْنَبَ، اللَّهْ نٜىٰ يَعَيْكُواْنِ؞ 43 مٜىٰيَسَا بَكُ غَانٜىٰ مَغَنَاتَبَ؟ سَبُواْدَ بَكُ عِيَ سَوْرَرِ كُواْيَرْوَاتَابَ؞ 44 كُو نَ عُبَنْكُ شَيْطَنْ نٜىٰ، كُمَ كُنَ سُواْ كُيِ أَبِنْدَ يَكٜىٰسُواْ؞ شِے مَيْ كِسَنٜىٰ تُنْ ڢَرْكُواْ كُمَبَا ضُوَنْسَ دَ غَسْكِيَ، دُواْمِنْ بَابُ غَسْكِيَ عَثِكِنْسَ؞ دُكْ لُواْكَثِنْ دَيَكٜىٰ ڧَضْيَا يَنَ نُونَ حَلِنْسَ نٜىٰ، غَمَا شِے مَيْ ڧَضْيَا نٜىٰ، عُبَنْ ڧَضْيَا كُمَ؞ 45 عَمَّا سَبُواْدَ إِنَ ڢَطِنْ غَسْكِيَ، بَكُ غَسْكَتَادَنِے بَ؞ 46 وَنٜىٰنٜىٰ عَثِكِنْكُ يَنَدَ شَيْدَ وَدَّ تَنُونَ نَا تَٻَيِنْ ذُنُوبِ؟ إِنْ كُوَ غَسْكِيَ نَكٜىٰ ڢَطَا، تُواْ، مٜىٰيَسَا بَكُ غَسْكَتَبَ؟ 47 وَنْدَ يَكٜىٰ نَ اللَّهْ يَكَنْ سَوْرَرِ أَبِنْدَ اللَّهْ يَكٜىٰ ڢَطَا؞ عَمَّا كُو بَكُ سَوْرَرِ أَبِنْدَ اللَّهْ يَڢَطَابَ دُوانْ كُو بَنَ اللَّهْ بَنٜىٰ؞» عِيسَىٰ يَڢِ إِبْرَٰهِيمْ 48 يَهُودَاوَا سُكَ أَمْسَ مَسَ سُكَثٜىٰ «أَشٜىٰ، بَغَسْكِيَرْمُبَ كُوَ دَ مُكَثٜىٰ كَيْ مُتُمِنْ سَمَرِيَ نٜىٰ وَنْدَ يَكٜىٰدَ أَلْجَنِ؟» 49 عِيسَىٰ يَأَمْسَ يَثٜىٰ «نِے بَمَيْ أَلْجَنِ بَنٜىٰ؞ إِنَ غِرْمَمَ عُبَانَ نٜىٰ، عَمَّا كُو كُوَ كُنَ ڧَسْڧَنْتَرْدَ غِرْمَنَ؞ 50 بَنِے نَكٜىٰ نٜىٰمَوَ كَيْنَ طَوْكَكَبَ؞ أَݣَويْ وَنِ وَنْدَ يَكٜىٰ نٜىٰمَ مِنِ، شِينٜىٰ كُمَ مَيْيِنْ حُكُنْثِ؞ 51 حَڧِيڧَ، إِنَغَيَ مُكُ، دُكْ وَنْدَ يَكٜىٰ بِيَيَّ دَ كُواْيَرْوَاتَا بَذَيْ تَٻَ مُتُوَبَ سَمْ؞» 52 سَيْ يَهُودَاوَنْ سُكَثٜىٰ مَسَ «تُواْ، يَنْذُ كَمْ، مُنْ تَبَّتَا كَنَدَ أَلْجَنِ؞ أَيْ، إِبْرَٰهِيمْ دَ أَنَّبَاوَا سُنْ مُتُ، عَمَّا كَيْ كَثٜىٰ، ‹دُكْ وَنْدَ يَكٜىٰ بِيَيَّ دَ كُواْيَرْوَاتَا بَذَيْ تَٻَ مُتُوَبَ سَمْ؞› 53 كَنَ ڟَمَّنِ كَاڢِنْ بَابَنْمُ إِبْرَٰهِيمْ نٜىٰ؟ شِے كُوَ يَمُتُ، حَكَنَنْ مَا أَنَّبَاوَا سُنْمُتُ؞ كَنَ ڟَمَّنِ كَيْ وَنٜىٰنٜىٰ؟» 54 عِيسَىٰ يَأَمْسَ مُسُ يَثٜىٰ «عِدَنْ نَاطَوْكَكَ كَيْنَ، وَنَّنْ طَوْكَكَ بَعَبَاكِنْ كُواْمٜىٰ تَكٜىٰبَ؞ وَنْدَ يَكٜىٰ طَوْكَكَنِ شِينٜىٰ عُبَانَ، وَنْدَ كُكٜىٰثٜىٰوَ وَيْ شِينٜىٰ اللَّهْ نْكُ؞ 55 كُو بَكُسَنْ شِيبَ، عَمَّا نِے نَاسَنْشِ؞ دَاعَثٜىٰ نَثٜىٰ مُكُ بَنْسَنْشِيبَ دَ نَذَمَ مَيْ ڧَضْيَا كَمَرْكُ؞ عَمَّا نَا سَنْشِ، إِنَ كُمَ بِيَيَّ دَ أَبِنْدَ يَكٜىٰ ڢَطَا؞ 56 غَاشِ عُبَنْكُ إِبْرَٰهِيمْ يَيِ ڢَضٍ ثِكِ سُواْسَيْ دُوانْ دَيْ يَسَامِ غَنِنْ زَامَانِنَ، يَكُوَ غَنْشِ، يَكُمَ يِمُرْنَ؞» 57 سَيْ يَهُودَاوَا سُكَثٜىٰوَ عِيسَىٰ «غَاشِ، حَرْ يَنْذُ بَكَ مَا كَيْ شٜىٰكَرَا حَمْسِنْ بَتُكُنَ، كُمَ كَنَ ثٜىٰوَ كَغَ إِبْرَٰهِيمْ؟» 58 عِيسَىٰ يَثٜىٰ مُسُ «غَسْكِيَ، إِنَ غَيَ مُكُ، تُنْ بَعَحَيْڢِ إِبْرَٰهِيمْ بَ، إِنَانَنْ؞» 59 دَ عِيسَىٰ يَڢَطِ وَنَّنْ مَغَنَ سَيْ سُكَ طٜىٰبُواْ دُوَڟُو دُواْمِنْ سُجٜىٰجّٜىٰڢٜىٰشِ؞ عَمَّا عِيسَىٰ يَٻُواْيٜىٰ كَنْسَ، يَڢِتَ يَبَرْ هَيْكَلِنْ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria